Levítico 5
5
Jucha pampachasqa kananpaj waj jaywanakuna
1Tata Dios Moisesta nillarqataj: Sichus mayqenpis testigo jina imatachus rikusqanta, chayrí uyarisqanta sut'inchananpaj wajyasqa kanman, manataj sut'inchayta munanmanchu chayqa, juchallin. Payqa juchachasqa kanqa. 2Sichus pillapis mana reparakuspa, ch'ichipaj qhawasqa wañusqa animalta llankhanman, wasi uywata, chayrí pampata qhatatakuspa purej animalta chayqa, chay runa mana llimphupaj qhawasqa kanqa, juchayojtaj.
3Sichus pillapis mana reparakuspalla, runaj ukhunmanta llojsej ch'ichinta llankhanman chayqa, mana llimphupaj qhawasqa kanqa. Chantá qhepanejman reparakunman chaypis, juchayojmin kanqa.
4Sichus mayqellanpis mana allinta qhawarikuspalla, allin kajta, chayrí mana allin kajta ruwananta tilunman chayqa, chaymantataj pantaykusqanta reparakunman chaypis, chay runaqa juchayojmin kanqa.
5Sichus pillapis chaykunata ruwaspa juchallinman chayqa, juchallisqanta rimarinan tiyan. 6Chantá juchan pampachasqa kananpaj, uywanmanta uj china ovejata, chayrí uj cabrata apamunan tiyan, Tata Diosman jaywananpaj. Sacerdotetaj chay uywata ñak'aspa, Tata Diosman jaywajtin, chay runaj juchan pampachasqa kananta tarenqa.
7Sichus juchallej runajta ovejata rantinanpaj mana tiyapunmanchu chayqa, juchan pampachasqa kananpaj, iskay jurk'uta, chayrí iskay urpi irpata apamunan tiyan, Tata Diosman jaywananpaj. Ujnenqa juchan pampachasqa kananpaj jaywanapaj kanqa, ujnintaj q'olachispa Diosman jaywanapaj kanqa. 8Juchallej runaqa chaykunata sacerdoteman apanqa. Sacerdotetaj chay runaj juchan pampachasqa kananpaj ujnin urpi irpata ñawpajta Diosman jaywanqa, kunkanta q'ewispa, manataj umanta p'itispachu. 9Chantá uj chhika yawarta altarpa uj lado uyanman ch'ajchonqa. Puchoj yawartataj altarpa uranman sut'uchenqa. Chayqa jucha pampachasqa kananpaj Diosman jaywanamin. 10Ujnin urpitataj kamachisqa kasqanman jina, q'olachispa Diosman jaywanqa. Ajinata sacerdoteqa chay runaj juchan pampachasqa kananpaj jaywanqa. Chay runaj juchallisqantaj pampachasqa kanqa.
11Sichus juchallejpata iskay jurk'utata, chayrí iskay urpi irpata rantikunanpaj mana tiyapunmanchu chayqa, juchallisqan pampachasqa kananpaj sumaj jak'umanta iskay kilota Diosman jaywananpaj apamunan tiyan. Sumaj jak'umanqa aceiteta, nitaj inciensotapis mana churananchu tiyan, imaraykuchus chayqa jucha pampachasqa kananpaj Diosman jaywanapaj kanqa. 12Chayta sacerdoteman apanqa, paytaj uj pojtu jak'uta oqharispa, yuyarikuna jaywanata jina altarpi q'olachenqa, Tata Diosman jaywanatawan khuskata. Chayqa jucha pampachasqa kananpaj Diosman jaywanamin. 13Ajinata sacerdote ruwanqa, imallapipis chay runaj juchallisqan pampachasqa kananpaj. Juchallejtaj qhespichisqa kanqa. Diosman jaywanamanta puchojtaj sacerdotepaj kanqa, imaynatachus ch'aki mikhuy jaywanamanta sacerdotekuna jap'inku, ajina, nispa.
