- यहोशू 8
8
ऐ नगर कौ लै लओ जाबो
1तब यहोवा परमेसुर ने यहोशू सें कई, “नें डर, और तोरो मन कच्चो नें होए; करयाई बांधकें सबरे योद्धाओं हों संगै लैकें, और ऐ पै चढ़ाई कर; सुन, मैंने ऐ के राजा हों ऊकी परजा और ऊके नगर और देस समेंत तोरे बस में करो आय। 2जैसो तेंने यरीहो और ऊके राजा सें करो बैसई ऐ और ऊके राजा संगै भी करियो; ई लाने ऊ नगर के पाछें की कोद अपने मान्सन हों घात में लगा देओ; केवल तुम पसुओं समेंत ऊकी लूट तौ अपने लाने ले सकत आव।”
3सो यहोशू ने सबई योद्धाओं समेंत ऐ पै चढ़ाई करबे की तईयारी करी; और यहोशू ने तीस हजार मान्सन हों जौन सूरवीर हते चुनकें रातई हों हुकम दैकें पठैव। 4उनहों जौ हुकम दओ, “सुनो, तुम ऊ नगर के पाछें कोद घात लगाए बैठे रईयो; नगर सें खूब दूर नें जईयो, और सबई तईयार रईयो; 5और मैं अपने सबई संगियन समेंत ऊ नगर के लिगां जैहों। जब बे पैलां की तरहां हमाओ सामना करबे हों कड़ें, तब हम उनके आंगू सें भगहें; 6तब बे जौ सोचकें, कि बे पैलां की तरहां हमाए सामूं सें भगे जात आंय, हमाओ पीछा करहें; ई तरहां हम उनके सामूं सें भगकें उनहों नगर सें दूर काड़ लै जैहें। 7तब तुम घात में सें उठकें नगर हों अपनौ कर लईयो; कायसे तुमाओ यहोवा परमेसुर ऊहों तुमाए हाथ में कर दैहै। 8जब तुम नगर हों लै लेओ तब ऊमें आगी लगाकें फूंक दईयो, यहोवा परमेसुर के हुकम अनसारई काम करियो; सुनो, मैंने तुमहों हुकम दओ आय।” 9तब यहोशू ने उनहों पठै दओ; और बे घात में बैठबे हों चले गए, और बेतेल और ऐ के मजारें और ऐ की पच्छिम कुदाऊं बैठे रए; परन्त यहोशू ऊ रात हों मान्सन के मजारें टिको रओ।
10यहोशू भुन्सारे उठो, और मान्सन हों इकट्ठो करकें इस्राएलियन के स्याने मान्सन समेंत आंगू-आंगू ऐ कुदाईं निंगो। 11ऊके संगी सब योद्धा चढ़ गए, और ऐ नगर के लिगां पोंचकें ऊके सामूं उत्तर कुदाऊं डेरा डाल दए, और उनके ऐ के मजारें एक तराई हती। 12तब ऊने कोऊ पांच हजार मान्सन चुनकें बेतेल और ऐ के मजारें नगर के पच्छिम कुदाऊं उनहों घात में बैठा दओ। 13जब मान्सन ने नगर के उत्तर कुदाऊं की पूरी सेना हों और ऊके पच्छिम कुदाऊं घात में बैठे भयन हों भी ठिकाने पै कर दओ, तब यहोशू ओई रात तराई के मजारें गओ। 14जब ऐ के राजा ने जौ हेरो, तब बे फुरती करके भुन्सारे उठे, और राजा अपनी पूरी परजा हों लैकें इस्राएलियन के सामूं उनसें लड़बे हों कड़कें ठैराई भई जागां पै जौन अराबा के सामूं आय पोंचो; और ऊ नें जानत हतो कि नगर के पछारें कोद मान्सन घात लगाए बैठे आंय। 15तब यहोशू और सबरे इस्राएली उनसें मानो हार मानकें जंगल की गैल लैकें भग कड़े। 16तब नगर के सब मान्सन इस्राएलियन कौ पीछा करबे हों टेर-टेरकें बुलाए गए; और बे यहोशू कौ पीछा करत भए नगर सें दूर कड़ गए। 17नें तौ ऐ में और नें बेतेल में कोऊ मान्स रै गए, जौन इस्राएलियन कौ पीछा करबे हों नें गओ होए; और उनोंरन ने नगर हों खुलो भओ छोड़कें इस्राएलियन कौ पीछा करो।
