Rôma 15
15
Cau dòn Yàng pal dòp rò bal tòm Bơtau Krist
1Behơ̆ bol he la cau pràn tòm bơta dòn pal àñ tui tĕ bơta lơbơn lơño ală cau òsô in, bañ lơh tồ niam nùs he. 2Mơya, kòp nă cau tòm bol he pal lơh hừh nùs cau gơp ƀòn he tòm broă niam bol khai dê, nàng bơt bơtào bơta dòn bol khai in. 3#Đơs Crih 69:9.Bơh Bơtau Krist kung ò lơh niam nùs să tòm Kơnràñ sơl, be neh cih lah: “Ală jơnau bơtat bơtròh cau đơs bơtat bơtròh di Yàng, gơ neh tuh hơđang Añ.” 4Bơh ală bơta neh cih bơh yau la cih nàng bơto sồr bol he, tồ bơh bơta kơ̆ nền mơ bơta chồl pơndòm Sră Goh dê mơ bol he geh bơta gơn kơnòm. 5Dan Bơtau ai bơta kơ̆ nền mơ bơta chồl pơndòm Yàng Tom Trồ dê dong oh mi in geh dô nùs kơlôi bal be Yàng Krist Jesu, 6tồ oh mi ai dô nùs dô bơr bal nàng jòng ro Yàng Tom Trồ, la Bèp Yàng Jesu Krist bol he dê.
Jơnau Niam làng bol Bơdìh in
7Behơ̆ gen oh mi dòp rò tĕ bal mơ gơp, kung be Bơtau Krist neh dòp rò oh mi, tồ Yàng Tom Trồ in geh gơklŏ. 8Mơ añ đơs lah Bơtau Krist neh gơlik gơs cau duh broă cau kong siat gơltau in bơh jơnau song Yàng Tom Trồ dê, tồ lơh cơng tàng nền cê bơh ală jơnau ho pơgon neh ai ală ồng pàng bol he in, 9#II Sam 22:50; Đơs Crih 18:49.nàng lơh làng bol bơdìh in jòng ro Yàng Tom Trồ bơh bơta kòñ nđàc Kơnràñ dê, be neh cih lah:
“Tài bơh hơ̆ tàng añ rơp jòng ro Yàng digùl làng bol bơdìh,
Mơ đơs chò jòng ro sơnđan Kơnràñ.”
10 #
Yalw 32:43. Mơ đơs tai lah:
“Ơ cau làng bol bơdìh, chò hòp tĕ bal mơ làng bol Yàng dê.”
11 #
Đơs Crih 117:1. Mơ tai lah:
“Ơ jơh ală làng bol bơdìh, jòng ro tĕ Yàng;
Ală làng bol pal jòng ro Kơnràñ!”
12 #
Esai 11:10. Esai kung neh đơs lah:
“Rơp gơs ryas Jese gơcat,
Hơ̆ la Bơtau rơp guh at bồ ală làng bol bơdìh;
Ală làng bol bơdìh rơp gơn kơnòm di Kơnràñ.”
13Dan Yàng Tom Trồ la tòm ryas bơta gơn kơnòm lơh oh mi in gơs bềng lìu ală bơta hòn chò mơ lơngap lơngai tòm bơta dòn, tồ bơta gơn kơnòm oh mi dê sơlo dờng tòm gơnap gơnoar Yàng Hwềng Goh dê.
Jơnau crap wơl
(15:14 – 16:27)
Gơnoar broă Pol dê
14Ơ oh mi añ jê, đah pơnah oh mi gen să tòm añ kung dòn nền ngan lah oh mi gơs bềng lìu bơta lơbơn niam, gơs tơl bơta git jak, mơ chài rgơi bơto tơngkah bal mơ gơp. 15Mơya añ ai jơnau đơs kràñ cê cih dô êt jơnau do oh mi in nàng tơngkah wơl oh mi; hơ̆ la bơh bơta nđàc Yàng Tom Trồ neh ai añ in, 16tàng añ lơh gơs cau duh broă Yàng Krist Jesu digùl làng bol bơdìh, gơs gơnoar ơn phan duh khoai Jơnau Niam Yàng Tom Trồ dê, tồ làng bol bơdìh geh lơh gơs phan ơn niam nùs Yàng Tom Trồ, neh gơlik gơs sàng goh bơh Yàng Hwềng Goh.
