Levítico 15
15
Mana llimphupaj qhawasqa qharikunapaj kamachisqakuna
1Tata Dios Moiseswan, chantá Aaronwan ima parlaspa, nillarqataj: 2Israelitakunata ajinata ninkichej: Sichus uj qharejta phichilunmanta q'eya surunman chayqa, chay qhari mana llimphupaj qhawasqa kanqa. 3Phichilunmanta q'eya llojsimojtillanpuni, chayrí q'eya sayajtinpis, chay qhareqa mana llimphupaj qhawasqallapuni kanqa.
4Maypichus q'eya onqoyniyoj qhari puñonqa, chaynejqa ch'ichipaj qhawasqa kanqa. Chantapis imapichus chay qhari tiyaykonqa, chaykunantin ch'ichipaj qhawasqa kanqanku. 5Sichus pillapis q'eya onqoyniyoj qharej puñunanta llankhanman chayqa, p'achanta t'ajsakunan tiyan. Jinallataj yakuwan mayllakonqa, chantá ch'isiyaykuykama mana llimphupaj qhawasqa kanqa.
6Sichus pillapis q'eya onqoyniyoj imapichus tiyaykusqanpi tiyaykunman chayqa, p'achanta t'ajsakunan tiyan, jinallataj yakuwan mayllakunan tiyan. Chantá ch'isiyaykuykama mana llimphupaj qhawasqa kanqa.
7Pichus q'eya onqoyniyojta llankharejqa p'achanta t'ajsakunan tiyan, jinallataj yakuwan mayllakunan tiyan. Chantá ch'isiyanankama mana llimphupaj qhawasqa kanqa.
8Sichus q'eya onqoyniyoj llimphupaj qhawasqa runaman thoqaykunman chayqa, thoqaykuchikoj runa p'achanta t'ajsakunan tiyan, jinallataj yakuwan mayllakunan tiyan. Chantá ch'isiyanankama mana llimphupaj qhawasqa kanqa.
9Q'eya onqoyniyojpa monturanqa ch'ichipaj qhawasqa kanqa.
10Pichus q'eya onqoyniyoj imapichus tiyaykusqanta llankhajqa ch'isiyaykuykama mana llimphupaj qhawasqa kanqa. Jinallataj q'eya onqoyniyoj tiyasqan imakunata apaykachajqa p'achanta t'ajsakunan tiyan, chantá yakuwan mayllakunan tiyan. Jinataj ch'isiyaykuykama mana llimphupaj qhawasqa kanqa.
11Sichus q'eya onqoyniyoj mana makinta mayllakuspalla pillatapis q'apirinman chayqa, q'apirichikojqa p'achanta t'ajsakunan tiyan, jinallataj yakuwan mayllakunan tiyan. Chantá ch'isiyanankama mana llimphupaj qhawasqa kanqa. 12Sitajchus q'eya onqoyniyoj t'uru mankata llankhanman chayqa, chay manka p'akisqa kanqa. Chantá sichus maderamanta imakunata llankhanman chaypis, chaykunaqa mayllasqa kananku tiyan.
13Sichus chay qharej phichilunmanta q'eya manaña surunchu chayqa, llimphuchasqa kananpaj qanchis p'unchaytawanraj suyanan tiyan. Chaymantataj p'achanta t'ajsakonqa, purej yakuwantaj mayllakonqa. Chaypacharaj q'eya onqoyniyojqa llimphupaj qhawasqa kanqa. 14Pusaj kaj p'unchaypitaj iskay jurk'utata, chayrí iskay urpi irpata apaspa, Dioswan Tinkukuna Toldo punkuman renqa. Chaypitaj Tata Diospa ñawpaqenpi sacerdoteman jaywanqa. 15Sacerdotetaj chaykunamanta ujninta jucha pampachasqa kananpaj jaywanqa, ujnintataj q'olachispa Tata Diosman jaywanqa. Ajinata sacerdoteqa q'eya onqoyniyoj qhari Tata Diospa ñawpaqenpi llimphupaj qhawasqa kananpaj ruwanqa.
16Sichus puñushajtin qharimanta qhasillamanta mujun llojsinman chayqa, ukhunta yakuwan mayllakunan tiyan. Chantá ch'isiyaykuykama chay qhareqa mana llimphupaj qhawasqa kanqa.
17Sitajchus uj qharej mujun p'achaman, chayrí qaraman sut'uykunman chayqa, chaykunata yakuwan mayllanan tiyan. Chantá chaykunaqa ch'isiyanankama ch'ichipaj qhawasqa kanqa.