18तब यहोवा परमेसुर ने यहोशू सें कई, “अपने हाथ कौ बरछा ऐ कुदाईं बढ़ा; कायसे मैं ऊहों तोरे हाथ में दे दैहों।” यहोशू ने अपने हाथ के बरछा हों नगर कुदाईं बढ़ाओ। 19ऊके हाथ बढ़ातई जौन मान्सन घात में बैठे हते बे झट्टई अपनी जागां सें उठे, और दौड़कें नगर में पिड़ गए और ऊहों लै लओ; और झट्टई ऊमें आगी लगा दई। 20जब ऐ के मान्सन ने पछारें धूमकें हेरो, तौ का हेरो कि नगर कौ धुआं आसमान कुदाईं उठ रओ आय; और उनहों नें तौ ई कुदाईं भगबे की सक्ति रई, और नें ऊ कुदाऊं, और जौन मान्सन जंगल कुदाऊं भगे जात हते बे धूमकें अपने खदेड़बेवारों पै टूट पड़े। 21जब यहोशू और सबरे इस्राएलियन ने हेरो कि घातियों ने नगर हों ले लओ आय, और ऊको धुआं उठ रओ आए, तब घूमकें ऐ के मान्सन हों मारन लगे। 22उनकौ सामना करबे हों दूसरे भी नगर सें कड़ आए; ई लाने बे इस्राएलियन के मजारें पड़ गए, कछु इस्राएली तौ उनके अगारें, और कछु उनके पछारें हते; सो उनोंरन ने उनहों इतै लौ मार डालो कि उनमें सें नें तौ कोऊ बचो और नें भग पाओ। 23ऐ के राजा हों बे जियत पकड़कें यहोशू के लिगां ल्याए।
24जब इस्राएली ऐ के सबरे रैबेवारों हों मेंदना में, मतलब ऊ जंगल में जितै उनोंरन ने उनकौ पीछा करो हतो मार चुके, और बे सबई के सब तलवार सें मारे गए इतै लौ कि उनकौ अन्तई हो गओ, तब सबरे इस्राएलियन ने ऐ हों लौटकें ऊहों भी तलवार सें मारो। 25बईयर, मान्स, सबरे मिलाकें जो ऊ दिना मारे गए बे बारह हजार हते, और ऐ के सबरे मान्स इतनईं हते। 26कायसे जब लौ यहोशू ने ऐ के सबरे रैबेवारों कौ सत्यानास नें कर डालो तब लौ ऊनें अपनो हाथ, जीसें बरछा बढ़ाओ हतो, फिन नें खेंचो। 27यहोवा परमेसुर के ऊ हुकम अनसार जौन ऊने यहोशू हों दओ हतो इस्राएलियन ने पसु आदि नगर की लूट अपनी कर लई। 28तब यहोशू ने ऐ हों आगी लगाकें फुंकवा दओ, और ऊहों हमेसा के लाने खण्डहर कर दओ: ऊ आज लौ उजड़ो पड़ो आय। 29ऐ के राजा हों ऊने संझा लौ पेड़ पै लटका रखो हतो, और दिन डूबत यहोशू के हुकम सें ऊकी लास हों पेड़ पै सें उतारकें नगर के फाटक के सामूं डाल दओ गओ, और ऊपै पथरों कौ बड़ो ढेर लगा दओ, जौन आज लौ बनो आय।
एबाल पहड़वा पै ब्यवस्था कौ पाठ
