- एस्तेर 3
3
यहूदियन के बिनास की हामान द्वारा साजिस
1ई बातन के पाछें राजा क्षयर्ष ने अगागी हम्मदाता के मोंड़ा हामान हों ऊंचो पद दओ, और ऊकौ मान देकें ऊके लाने ऊके साथी हाकिमन के सिंहासनों सें ऊंचो सिंहासन ठैराओ। 2राजा के सब करमचारी जो राजभवन के फाटक पै रैत हते, बे हामान के सामूं झुककें परनाम करत हते कायसे राजा ने ऊके बारे में ऐसो हुकम दओ हतो; परन्त मोर्दकै नें तौ झुकत हतो और नें ऊको परनाम करत हतो। 3तब राजा के करमचारी जो राजभवन के फाटक पै रैत हते, उनोंरन ने मोर्दकै सें पूंछो, “तें राजा के आदेस हों काय नईं मानत?” 4जब बे ऊसें रोज एैसई कैत रए, और ऊने उनकी एक नें मानी, तब उनोंरन ने जा हेरबे की इच्छा सें कि मोर्दकै की जा बात चलहै कि नईं, हामान हों बता दओ; ऊने तौ उनहों बता दओ हतो कि मैं यहूदी आंव। 5जब हामान ने हेरो, कि मोर्दकै नईं झुकत, और नें मोहों परनाम करत आय, तब हामान बिलात गुस्सा भओ। 6ऊने अकेले मोर्दकै पै हाथ चलाबो अपनी मर्यादा के नेंचें जानो। कायसे उनोंरन ने हामान हों जा बता दओ हतो कि मोर्दकै कौन जात कौ आय, ई लाने हामान ने क्षयर्ष के पूरे राज में रैबेवारे सबरे यहूदियन हों सोई मोर्दकै की जात जानकें, बिनास कर डालबे की जुगत काड़ी।
7राजा क्षयर्ष के बारवें साल के नीसान नाओं पैले मईना में, हामान ने अदार नाओं बारवें मईना लौ के एक एक दिना और एक एक मईना के लाने “पूर” मतलब चिठिया अपने सामूं डलवाईं। 8तब हामान ने राजा क्षयर्ष सें कई, “तोरे राज्य के सब प्रान्तन में रैबेवारे देस देस के मान्सन के मजारें तितर बितर और छिटकी भई एक जात आय, जीके नियम और सब लोगन के नियमों सें अलग आंय; और बे राजा के कानून पै नईं चलत, ई लाने उनहों रैन देबो राजा हों फायदेमन्द नईंयां। 9जदि राजा ईहों मानै तौ उनहों नास करबे कौ हुकम लिखो जाए, और मैं राजा के भंडारियन के हाथ में राजभंडार में पोंचाबे के लाने, दस हजार किक्कार (आठ हजार पांच सौ मन) चांदी दैहों।” 10तब राजा ने अपनी मुंदरी अपने हाथ सें उतारकें अगागी हम्मदाता के मोंड़ा हामान हों, जो यहूदियन कौ बैरी हतो दे दई; 11और राजा ने हामान सें कई, “बा चांदी तोहों दई गई आय, और बे लोग सोई, ताकि उनसें जैसो तोरो हिया चाहै बैसई ब्योहार करै।”
12एैसे ओई पैले मईना के तेरवें दिना हों राजा के लिखईया बुलाए गए, और हामान के हुकम अनसार राजा के सब अधिपतियन, और सब प्रान्तन के प्रधानन, और देस देस के मान्सन के हाकिमन के लाने चिठियां, एक एक प्रान्त के अक्षरों में, और एक एक देस के मान्सन की भासा में राजा क्षयर्ष के नाओं सें लिखी गई; और उनमें राजा की मुंदरी की छाप लगाई गई। 13राज्य के सब प्रान्तन में ई मतलब की चिठियां सब हरकारन के द्वारा पोंचाई गईं कि एकई दिना में, मतलब अदार नाओं बारवें मईना के तेरवें दिना हों, का जवान, का बूढ़े, का बईयर, का बच्चा, सब यहूदी मार डाले जाबें; और उनकी धन सम्पत्ति लूट लई जाए। 14ऊ हुकम की नकलें सब प्रान्तन में खुली भई भेजी गईं कि सब देसन के लोग ऊ दिना के लाने तईयार हो जाबें। 15जौ हुकम शूशन गढ़ में दओ गओ, और हरकारे राजा के हुकम सें तुरतईं कड़ गए। राजा और हामान तौ दाखमधु पीबे बैठ गए; परन्त शूशन नगर में घबराहट फैल गई।
Currently Selected:
- एस्तेर 3: BHB
Highlight
Copy
Compare
Share
Want to have your highlights saved across all your devices? Sign up or sign in
New Testament books: © 2018 Central India Christian Mission.
