Ne^haa^mi 7
7
Ne^haa^mi Orn Mienh Gunv Ye^lu^saa^lem
1Zorc ziangx zingh laatc, yie naetv jienv gaengh, aengx paaiv zuov gaengh mienh caux baaux nzung mienh yaac orn Lewi Mienh. 2Yie ziouc bun i dauh mienh gunv Ye^lu^saa^lem Zingh. Yie bun dauh yie nyei muoz-doic, Haa^naa^ni, caux gunv zaangc Ziouv nyei biauv nyei laauh wuov dauh baeng-bieiv, Haa^nan^yaa, weic zuqc ninh hnyouv zingx yaac taaih Tin-Hungh gauh camv zuangx mienh. 3Yie mbuox ziangx ninh mbuo, “Zuov mba'hnoi cuotv daaih hlang deix#7:3 Hipv^lu waac gorngv “taux yuoqv nyei ziangh hoc”. cingx daaih koi zingh gaengh. Mienh corc zuov gaengh nyei ziangh hoc oix zuqc guon jienv gaengh, longc gaengh sorn sorn jienv. Yaac oix zuqc paaiv Ye^lu^saa^lem nyei baeqc fingx luonh baan zuov zingh. Gorqv-mienh oix zuqc yiem paaiv ziangx nyei dorngx. Maaih deix yaac yiem doix gorqv-mienh ganh nyei biauv.”
Zuqc Guaatv Mingh Nzuonx Ye^lu^saa^lem Nyei Mienh
4Wuov norm zingh youc hlo youc jangv. Yiem zingh gu'nyuoz nyei mienh yaac zoqc. Biauv yaac maiv gaengh duqv gomv camv. 5Tin-Hungh bun yie yiem hnyouv hiuv duqv oix zuqc heuc zoux hlo zoux jien nyei mienh caux zuangx baeqc fingx ziux mienh buonc faaux mienh houz. Yie yaac lorz buatc zuqc guaatv mingh nzuonx daaih da'yietv baan nyei mienh houz daan. Yie buatc sou-daan hnangv naaiv nor fiev.
6Naaiv se Mbaa^mbi^lon Guoqv nyei hungh diex, Ne^mbu^katv^netv^saa, guaatv mingh Mbaa^mbi^lon duqv nzuonx daaih yiem Yu^ndaa Deic-Bung caux Ye^lu^saa^lem Zingh nyei mienh nyei mbuox. Gorqv-mienh yaac nzuonx gorqv-mienh nyei buonv-mungv. 7Ninh mbuo caux Se^lupv^mbaa^mben, Ye^su^aa, Ne^haa^mi, Aa^saa^li^yaa, Laa^aa^mi^aa, Naa^haa^maa^ni, Mo^nde^kai, Mbinsaan, Mitv^be^letv, Mbikc^wai, Ne^hum caux Mbaa^aa^naa yietc jauv nzuonx.
Naaiv se I^saa^laa^en Mienh nyei mbuox caux soux mouc.