30तब यहोशू ने इस्राएलियन के यहोवा परमेसुर के लाने एबाल पहड़वा पै एक बेदी बनवाई, 31जैसो यहोवा परमेसुर के दास मूसा ने इस्राएलियन हों हुकम दओ हतो, और जैसो मूसा की ब्यवस्था की पोथी में लिखो आय, ऊने बिना बने पथरों की एक बेदी बनवाई जीपै लोहे कौ औजार नें चलाओ गओ हतो। ऊपै उनोंरन ने यहोवा परमेसुर के लाने होमबलि चढ़ाए और मेलबलि करे। 32ओई जांगा पै यहोशू ने इस्राएलियन के सामूं उन पथरों के ऊपर मूसा की ब्यवस्था, जौन ऊने लिखी हती, ऊकी नकल कराई। 33बे का देसी, का परदेसी, सबरे इस्राएली अपने स्याने मान्सन, सरदारों और न्यायियों समेंत यहोवा परमेसुर की बाचा कौ बक्सा उठाबेवारे लेवीय याजकों के सामूं ऊ बक्सा के इतै उतै ठांड़े भए, मतलब आधे मान्सन तौ गिरिज्जीम पहड़वा के, और आधे एबाल पहड़वा के सामूं ठांड़े भए, जैसो कि यहोवा परमेसुर के दास मूसा ने पैलां सें हुकम दओ हतो कि इस्राएली परजा हों आर्सीवाद दए जाएं। 34ऊके बाद ऊने आसीस और स्राप की ब्यवस्था के सबरे बचन, जैसे-जैसे ब्यवस्था की पोथी में लिखे भए आंय बैसई-बैसई पढ़ पढ़कें सुना दए। 35जितेक बातों के लाने मूसा ने हुकम दओ हतो, उनमें सें कोऊ एैसी बात नें रै गई जौन यहोशू ने इस्राएल की पूरी सभा, और बईयरों और बाल-बच्चों, और उनके संगै रैबेवारे परदेसी मान्सन के सामूं सोई पढ़कें नें सुनाई।
Currently Selected:
- यहोशू 8: BHB
Highlight
Copy
Compare
Share
Want to have your highlights saved across all your devices? Sign up or sign in
New Testament books: © 2018 Central India Christian Mission.
Old Testament books: © 2018 Central India Christian Mission and Pioneer Bible Translators
- यहोशू 8
8
ऐ नगर कौ लै लओ जाबो
1तब यहोवा परमेसुर ने यहोशू सें कई, “नें डर, और तोरो मन कच्चो नें होए; करयाई बांधकें सबरे योद्धाओं हों संगै लैकें, और ऐ पै चढ़ाई कर; सुन, मैंने ऐ के राजा हों ऊकी परजा और ऊके नगर और देस समेंत तोरे बस में करो आय। 2जैसो तेंने यरीहो और ऊके राजा सें करो बैसई ऐ और ऊके राजा संगै भी करियो; ई लाने ऊ नगर के पाछें की कोद अपने मान्सन हों घात में लगा देओ; केवल तुम पसुओं समेंत ऊकी लूट तौ अपने लाने ले सकत आव।”
3सो यहोशू ने सबई योद्धाओं समेंत ऐ पै चढ़ाई करबे की तईयारी करी; और यहोशू ने तीस हजार मान्सन हों जौन सूरवीर हते चुनकें रातई हों हुकम दैकें पठैव। 4उनहों जौ हुकम दओ, “सुनो, तुम ऊ नगर के पाछें कोद घात लगाए बैठे रईयो; नगर सें खूब दूर नें जईयो, और सबई तईयार रईयो; 5और मैं अपने सबई संगियन समेंत ऊ नगर के लिगां जैहों। जब बे पैलां की तरहां हमाओ सामना करबे हों कड़ें, तब हम उनके आंगू सें भगहें; 6तब बे जौ सोचकें, कि बे पैलां की तरहां हमाए सामूं सें भगे जात आंय, हमाओ पीछा करहें; ई तरहां हम उनके सामूं सें भगकें उनहों नगर सें दूर काड़ लै जैहें। 7तब तुम घात में सें उठकें नगर हों अपनौ कर लईयो; कायसे तुमाओ यहोवा परमेसुर ऊहों तुमाए हाथ में कर दैहै। 8जब तुम नगर हों लै लेओ तब ऊमें आगी लगाकें फूंक दईयो, यहोवा परमेसुर के हुकम अनसारई काम करियो; सुनो, मैंने तुमहों हुकम दओ आय।” 9तब यहोशू ने उनहों पठै दओ; और बे घात में बैठबे हों चले गए, और बेतेल और ऐ के मजारें और ऐ की पच्छिम कुदाऊं बैठे रए; परन्त यहोशू ऊ रात हों मान्सन के मजारें टिको रओ।
