Saauv Mienh 7
7
Houc Zaangc Tin-Hungh Nyei Ndopv-Liuh Fongc Horc Ga'naaiv
1Mose liepc ziangx zaangc Tin-Hungh nyei ndopv-liuh wuov hnoi, ninh longc cing-nzengc youh guoqv jienv bun ndopv-liuh caux ndopv-liuh nyei yietc zungv jaa-sic cing-nzengc. Ninh aengx longc wuov nyungc youh guoqv jienv bun ziec-dorngh caux ziec-dorngh nyei yietc zungv jaa-sic cing-nzengc. 2I^saa^laa^en Mienh nyei bungh buonc bieiv zeiv, dongh liuc leiz saauv mienh wuov deix bieiv zeiv, ziouc dorh ga'naaiv daaih fongc horc. 3Ninh mbuo dorh daaih fongc horc bun Ziouv nyei zingh nyeic maaih juqv jaax ngongh cie gomv jienv liuh nyei, caux ziepc nyeic dauh yangh ngongh gouv. I dauh bieiv zeiv fongc horc yietc jaax ngongh cie. Yietc dauh bieiv zeiv fongc horc yietc dauh ngongh. Naaiv deix ga'naaiv ninh mbuo dorh taux zaangc Tin-Hungh nyei ndopv-liuh daaih fongc horc.
4Ziouv gorngv mbuox Mose, 5“Oix zuqc zipv ninh mbuo fongc horc nyei ga'naaiv longc zoux Wuic Buangh Ndopv-Liuh nyei gong. Oix zuqc jiu bun Lewi Mienh ziux gorqv-mienh nyei gong qiemx longc.”
6Mose ziouc zorqv ngongh cie caux ngongh jiu bun Lewi Mienh. 7Ninh zorqv i jaax cie caux biei dauh ngongh bun Geson Mienh ziux ninh mbuo zoux nyei gong qiemx longc nyei. 8Aengx zorqv biei jaax cie caux hietc dauh ngongh bun Me^laa^li Mienh ziux ninh mbuo zoux nyei gong qiemx longc nyei. Ninh mbuo yietc zungv yiem Aalon sai mienh nyei dorn, I^taa^maa, nyei buoz-ndiev. 9Mv baac cie caux ngongh Mose maiv bun Ko^haatv Mienh weic zuqc ninh mbuo zoux nyei gong se oix zuqc longc mba'dauh gaeng cing-nzengc nyei ga'naaiv.
10Longc cing-nzengc youh nzaatv ziec-dorngh bun ziec-dorngh cing-nzengc wuov deix hnoi-nyieqc, bieiv zeiv dorh ga'naaiv daaih yiem wuov ziec-dorngh fongc horc. 11Ziouv gorngv mbuox Mose, “Wuov deix bieiv zeiv oix zuqc yietc hnoi daaih dauh weic fongc horc ninh mbuo nyei ga'naaiv houc ziec-dorngh.”
12-83Ninh mbuo hnangv naaiv nor yietc fingx yietc fingx nyei dorh ga'naaiv daaih fongc horc.#7:12-83 Naaiv deix ziex yiemc gorngv fih hnangv nzengc. Kungx tiuv haaix fingx nyei haaix dauh bieiv zeiv haaix hnoi fongc horc. Weic naaiv cingx daaih hnangv naaiv nzutv zunv fiev.
| Hnoi | Fingx | Bieiv Zeiv |
|---|---|---|
| Da'yietv hnoi | Yu^ndaa Fingx | Am^mi^naa^ndapc nyei dorn, Naason |
| Da'nyeic hnoi | Itc^saax^kaa Fingx | Zu^aa nyei dorn, Ne^tan^en |
| Da'faam hnoi | Se^mbu^lun Fingx | Helon nyei dorn, E^li^apc |
| Da'feix hnoi | Lu^mben Fingx | Se^nde^e nyei dorn, E^li^su |
| Da'hmz hnoi | Si^me^on Fingx | Sux^li^satv^ndai nyei dorn, Se^lu^mi^en |
| Da'luoqc hnoi | Gaatc Fingx | Nde^u^en nyei dorn, E^li^yaa^saapc |
| Da'cietv hnoi | E^faa^im Fingx | Am^mi^hutv nyei dorn, E^li^saa^maa |
| Da'betv hnoi | Maa^natv^se Fingx | Be^ndaa^su nyei dorn, Gaa^maa^li^en |
| Da'juov hnoi | Mben^yaa^min Fingx | Gi^nde^o^ni nyei dorn, Aa^mbi^ndan |
| Da'ziepc hnoi | Ndaan Fingx | Am^mi^qatv^ndai nyei dorn, Aa^hi^ye^se |
| Ziepc Yietv wuov hnoi | Aa^se Fingx | Okaan nyei dorn, Baa^gi^en |
| Ziepc Nyeic wuov hnoi | Napv^taa^li Fingx | Enan nyei dorn, Aa^hi^laa |
