Levítico 20
20
Mana kasukojkunapaj jasut'i
1Tata Dios Moiseswan parlaspa, nillarqataj: 2Israelitakunata ajinata ninki: Sichus israelitakunamanta mayqellanpis, chayrí qankuna ukhupi tiyakoj waj llajtayojpis Moloc sutichasqa lantiman#Lv 18.21. wawanta jaywanman chayqa, tukuy runakuna rumiwan ch'anqaspa chay runata wañuchenqanku. 3Noqa chay runaj contranpi sayaykusaj, llajtanmantataj chinkachisaj, imaraykuchus wawanta Molocman jaywaspa, tiyakunayta ch'ichicharqa, llimphu sutiytapis sarorqa. 4Sichus llajtayojkuna chay jina ruwajta qhawakuspalla, mana wañuchinkumanchu chayqa, 5noqa chay runaj contranta, jinataj ayllunpa contranta sayaykuspa, paykunata chinkachisaj. Pikunachus paywan khuska Molocta yupaychaspa qhenchachakorqanku, chaykunatapis chinkachillasajtaj.
6Sichus pipis aysirikunata, chayrí layqakunata tapukoj rinman, paykunaj nisqankutataj ruwaspa ch'ichichakunman chayqa, noqa paypa contranta sayaykuspa, llajtanmanta chinkachisaj.#Dt 18.9-14.
7Tukuyniykichej juchamanta t'aqakuspa, noqallata kasuspa puriychej, imaraykuchus noqa Tata Diosmin Diosniykichej kani. 8Kamachisqaykunata kasuspa, junt'aychej. Noqamin Tata Diosqa kani, pichus qankunata noqajllata kanaykichejpaj t'aqaykichej, chay.
9Pillapis tatanta, chayrí mamanta maldicejqa wañuchisqapuni kanqa.#Ex 21.17; Mt 15.4. Tatanta, chayrí mamanta maldicisqanmanta wañunanpajqa paylla juchayoj kanqa.
10Sichus pipis runa masinpa warminwan puñuykunman chayqa, khuchichakun. Iskayninku wañuchisqa kanqanku.#Ex 20.14; Lv 18.20; Dt 5.18; 22.22-24; Jn 8.5.
11Sichus pillapis tatanpa warminwan puñuykapuspa, tatanta p'enqaypi rikhurichinman chayqa, chay qhari, jinallataj warmipis wañuchisqa kanqanku. Wañuchisqa kanankupajqa paykunalla juchayoj kanqanku.#Lv 18.8.
12Sichus pillapis ñojch'anwan puñuykunman chayqa, iskayninku wañuchisqa kanqanku. Wañuchisqa kanankupajqa paykunalla juchayoj kanqanku, imaraykuchus chayqa millay juchamin.#Lv 18.15.
13Sichus uj qhari, warmiwan jina qhari masinwan t'inkikunman chayqa, iskayninku wañuchisqa kanqanku, imaraykuchus chayqa millay juchamin. Wañuchisqa kanankupajqa paykunalla juchayoj kanqanku.#Lv 18.22.
14Sichus uj qhari uj warmiwan casaraspa, warminpa mamanwanpis casarallanmantaj chayqa, millayta ruwan. Kinsantin kawsashaj ruphachisqa kanqanku, ama qankuna ukhupi chay jina millayta ruwaspa purina kananpaj.
15Sichus uj qhari uj uywawan t'inkinakunman chayqa, wañuchisqa kanqa. Jinallataj chay uywatapis wañuchillankichejtaj.
16Sichus uj warmi uj uywawan t'inkinakunman chayqa, warmipis, uywapis wañuchisqa kanqanku. Wañuchisqa kanankupajqa paykunalla juchayoj kanqanku.#Ex 22.19; Lv 18.23; Dt 27.21.
17Sichus pipis tatanmanta chayrí mamanmanta pananwan warmichakunman, puñuykunkumantaj chayqa, iskayninku llajta masinku rikushajtin, wañuchisqa kanqanku. Kikin pananwan puñuykoyqa millay p'enqayta ruwaymin. Pichus pananwan puñuykoj wañuchisqa kananpajqa paylla juchayoj kanqa.#Lv 18.9; Dt 27.22.
18Sichus pillapis killanpi kashaj warmiwan puñuykunman chayqa, warmej yawarninta rikun, warmipis yawarninta rikuchikun. Chayrayku iskayninku llajtankumanta chinkachisqa kanqanku.#Lv 18.19; Lv 15.19,24.
19Ama mamaykej ñañanwan, nitaj tataykej pananwan puñuykunkichu, imaraykuchus aylluykimin kanku. Puñuykojkunaqa juchallisqankumanta jasut'isqa kanqanku.
20Sichus pillapis tionpa warminwan puñuykunman chayqa, tionta p'enqaypi rikhurichin. Iskayninku juchallisqankumanta jasut'isqa kanqanku, mana wawayojtaj wañonqanku.
