Saauv Mienh 13
13
Paaiv Mienh Mingh Zaah Kaa^naa^an Deic-Bung
1 Ziouv gorngv mbuox Mose, 2“Paaiv deix mienh mingh zaah Kaa^naa^an Deic-Bung, dongh yie oix ceix bun I^saa^laa^en Mienh nyei deic-bung. Ziux ong-taaix liepc daaih nyei fingx, oix zuqc yietc fingx paaiv dauh wuov fingx nyei bieiv zeiv.”
3Mose ziux Ziouv nyei waac paaiv ninh mbuo cuotv Baalaan Deic-Bung-Huaang. Ninh mbuo yietc zungv zoux I^saa^laa^en Mienh nyei bieiv zeiv. 4Naaiv se ninh mbuo nyei mbuox.
| Fingx | Bieiv Zeiv |
|---|---|
| Lu^mben Fingx | Sakc^ge nyei dorn, Sam^mu^waa |
| 5Si^me^on Fingx | Holi nyei dorn, Saafatv |
| 6Yu^ndaa Fingx | Ye^fun^ne nyei dorn, Kaalepv |
| 7Itc^saax^kaa Fingx | Yosepv nyei dorn, I^gaan |
| 8E^faa^im Fingx | Nun nyei dorn, Ho^se^yaa |
| 9Mben^yaa^min Fingx | Laafu nyei dorn, Banti |
| 10Se^mbu^lun Fingx | So^ndi nyei dorn, Gatc^ndien |
| 11Maa^natv^se Fingx | Susi nyei dorn, Gatc^ndi |
| (Maa^natv^se se Yosepv | |
| bun njiec nyei fingx.) | |
| 12Ndaan Fingx | Ge^man^li nyei dorn, Am^mi^en |
| 13Aa^se Fingx | Mi^kaa^en nyei dorn, Setu |
| 14Napv^taa^li Fingx | Wopv^si nyei dorn, Naa^mbi |
| 15Gaatc Fingx | Maaki nyei dorn, Ge^u^en |
16Naaiv se Mose paaiv mingh zaah deic-bung wuov deix mienh nyei mbuox. (Mose tiuv Nun nyei dorn, Ho^se^yaa, nyei mbuox benx Yo^su^waa.)
17Mose ziouc paaiv ninh mbuo mingh zaah Kaa^naa^an Deic-Bung, mbuox ninh mbuo, “Oix zuqc yangh baqv bung mingh bieqc Negepc, gan mbong-aiv nyei dorngx mingh. 18Zaah mangc gaax, wuov norm deic-bung hnangv haaix nor. Mangc gaax, yiem naaic nyei mienh henv fai maiv henv, camv fai zoqc. 19Mangc gaax, ninh mbuo yiem nyei dorngx yaauc fai maiv yaauc. Ninh mbuo yiem nyei zingh hnangv haaix nor? Maaih zingh laatc fai maiv maaih? 20Mangc gaax, wuov deix ndau hnangv haaix nor? Jaic fai junc? Maaih ndiangx fai maiv maaih? Yaac oix zuqc zoux daamv hlo nyei, dorh deix wuov norm deic-bung nyei biouv nzuonx.” (Wuov zanc doix zuqc daauh torngx a'ngunc biouv zuoqc.)