18Sichus uj qhari warminwan puñuykojtin mujun llojsinman chayqa, iskayninku yakuwan mayllakunanku tiyan. Chantá ch'isiyanankama iskayninku mana llimphupaj qhawasqa kanqanku.
Warmi killanpi kaspa llimphuchakunanmanta
19Sichus uj warmi killa onqoyninwan kashanman chayqa, qanchis p'unchayta mana llimphupaj qhawasqa kanqa. Pichus killanpi kashaj warmita llankharejpis ch'isiyanankama mana llimphupaj qhawasqa kanqa.
20Killa onqoyniyoj kashaj warmi imapichus winkusqan, chayrí imapichus tiyasqan, chaykunaqa ch'ichipaj qhawasqa kanqa.
21Sichus pillapis killanpi kashaj warmej puñunanta llankhanman chayqa, p'achanta t'ajsakunan tiyan. Jinallataj paypis yakuwan mayllakunan tiyan. Chantá ch'isiyanankama mana llimphupaj qhawasqa kanqa.
22Killanpi kashaj warmi imapichus tiyakusqanta pichus llankhajqa p'achanta t'ajsakunan tiyan. Jinallataj yakuwan mayllakunallantaj tiyan. Chantá ch'isiyanankama mana llimphupaj qhawasqa kanqa. 23Jinallataj killanpi kashaj warmi maynejpichus puñorqa, chayrí tiyaykorqa chayta llankhajqa ch'isiyaykuykama mana llimphupaj qhawasqa kanqa.
24Sichus uj qhari killanpi kashaj warmiwan puñuykunman chayqa, warmej mana llimphupaj qhawasqa kashasqan payman chimpaykullanqataj. Chayrayku puñuykoj qhareqa qanchis p'unchayta mana llimphupaj qhawasqa kanqa. Jinallataj maynejpichus chay qhari puñonqa, chaynejpis ch'ichipaj qhawasqallataj kanqa.
25Sichus uj warmejta killanmanta astawan unaytaraj yawarnin rikhurinman chayqa, chayrí niraj killan rikhurishajtin yawar apay rikhurinman chayqa, yawar apaynin sayanankama mana llimphupaj qhawasqa kanqa, imaynatachus killanpi kashaspa karqa, ajinata.
26Yawar apayninpi kashanankamaqa maynejpichus chay warmi puñonqa, chayrí maynejpichus tiyakonqa, chaykunaqa ch'ichipaj qhawasqa kanqanku, imaynachus killanpi kashajtin karqa, ajinallataj.
27Pichus chaykunata llankhajqa mana llimphupaj qhawasqa kanqa. Pichus llankhajqa p'achanta t'ajsakunan tiyan, jinallataj yakuwan mayllakunan tiyan. Chantá ch'isiyaykuykama mana llimphupaj qhawasqa kanqa.
28Maypachachus chay warmej yawar apaynin sayan chaypachaqa, qanchis p'unchaytaraj suyanan tiyan. Chaymantaraj llimphupaj qhawasqa kanqa. 29Pusaj kaj p'unchaypitaj iskay jurk'utata, chayrí iskay urpi irpata sacerdoteman apamonqa, Dioswan Tinkukuna Toldo punkuman. 30Sacerdotetaj chaykunamanta ujninta jucha pampachasqa kananpaj jaywanqa, ujnintataj q'olachispa Tata Diosman jaywallanqataj. Ajinata sacerdote Tata Diospa ñawpaqenpi ruwasqanrayku, yawar apayniyoj warmi llimphupaj qhawasqa kanqa.
31Ajinata qankunaqa israelitakunata ch'ichi kayninkumanta yachachinkichej. Mana jina kanman chayqa, paykunaqa tiyakunay toldota ch'ichichasqankumanta wañunkuman, nispa.
32Chaykuna kamachisqakuna kanku pichus q'eya onqoywan onqosqa kasqanrayku, chayrí mujun llojsisqanrayku mana llimphupaj qhawasqa kashanku, chaykunapaj. 33Jinallataj killanpi kashaj warmipaj. Qharitaj, warmitaj jisp'ananpi onqoyniyoj kajkunapaj, chantá uj qhari killanpi kashaj warmiwan puñuykojpaj, kaykuna kamachisqakuna kanku.
Currently Selected:
Levítico 15: DQPC
Highlight
Copy
Compare
Share
Want to have your highlights saved across all your devices? Sign up or sign in
Revisión Biblia Quechua Boliviano © Sociedad Bíblica Boliviana, 2017.
