Leeweta 26
26
Kiitetethi Ehiya Woyto
1Goyinnanaw eeqata oothopite; qassi hawulte woyko eeqa tuussu woyko shucha eeqa essofite. Taani Godaa, hinte Xoossaa. 2Ta Sambaatata naagite; ta goyinno bessaa bonchite. Taani Godaa.
3Hinte ta higgiya kaallikonne ta kiita naagiko, 4taani hintew ira woden woden immana; biittay kathaa darsidi dolisana; gaden de7iya mithay ayfana. 5Hinte kathaa shiishidi ongonna de7ishin woyne maxiya wodey gakana; woyniya maxidi wursonna kathaa zeriya wodey gakana. Hinte kallana gakanaw kathi maana; hinte, hinte biittan saro daana.
6Taani biittas sarotethi immana; oonika hintena yashisonna hinte zin7ana. Iita do7ata taani biittafe dhaysana; hinte biittan nam7antho oli dendenna. 7Hinte morketa hinte yedethana; enti hinte sinthan mashshan hayqana. 8Hintefe ichashay xeeta yedethana; qassi xeetay tammu mukula yedethana. Hinte morketi hinte sinthan mashshan hayqana.
9Taani hintena maarota ayfen be7ana; hintena ayfisana; hintena darsana; taani ta caaquwa hintera minthana. 10Hinte shaacha kathaa midi wursonna de7ishe, wacha kathaa wothanaw, shaacha kathaa diggidi besse giigisana. 11Taani ta de7iya bessaa hinte giddon oothana; taani hintena ixike. 12Taani hinte giddon hemetana; hinte Xoossaa gidana; hinte ta ase gidana. 13Hinte Gibxetas aylle gidonna mela he biittafe hintena kessida Goday, taani hinte Xoossaa. Taani hinte aylletetha qambara menthas; hinte dhoqu gidi hemetana mela oothas.
Kiitetetha Ixoy Ehiya Seera
14Shin hinte taana si7onna ixikonne, ta kiita polonna ixiko, 15ta wogaa kadhiko, ta kiita ubbaa polonna ixidi ta caaquwa menthanaw ta higgiya boriko, 16he wode taani hinte bolla haysa oothana; hinte akeekona de7ishin yashshi, gilqatethi, hinte ayfiya teljumisiyanne hinte asatethaa melisiya misha harge hinte bolla yeddana. Hinte morketi maana gisho hinte zeriya zerethay mela gidana. 17Ta hintena iita ayfen xeellana; hinte morketa sinthan hinte kundana; hintena ixeysati haarana; oonika yedethonna hinte baqatana.
18Hessa ubbaa oothinka hinte tana si7onna ixiko, taani hinte nagaraa gisho hinte seera laapun dako oothana. 19Ta hinte otoruwa menthana; saluwa birata; sa7aa naase birata oothana. 20Hinte biittay kathi, hinte mithay ayfe immonna gisho hinte wolqay coo bessan wurana.
21Hinte taw ixas giikonne tana si7onna ixiko, hinte nagara mela laapun dako gado taani hinte bolla ehana. 22Taani hinte bolla bazzo do7ata yeddana; enti hinte nayta bonqana. Hinte meheta dhaysana; hinte taybuwa guuthana; hessa gaason hinte hemetiya ogey husatana.
23He seera ubban hinte taako simmonna ixiko, 24he wode taka hintew ixas gaana. Hinte nagaraa gisho taani ta huuphen hintena laapun dako seerana. 25Ta caaquwa hinte menthida gisho, kushe zaaranaw mashsha hinte bolla ehana. Hinte, hinte katamatan shiiqikoka, taani hinte bolla gado yeddana. Hinte, hinte morketa kushen aadhidi imetana. 26Hinte kathaa taani dhaysiya wode tammu maccasati issi beshen uythu uukana; he uythaa mizaanen shaakidi ekana; hinte hessa maana shin kalleketa.
27Ha ubban hinte tana si7onna ixikonne hinte iitatethan gujidi biiko, 28ta hinte bolla hanqon dendana. Hinte nagaraa gisho taani hintena laapun dako seerana. 29Hinte, hinte adde naytanne hinte macca nayta ashuwa maana. 30Taani, hinte dhoqa goyinno bessata dhaysana; hinte ixaane yarshiya bessaa laallana. Taani hinte aha hinte eeqata aha bolla holana; taani hintena polo ixana. 31Taani hinte katamata baysa oothana; hinte goyinno bessata dhaysana; hinte sawiya yarshuwa singike. 32Taani hinte biitta dhaysana; he biittan de7iya morketi hessan malaaletana. 33Taani hintena kawotethata giddon laallana; hinte bolla ta mashshaa shoddana. Hinte biittay baysatana; hinte katamati laaletana. 34Hinte morketa biittan de7iya wode, baysa giigidi de7iya hinte biittay ba Sambaata bonchana. He wode hinte biittay shempananne ba Sambaata bonchishe ufaytana. 35Hinte he biittan de7iya wode Sambaatatan demmiboonna shempuwa ha77i baysa gidida wode demmana.
