Singx Nzung 148
148
Singx Nzung 148
Kuinx Maanc Muotc Ceng Ziouv
1Oix zuqc ceng Ziouv. #148:1 Hipv^lu waac gorngv Haa^le^lu Yaa. Yiem 148:14 fih hnangv nyei.
Oix zuqc yiem gu'nguaaic lungh ceng Ziouv,
yiem hlang nyei dorngx ceng ninh.
2Ninh nyei zuangx fin-mienh oix zuqc ceng ninh.
Ninh nyei zuangx fin-mienh baeng oix zuqc ceng ninh.
3Mba'hnoi aah! Hlaax aah! Oix zuqc ceng ninh.
Ziux njang nyei yietc zungv hleix aah! Oix zuqc ceng ninh.
4Hlang jiex nyei lungh caux
yiem lungh gu'nguaaic nyei wuom#148:4 Beiv mangc Tin Deic Douh 1:6-7. aah! Oix zuqc ceng ninh.
5Tov bun naaiv deix yietc zungv ceng Ziouv nyei mengh,
weic zuqc ninh yietv hatc ziouc cuotv daaih aqv.
6Ninh liepc naaiv deix daaih yietc liuz taux yietc liuz.
Ninh njiec nyei lingc yietc liuz maiv haih jiex.#148:6 Fai “ninh mbuo maiv haih jiex ninh dingc daaih nyei dorngx”.
7Oix zuqc yiem ndau-beih ceng Ziouv.
Koiv nyei domh mbiauz caux yiem koiv ndo nyei dorngx yietc zungv oix zuqc ceng.
8Douz caux borqc, sorng caux mbuonx,
caux ei jienv ninh nyei lingc nyei domh nziaaux,
9domh mbong fiuv-mbong yietc zungv,
ziangh biouv nyei ndiangx caux yietc zungv si^ndaa zongh ndiangx,
10hieh zoih caux yietc zungv saeng-kuv,
nyorng ndau nyei ga'naaiv caux haih ndaix nyei norqc oix zuqc ceng ninh.
11Lungh ndiev nyei hungh diex caux maanc fingx mienh,
zoux jien nyei caux yietc zungv zoux hlo nyei mienh,
12houh saeng caux sieqv,
mienh gox mienh caux fu'jueiv oix zuqc ceng ninh.
13Tov bun naaiv deix yietc zungv ceng Ziouv nyei mengh,
weic zuqc kungx maaih ninh nyei mbuox ganh hlo jiex hnangv.
Ninh nyei njang-laangc yiem lungh caux ndau gu'nguaaic.
14Ninh bun ninh nyei baeqc fingx henv#148:14 Faan zaqc Hipv^lu waac gorngv “Ninh zorqv ninh nyei baeqc fingx nyei jorng bouh faaux hlang.” Naaiv gorngv taux bun ninh mbuo henv.
weic bun ninh nyei cing-nzengc baeqc fingx ceng ninh,
se dongh nitv ninh fatv nyei baeqc fingx,#148:14 Eix leiz se ninh hnamv nyei baeqc fingx, I^saa^laa^en Mienh. I^saa^laa^en Mienh.
Oix zuqc ceng Ziouv.
Currently Selected:
Singx Nzung 148: IuMiNR
Highlight
Copy
Compare
Share
Want to have your highlights saved across all your devices? Sign up or sign in
ฉบับอักษรโรมันใหม่ © Thailand Bible Society, 2007.
