Singx Nzung 129
129
Singx Nzung 129
Tov Ziouv Hingh Si^on Nyei Win-Wangv
Yangh faaux nyei nzung.
1Ninh mbuo hoic yie zuqc kouv yiem yie hnyangx-jeiv lunx taux ih zanc.
I^saa^laa^en Mienh aah! Ih zanc gorngv maah!
2Ninh mbuo hoic yie zuqc kouv yiem yie hnyangx-jeiv lunx taux ih zanc,
mv baac ninh mbuo maiv hingh yie.
3Ninh mbuo mborqv yie nyei diqc daanz butv mbiuz ndaauv nyei,
hnangv laih ndau nyei mienh laih ndau nor.
4 Ziouv se baengh fim nyei.
Ninh hngaqv ndutv orqv mienh ndoh nyei hlaang.
5Tov bun nzorng Si^on wuov deix yietc zungv mienh
zuqc nyaiv yaac zuqc tuix nzuonx nqa'haav.
6Tov bun ninh mbuo hnangv yiem biauv-ngorh cuotv nyei miev,
maiv gaengh hlo ziouc kou nqaai mi'aqv.
7Gaatv mbiauh nyei mienh maiv zorqv daaih gaatv,
sai mbiauh nyei mienh yaac maiv gaux yietc zeiv.
8Jiex jauv nyei mienh maiv gorngv,
“Tov Ziouv ceix fuqv bun meih mbuo.
Yie mbuo dengv Ziouv nyei mbuox buang waac bun meih mbuo.”
Currently Selected:
Singx Nzung 129: IuMiNR
Highlight
Copy
Compare
Share
Want to have your highlights saved across all your devices? Sign up or sign in
ฉบับอักษรโรมันใหม่ © Thailand Bible Society, 2007.