21Wuov deix mienh ziouc yangh baqv bung maengx, yiem Sin Deic-Bung-Huaang naamh bung, zaah toux taux Le^hopc, nitv bieqc Haamatv Zingh wuov diuh jauv. 22Ninh mbuo yangh Negepc, mingh taux He^mbo^lon, dongh Aanaakv nyei zeiv-fun, Aa^hi^maan, Sesai caux Tanmai yiem nyei dorngx. (He^mbo^lon Zingh liepc ndaangc yiem I^yipv Deic-Bung nyei So^an Zingh siec hnyangx.) 23Taux Etc^ko Horngz, ninh mbuo hngaqv diuh a'ngunc hmei nyei nquaah, maaih yietc joih biouv. I dauh mienh longc ndiangx cunx jienv ndaam. Ninh mbuo aengx gaeqv deix ziqc liouh biouv#13:23 ziqc liouh biouv Janx-Taiv waac heuc tapv^tim. caux ngongh nyorx biouv dorh nzuonx. 24Wuov norm dorngx ninh mbuo cuotv mbuox heuc Etc^ko,#13:24 Etc^ko nyei eix leid se joih. weic zuqc I^saa^laa^en Mienh yiem naaic hngaqv wuov joih a'ngunc biouv.
Gorngv Zaah Deic-Bung Nyei Jauv-Louc
25Jiex liuz feix ziepc hnoi, zaah deic-bung nyei mienh ziouc nzuonx daaih. 26Nzuonx taux Mose caux Aalon caux I^saa^laa^en nyei zuangx mienh yiem Baalaan Deic-Bung-Huaang, Kaa^ndetc wuov, ninh mbuo gorngv nzengc ninh mbuo zaah deic-bung nyei jauv-louc bun zuangx mienh muangx, yaac bun ninh mbuo mangc ninh mbuo gaeqv daaih nyei biouv. 27Ninh mbuo hnangv naaiv nor gorngv mbuox Mose, “Yie mbuo mingh taux meih paaiv yie mbuo mingh nyei deic-bung, ndau-touv za'gengh! longx haic, nyiemz haic.#13:27 Beiv mangc Cuotv I^yipv 3:8. Naaiv se wuov norm deic-bung nyei biouv. 28Mv baac yiem naaic nyei mienh henv haic. Ninh mbuo nyei zingh hlo haic, maaih zingh laatc weih jienv. Yiem naaic yie mbuo zungv duqv buatc Aanaakv nyei zeiv-fun. 29Aa^maa^lekv Mienh yiem Negepc,#13:29 Beiv mangc Saauv Mienh 13:17. Hitv^tai Mienh, Ye^mbutc Mienh caux Aa^mo^lai Mienh yiem mbong zaangc. Kaa^naa^an Mienh yiem nitv koiv yaac yiem Jor^ndaen Ndaaih hlen.”
30Kaalepv heuc yiem Mose nyei nza'hmien nyei zuangx mienh sekv nzengc ziouc gorngv, “Mbuo horpc zuqc ih zanc mingh caangv wuov norm deic-bung aqv. Mbuo za'gengh haih mborqv duqv hingh ninh mbuo nyei.”
31Mv baac caux ninh mingh zaah deic-bung nyei mienh gorngv, “Mbuo maiv maaih banh zeic mborqv wuov deix mienh weic zuqc ninh mbuo gauh henv mbuo.” 32Ninh mbuo ziouc gorngv doqc ninh mbuo zaah liuz wuov norm deic-bung nyei jauv-louc, bun naaiv deix waac sing buangv I^saa^laa^en nyei zuangx mienh. Ninh mbuo gorngv, “Yie mbuo zaah wuov norm deic-bung haih nyanc mienh nyei. Yiem naaic nyei zuangx mienh yaac hlo haic, hlang haic. 33Yiem naaic yie mbuo duqv buatc Nefin Mienh.#Tin Deic Douh 6:4 (Aanaakv Mienh se Nefin Mienh nyei zeiv-fun.) Mangc mbuo ganh nor, se lomh jopv-nyeic hnangv. Ei ninh mbuo nyei m'zing mangc mbuo, daaix buatc mbuo lomh jopv-nyeic fih hnangv nyei.”
Currently Selected:
Saauv Mienh 13: IuMiNR
Highlight
Copy
Compare
Share
Want to have your highlights saved across all your devices? Sign up or sign in
ฉบับอักษรโรมันใหม่ © Thailand Bible Society, 2007.