10यहोशू भुन्सारे उठो, और मान्सन हों इकट्ठो करकें इस्राएलियन के स्याने मान्सन समेंत आंगू-आंगू ऐ कुदाईं निंगो। 11ऊके संगी सब योद्धा चढ़ गए, और ऐ नगर के लिगां पोंचकें ऊके सामूं उत्तर कुदाऊं डेरा डाल दए, और उनके ऐ के मजारें एक तराई हती। 12तब ऊने कोऊ पांच हजार मान्सन चुनकें बेतेल और ऐ के मजारें नगर के पच्छिम कुदाऊं उनहों घात में बैठा दओ। 13जब मान्सन ने नगर के उत्तर कुदाऊं की पूरी सेना हों और ऊके पच्छिम कुदाऊं घात में बैठे भयन हों भी ठिकाने पै कर दओ, तब यहोशू ओई रात तराई के मजारें गओ। 14जब ऐ के राजा ने जौ हेरो, तब बे फुरती करके भुन्सारे उठे, और राजा अपनी पूरी परजा हों लैकें इस्राएलियन के सामूं उनसें लड़बे हों कड़कें ठैराई भई जागां पै जौन अराबा के सामूं आय पोंचो; और ऊ नें जानत हतो कि नगर के पछारें कोद मान्सन घात लगाए बैठे आंय। 15तब यहोशू और सबरे इस्राएली उनसें मानो हार मानकें जंगल की गैल लैकें भग कड़े। 16तब नगर के सब मान्सन इस्राएलियन कौ पीछा करबे हों टेर-टेरकें बुलाए गए; और बे यहोशू कौ पीछा करत भए नगर सें दूर कड़ गए। 17नें तौ ऐ में और नें बेतेल में कोऊ मान्स रै गए, जौन इस्राएलियन कौ पीछा करबे हों नें गओ होए; और उनोंरन ने नगर हों खुलो भओ छोड़कें इस्राएलियन कौ पीछा करो।
18तब यहोवा परमेसुर ने यहोशू सें कई, “अपने हाथ कौ बरछा ऐ कुदाईं बढ़ा; कायसे मैं ऊहों तोरे हाथ में दे दैहों।” यहोशू ने अपने हाथ के बरछा हों नगर कुदाईं बढ़ाओ। 19ऊके हाथ बढ़ातई जौन मान्सन घात में बैठे हते बे झट्टई अपनी जागां सें उठे, और दौड़कें नगर में पिड़ गए और ऊहों लै लओ; और झट्टई ऊमें आगी लगा दई। 20जब ऐ के मान्सन ने पछारें धूमकें हेरो, तौ का हेरो कि नगर कौ धुआं आसमान कुदाईं उठ रओ आय; और उनहों नें तौ ई कुदाईं भगबे की सक्ति रई, और नें ऊ कुदाऊं, और जौन मान्सन जंगल कुदाऊं भगे जात हते बे धूमकें अपने खदेड़बेवारों पै टूट पड़े। 21जब यहोशू और सबरे इस्राएलियन ने हेरो कि घातियों ने नगर हों ले लओ आय, और ऊको धुआं उठ रओ आए, तब घूमकें ऐ के मान्सन हों मारन लगे। 22उनकौ सामना करबे हों दूसरे भी नगर सें कड़ आए; ई लाने बे इस्राएलियन के मजारें पड़ गए, कछु इस्राएली तौ उनके अगारें, और कछु उनके पछारें हते; सो उनोंरन ने उनहों इतै लौ मार डालो कि उनमें सें नें तौ कोऊ बचो और नें भग पाओ। 23ऐ के राजा हों बे जियत पकड़कें यहोशू के लिगां ल्याए।