21Sichus pillapis wawqenpa warminwan puñuykunman chayqa, wawqenta p'enqaypi rikhurichin. Chayta ruwaspaqa, millayta ruwan. Chayrayku iskayninku mana wawata rejsej kanqanku.#Lv 18.16.
22Qankuna tukuy kamachisqayta, imatachus nisqaytawan kasuychej, junt'aychejtaj. Kasukunkichej chayqa, tiyakunaykichejpaj maymanchus chayachisqaykichej, chay jallp'amanta mana wijch'umusqaykichejchu. 23Pikunatachus qankunaj ñawpaqeykichejmanta qharqosaj, chay runakunaj usunkuta ama ruwankichejchu. Paykuna chay jina millayta ruwasqankurayku, mana noqa paykunata rikuyta aterqanichu. 24Noqa niykichej, chay llajtayojkunaj jallp'ankuta jap'ikapunaykichejta. Noqataj maypichus lechewan, abeja misk'iwan yaku jina purishan, chay jallp'ata qankunajta kananpaj qosqaykichej. Noqa Tata Diosmin qankunaj Diosniykichej kani, pichus waj suyukuna ukhumanta qankunata t'aqarqaykichej, chay.
25Chayrayku qankunaqa mayqenchus mikhunapaj llimphu animal kasqanta, mayqentajchus mana llimphuchu kasqankuta reparankichej. Phawajkunamantapis mayqenchus llimphu, mayqentajchus mana llimphuchu kasqankuta reparallankichejtaj. Ama chay animalkunarayku, nitaj phawajkunarayku, nillataj pampata qhatatakuspa purej animalkunarayku mana llimphupaj qhawasqa kankichejchu. Noqa chaykunata ch'ichipaj qhawasqa kanankupaj t'aqani. 26Qankunaqa noqapaj t'aqasqa kajkuna jina puriychej, imaraykuchus noqaqa may jina llimphu llimphupuni kani. Noqamin qankunata suyukuna ukhumanta t'aqarqaykichej noqajllata kanaykichejpaj.
27Sichus pi qhari, chayrí pi warmipis aysiri kanman, chayrí layqa kanman chayqa, payta rumiwan ch'anqasqa wañuchinkichej. Wañuchisqa kananpajqa paylla juchayoj kanqa, nispa.
Currently Selected:
Levítico 20: DQPC
Highlight
Copy
Compare
Share
Want to have your highlights saved across all your devices? Sign up or sign in
Revisión Biblia Quechua Boliviano © Sociedad Bíblica Boliviana, 2017.
Levítico 20
20
Mana kasukojkunapaj jasut'i
1Tata Dios Moiseswan parlaspa, nillarqataj: 2Israelitakunata ajinata ninki: Sichus israelitakunamanta mayqellanpis, chayrí qankuna ukhupi tiyakoj waj llajtayojpis Moloc sutichasqa lantiman#Lv 18.21. wawanta jaywanman chayqa, tukuy runakuna rumiwan ch'anqaspa chay runata wañuchenqanku. 3Noqa chay runaj contranpi sayaykusaj, llajtanmantataj chinkachisaj, imaraykuchus wawanta Molocman jaywaspa, tiyakunayta ch'ichicharqa, llimphu sutiytapis sarorqa. 4Sichus llajtayojkuna chay jina ruwajta qhawakuspalla, mana wañuchinkumanchu chayqa, 5noqa chay runaj contranta, jinataj ayllunpa contranta sayaykuspa, paykunata chinkachisaj. Pikunachus paywan khuska Molocta yupaychaspa qhenchachakorqanku, chaykunatapis chinkachillasajtaj.
6Sichus pipis aysirikunata, chayrí layqakunata tapukoj rinman, paykunaj nisqankutataj ruwaspa ch'ichichakunman chayqa, noqa paypa contranta sayaykuspa, llajtanmanta chinkachisaj.#Dt 18.9-14.
7Tukuyniykichej juchamanta t'aqakuspa, noqallata kasuspa puriychej, imaraykuchus noqa Tata Diosmin Diosniykichej kani. 8Kamachisqaykunata kasuspa, junt'aychej. Noqamin Tata Diosqa kani, pichus qankunata noqajllata kanaykichejpaj t'aqaykichej, chay.
9Pillapis tatanta, chayrí mamanta maldicejqa wañuchisqapuni kanqa.#Ex 21.17; Mt 15.4. Tatanta, chayrí mamanta maldicisqanmanta wañunanpajqa paylla juchayoj kanqa.
10Sichus pipis runa masinpa warminwan puñuykunman chayqa, khuchichakun. Iskayninku wañuchisqa kanqanku.#Ex 20.14; Lv 18.20; Dt 5.18; 22.22-24; Jn 8.5.
11Sichus pillapis tatanpa warminwan puñuykapuspa, tatanta p'enqaypi rikhurichinman chayqa, chay qhari, jinallataj warmipis wañuchisqa kanqanku. Wañuchisqa kanankupajqa paykunalla juchayoj kanqanku.#Lv 18.8.
