Rôma 11
11
Bơta nđàc Yàng Tom Trồ gơwèt mơ làng bol Israel dê
1 #
Phil 3:5. Behơ̆ añ đơs lah: Yàng Tom Trồ neh sang lòi làng bol Kơnràñ sơl? Ò di behơ̆ ò! Bơh să tòm añ la cau Israel, bơh kòn sau Abraham dê, mơ jơi bơtiàn đah Benjamin. 2Yàng Tom Trồ ò sang lòi làng bol Kơnràñ neh git lài. Oh mi git jơnau Sră Goh cih bơh Eli, mbe khai yă làng bol Israel di đap Yàng Tom Trồ mơ đơs lah: 3#I Bơtau 19:10,14.“Ơ Yàng, bol khai neh tơnchơt ală cau gơnoar hwơr, tò tơrlơm ală cơnòng duh khoai Kơnràñ dê; gam mìng dô nă añ, mơ bol khai jòi nàng tơnchơt añ.” 4#I Bơtau 19:18.Mơya mbe Yàng Tom Trồ ho wơl mơ khai taih? “Añ neh prap lòi Añ in poh rbô nă cau klau ò cùn gơltang di đap Baal.” 5Ngai do kung behơ̆ sơl, gơs dô pơnah gam wơl jat bơta sac rwah bơh bơta nđàc. 6Mơya dilah bơh bơta nđàc gen ò di bơh broă lơh tai; dilah ò behơ̆ gen bơta nđàc ò tai la bơta nđàc. 7Behơ̆ gen mbe lơh taih? Bơta làng bol Israel jòi jat gen bol khai ò geh; ală cau geh sac rwah gen neh dòp geh, mơya ală cau gam wơl gơlik gơs kơldang nùs, 8#Yalw 29:4; Esai 29:10.be neh cih lah:
“Yàng Tom Trồ neh ai bol khai in hwềng nùs ò git kơlôi,
Mat ò gŏ, tồr ò kơno jơl tus di ngai do.”
9Dabit kung đơs lah:
“Kơp kòñ cơnòng ñô sa bol khai dê gơlik gơs dô nơm dă mơ dô nơm bơtơng,
nàng bol khai gơtup pừ mơ nàng bol khai in kong lơh glài tơmàl di pal.
10 #
Đơs Crih 69:22,23. Kơp kòñ mat bol khai jơngo nàng sền ò gŏ,
Mơ but bol khai kư̆ gơ rkồn sùm!”
Làng bol bơdìh geh dong klàs
11Añ lùp tai lah: Làng bol Israel neh gơtup pừ nàng gơkòl roh rui ơ? Ò di behơ̆! Mơya tài bơh bơta tìs glài bol khai tàng bơta dong klàs neh lòt tus hơ làng bol bơdìh, tồ chồl nùs bol khai ƀoah. 12Dilah bơta tìs glài bol khai dê la bơta pas gơs dunnia dê, bơta gơruc bol khai dê la bơta pas gơs làng bol bơdìh dê, tơ ài lah bơta rê wơl bol khai dê hơ Yàng Tom Trồ, gen sơlo lơh pas sơm, bềng lìu lin rlau ò git nđò! 13Añ đơs mơ oh mi la cau làng bol bơdìh: añ gam la cau gơnoar bơto dờng làng bol bơdìh kàr lơi, gen añ rơp lơh màng ryŭ gơnoar broă añ jê kàr hơ̆, 14nàng chồl nùs ală cau tòm jơi bơtiàn añ jê ƀoah, nàng dong klàs dô êt cau tòm mpồl bol khai. 15Mơ dilah bơta sang tơlik bol khai la bơta gơtòmsòr wơl dunnia in, gen bơta dòp wơl bol khai ò di la bơta kis bơh bơta chơt ò ơ? 16Dilah dô sơmbat kơmbuh sơnròp geh ơn la sàng goh, gen jơh dô kơnac kơmbuh kung sàng goh sơl; mơ dilah ryas la sàng goh, gen ală ntê kung sàng goh sơl. 17Mơya dilah gơs bàr pe ntê neh gơkòl koh, mơ mê ngan la chi ôlibe brê, geh crap tòp digùl ală ntê hơ̆, nàng geh dô pơnah bal mơ bol khai tòm dà bơsơt#11:17 Cil: kơntă. mơ ryas chi ôlibe hơ̆ dê, 18gen bañ sền òsơp di ală ntê ne. Mbe mê rgơi jòng să taih? Git tĕ lah ò di mê kong dră ryas, mơya ryas gơ dê kong dră