24जब इस्राएली ऐ के सबरे रैबेवारों हों मेंदना में, मतलब ऊ जंगल में जितै उनोंरन ने उनकौ पीछा करो हतो मार चुके, और बे सबई के सब तलवार सें मारे गए इतै लौ कि उनकौ अन्तई हो गओ, तब सबरे इस्राएलियन ने ऐ हों लौटकें ऊहों भी तलवार सें मारो। 25बईयर, मान्स, सबरे मिलाकें जो ऊ दिना मारे गए बे बारह हजार हते, और ऐ के सबरे मान्स इतनईं हते। 26कायसे जब लौ यहोशू ने ऐ के सबरे रैबेवारों कौ सत्यानास नें कर डालो तब लौ ऊनें अपनो हाथ, जीसें बरछा बढ़ाओ हतो, फिन नें खेंचो। 27यहोवा परमेसुर के ऊ हुकम अनसार जौन ऊने यहोशू हों दओ हतो इस्राएलियन ने पसु आदि नगर की लूट अपनी कर लई। 28तब यहोशू ने ऐ हों आगी लगाकें फुंकवा दओ, और ऊहों हमेसा के लाने खण्डहर कर दओ: ऊ आज लौ उजड़ो पड़ो आय। 29ऐ के राजा हों ऊने संझा लौ पेड़ पै लटका रखो हतो, और दिन डूबत यहोशू के हुकम सें ऊकी लास हों पेड़ पै सें उतारकें नगर के फाटक के सामूं डाल दओ गओ, और ऊपै पथरों कौ बड़ो ढेर लगा दओ, जौन आज लौ बनो आय।
एबाल पहड़वा पै ब्यवस्था कौ पाठ
30तब यहोशू ने इस्राएलियन के यहोवा परमेसुर के लाने एबाल पहड़वा पै एक बेदी बनवाई, 31जैसो यहोवा परमेसुर के दास मूसा ने इस्राएलियन हों हुकम दओ हतो, और जैसो मूसा की ब्यवस्था की पोथी में लिखो आय, ऊने बिना बने पथरों की एक बेदी बनवाई जीपै लोहे कौ औजार नें चलाओ गओ हतो। ऊपै उनोंरन ने यहोवा परमेसुर के लाने होमबलि चढ़ाए और मेलबलि करे। 32ओई जांगा पै यहोशू ने इस्राएलियन के सामूं उन पथरों के ऊपर मूसा की ब्यवस्था, जौन ऊने लिखी हती, ऊकी नकल कराई। 33बे का देसी, का परदेसी, सबरे इस्राएली अपने स्याने मान्सन, सरदारों और न्यायियों समेंत यहोवा परमेसुर की बाचा कौ बक्सा उठाबेवारे लेवीय याजकों के सामूं ऊ बक्सा के इतै उतै ठांड़े भए, मतलब आधे मान्सन तौ गिरिज्जीम पहड़वा के, और आधे एबाल पहड़वा के सामूं ठांड़े भए, जैसो कि यहोवा परमेसुर के दास मूसा ने पैलां सें हुकम दओ हतो कि इस्राएली परजा हों आर्सीवाद दए जाएं। 34ऊके बाद ऊने आसीस और स्राप की ब्यवस्था के सबरे बचन, जैसे-जैसे ब्यवस्था की पोथी में लिखे भए आंय बैसई-बैसई पढ़ पढ़कें सुना दए। 35जितेक बातों के लाने मूसा ने हुकम दओ हतो, उनमें सें कोऊ एैसी बात नें रै गई जौन यहोशू ने इस्राएल की पूरी सभा, और बईयरों और बाल-बच्चों, और उनके संगै रैबेवारे परदेसी मान्सन के सामूं सोई पढ़कें नें सुनाई।
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
New Testament books: © 2018 Central India Christian Mission.
Old Testament books: © 2018 Central India Christian Mission and Pioneer Bible Translators