17Behơ̆, añ gơs bơta jòng să tòm Yàng Krist Jesu bơh ală bơta duh broă añ jê Yàng Tom Trồ in. 18Bơh añ ò khin đơs bơh ală bơta ndai rlau mơ bơta Bơtau Krist kơnòm di añ lơh gơs nàng tề lam làng bol bơdìh tus hơ bơta dòn bơr, bơh jơnau đơs mơ broă lơh, 19bơh gơnap gơnoar tềl is mơ ală bơta krơi dê, bơh gơnap gơnoar Yàng Hwềng Goh dê; añ neh bơto yal Jơnau Niam Bơtau Krist dê làm bă tiah bơh Jerusalem mơ tòm ală ƀòn gùt dar jơl tus hơ Iliri. 20Mơya bơta kơp kòñ añ jê la bơto yal Jơnau Niam di tiah lơi òhềt geh bơto yal sơnđan Bơtau Krist, tồ klàs bơt bơtào di mơnàng cau ndai dê, 21#Esai 52:15.be neh cih lah:
“Ală cau òhềt geh bơto yal bơh Kơnràñ gen rơp gŏ Kơnràñ,
Mơ ală cau òhềt kơno gen rơp git wă.”
Pol kòñ lòt còp Hìu Jum Goh Rôma
22 #
Rôm 1:13. Tài bơh broă hơ̆ añ neh kòl bơta kơryan oă dơ̆, gen añ ò rgơi lòt tus hơ oh mi. 23Mơya tŭ do ò tai gơs broă lơi tòm ală tiah do kơryan añ mơ kung neh jŏ nam rau añ kơp kòñ ngan nàng lòt tus hơ oh mi. 24Tòm tŭ añ lòt hơ lơgar «Tây Ban Nha»,#15:24 Jơnau Yoan la «Tây Ban Nha». añ kơp kòñ tus còp oh mi; tơnơ̆ mơ tŭ añ neh geh hừh nùs dô êt di oh mi, gen rơp kơnòm di oh mi jun añ lòt tus hơ lơgar hơ̆.
25 #
I Kô 16:1-4. Tŭ do añ lòt hơ Jerusalem nàng duh broă ală cau sàng goh in. 26Bơh cau Masedoan mơ cau Acai gơs nùs chò hòp rì jền nàng dong kòl bơta siơ̆u siar ală cau sàng goh tòm Jerusalem. 27#I Kô 9:11.Ngan bol khai gơs nùs chò hòp lơh broă hơ̆, mơ kung kòl dồs di ală cau hơ̆ sơl; bơh dilah cau làng bol bơdìh neh dòp geh pơnah tòm ală bơta đah hwềng cau Juda dê, gen kung pal ai phan đah poac să nàng dong kòl bol khai wơl. 28Behơ̆ tòm tŭ añ neh lơh sir broă hơ̆ rau, mơ jào phan hơ̆ bol khai in, gen añ rơp dah hơ oh mi nàng lòt hơ lơgar «Tây Ban Nha». 29Añ git lah tòm tŭ añ tus hơ oh mi, gen rơp cèng bềng lìu bơta lơngai lơngò Bơtau Krist dê.
30Behơ̆, ơ oh mi, kơnòm di Yàng Jesu Krist bol he dê mơ kơnòm di bơta kòñ gơboh Yàng Hwềng dê, añ bơto tơngkah oh mi gơs tĕ dô nùs bal mơ añ nàng tòmlơh tòm bơta hòi dan mơ Yàng Tom Trồ añ in, 31tồ añ geh dong tă klàs bơh ală cau ò dòn tòm lơgar Jude, mơ phan dong kòl añ cèng Jerusalem in rơp geh ală cau sàng goh niam nùs mơ dòp; 32tồ añ geh bơta hòn chò lòt tus hơ oh mi jat nùs kòñ Yàng Tom Trồ dê, mơ geh rlô bòl digùl oh mi. 33Dan Bơtau ai bơta lơngap lơngai la Yàng Tom Trồ ơm bal mơ jơh ală oh mi. Amen.
Currently Selected:
Rôma 15: KPM2018
Highlight
Copy
Compare
Share
Want to have your highlights saved across all your devices? Sign up or sign in
© 2018 United Bible Societies. All rights reserved.
