Levítico 2
2
Diosman pachis nispa jaywana
1Chantá Moisés israelitakunata nerqa: Sichus pipis ch'aki mikhuymanta jaywanata Tata Diospaj apamunman chayqa, sumaj jak'uta apamunan tiyan. Chaymantaj aceiteta jich'aykonqa, inciensotataj churaykonqa. 2Chaymantataj Aaronpa mirayninmanta sacerdotekunaman apanqa. Sacerdotekunamanta ujnintaj aceiteyoj jak'umanta, inciensomantawan ima uj pojtuta oqharispa, altarpi q'olachenqa. Ajinata q'olachenqa, noqa Tata Dios qankunamanta tukuy imapi yuyarikusqayta yachanaykichejpaj. Chay q'olachispa jaywanaqa Tata Diospaj ima munay q'aparishaj jaywana kanqa. 3Jaywanamanta puchoj jak'utaj Aaronpaj, churinkunapajwan ima kanqa. Chay jak'utaj Tata Diospaj t'aqasqa kasqanrayku, maypaj qhawasqa kanqa.
4Sichus hornopi chayachisqa ch'aki mikhuymanta jaywanata apamunki chayqa, sumaj jak'umanta aceitewan ruwasqa t'antata apamunki, manachayrí aceitewan jawisqa t'antata apamunki. Chaykunataj mana levadurayoj ruwasqa kanqa.
5Sichus paylapi chayachisqa ch'aki mikhuymanta jaywanata apamunki chayqa, sumaj jak'umanta mana levadurayojta, aceitewan puñasqata apamunki. 6Chantá chhikan chhikanta t'unaraspa, patanman aceitewan jich'aykunki. Chayqa ch'aki mikhunamanta Tata Diosman jaywana kashan.
7Sichus ch'aki mikhuymanta mankapi chayachisqa jaywanata apamunki chayqa, sumaj jak'umanta, aceitewan puñasqata apamunki. 8Ajinata ch'aki mikhuymanta jaywanata wakichiytawan, Tata Diospa ñawpaqenman apaspa, sacerdoteman jaywanki. Paytaj altarman apanqa. 9Chaypi sacerdoteqa jaywanamanta uj pisita orqhospa, altarpi q'olachenqa, Tata Dios qankunaman tukuy imata qoj kasqaymanta yuyarikunaykichejpaj. Chay q'olachisqa jaywanaqa Tata Diospaj ima munay q'aparishaj jaywana kanqa. 10Diosman jaywanamanta puchojrí, Aaronpaj chantá churinkunapaj ima kanqa. Diosman jaywanamanta puchojqa Tata Diospaj t'aqasqa kasqanrayku, maypaj qhawasqa kanqa.
11Tata Diosman ch'aki mikhuymanta jaywanaykichejmanqa altarpi q'olachispa, amapuni levadurata nitaj abeja misk'ita churankichejchu. 12Levadurata, misk'itawan ima chajramanta ñawpaj kaj poqoyta jina Tata Diosman jaywayta atinkichej. Chaywanpis amapuni Tata Diospaj ima munay q'aparishaj jaywanata jina altarpi q'olachinkichejchu.
13Tata Diosman ch'aki mikhuymanta tukuy ima jaywanaykimanqa kachita churankipuni, ama qonqankichu. Tata Dios qanwan trato ruwasqanmanta kacheqa tukuy jaywanaykipi kanantapuni tiyan. Tata Diosman tukuy jaywanaykimanqa kachita churankipuni.
14Maypachachus chajraykimanta ñawpaj kaj poqoyta Tata Diosman jaywanki chaypacha, poqosqa trigo umata jank'aspa apamunki, chayrí mosoj poqoymanta kutaspa apamunki. Chaytaj chajraykimanta ñawpaj poqosqanmanta jaywana kanqa. 15Diosman jaywanamanqa aceiteta jich'anki, inciensotataj patanman churanki, imajtinchus chayqa Tata Diospaj ch'aki mikhuy jaywanamin. 16Sacerdotetaj mosoj grano kutasqata, aceiteta ima uj chhikanta oqharispa, chayta tukuy inciensotawan Tata Diospaj q'olachenqa. Chayqa noqa Tata Diosmin tukuy imata qoj kasqayta yuyarikunaykichejpaj kanqa.
Currently Selected:
Levítico 2: DQPC
Highlight
Copy
Compare
Share
Want to have your highlights saved across all your devices? Sign up or sign in
Revisión Biblia Quechua Boliviano © Sociedad Bíblica Boliviana, 2017.