mê. 19Gen mê rơp đơs lah: “Ală ntê ne neh jơh koh rau, nàng añ in geh crap tòp di tiah gơ dê.” 20Hơ̆ la song ngan; ală ntê neh jơh koh tài bơh ò dòn, mơ mê gam ntào tài bơh bơta dòn. Mê bañ pơnhừ să, mơya rngòt rngơt tĕ. 21Bơh dilah Yàng Tom Trồ ò pơlai ală ntê tòm, gen Kơnràñ kung ò pơlai mê sơl. 22Behơ̆ sền tĕ bơta kơ̆ dơn mơ bơta kràñ cê Yàng Tom Trồ dê; bơta kràñ cê gơwèt hơ cau neh gơtup tìs, ai bơta kơ̆ dơn gơwèt hơ mê, mìng la mê kư̆ ơm tòm bơta kơ̆ dơn Kơnràñ dê; dilah ò behơ̆ gen mê kung rơp gơkòl koh sơl. 23Ai đah cau Juda, dilah sang lòi bơta ò dòn, gen rơp geh crap tòp wơl, bơh Yàng Tom Trồ rgơi crap tòp bol khai wơl. 24Dilah mê neh gơkòl koh bơh chi ôlibe brê jat òs gơ dê, nàng geh crap tòp di tòm ôlibe niam ò jat òs gơ dê; gen sơlo rlau tai, ală cau Juda hơ̆ la ntê tòm rơp geh crap tòp di chi ôlibe tòm he dê!
Yàng Tom Trồ kòñ nđàc jơh tơl nă cau
25Ơ oh mi, añ kòñ oh mi git bơta ndơp ndơr do, nàng oh mi ò jòng să he la cau jak chài: hơ̆ la dô pơnah làng bol Israel kư̆ kơldang nùs sùm, jơl tus di tŭ lơi ntum khà làng bol bơdìh wil tơl lòt tus hơ Yàng Tom Trồ; 26behơ̆ gen jơh làng bol Israel rơp geh dong klàs, be neh cih lah:
“Bơtau Dong Tă rơp tus bơh Siôn,
Tă sang bơta ò duh rngòt bơh di Jakôp;”
27 #
Esai 59:20,21. #
Esai 27:9. “Hơ̆ la jơnau ho bal Añ rơp bơtào mơ bol khai,
Tòm tŭ Añ tă sang tồi glài bol khai dê.”
28Tài bơh Cau Juda pơndang sang Jơnau Niam gen bol khai la cau sò tơm di Yàng Tom Trồ,#11:28 Tòm sră jơnau Grek ò gơs jơnau: Yàng Tom Trồ. bơta hơ̆ gơs kwơ oh mi in. Mơya jat bơta sac rwah bol khai la cau geh kòñ gơboh tài bơh ală ồng pàng; 29bơh ală bơta ai gòi mơ bơta hòi sac Yàng Tom Trồ dê ò tŭ lơi tòmgơl. 30Be oh mi la làng bol bơdìh, lài òr oh mi neh ò dòn bơr Yàng Tom Trồ, mơya tŭ do oh mi geh kòñ nđàc tài bơh bơta ò dòn bơr cau Juda dê, 31gen kung behơ̆ sơl, tŭ do bol khai ò dòn bơr, tồ bơh bơta kòñ nđàc neh ai oh mi in gen bol khai kung geh kòñ nđàc sơl. 32Bơh Yàng Tom Trồ neh krơ̆ jơh ală cau tòm bơta ò dòn bơr, nàng Kơnràñ kòñ nđàc jơh tơl nă cau.
33 #
Esai 55:8. Ô! Jrô ndơp ngan ală bơta pas gơs, bơta jak chài mơ bơta git jak Yàng Tom Trồ dê! Ală bơta lơh nền Kơnràñ dê ñcau rgơi ràng tơlik! Gùng dà Kơnràñ dê ñcau rgơi git wă!
34 #
Esai 40:13. “Bơh ñcau neh git nùs kơlôi Yàng dê,
Ñcau neh lơh gơs cau gơnoar bơyai broă Kơnràñ dê taih?”
35 #
Jop 41:3. Hala “ñcau neh ai lài Yàng in,
Nàng rơp geh tơm wơl taih?”
36 #
I Kô 8:6. Bơh jơh ală phan la bơh Kơnràñ, tài bơh Kơnràñ, mơ gơrê hơ Kơnràñ. Àng gơklŏ Kơnràñ in gam sùm sùm. Amen.
Currently Selected:
Rôma 11: KPM2018
Highlight
Copy
Compare
Share
Want to have your highlights saved across all your devices? Sign up or sign in
© 2018 United Bible Societies. All rights reserved.
