Singx Nzung 120
120
Singx Nzung 120
Daux Gaux Tov Ziouv Tengx Biaux Ndutv, Maiv Zuqc Mienh Hoic
Yangh faaux nyei nzung.#120:0 Yiem Singx Nzung 120-134 benx yangh faaux nyei nzung. Haih maaih ziex nyungc eix leiz mv baac mienh gauh camv jiex funx baaux nyei ziangh hoc se I^saa^ laa^en Mienh yietc hnyangx mingh buo nzunc Ye^lu^saa^lem Zingh jiex zipv. Doix ninh mbuo faaux wuov jiex nyei ziangh hoc ninh mbuo baaux naaiv deix nzung.
1Yie zuqc kouv naanc nyei ziangh hoc yie heuc Ziouv,
ninh yaac dau yie.
2O Ziouv aac, tov njoux yie biaux ndutv gorngv-baeqc nyei mienh,
caux nduov mienh nyei mienh.
3Meih mbuo gorngv-baeqc nyei mienh aah!
Oix zuqc bun haaix nyungc meih?
Aengx jaa haaix nyungc bun meih?
4Ninh oix longc mborqv jaax baeng nyei forng-cang laic nyei,
caux maaih douz nyei douz-taanx dingc meih nyei zuiz.
5Yie zuqc kouv aqv, weic zuqc yie yiem Mesekv Deic,
yaac yiem Ke^ndaa nyei ndopv-liuh mbu'ndongx.
6Yie yiem nzorng baengh orn nyei jauv
wuov deix mienh mbu'ndongx lauh jiex ndaangc.
7Yie oix taaix-baengh, mv baac yie gorngv nyei ziangh hoc,
ninh mbuo oix mborqv jaax.
Currently Selected:
Singx Nzung 120: IuMiNR
Highlight
Copy
Compare
Share
Want to have your highlights saved across all your devices? Sign up or sign in
ฉบับอักษรโรมันใหม่ © Thailand Bible Society, 2007.