Singx Nzung 29
29
Singx Nzung 29
Haiz Ziouv Nyei Qiex Yiem Domh Mbiungc Nziaaux
Ndaawitv zoc nyei singx nzung.
1Yiem lungh nyei zuangx fin-mienh#29:1 Hipv^lu waac gorngv zienh nyei dorn. aah!
Oix zuqc ceng Ziouv.
Oix zuqc ceng Ziouv nyei njang-laangc caux qaqv.#Singx Nzung 96:7-9
2Oix zuqc ceng Ziouv puix ninh njang-laangc nyei mbuox.
Oix zuqc zaangc Ziouv weic ninh cing-nzengc nyei mbuox njang-laangc haic.#29:2 Fai “oix zuqc zuqv cing-nzengc nyei siou-setv baaix Ziouv”.
3 Ziouv nyei sing-qiex yiem wuov koiv gu'nguaaic.
Njang-laangc nyei Tin-Hungh nyei qiex mbui hnangv mba'ong mbui nor,
Ziouv nyei sing-qiex aengv buangv koiv.
4 Ziouv nyei sing-qiex maaih domh qaqv,
Ziouv nyei sing-qiex maaih haangh daauh hlo haic.
5 Ziouv nyei qiex wuotv nauv si^ndaa zongh ndiangx.
Ziouv wuotv nauv Le^mbaa^norn nyei si^ndaa zongh ndiangx.
6Ninh bun Le^mbaa^norn Geh dongz hnangv ngongh dorn ndiuh lungh,
yaac bun Si^li^on Mbong#29:6 Si^li^on Mbong se Hemon Mbong nyei ganh norm mbuox. dongz hnangv hieh ngongh gouv caan biu nor.
7 Ziouv nyei sing-qiex njopc cuotv benx douz-mbietc.
8 Ziouv nyei sing-qiex ndanc dongz deic-bung-huaang.
Ziouv nqamv dongz Kaa^ndetc nyei deic-bung-huaang.
9 Ziouv nyei qiex ndanc domh mba'ong zuei ndiangx,#29:9 domh mba'ong zuei ndiangx maaih deix loz-hnoi sou gorngv njaih. Ninh mbuo ziouc faan daaih gorngv “bun njaih nyeiz nyei dorn mbaang”.
yaac bun lomc nyei ndiangx-normh bioh nzengc.
Yiem ninh nyei singx dinc nyei yietc zungv mienh yaac heuc jienv, “Njang-laangc!”
10 Ziouv zueiz jienv weic gunv mbiungc-suiv-imx.
Ziouv zueiz jienv weic, yietc liuz zoux hungh.
11Tov Ziouv ceix qaqv bun ninh nyei baeqc fingx.
Tov Ziouv ceix fuqv bun ninh nyei mienh duqv baengh orn.
Currently Selected:
Singx Nzung 29: IuMiNR
Highlight
Copy
Compare
Share
Want to have your highlights saved across all your devices? Sign up or sign in
ฉบับอักษรโรมันใหม่ © Thailand Bible Society, 2007.