Rôma 15
15
Cau dòn Yàng pal dòp rò bal tòm Bơtau Krist
1Behơ̆ bol he la cau pràn tòm bơta dòn pal àñ tui tĕ bơta lơbơn lơño ală cau òsô in, bañ lơh tồ niam nùs he. 2Mơya, kòp nă cau tòm bol he pal lơh hừh nùs cau gơp ƀòn he tòm broă niam bol khai dê, nàng bơt bơtào bơta dòn bol khai in. 3#Đơs Crih 69:9.Bơh Bơtau Krist kung ò lơh niam nùs să tòm Kơnràñ sơl, be neh cih lah: “Ală jơnau bơtat bơtròh cau đơs bơtat bơtròh di Yàng, gơ neh tuh hơđang Añ.” 4Bơh ală bơta neh cih bơh yau la cih nàng bơto sồr bol he, tồ bơh bơta kơ̆ nền mơ bơta chồl pơndòm Sră Goh dê mơ bol he geh bơta gơn kơnòm. 5Dan Bơtau ai bơta kơ̆ nền mơ bơta chồl pơndòm Yàng Tom Trồ dê dong oh mi in geh dô nùs kơlôi bal be Yàng Krist Jesu, 6tồ oh mi ai dô nùs dô bơr bal nàng jòng ro Yàng Tom Trồ, la Bèp Yàng Jesu Krist bol he dê.
Jơnau Niam làng bol Bơdìh in
7Behơ̆ gen oh mi dòp rò tĕ bal mơ gơp, kung be Bơtau Krist neh dòp rò oh mi, tồ Yàng Tom Trồ in geh gơklŏ. 8Mơ añ đơs lah Bơtau Krist neh gơlik gơs cau duh broă cau kong siat gơltau in bơh jơnau song Yàng Tom Trồ dê, tồ lơh cơng tàng nền cê bơh ală jơnau ho pơgon neh ai ală ồng pàng bol he in, 9#II Sam 22:50; Đơs Crih 18:49.nàng lơh làng bol bơdìh in jòng ro Yàng Tom Trồ bơh bơta kòñ nđàc Kơnràñ dê, be neh cih lah:
“Tài bơh hơ̆ tàng añ rơp jòng ro Yàng digùl làng bol bơdìh,
Mơ đơs chò jòng ro sơnđan Kơnràñ.”
10 #
Yalw 32:43. Mơ đơs tai lah:
“Ơ cau làng bol bơdìh, chò hòp tĕ bal mơ làng bol Yàng dê.”
11 #
Đơs Crih 117:1. Mơ tai lah:
“Ơ jơh ală làng bol bơdìh, jòng ro tĕ Yàng;
Ală làng bol pal jòng ro Kơnràñ!”
12 #
Esai 11:10. Esai kung neh đơs lah:
“Rơp gơs ryas Jese gơcat,
Hơ̆ la Bơtau rơp guh at bồ ală làng bol bơdìh;
Ală làng bol bơdìh rơp gơn kơnòm di Kơnràñ.”
13Dan Yàng Tom Trồ la tòm ryas bơta gơn kơnòm lơh oh mi in gơs bềng lìu ală bơta hòn chò mơ lơngap lơngai tòm bơta dòn, tồ bơta gơn kơnòm oh mi dê sơlo dờng tòm gơnap gơnoar Yàng Hwềng Goh dê.
Jơnau crap wơl
(15:14 – 16:27)
Gơnoar broă Pol dê
14Ơ oh mi añ jê, đah pơnah oh mi gen să tòm añ kung dòn nền ngan lah oh mi gơs bềng lìu bơta lơbơn niam, gơs tơl bơta git jak, mơ chài rgơi bơto tơngkah bal mơ gơp. 15Mơya añ ai jơnau đơs kràñ cê cih dô êt jơnau do oh mi in nàng tơngkah wơl oh mi; hơ̆ la bơh bơta nđàc Yàng Tom Trồ neh ai añ in, 16tàng añ lơh gơs cau duh broă Yàng Krist Jesu digùl làng bol bơdìh, gơs gơnoar ơn phan duh khoai Jơnau Niam Yàng Tom Trồ dê, tồ làng bol bơdìh geh lơh gơs phan ơn niam nùs Yàng Tom Trồ, neh gơlik gơs sàng goh bơh Yàng Hwềng Goh.