Old Testament books: © 2018 Central India Christian Mission and Pioneer Bible Translators
- एस्तेर 3
3
यहूदियन के बिनास की हामान द्वारा साजिस
1ई बातन के पाछें राजा क्षयर्ष ने अगागी हम्मदाता के मोंड़ा हामान हों ऊंचो पद दओ, और ऊकौ मान देकें ऊके लाने ऊके साथी हाकिमन के सिंहासनों सें ऊंचो सिंहासन ठैराओ। 2राजा के सब करमचारी जो राजभवन के फाटक पै रैत हते, बे हामान के सामूं झुककें परनाम करत हते कायसे राजा ने ऊके बारे में ऐसो हुकम दओ हतो; परन्त मोर्दकै नें तौ झुकत हतो और नें ऊको परनाम करत हतो। 3तब राजा के करमचारी जो राजभवन के फाटक पै रैत हते, उनोंरन ने मोर्दकै सें पूंछो, “तें राजा के आदेस हों काय नईं मानत?” 4जब बे ऊसें रोज एैसई कैत रए, और ऊने उनकी एक नें मानी, तब उनोंरन ने जा हेरबे की इच्छा सें कि मोर्दकै की जा बात चलहै कि नईं, हामान हों बता दओ; ऊने तौ उनहों बता दओ हतो कि मैं यहूदी आंव। 5जब हामान ने हेरो, कि मोर्दकै नईं झुकत, और नें मोहों परनाम करत आय, तब हामान बिलात गुस्सा भओ। 6ऊने अकेले मोर्दकै पै हाथ चलाबो अपनी मर्यादा के नेंचें जानो। कायसे उनोंरन ने हामान हों जा बता दओ हतो कि मोर्दकै कौन जात कौ आय, ई लाने हामान ने क्षयर्ष के पूरे राज में रैबेवारे सबरे यहूदियन हों सोई मोर्दकै की जात जानकें, बिनास कर डालबे की जुगत काड़ी।
7राजा क्षयर्ष के बारवें साल के नीसान नाओं पैले मईना में, हामान ने अदार नाओं बारवें मईना लौ के एक एक दिना और एक एक मईना के लाने “पूर” मतलब चिठिया अपने सामूं डलवाईं। 8तब हामान ने राजा क्षयर्ष सें कई, “तोरे राज्य के सब प्रान्तन में रैबेवारे देस देस के मान्सन के मजारें तितर बितर और छिटकी भई एक जात आय, जीके नियम और सब लोगन के नियमों सें अलग आंय; और बे राजा के कानून पै नईं चलत, ई लाने उनहों रैन देबो राजा हों फायदेमन्द नईंयां। 9जदि राजा ईहों मानै तौ उनहों नास करबे कौ हुकम लिखो जाए, और मैं राजा के भंडारियन के हाथ में राजभंडार में पोंचाबे के लाने, दस हजार किक्कार (आठ हजार पांच सौ मन) चांदी दैहों।” 10तब राजा ने अपनी मुंदरी अपने हाथ सें उतारकें अगागी हम्मदाता के मोंड़ा हामान हों, जो यहूदियन कौ बैरी हतो दे दई; 11और राजा ने हामान सें कई, “बा चांदी तोहों दई गई आय, और बे लोग सोई, ताकि उनसें जैसो तोरो हिया चाहै बैसई ब्योहार करै।”
12एैसे ओई पैले मईना के तेरवें दिना हों राजा के लिखईया बुलाए गए, और हामान के हुकम अनसार राजा के सब अधिपतियन, और सब प्रान्तन के प्रधानन, और देस देस के मान्सन के हाकिमन के लाने चिठियां, एक एक प्रान्त के अक्षरों में, और एक एक देस के मान्सन की भासा में राजा क्षयर्ष के नाओं सें लिखी गई; और उनमें राजा की मुंदरी की छाप लगाई गई। 13राज्य के सब प्रान्तन में ई मतलब की चिठियां सब हरकारन के द्वारा पोंचाई गईं कि एकई दिना में, मतलब अदार नाओं बारवें मईना के तेरवें दिना हों, का जवान, का बूढ़े, का बईयर, का बच्चा, सब यहूदी मार डाले जाबें; और उनकी धन सम्पत्ति लूट लई जाए। 14ऊ हुकम की नकलें सब प्रान्तन में खुली भई भेजी गईं कि सब देसन के लोग ऊ दिना के लाने तईयार हो जाबें। 15जौ हुकम शूशन गढ़ में दओ गओ, और हरकारे राजा के हुकम सें तुरतईं कड़ गए। राजा और हामान तौ दाखमधु पीबे बैठ गए; परन्त शूशन नगर में घबराहट फैल गई।
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
New Testament books: © 2018 Central India Christian Mission.
Old Testament books: © 2018 Central India Christian Mission and Pioneer Bible Translators