Rôma 11
11
Bơta nđàc Yàng Tom Trồ gơwèt mơ làng bol Israel dê
1 #
Phil 3:5. Behơ̆ añ đơs lah: Yàng Tom Trồ neh sang lòi làng bol Kơnràñ sơl? Ò di behơ̆ ò! Bơh să tòm añ la cau Israel, bơh kòn sau Abraham dê, mơ jơi bơtiàn đah Benjamin. 2Yàng Tom Trồ ò sang lòi làng bol Kơnràñ neh git lài. Oh mi git jơnau Sră Goh cih bơh Eli, mbe khai yă làng bol Israel di đap Yàng Tom Trồ mơ đơs lah: 3#I Bơtau 19:10,14.“Ơ Yàng, bol khai neh tơnchơt ală cau gơnoar hwơr, tò tơrlơm ală cơnòng duh khoai Kơnràñ dê; gam mìng dô nă añ, mơ bol khai jòi nàng tơnchơt añ.” 4#I Bơtau 19:18.Mơya mbe Yàng Tom Trồ ho wơl mơ khai taih? “Añ neh prap lòi Añ in poh rbô nă cau klau ò cùn gơltang di đap Baal.” 5Ngai do kung behơ̆ sơl, gơs dô pơnah gam wơl jat bơta sac rwah bơh bơta nđàc. 6Mơya dilah bơh bơta nđàc gen ò di bơh broă lơh tai; dilah ò behơ̆ gen bơta nđàc ò tai la bơta nđàc. 7Behơ̆ gen mbe lơh taih? Bơta làng bol Israel jòi jat gen bol khai ò geh; ală cau geh sac rwah gen neh dòp geh, mơya ală cau gam wơl gơlik gơs kơldang nùs, 8#Yalw 29:4; Esai 29:10.be neh cih lah:
“Yàng Tom Trồ neh ai bol khai in hwềng nùs ò git kơlôi,
Mat ò gŏ, tồr ò kơno jơl tus di ngai do.”
9Dabit kung đơs lah:
“Kơp kòñ cơnòng ñô sa bol khai dê gơlik gơs dô nơm dă mơ dô nơm bơtơng,
nàng bol khai gơtup pừ mơ nàng bol khai in kong lơh glài tơmàl di pal.
10 #
Đơs Crih 69:22,23. Kơp kòñ mat bol khai jơngo nàng sền ò gŏ,
Mơ but bol khai kư̆ gơ rkồn sùm!”
Làng bol bơdìh geh dong klàs
11Añ lùp tai lah: Làng bol Israel neh gơtup pừ nàng gơkòl roh rui ơ? Ò di behơ̆! Mơya tài bơh bơta tìs glài bol khai tàng bơta dong klàs neh lòt tus hơ làng bol bơdìh, tồ chồl nùs bol khai ƀoah. 12Dilah bơta tìs glài bol khai dê la bơta pas gơs dunnia dê, bơta gơruc bol khai dê la bơta pas gơs làng bol bơdìh dê, tơ ài lah bơta rê wơl bol khai dê hơ Yàng Tom Trồ, gen sơlo lơh pas sơm, bềng lìu lin rlau ò git nđò! 13Añ đơs mơ oh mi la cau làng bol bơdìh: añ gam la cau gơnoar bơto dờng làng bol bơdìh kàr lơi, gen añ rơp lơh màng ryŭ gơnoar broă añ jê kàr hơ̆, 14nàng chồl nùs ală cau tòm jơi bơtiàn añ jê ƀoah, nàng dong klàs dô êt cau tòm mpồl bol khai. 15Mơ dilah bơta sang tơlik bol khai la bơta gơtòmsòr wơl dunnia in, gen bơta dòp wơl bol khai ò di la bơta kis bơh bơta chơt ò ơ? 16Dilah dô sơmbat kơmbuh sơnròp geh ơn la sàng goh, gen jơh dô kơnac kơmbuh kung sàng goh sơl; mơ dilah ryas la sàng goh, gen ală ntê kung sàng goh sơl. 17Mơya dilah gơs bàr pe ntê neh gơkòl koh, mơ mê ngan la chi ôlibe brê, geh crap tòp digùl ală ntê hơ̆, nàng geh dô pơnah bal mơ bol khai tòm dà bơsơt#11:17 Cil: kơntă. mơ ryas chi ôlibe hơ̆ dê, 18gen bañ sền òsơp di ală ntê ne. Mbe mê rgơi jòng să taih? Git tĕ lah