17Behơ̆, añ gơs bơta jòng să tòm Yàng Krist Jesu bơh ală bơta duh broă añ jê Yàng Tom Trồ in. 18Bơh añ ò khin đơs bơh ală bơta ndai rlau mơ bơta Bơtau Krist kơnòm di añ lơh gơs nàng tề lam làng bol bơdìh tus hơ bơta dòn bơr, bơh jơnau đơs mơ broă lơh, 19bơh gơnap gơnoar tềl is mơ ală bơta krơi dê, bơh gơnap gơnoar Yàng Hwềng Goh dê; añ neh bơto yal Jơnau Niam Bơtau Krist dê làm bă tiah bơh Jerusalem mơ tòm ală ƀòn gùt dar jơl tus hơ Iliri. 20Mơya bơta kơp kòñ añ jê la bơto yal Jơnau Niam di tiah lơi òhềt geh bơto yal sơnđan Bơtau Krist, tồ klàs bơt bơtào di mơnàng cau ndai dê, 21#Esai 52:15.be neh cih lah:
“Ală cau òhềt geh bơto yal bơh Kơnràñ gen rơp gŏ Kơnràñ,
Mơ ală cau òhềt kơno gen rơp git wă.”
Pol kòñ lòt còp Hìu Jum Goh Rôma
22 #
Rôm 1:13. Tài bơh broă hơ̆ añ neh kòl bơta kơryan oă dơ̆, gen añ ò rgơi lòt tus hơ oh mi. 23Mơya tŭ do ò tai gơs broă lơi tòm ală tiah do kơryan añ mơ kung neh jŏ nam rau añ kơp kòñ ngan nàng lòt tus hơ oh mi. 24Tòm tŭ añ lòt hơ lơgar «Tây Ban Nha»,#15:24 Jơnau Yoan la «Tây Ban Nha». añ kơp kòñ tus còp oh mi; tơnơ̆ mơ tŭ añ neh geh hừh nùs dô êt di oh mi, gen rơp kơnòm di oh mi jun añ lòt tus hơ lơgar hơ̆.
25 #
I Kô 16:1-4. Tŭ do añ lòt hơ Jerusalem nàng duh broă ală cau sàng goh in. 26Bơh cau Masedoan mơ cau Acai gơs nùs chò hòp rì jền nàng dong kòl bơta siơ̆u siar ală cau sàng goh tòm Jerusalem. 27#I Kô 9:11.Ngan bol khai gơs nùs chò hòp lơh broă hơ̆, mơ kung kòl dồs di ală cau hơ̆ sơl; bơh dilah cau làng bol bơdìh neh dòp geh pơnah tòm ală bơta đah hwềng cau Juda dê, gen kung pal ai phan đah poac să nàng dong kòl bol khai wơl. 28Behơ̆ tòm tŭ añ neh lơh sir broă hơ̆ rau, mơ jào phan hơ̆ bol khai in, gen añ rơp dah hơ oh mi nàng lòt hơ lơgar «Tây Ban Nha». 29Añ git lah tòm tŭ añ tus hơ oh mi, gen rơp cèng bềng lìu bơta lơngai lơngò Bơtau Krist dê.
30Behơ̆, ơ oh mi, kơnòm di Yàng Jesu Krist bol he dê mơ kơnòm di bơta kòñ gơboh Yàng Hwềng dê, añ bơto tơngkah oh mi gơs tĕ dô nùs bal mơ añ nàng tòmlơh tòm bơta hòi dan mơ Yàng Tom Trồ añ in, 31tồ añ geh dong tă klàs bơh ală cau ò dòn tòm lơgar Jude, mơ phan dong kòl añ cèng Jerusalem in rơp geh ală cau sàng goh niam nùs mơ dòp; 32tồ añ geh bơta hòn chò lòt tus hơ oh mi jat nùs kòñ Yàng Tom Trồ dê, mơ geh rlô bòl digùl oh mi. 33Dan Bơtau ai bơta lơngap lơngai la Yàng Tom Trồ ơm bal mơ jơh ală oh mi. Amen.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2018 United Bible Societies. All rights reserved.