36Hinte di7etidi biya wode guye attida asata wozanan yashshi yeddana; carkoy qaathiya bonco girsay enta daganthana; enti mashshafe baqatiya mela baqatana; enta oonika yedethonna kundana. 37Oonika yedethonna olape baqatiyada baqatishe, issoy issuwara dhubetidi kundana. Hinte, hinte morketa sinthan eqanaw hintew wolqi dhayana. 38Kawotethata giddon hinte dhayana; hinte morketa biittan hinte mitetidi dhayana. 39Morketa biittan attidaysati banta nagaraa gishonne banta aawata nagaraa gisho gilqidi dhayana.
40Shin enti banta nagaraanne ta bolla makallidi si7onna ixida banta aawata nagaraa paaxiko, 41ta enta ixanaadanne enta morketa biitta yedethannaada oothida banta nagaraa aggikonne enta kiitetonna wozanay simmiko, 42Taani Yayqoobara, Yisaaqaranne Abrahaamera caaqida caaquwa hassayana; enta biitta zaara qopana. 43Enta biittay baysa attana; he enti dhayin baysa gididi de7ida woden biittay Sambaata bonchishe ufaytana. Enti ta kiitaa kadhida gishonne ta wogaa leqida gisho banta nagaraa seera ekana.
44Gidoshin, enti banta morketa biittan de7ida wode kumethi dhayana gakanaw entara de7iya ta caaquwa menthike; enta yeggike. Taani, Godaa enta Xoossaa. 45Taani enta Xoossaa gidanaw, kawotethati xeellishin, Gibxe biittafe kessida enta mayzatara taani caaqida caaquwa enta gisho hassayana. Taani Godaa.
46Goday Siina zuma bolla Muse baggara baapenne Isra7eele asaape giddon wothida wogati kiitatinne higgeti haysata.
Currently Selected:
Leeweta 26: GFBLVF
Highlight
Copy
Compare
Share
Want to have your highlights saved across all your devices? Sign up or sign in
The Word for the World International and The Word for the World Ethiopia
Leeweta 26
26
Kiitetethi Ehiya Woyto
1Goyinnanaw eeqata oothopite; qassi hawulte woyko eeqa tuussu woyko shucha eeqa essofite. Taani Godaa, hinte Xoossaa. 2Ta Sambaatata naagite; ta goyinno bessaa bonchite. Taani Godaa.
3Hinte ta higgiya kaallikonne ta kiita naagiko, 4taani hintew ira woden woden immana; biittay kathaa darsidi dolisana; gaden de7iya mithay ayfana. 5Hinte kathaa shiishidi ongonna de7ishin woyne maxiya wodey gakana; woyniya maxidi wursonna kathaa zeriya wodey gakana. Hinte kallana gakanaw kathi maana; hinte, hinte biittan saro daana.
6Taani biittas sarotethi immana; oonika hintena yashisonna hinte zin7ana. Iita do7ata taani biittafe dhaysana; hinte biittan nam7antho oli dendenna. 7Hinte morketa hinte yedethana; enti hinte sinthan mashshan hayqana. 8Hintefe ichashay xeeta yedethana; qassi xeetay tammu mukula yedethana. Hinte morketi hinte sinthan mashshan hayqana.
9Taani hintena maarota ayfen be7ana; hintena ayfisana; hintena darsana; taani ta caaquwa hintera minthana. 10Hinte shaacha kathaa midi wursonna de7ishe, wacha kathaa wothanaw, shaacha kathaa diggidi besse giigisana. 11Taani ta de7iya bessaa hinte giddon oothana; taani hintena ixike. 12Taani hinte giddon hemetana; hinte Xoossaa gidana; hinte ta ase gidana. 13Hinte Gibxetas aylle gidonna mela he biittafe hintena kessida Goday, taani hinte Xoossaa. Taani hinte aylletetha qambara menthas; hinte dhoqu gidi hemetana mela oothas.
Kiitetetha Ixoy Ehiya Seera
14Shin hinte taana si7onna ixikonne, ta kiita polonna ixiko, 15ta wogaa kadhiko, ta kiita ubbaa polonna ixidi ta caaquwa menthanaw ta higgiya boriko, 16he wode taani hinte bolla haysa oothana; hinte akeekona de7ishin yashshi, gilqatethi, hinte ayfiya teljumisiyanne hinte asatethaa melisiya misha harge hinte bolla yeddana. Hinte morketi maana gisho hinte zeriya zerethay mela gidana. 17Ta hintena iita ayfen xeellana; hinte morketa sinthan hinte kundana; hintena ixeysati haarana; oonika yedethonna hinte baqatana.