14Tata Diosqa Moisesta nillarqataj: 15Sichus pillapis mana reparakuspalla juchallinman, noqapaj t'aqasqa kajmanta jap'ikapuspa chayqa, juchallisqanmanta Tata Diosman jaywananpaj, ovejanmanta, mana iman imanasqa corderota apamunan tiyan. Chay cordero mashkhachus valesqantaqa, Dioswan Tinkukuna Toldopi precio churasqa kasqanman jina churankichej. Chayqa jucha pampachasqa kananpaj jaywanamin. 16Juchallejqa Tata Diospaj t'aqasqa kajta jap'ikapusqanmanta mashkhachus valesqanta kutichipunan tiyan. Chantá mashkhachus valesqanman sapa phishqamanta ujta yapaspa, sacerdoteman jaywanqa. Sacerdotetaj runaj juchan pampachasqa kananpaj, uywata ñak'aspa, Diosman jaywanqa. Ajinata ruwaspa, sacerdoteqa juchallejpata juchan pampachasqa kananta tarenqa. Chay runaj juchallisqantaj pampachasqa kanqa.
17Sichus pillapis mana reparakuspalla, Tata Diospa kamachisqanmanta mayqellantapis p'akinman chayqa, chay runa juchayoj kanqa. Juchallisqantaj patanpi kanqa. 18Chayrayku juchallej runaqa ovejanmanta mana iman imanasqa uj corderota sacerdoteman apamunan tiyan, chayrí cordero mashkhachus valesqanta qolqepi churanki. Sacerdotetaj runaj juchallisqan pampachasqa kananpaj Diosman jaywanqa. Ajinata ruwaspa chay runa mana reparakuspalla juchallisqan pampachasqa kananta tarenqa. Juchallisqantaj pampachasqa kanqa. 19Chayqa juchamanta jaywanamin, imajtinchus juchallejqa cheqatapuni Diospa contranpi juchallerqa, nispa.
Currently Selected:
Levítico 5: DQPC
Highlight
Copy
Compare
Share
Want to have your highlights saved across all your devices? Sign up or sign in
Revisión Biblia Quechua Boliviano © Sociedad Bíblica Boliviana, 2017.
Levítico 5
5
Jucha pampachasqa kananpaj waj jaywanakuna
1Tata Dios Moisesta nillarqataj: Sichus mayqenpis testigo jina imatachus rikusqanta, chayrí uyarisqanta sut'inchananpaj wajyasqa kanman, manataj sut'inchayta munanmanchu chayqa, juchallin. Payqa juchachasqa kanqa. 2Sichus pillapis mana reparakuspa, ch'ichipaj qhawasqa wañusqa animalta llankhanman, wasi uywata, chayrí pampata qhatatakuspa purej animalta chayqa, chay runa mana llimphupaj qhawasqa kanqa, juchayojtaj.
3Sichus pillapis mana reparakuspalla, runaj ukhunmanta llojsej ch'ichinta llankhanman chayqa, mana llimphupaj qhawasqa kanqa. Chantá qhepanejman reparakunman chaypis, juchayojmin kanqa.
4Sichus mayqellanpis mana allinta qhawarikuspalla, allin kajta, chayrí mana allin kajta ruwananta tilunman chayqa, chaymantataj pantaykusqanta reparakunman chaypis, chay runaqa juchayojmin kanqa.
5Sichus pillapis chaykunata ruwaspa juchallinman chayqa, juchallisqanta rimarinan tiyan. 6Chantá juchan pampachasqa kananpaj, uywanmanta uj china ovejata, chayrí uj cabrata apamunan tiyan, Tata Diosman jaywananpaj. Sacerdotetaj chay uywata ñak'aspa, Tata Diosman jaywajtin, chay runaj juchan pampachasqa kananta tarenqa.