| 8Baalotv nyei zeiv-fun | 2,172 dauh |
| 9Se^faa^ti^yaa nyei zeiv-fun | 372 dauh |
| 10Aalaa nyei zeiv-fun | 652 dauh |
| 11Baa^hatc Mo^apc (se gan Ye^su^aa caux Yo^aapc) nyei zeiv-fun | 2,818 dauh |
| 12Elaam nyei zeiv-fun | 1,254 dauh |
| 13Satc^tu nyei zeiv-fun | 845 dauh |
| 14Sakc^kai nyei zeiv-fun | 760 dauh |
| 15Mbinnui nyei zeiv-fun | 648 dauh |
| 16Mbe^mbai nyei zeiv-fun | 628 dauh |
| 17Atc^gaatc nyei zeiv-fun | 2,322 dauh |
| 18Aa^ndo^ni^kam nyei zeiv-fun | 667 dauh |
| 19Mbikc^wai nyei zeiv-fun | 2,067 dauh |
| 20Aa^ndin nyei zeiv-fun | 655 dauh |
| 21Aa^te (se gan He^se^ki^yaa) nyei zeiv-fun | 98 dauh |
| 22Haasum nyei zeiv-fun | 328 dauh |
| 23Mbesai nyei zeiv-fun | 324 dauh |
| 24Haalipv nyei zeiv-fun | 112 dauh |
| 25Gi^mbe^on nyei zeiv-fun | 95 dauh |
| 26yiem Mbetc^le^hem caux Ne^to^faa daaih nyei mienh | 188 dauh |
| 27yiem Aa^naa^totv daaih nyei mienh | 128 dauh |
| 28yiem Mbetc Atc^maa^wetv daaih nyei mienh | 42 dauh |
| 29yiem Ki^li^yaatv Ye^aa^lim, Ke^fi^laa caux Mbe^e^lotv daaih nyei mienh | 743 dauh |
| 30yiem Laamaa caux Ge^mbaa daaih nyei mienh | 621 dauh |
| 31yiem Mikv^maatv daaih nyei mienh | 122 dauh |
| 32yiem Mbetc^en caux Ai Zingh daaih nyei mienh | 123 dauh |
| 33yiem ganh norm Ne^mbo daaih nyei mienh | 52 dauh |
| 34yiem ganh norm Elaam daaih nyei mienh | 1,254 dauh |
| 35yiem Haalim daaih nyei mienh | 320 dauh |
| 36yiem Ye^li^ko daaih nyei mienh | 345 dauh |
| 37yiem Lotc, Haa^nditc caux Ono daaih nyei mienh | 721 dauh |
| 38yiem Se^naa^aa daaih nyei mienh | 3,930 dauh |
39Sai mienh
| Ye^ndaa^yaa nyei zeiv-fun (se gan Ye^su^aa nyei hoz doic) | 973 dauh |
| 40Imme nyei zeiv-fun | 1,052 dauh |
| 41Baatc^he nyei zeiv-fun | 1,247 dauh |
| 42Haalim nyei zeiv-fun | 1,017 dauh |
43Lewi Mienh
| se Ye^su^aa (se gan Katc^mi^en caux Ho^ndaa^wi^yaa) nyei zeiv-fun | 74 dauh |
44Baaux nzung nyei mienh
| Aasaapc nyei zeiv-fun | 148 dauh |
45Zuov zaangc Tin-Hungh nyei biauv nyei gaengh wuov deix mienh
| Sanlum, Aa^te, Tanmon, Akc^kupc, Haa^ti^taa, caux So^mbai nyei zeiv-fun | 138 dauh |
46Zaangc Tin-Hungh nyei biauv nyei bou
Si^haqc, Haa^sux^faa, caux Tapv^mbaa^otc nyei zeiv-fun
47Kelotv, Si^aa caux Paa^ndon nyei zeiv-fun
48Le^mbaa^naa, Haa^gaa^mbaa caux Sanmai nyei zeiv-fun
49Haanan, Gitc^nden caux Gaa^haa nyei zeiv-fun
50Le^aa^yaa, Lesin caux Ne^ko^ndaa nyei zeiv-fun
51Gatc^saam, Utc^saa caux Baa^se^aa nyei zeiv-fun
52Mbesaix, Me^u^nim caux Ne^fu^se^simx nyei zeiv-fun
53Mbakc^mbukc, Haa^ku^faa caux Haan^hu nyei zeiv-fun
54Mbatc^litv, Me^hi^ndaa caux Haansaa nyei zeiv-fun
55Mbaakotc, Si^se^laa caux Temaa nyei zeiv-fun
56Ne^si^yaa caux Haa^ti^faa nyei zeiv-fun
57Saa^lo^morn Hungh nyei bou nyei zeiv-fun
Sotai, So^fe^letv caux Be^li^ndaa nyei zeiv-fun
58Yaa^aa^laa, Ndaankon caux Gitc^nden nyei zeiv-fun
59Se^faa^ti^yaa, Hatc^tin, Bo^ke^letv Hatc^saa^mbaa^im, caux Aamon nyei zeiv-fun
| 60Zaangc Tin-Hungh nyei biauv nyei bou caux Saa^lo^morn Hungh nyei bou nyei zeiv-fun | 392 dauh |
61Daaux naaiv mingh gorngv yiem Ten Melaa, Ten Haanx^saa, Kelupv, Atc^ndon caux Imme Mungv daaih nyei mienh. Mv baac ninh mbuo zaah maiv cuotv ninh mbuo nyei douh zong zeiz I^saa^laa^en Mienh fai maiv zeiz.