Levítico 15
15
Mana llimphupaj qhawasqa qharikunapaj kamachisqakuna
1Tata Dios Moiseswan, chantá Aaronwan ima parlaspa, nillarqataj: 2Israelitakunata ajinata ninkichej: Sichus uj qharejta phichilunmanta q'eya surunman chayqa, chay qhari mana llimphupaj qhawasqa kanqa. 3Phichilunmanta q'eya llojsimojtillanpuni, chayrí q'eya sayajtinpis, chay qhareqa mana llimphupaj qhawasqallapuni kanqa.
4Maypichus q'eya onqoyniyoj qhari puñonqa, chaynejqa ch'ichipaj qhawasqa kanqa. Chantapis imapichus chay qhari tiyaykonqa, chaykunantin ch'ichipaj qhawasqa kanqanku. 5Sichus pillapis q'eya onqoyniyoj qharej puñunanta llankhanman chayqa, p'achanta t'ajsakunan tiyan. Jinallataj yakuwan mayllakonqa, chantá ch'isiyaykuykama mana llimphupaj qhawasqa kanqa.
6Sichus pillapis q'eya onqoyniyoj imapichus tiyaykusqanpi tiyaykunman chayqa, p'achanta t'ajsakunan tiyan, jinallataj yakuwan mayllakunan tiyan. Chantá ch'isiyaykuykama mana llimphupaj qhawasqa kanqa.
7Pichus q'eya onqoyniyojta llankharejqa p'achanta t'ajsakunan tiyan, jinallataj yakuwan mayllakunan tiyan. Chantá ch'isiyanankama mana llimphupaj qhawasqa kanqa.
8Sichus q'eya onqoyniyoj llimphupaj qhawasqa runaman thoqaykunman chayqa, thoqaykuchikoj runa p'achanta t'ajsakunan tiyan, jinallataj yakuwan mayllakunan tiyan. Chantá ch'isiyanankama mana llimphupaj qhawasqa kanqa.
9Q'eya onqoyniyojpa monturanqa ch'ichipaj qhawasqa kanqa.
10Pichus q'eya onqoyniyoj imapichus tiyaykusqanta llankhajqa ch'isiyaykuykama mana llimphupaj qhawasqa kanqa. Jinallataj q'eya onqoyniyoj tiyasqan imakunata apaykachajqa p'achanta t'ajsakunan tiyan, chantá yakuwan mayllakunan tiyan. Jinataj ch'isiyaykuykama mana llimphupaj qhawasqa kanqa.
11Sichus q'eya onqoyniyoj mana makinta mayllakuspalla pillatapis q'apirinman chayqa, q'apirichikojqa p'achanta t'ajsakunan tiyan, jinallataj yakuwan mayllakunan tiyan. Chantá ch'isiyanankama mana llimphupaj qhawasqa kanqa. 12Sitajchus q'eya onqoyniyoj t'uru mankata llankhanman chayqa, chay manka p'akisqa kanqa. Chantá sichus maderamanta imakunata llankhanman chaypis, chaykunaqa mayllasqa kananku tiyan.
13Sichus chay qharej phichilunmanta q'eya manaña surunchu chayqa, llimphuchasqa kananpaj qanchis p'unchaytawanraj suyanan tiyan. Chaymantataj p'achanta t'ajsakonqa, purej yakuwantaj mayllakonqa. Chaypacharaj q'eya onqoyniyojqa llimphupaj qhawasqa kanqa. 14Pusaj kaj p'unchaypitaj iskay jurk'utata, chayrí iskay urpi irpata apaspa, Dioswan Tinkukuna Toldo punkuman renqa. Chaypitaj Tata Diospa ñawpaqenpi sacerdoteman jaywanqa. 15Sacerdotetaj chaykunamanta ujninta jucha pampachasqa kananpaj jaywanqa, ujnintataj q'olachispa Tata Diosman jaywanqa. Ajinata sacerdoteqa q'eya onqoyniyoj qhari Tata Diospa ñawpaqenpi llimphupaj qhawasqa kananpaj ruwanqa.
16Sichus puñushajtin qharimanta qhasillamanta mujun llojsinman chayqa, ukhunta yakuwan mayllakunan tiyan. Chantá ch'isiyaykuykama chay qhareqa mana llimphupaj qhawasqa kanqa.