Levítico 2
2
Diosman pachis nispa jaywana
1Chantá Moisés israelitakunata nerqa: Sichus pipis ch'aki mikhuymanta jaywanata Tata Diospaj apamunman chayqa, sumaj jak'uta apamunan tiyan. Chaymantaj aceiteta jich'aykonqa, inciensotataj churaykonqa. 2Chaymantataj Aaronpa mirayninmanta sacerdotekunaman apanqa. Sacerdotekunamanta ujnintaj aceiteyoj jak'umanta, inciensomantawan ima uj pojtuta oqharispa, altarpi q'olachenqa. Ajinata q'olachenqa, noqa Tata Dios qankunamanta tukuy imapi yuyarikusqayta yachanaykichejpaj. Chay q'olachispa jaywanaqa Tata Diospaj ima munay q'aparishaj jaywana kanqa. 3Jaywanamanta puchoj jak'utaj Aaronpaj, churinkunapajwan ima kanqa. Chay jak'utaj Tata Diospaj t'aqasqa kasqanrayku, maypaj qhawasqa kanqa.
4Sichus hornopi chayachisqa ch'aki mikhuymanta jaywanata apamunki chayqa, sumaj jak'umanta aceitewan ruwasqa t'antata apamunki, manachayrí aceitewan jawisqa t'antata apamunki. Chaykunataj mana levadurayoj ruwasqa kanqa.
5Sichus paylapi chayachisqa ch'aki mikhuymanta jaywanata apamunki chayqa, sumaj jak'umanta mana levadurayojta, aceitewan puñasqata apamunki. 6Chantá chhikan chhikanta t'unaraspa, patanman aceitewan jich'aykunki. Chayqa ch'aki mikhunamanta Tata Diosman jaywana kashan.
7Sichus ch'aki mikhuymanta mankapi chayachisqa jaywanata apamunki chayqa, sumaj jak'umanta, aceitewan puñasqata apamunki. 8Ajinata ch'aki mikhuymanta jaywanata wakichiytawan, Tata Diospa ñawpaqenman apaspa, sacerdoteman jaywanki. Paytaj altarman apanqa. 9Chaypi sacerdoteqa jaywanamanta uj pisita orqhospa, altarpi q'olachenqa, Tata Dios qankunaman tukuy imata qoj kasqaymanta yuyarikunaykichejpaj. Chay q'olachisqa jaywanaqa Tata Diospaj ima munay q'aparishaj jaywana kanqa. 10Diosman jaywanamanta puchojrí, Aaronpaj chantá churinkunapaj ima kanqa. Diosman jaywanamanta puchojqa Tata Diospaj t'aqasqa kasqanrayku, maypaj qhawasqa kanqa.
11Tata Diosman ch'aki mikhuymanta jaywanaykichejmanqa altarpi q'olachispa, amapuni levadurata nitaj abeja misk'ita churankichejchu. 12Levadurata, misk'itawan ima chajramanta ñawpaj kaj poqoyta jina Tata Diosman jaywayta atinkichej. Chaywanpis amapuni Tata Diospaj ima munay q'aparishaj jaywanata jina altarpi q'olachinkichejchu.
13Tata Diosman ch'aki mikhuymanta tukuy ima jaywanaykimanqa kachita churankipuni, ama qonqankichu. Tata Dios qanwan trato ruwasqanmanta kacheqa tukuy jaywanaykipi kanantapuni tiyan. Tata Diosman tukuy jaywanaykimanqa kachita churankipuni.
14Maypachachus chajraykimanta ñawpaj kaj poqoyta Tata Diosman jaywanki chaypacha, poqosqa trigo umata jank'aspa apamunki, chayrí mosoj poqoymanta kutaspa apamunki. Chaytaj chajraykimanta ñawpaj poqosqanmanta jaywana kanqa. 15Diosman jaywanamanqa aceiteta jich'anki, inciensotataj patanman churanki, imajtinchus chayqa Tata Diospaj ch'aki mikhuy jaywanamin. 16Sacerdotetaj mosoj grano kutasqata, aceiteta ima uj chhikanta oqharispa, chayta tukuy inciensotawan Tata Diospaj q'olachenqa. Chayqa noqa Tata Diosmin tukuy imata qoj kasqayta yuyarikunaykichejpaj kanqa.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Revisión Biblia Quechua Boliviano © Sociedad Bíblica Boliviana, 2017.