| 62Nde^lai^yaa, To^mbi^aa, caux Ne^ko^ndaa nyei zeiv-fun | 642 dauh |
63Yiem zuangx sai mienh mbu'ndongx maaih
Ho^mbaa^yaa, Hakv^kotc caux Mbaa^sin^lai nyei zeiv-fun. (Mbaa^sin^lai longc Gi^le^aatc Mienh, Mbaa^sin^lai, nyei sieqv zoux auv ziouc cuotv mbuox gan ninh nyei ong-daa nyei mbuox heuc.)
64Naaiv deix mienh zaah mangc ninh mbuo nyei mienh houz daan yaac lorz maiv buatc ninh mbuo nyei mbuox. Weic naaiv cingx funx ninh mbuo maaih uix, maiv bun zoux sai mienh. 65Yiutai Mienh nyei saengv-ziouv hatc ninh mbuo maiv dungx nyanc longc ziec bun Tin-Hungh gauh cing-nzengc jiex nyei ga'naaiv. Zuov taux maaih haih longc Ulim caux Tummim#Cuotv I^yipv 28:30; Nzamc Leiz-Latc 33:8 nyei sai mienh haih naaic cuotv.
66Naaiv deix zuangx mienh gapv zunv maaih biei waanc i cin faam-baeqv luoqc ziepc dauh, 67cih cuotv ninh mbuo nyei siec cin faam-baeqv faah ziepc cietv dauh m'jangc bou m'sieqv bou. Aengx maaih nyic baeqv feix ziepc hmz dauh baaux nzung nyei m'jangc m'sieqv. 68Ninh mbuo maaih maaz cietv baeqv faah ziepc luoqc dauh, maaz-li nyic baeqv feix ziepc hmz dauh, 69lorh torh feix baeqv faah ziepc hmz dauh, caux lorh juqv cin cietv baeqv nyic ziepc dauh.
70Maaih deix fingx nyei bieiv zeiv fongc horc ga'naaiv weic tengx gong. Saengv-ziouv fongc horc jiem biaa joih nyic ziepc luoqc lungz,#7:70 Hipv^lu waac gorngv 1,000 ndaa^likv. Se leih maiv go 8.5 gilo. nzormc hmz ziepc norm, caux sai mienh nyei lui-houx hmz baeqv faah ziepc deix bieqc daaih. 71Aengx maaih deix fingx nyei bieiv zeiv weic zoux naaiv deix gong fongc horc jiem yietc baeqv biaa joih#7:71 Hipv^lu waac gorngv 20,000 ndaa^likv. Se leih maiv go 170 gilo. Yiem 7:72 wuov yiemc fih hnangv nyei. caux nyaanh cietv baeqv feix ziepc faam joih.#7:71 Hipv^lu waac gorngv 2,200 Mi^naa. Se leih maiv go 1,200 gilo. 72Zuangx baeqc fingx fongc horc nyei jiem maaih yietc baeqv biaa joih, nyaanh luoqc baeqv betv ziepc yietv joih,#7:72 Hipv^lu waac gorngv 2,000 mi^naa. Se leih maiv go 1,100 gilo. caux sai mienh nyei lui-houx luoqc ziepc cietv deix.
73Sai mienh, Lewi Mienh, zuov gaengh nyei mienh, baaux nzung mienh, caux deix baeqc fingx, caux zaangc Tin-Hungh nyei biauv nyei bou, aengx caux zengc njiec nyei I^saa^laa^en Mienh, nzuonx taux ninh mbuo ganh nyei buonv-mungv yiem.#1 Zunh Doic Douh 9:2; Ne^haa^mi 11:3
E^saa^laa Doqc Leiz-Latc Sou Bun Baeqc Fingx Muangx
Taux cietv hlaax, I^saa^laa^en Mienh yiem jienv ninh mbuo ganh nyei buonv-zingh.
Currently Selected:
Ne^haa^mi 7: IuMiNR
Highlight
Copy
Compare
Share
Want to have your highlights saved across all your devices? Sign up or sign in
ฉบับอักษรโรมันใหม่ © Thailand Bible Society, 2007.