17Sitajchus uj qharej mujun p'achaman, chayrí qaraman sut'uykunman chayqa, chaykunata yakuwan mayllanan tiyan. Chantá chaykunaqa ch'isiyanankama ch'ichipaj qhawasqa kanqa.
18Sichus uj qhari warminwan puñuykojtin mujun llojsinman chayqa, iskayninku yakuwan mayllakunanku tiyan. Chantá ch'isiyanankama iskayninku mana llimphupaj qhawasqa kanqanku.
Warmi killanpi kaspa llimphuchakunanmanta
19Sichus uj warmi killa onqoyninwan kashanman chayqa, qanchis p'unchayta mana llimphupaj qhawasqa kanqa. Pichus killanpi kashaj warmita llankharejpis ch'isiyanankama mana llimphupaj qhawasqa kanqa.
20Killa onqoyniyoj kashaj warmi imapichus winkusqan, chayrí imapichus tiyasqan, chaykunaqa ch'ichipaj qhawasqa kanqa.
21Sichus pillapis killanpi kashaj warmej puñunanta llankhanman chayqa, p'achanta t'ajsakunan tiyan. Jinallataj paypis yakuwan mayllakunan tiyan. Chantá ch'isiyanankama mana llimphupaj qhawasqa kanqa.
22Killanpi kashaj warmi imapichus tiyakusqanta pichus llankhajqa p'achanta t'ajsakunan tiyan. Jinallataj yakuwan mayllakunallantaj tiyan. Chantá ch'isiyanankama mana llimphupaj qhawasqa kanqa. 23Jinallataj killanpi kashaj warmi maynejpichus puñorqa, chayrí tiyaykorqa chayta llankhajqa ch'isiyaykuykama mana llimphupaj qhawasqa kanqa.
24Sichus uj qhari killanpi kashaj warmiwan puñuykunman chayqa, warmej mana llimphupaj qhawasqa kashasqan payman chimpaykullanqataj. Chayrayku puñuykoj qhareqa qanchis p'unchayta mana llimphupaj qhawasqa kanqa. Jinallataj maynejpichus chay qhari puñonqa, chaynejpis ch'ichipaj qhawasqallataj kanqa.
25Sichus uj warmejta killanmanta astawan unaytaraj yawarnin rikhurinman chayqa, chayrí niraj killan rikhurishajtin yawar apay rikhurinman chayqa, yawar apaynin sayanankama mana llimphupaj qhawasqa kanqa, imaynatachus killanpi kashaspa karqa, ajinata.
26Yawar apayninpi kashanankamaqa maynejpichus chay warmi puñonqa, chayrí maynejpichus tiyakonqa, chaykunaqa ch'ichipaj qhawasqa kanqanku, imaynachus killanpi kashajtin karqa, ajinallataj.
27Pichus chaykunata llankhajqa mana llimphupaj qhawasqa kanqa. Pichus llankhajqa p'achanta t'ajsakunan tiyan, jinallataj yakuwan mayllakunan tiyan. Chantá ch'isiyaykuykama mana llimphupaj qhawasqa kanqa.
28Maypachachus chay warmej yawar apaynin sayan chaypachaqa, qanchis p'unchaytaraj suyanan tiyan. Chaymantaraj llimphupaj qhawasqa kanqa. 29Pusaj kaj p'unchaypitaj iskay jurk'utata, chayrí iskay urpi irpata sacerdoteman apamonqa, Dioswan Tinkukuna Toldo punkuman. 30Sacerdotetaj chaykunamanta ujninta jucha pampachasqa kananpaj jaywanqa, ujnintataj q'olachispa Tata Diosman jaywallanqataj. Ajinata sacerdote Tata Diospa ñawpaqenpi ruwasqanrayku, yawar apayniyoj warmi llimphupaj qhawasqa kanqa.
31Ajinata qankunaqa israelitakunata ch'ichi kayninkumanta yachachinkichej. Mana jina kanman chayqa, paykunaqa tiyakunay toldota ch'ichichasqankumanta wañunkuman, nispa.
32Chaykuna kamachisqakuna kanku pichus q'eya onqoywan onqosqa kasqanrayku, chayrí mujun llojsisqanrayku mana llimphupaj qhawasqa kashanku, chaykunapaj. 33Jinallataj killanpi kashaj warmipaj. Qharitaj, warmitaj jisp'ananpi onqoyniyoj kajkunapaj, chantá uj qhari killanpi kashaj warmiwan puñuykojpaj, kaykuna kamachisqakuna kanku.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Revisión Biblia Quechua Boliviano © Sociedad Bíblica Boliviana, 2017.