Singx Nzung 47
47
Singx Nzung 47
Tin-Hungh Benx Lungh Ndiev Nyei Hungh
Jiu bun dorh nzung nyei mienh. Kolaa nyei Zeiv-Fun zoc nyei singx nzung.
1Maanc fingx mienh aah! Oix zuqc mbaix buoz
longc njien-youh nyei qiex heuc Tin-Hungh.
2Oix zuqc gamh nziex Ziouv, dongh Yiem Hlang Jiex Wuov Dauh.
Ninh zoux domh Hungh Diex gunv gormx lungh ndiev.
3Ninh bun maanc fingx yiem yie mbuo nyei buoz-ndiev.
Bun maanc guoqv yiem yie mbuo nyei zaux-ndiev.
4Ninh weic yie mbuo ginv yie mbuo nzipc nyei buonc.#47:4 Se Kaa^naa^an Deic-Bung.
Se Yaakopv, dongh ninh hnamv wuov dauh, a'hneiv nyei buonc. Selaa
5Mienh heuc mbui houc Tin-Hungh faaux weic.
Nzatc nyei qiex mbui houc Ziouv faaux.
6Oix zuqc baaux nzung ceng Tin-Hungh, baaux nzung ceng.
Oix zuqc baaux nzung ceng yie mbuo nyei Hungh Diex, baaux nzung ceng maah!
7Weic zuqc Tin-Hungh zoux Hungh gunv gormx lungh ndiev,
oix zuqc baaux diuh singx nzung#47:7 Hipv^lu waac gorngv matv^kin nzung. ceng ninh.
8Tin-Hungh gunv maanc guoqv.
Tin-Hungh zueiz jienv ninh nyei cing-nzengc weic.
9Gunv maanc guoqv nyei jien gapv zunv
caux jienv Apc^laa^ham nyei Tin-Hungh nyei baeqc fingx.
Weic zuqc lungh ndiev nyei torngv-baaih#47:9 torngv-baaih naaiv joux zoux jangx-hoc biux mengh da'faanh maaih hatc maaz gunv nyei mienh. benx Tin-Hungh nyei.
Oix zuqc taaih ninh zoux hlo jiex.
Currently Selected:
Singx Nzung 47: IuMiNR
Highlight
Copy
Compare
Share
Want to have your highlights saved across all your devices? Sign up or sign in
ฉบับอักษรโรมันใหม่ © Thailand Bible Society, 2007.
