Singx Nzung 53
53
Singx Nzung 53
Baamh Mienh Hngongx, Kungx Zoux Waaic Sic
Jiu bun dorh nzung nyei mienh. Ziux maa^haa^latv. Ndaawitv zoc nyei matv^kin nzung.
(Beiv mangc Singx Nzung 14 zaang)
1Mienh hngongx mienh#53:1 Yiem Singx Nzung mienh hngongx mienh naaiv joux waac gorngv zuqc zoux waaic nyei mienh, se maiv maaih Tin-Hungh nyei mienh. yiem hnyouv gorngv,
“Maiv maaih Tin-Hungh lorqc.”
Ninh mbuo waaic haic, zoux gamh nziev haic nyei zuiz,
maiv maaih yietc dauh zoux longx.#Lomaa 3:10-12
2Tin-Hungh yiem tin-dorngh mangc njiec,
mangc baamh mienh.
Oix mangc gaax, maaih haaix dauh maaih cong-mengh,
maaih haaix dauh lorz Tin-Hungh.
3Mouz dauh mienh tuix nqaang,
dauh dauh fih hnangv nyei waaic nzengc.
Maiv maaih haaix dauh zoux longx,
yietc dauh yaac maiv maaih.
4Zoux orqv nyei mienh maiv hiuv haaix nyungc fai?
Ninh mbuo naqv yie nyei baeqc fingx hnangv ninh mbuo nyanc hnaangx nor.
Ninh mbuo yaac maiv tov Tin-Hungh.
5Ninh mbuo yiem wuov za'gengh! gamh nziex haic.
Maiv maaih jiex ndongc naaiv gamh nziex.
Weic zuqc Tin-Hungh oix zorqv dongh liepc ciangv daaih
mborqv meih wuov deix mienh nyei mbungv faatv nzaanx nzengc.
Meih oix bun ninh mbuo zuqc nyaiv weic zuqc Tin-Hungh nqemh ninh mbuo.
6Tov bun I^saa^laa^en Mienh nyei njoux en yiem Si^on cuotv.
Tin-Hungh bun ninh nyei baeqc fingx nzuonx daaih duqv longx hnangv zinh ndaangc wuov zanc,
Yaakopv nyei zeiv-fun ziouc maaih orn-lorqc,
I^saa^laa^en Mienh oix njien-youh.
Currently Selected:
Singx Nzung 53: IuMiNR
Highlight
Copy
Compare
Share
Want to have your highlights saved across all your devices? Sign up or sign in
ฉบับอักษรโรมันใหม่ © Thailand Bible Society, 2007.