7Sichus juchallej runajta ovejata rantinanpaj mana tiyapunmanchu chayqa, juchan pampachasqa kananpaj, iskay jurk'uta, chayrí iskay urpi irpata apamunan tiyan, Tata Diosman jaywananpaj. Ujnenqa juchan pampachasqa kananpaj jaywanapaj kanqa, ujnintaj q'olachispa Diosman jaywanapaj kanqa. 8Juchallej runaqa chaykunata sacerdoteman apanqa. Sacerdotetaj chay runaj juchan pampachasqa kananpaj ujnin urpi irpata ñawpajta Diosman jaywanqa, kunkanta q'ewispa, manataj umanta p'itispachu. 9Chantá uj chhika yawarta altarpa uj lado uyanman ch'ajchonqa. Puchoj yawartataj altarpa uranman sut'uchenqa. Chayqa jucha pampachasqa kananpaj Diosman jaywanamin. 10Ujnin urpitataj kamachisqa kasqanman jina, q'olachispa Diosman jaywanqa. Ajinata sacerdoteqa chay runaj juchan pampachasqa kananpaj jaywanqa. Chay runaj juchallisqantaj pampachasqa kanqa.
11Sichus juchallejpata iskay jurk'utata, chayrí iskay urpi irpata rantikunanpaj mana tiyapunmanchu chayqa, juchallisqan pampachasqa kananpaj sumaj jak'umanta iskay kilota Diosman jaywananpaj apamunan tiyan. Sumaj jak'umanqa aceiteta, nitaj inciensotapis mana churananchu tiyan, imaraykuchus chayqa jucha pampachasqa kananpaj Diosman jaywanapaj kanqa. 12Chayta sacerdoteman apanqa, paytaj uj pojtu jak'uta oqharispa, yuyarikuna jaywanata jina altarpi q'olachenqa, Tata Diosman jaywanatawan khuskata. Chayqa jucha pampachasqa kananpaj Diosman jaywanamin. 13Ajinata sacerdote ruwanqa, imallapipis chay runaj juchallisqan pampachasqa kananpaj. Juchallejtaj qhespichisqa kanqa. Diosman jaywanamanta puchojtaj sacerdotepaj kanqa, imaynatachus ch'aki mikhuy jaywanamanta sacerdotekuna jap'inku, ajina, nispa.
14Tata Diosqa Moisesta nillarqataj: 15Sichus pillapis mana reparakuspalla juchallinman, noqapaj t'aqasqa kajmanta jap'ikapuspa chayqa, juchallisqanmanta Tata Diosman jaywananpaj, ovejanmanta, mana iman imanasqa corderota apamunan tiyan. Chay cordero mashkhachus valesqantaqa, Dioswan Tinkukuna Toldopi precio churasqa kasqanman jina churankichej. Chayqa jucha pampachasqa kananpaj jaywanamin. 16Juchallejqa Tata Diospaj t'aqasqa kajta jap'ikapusqanmanta mashkhachus valesqanta kutichipunan tiyan. Chantá mashkhachus valesqanman sapa phishqamanta ujta yapaspa, sacerdoteman jaywanqa. Sacerdotetaj runaj juchan pampachasqa kananpaj, uywata ñak'aspa, Diosman jaywanqa. Ajinata ruwaspa, sacerdoteqa juchallejpata juchan pampachasqa kananta tarenqa. Chay runaj juchallisqantaj pampachasqa kanqa.
17Sichus pillapis mana reparakuspalla, Tata Diospa kamachisqanmanta mayqellantapis p'akinman chayqa, chay runa juchayoj kanqa. Juchallisqantaj patanpi kanqa. 18Chayrayku juchallej runaqa ovejanmanta mana iman imanasqa uj corderota sacerdoteman apamunan tiyan, chayrí cordero mashkhachus valesqanta qolqepi churanki. Sacerdotetaj runaj juchallisqan pampachasqa kananpaj Diosman jaywanqa. Ajinata ruwaspa chay runa mana reparakuspalla juchallisqan pampachasqa kananta tarenqa. Juchallisqantaj pampachasqa kanqa. 19Chayqa juchamanta jaywanamin, imajtinchus juchallejqa cheqatapuni Diospa contranpi juchallerqa, nispa.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Revisión Biblia Quechua Boliviano © Sociedad Bíblica Boliviana, 2017.