18Hessa ubbaa oothinka hinte tana si7onna ixiko, taani hinte nagaraa gisho hinte seera laapun dako oothana. 19Ta hinte otoruwa menthana; saluwa birata; sa7aa naase birata oothana. 20Hinte biittay kathi, hinte mithay ayfe immonna gisho hinte wolqay coo bessan wurana.
21Hinte taw ixas giikonne tana si7onna ixiko, hinte nagara mela laapun dako gado taani hinte bolla ehana. 22Taani hinte bolla bazzo do7ata yeddana; enti hinte nayta bonqana. Hinte meheta dhaysana; hinte taybuwa guuthana; hessa gaason hinte hemetiya ogey husatana.
23He seera ubban hinte taako simmonna ixiko, 24he wode taka hintew ixas gaana. Hinte nagaraa gisho taani ta huuphen hintena laapun dako seerana. 25Ta caaquwa hinte menthida gisho, kushe zaaranaw mashsha hinte bolla ehana. Hinte, hinte katamatan shiiqikoka, taani hinte bolla gado yeddana. Hinte, hinte morketa kushen aadhidi imetana. 26Hinte kathaa taani dhaysiya wode tammu maccasati issi beshen uythu uukana; he uythaa mizaanen shaakidi ekana; hinte hessa maana shin kalleketa.
27Ha ubban hinte tana si7onna ixikonne hinte iitatethan gujidi biiko, 28ta hinte bolla hanqon dendana. Hinte nagaraa gisho taani hintena laapun dako seerana. 29Hinte, hinte adde naytanne hinte macca nayta ashuwa maana. 30Taani, hinte dhoqa goyinno bessata dhaysana; hinte ixaane yarshiya bessaa laallana. Taani hinte aha hinte eeqata aha bolla holana; taani hintena polo ixana. 31Taani hinte katamata baysa oothana; hinte goyinno bessata dhaysana; hinte sawiya yarshuwa singike. 32Taani hinte biitta dhaysana; he biittan de7iya morketi hessan malaaletana. 33Taani hintena kawotethata giddon laallana; hinte bolla ta mashshaa shoddana. Hinte biittay baysatana; hinte katamati laaletana. 34Hinte morketa biittan de7iya wode, baysa giigidi de7iya hinte biittay ba Sambaata bonchana. He wode hinte biittay shempananne ba Sambaata bonchishe ufaytana. 35Hinte he biittan de7iya wode Sambaatatan demmiboonna shempuwa ha77i baysa gidida wode demmana.
36Hinte di7etidi biya wode guye attida asata wozanan yashshi yeddana; carkoy qaathiya bonco girsay enta daganthana; enti mashshafe baqatiya mela baqatana; enta oonika yedethonna kundana. 37Oonika yedethonna olape baqatiyada baqatishe, issoy issuwara dhubetidi kundana. Hinte, hinte morketa sinthan eqanaw hintew wolqi dhayana. 38Kawotethata giddon hinte dhayana; hinte morketa biittan hinte mitetidi dhayana. 39Morketa biittan attidaysati banta nagaraa gishonne banta aawata nagaraa gisho gilqidi dhayana.
40Shin enti banta nagaraanne ta bolla makallidi si7onna ixida banta aawata nagaraa paaxiko, 41ta enta ixanaadanne enta morketa biitta yedethannaada oothida banta nagaraa aggikonne enta kiitetonna wozanay simmiko, 42Taani Yayqoobara, Yisaaqaranne Abrahaamera caaqida caaquwa hassayana; enta biitta zaara qopana. 43Enta biittay baysa attana; he enti dhayin baysa gididi de7ida woden biittay Sambaata bonchishe ufaytana. Enti ta kiitaa kadhida gishonne ta wogaa leqida gisho banta nagaraa seera ekana.
44Gidoshin, enti banta morketa biittan de7ida wode kumethi dhayana gakanaw entara de7iya ta caaquwa menthike; enta yeggike. Taani, Godaa enta Xoossaa. 45Taani enta Xoossaa gidanaw, kawotethati xeellishin, Gibxe biittafe kessida enta mayzatara taani caaqida caaquwa enta gisho hassayana. Taani Godaa.
46Goday Siina zuma bolla Muse baggara baapenne Isra7eele asaape giddon wothida wogati kiitatinne higgeti haysata.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Word for the World International and The Word for the World Ethiopia