ò di mê kong dră ryas, mơya ryas gơ dê kong dră mê. 19Gen mê rơp đơs lah: “Ală ntê ne neh jơh koh rau, nàng añ in geh crap tòp di tiah gơ dê.” 20Hơ̆ la song ngan; ală ntê neh jơh koh tài bơh ò dòn, mơ mê gam ntào tài bơh bơta dòn. Mê bañ pơnhừ să, mơya rngòt rngơt tĕ. 21Bơh dilah Yàng Tom Trồ ò pơlai ală ntê tòm, gen Kơnràñ kung ò pơlai mê sơl. 22Behơ̆ sền tĕ bơta kơ̆ dơn mơ bơta kràñ cê Yàng Tom Trồ dê; bơta kràñ cê gơwèt hơ cau neh gơtup tìs, ai bơta kơ̆ dơn gơwèt hơ mê, mìng la mê kư̆ ơm tòm bơta kơ̆ dơn Kơnràñ dê; dilah ò behơ̆ gen mê kung rơp gơkòl koh sơl. 23Ai đah cau Juda, dilah sang lòi bơta ò dòn, gen rơp geh crap tòp wơl, bơh Yàng Tom Trồ rgơi crap tòp bol khai wơl. 24Dilah mê neh gơkòl koh bơh chi ôlibe brê jat òs gơ dê, nàng geh crap tòp di tòm ôlibe niam ò jat òs gơ dê; gen sơlo rlau tai, ală cau Juda hơ̆ la ntê tòm rơp geh crap tòp di chi ôlibe tòm he dê!
Yàng Tom Trồ kòñ nđàc jơh tơl nă cau
25Ơ oh mi, añ kòñ oh mi git bơta ndơp ndơr do, nàng oh mi ò jòng să he la cau jak chài: hơ̆ la dô pơnah làng bol Israel kư̆ kơldang nùs sùm, jơl tus di tŭ lơi ntum khà làng bol bơdìh wil tơl lòt tus hơ Yàng Tom Trồ; 26behơ̆ gen jơh làng bol Israel rơp geh dong klàs, be neh cih lah:
“Bơtau Dong Tă rơp tus bơh Siôn,
Tă sang bơta ò duh rngòt bơh di Jakôp;”
27 #
Esai 59:20,21. #
Esai 27:9. “Hơ̆ la jơnau ho bal Añ rơp bơtào mơ bol khai,
Tòm tŭ Añ tă sang tồi glài bol khai dê.”
28Tài bơh Cau Juda pơndang sang Jơnau Niam gen bol khai la cau sò tơm di Yàng Tom Trồ,#11:28 Tòm sră jơnau Grek ò gơs jơnau: Yàng Tom Trồ. bơta hơ̆ gơs kwơ oh mi in. Mơya jat bơta sac rwah bol khai la cau geh kòñ gơboh tài bơh ală ồng pàng; 29bơh ală bơta ai gòi mơ bơta hòi sac Yàng Tom Trồ dê ò tŭ lơi tòmgơl. 30Be oh mi la làng bol bơdìh, lài òr oh mi neh ò dòn bơr Yàng Tom Trồ, mơya tŭ do oh mi geh kòñ nđàc tài bơh bơta ò dòn bơr cau Juda dê, 31gen kung behơ̆ sơl, tŭ do bol khai ò dòn bơr, tồ bơh bơta kòñ nđàc neh ai oh mi in gen bol khai kung geh kòñ nđàc sơl. 32Bơh Yàng Tom Trồ neh krơ̆ jơh ală cau tòm bơta ò dòn bơr, nàng Kơnràñ kòñ nđàc jơh tơl nă cau.
33 #
Esai 55:8. Ô! Jrô ndơp ngan ală bơta pas gơs, bơta jak chài mơ bơta git jak Yàng Tom Trồ dê! Ală bơta lơh nền Kơnràñ dê ñcau rgơi ràng tơlik! Gùng dà Kơnràñ dê ñcau rgơi git wă!
34 #
Esai 40:13. “Bơh ñcau neh git nùs kơlôi Yàng dê,
Ñcau neh lơh gơs cau gơnoar bơyai broă Kơnràñ dê taih?”
35 #
Jop 41:3. Hala “ñcau neh ai lài Yàng in,
Nàng rơp geh tơm wơl taih?”
36 #
I Kô 8:6. Bơh jơh ală phan la bơh Kơnràñ, tài bơh Kơnràñ, mơ gơrê hơ Kơnràñ. Àng gơklŏ Kơnràñ in gam sùm sùm. Amen.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2018 United Bible Societies. All rights reserved.