Dauh dauh dorh daaih fongc horc nyei ga'naaiv fih hnangv nzengc. Yietc dauh yietc dauh nyei maaih hnangv naaiv. Maaih yietc norm nyaanh bienh, hniev-daauh faah ziepc betv lungz,#7:12-83 Hipv^lu waac gorngv 130 se^kenx. Se leih maiv go 1.3 gilo. maaih yietc norm nyaanh nzormc,#7:12-83 nyaanh nzormc: nziex longc weic fuqv fai pietv. hniev-daauh nyic ziepc yietv lungz,#7:12-83 Hipv^lu waac gorngv 70 se^kenx. Se leih maiv go 0.8 gilo. ziux singx dinc dingc daaih nyei hniev-daauh. I norm zungv zaangh buangv zorpc jienv youh nyei mbuonv-muonc weic zoux fongc horc ziec nyei laangh ziqc. Aengx maaih norm jiem-hungh louh, hniev-daauh faam-lungz,#7:12-83 Hipv^lu waac gorngv, 10 se^kenx. Se leih maiv go 110 gam. zaangh buangv hung. Aengx maaih yietc dauh ngongh gouv caan, yietc dauh ba'gi yungh gouv, caux yietc dauh doix hnyangx nyei ba'gi yungh dorn weic zoux buov ziec nyei ga'naaiv. Maaih dauh yungh gouv weic ziec fiqv zuiz, maaih i dauh ngongh gouv, biaa dauh ba'gi yungh gouv, biaa dauh yungh gouv caux biaa dauh doix hnyangx nyei ba'gi yungh gouv ziec weic jiu tong.
84Longc youh dox ziec-dorngh weic fungx bun Ziouv nyei hnoi-nyieqc, naaiv se I^saa^laa^en Mienh nyei bieiv zeiv dorh daaih fongc horc houc ziec-dorngh nyei ga'naaiv. Ninh mbuo dorh ziepc nyeic norm nyaanh bienh, ziepc nyeic norm nyaanh nzormc, ziepc nyeic norm jiem-ba'gen. 85Yietc norm nyaanh bienh maaih faah ziepc feix lungz,#7:85 Hipv^lu waac gorngv 130 se^kenx. Se leih maiv go 1.3 gilo. yietc norm nzormc maaih ziepc betv lungz.#7:85 Hipv^lu waac gorngv 70 se^kenx. Se leih maiv go 0.8 gilo. Naaiv deix nyaanh jaa-dorngx yietc zungv maaih ziepc cietv joih ziepc feix lungz#7:85 Hipv^lu waac gorngv 2400 se^kenx. Se leih maiv go 28 gilo. ziux singx dinc dingc daaih nyei hniev-daauh. 86Maaih ziepc nyeic norm jiem-ba'gen, yietc norm maaih faam-lungz#7:86 Hipv^lu waac gorngv 10 se^kenx. Se leih maiv go 110 gam. ziux singx dinc dingc daaih nyei hniev-daauh. Yaac zaangh buangv hung. Jiem-ba'gen yietc zungv maaih faah ziepc luoqc lungz.#7:86 Hipv^lu waac gorngv 120 se^kenx. Se leih maiv go 1.4 gilo. 87Buov ziec nyei saeng-kuv yietc zungv maaih ziepc nyeic dauh ngongh gouv, ziepc nyeic dauh ba'gi yungh gouv, ziepc nyeic dauh doix hnyangx nyei ba'gi yungh gouv, caux jienv laangh ziqc yietc njiec ziec. Maaih ziepc nyeic dauh yungh gouv ziec fiqv zuiz. 88Longc ziec weic jiu tong nyei saeng-kuv yietc zungv maaih nyic ziepc feix dauh ngongh gouv, luoqc ziepc dauh ba'gi yungh gouv, luoqc ziepc dauh yungh gouv, luoqc ziepc dauh doix hnyangx nyei ba'gi yungh gouv dorn. Naaiv se longc youh dox ziec-dorngh fungx bun Ziouv liuz, fongc horc ziec nyei ga'naaiv.
89Mose bieqc Wuic Buangh nyei Ndopv-Liuh caux Ziouv gorngv waac wuov zanc, ninh haiz qiex yiem Laengz Ngaengc Waac nyei faang-nqaaix, wuov deix i dauh ke^lu^mbim mbu'ndongx, caux ninh gorngv waac.
Currently Selected:
Saauv Mienh 7: IuMiNR
Highlight
Copy
Compare
Share
Want to have your highlights saved across all your devices? Sign up or sign in
ฉบับอักษรโรมันใหม่ © Thailand Bible Society, 2007.