12Sichus pillapis ñojch'anwan puñuykunman chayqa, iskayninku wañuchisqa kanqanku. Wañuchisqa kanankupajqa paykunalla juchayoj kanqanku, imaraykuchus chayqa millay juchamin.#Lv 18.15.
13Sichus uj qhari, warmiwan jina qhari masinwan t'inkikunman chayqa, iskayninku wañuchisqa kanqanku, imaraykuchus chayqa millay juchamin. Wañuchisqa kanankupajqa paykunalla juchayoj kanqanku.#Lv 18.22.
14Sichus uj qhari uj warmiwan casaraspa, warminpa mamanwanpis casarallanmantaj chayqa, millayta ruwan. Kinsantin kawsashaj ruphachisqa kanqanku, ama qankuna ukhupi chay jina millayta ruwaspa purina kananpaj.
15Sichus uj qhari uj uywawan t'inkinakunman chayqa, wañuchisqa kanqa. Jinallataj chay uywatapis wañuchillankichejtaj.
16Sichus uj warmi uj uywawan t'inkinakunman chayqa, warmipis, uywapis wañuchisqa kanqanku. Wañuchisqa kanankupajqa paykunalla juchayoj kanqanku.#Ex 22.19; Lv 18.23; Dt 27.21.
17Sichus pipis tatanmanta chayrí mamanmanta pananwan warmichakunman, puñuykunkumantaj chayqa, iskayninku llajta masinku rikushajtin, wañuchisqa kanqanku. Kikin pananwan puñuykoyqa millay p'enqayta ruwaymin. Pichus pananwan puñuykoj wañuchisqa kananpajqa paylla juchayoj kanqa.#Lv 18.9; Dt 27.22.
18Sichus pillapis killanpi kashaj warmiwan puñuykunman chayqa, warmej yawarninta rikun, warmipis yawarninta rikuchikun. Chayrayku iskayninku llajtankumanta chinkachisqa kanqanku.#Lv 18.19; Lv 15.19,24.
19Ama mamaykej ñañanwan, nitaj tataykej pananwan puñuykunkichu, imaraykuchus aylluykimin kanku. Puñuykojkunaqa juchallisqankumanta jasut'isqa kanqanku.
20Sichus pillapis tionpa warminwan puñuykunman chayqa, tionta p'enqaypi rikhurichin. Iskayninku juchallisqankumanta jasut'isqa kanqanku, mana wawayojtaj wañonqanku.
21Sichus pillapis wawqenpa warminwan puñuykunman chayqa, wawqenta p'enqaypi rikhurichin. Chayta ruwaspaqa, millayta ruwan. Chayrayku iskayninku mana wawata rejsej kanqanku.#Lv 18.16.
22Qankuna tukuy kamachisqayta, imatachus nisqaytawan kasuychej, junt'aychejtaj. Kasukunkichej chayqa, tiyakunaykichejpaj maymanchus chayachisqaykichej, chay jallp'amanta mana wijch'umusqaykichejchu. 23Pikunatachus qankunaj ñawpaqeykichejmanta qharqosaj, chay runakunaj usunkuta ama ruwankichejchu. Paykuna chay jina millayta ruwasqankurayku, mana noqa paykunata rikuyta aterqanichu. 24Noqa niykichej, chay llajtayojkunaj jallp'ankuta jap'ikapunaykichejta. Noqataj maypichus lechewan, abeja misk'iwan yaku jina purishan, chay jallp'ata qankunajta kananpaj qosqaykichej. Noqa Tata Diosmin qankunaj Diosniykichej kani, pichus waj suyukuna ukhumanta qankunata t'aqarqaykichej, chay.
25Chayrayku qankunaqa mayqenchus mikhunapaj llimphu animal kasqanta, mayqentajchus mana llimphuchu kasqankuta reparankichej. Phawajkunamantapis mayqenchus llimphu, mayqentajchus mana llimphuchu kasqankuta reparallankichejtaj. Ama chay animalkunarayku, nitaj phawajkunarayku, nillataj pampata qhatatakuspa purej animalkunarayku mana llimphupaj qhawasqa kankichejchu. Noqa chaykunata ch'ichipaj qhawasqa kanankupaj t'aqani. 26Qankunaqa noqapaj t'aqasqa kajkuna jina puriychej, imaraykuchus noqaqa may jina llimphu llimphupuni kani. Noqamin qankunata suyukuna ukhumanta t'aqarqaykichej noqajllata kanaykichejpaj.
27Sichus pi qhari, chayrí pi warmipis aysiri kanman, chayrí layqa kanman chayqa, payta rumiwan ch'anqasqa wañuchinkichej. Wañuchisqa kananpajqa paylla juchayoj kanqa, nispa.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Revisión Biblia Quechua Boliviano © Sociedad Bíblica Boliviana, 2017.