Ne^haa^mi 12
12
Sai Mienh Caux Lewi Mienh
1Naaiv se caux Se^an^ti^en nyei dorn, Se^lupv^mbaa^mben, caux Ye^su^aa nzuonx Ye^lu^saa^lem Zingh nyei sai mienh caux Lewi Mienh. maaih
Se^lai^aa, Ye^le^mi, E^saa^laa,
2Aa^maa^li^yaa, Manlukv, Hatv^tatv,
3Se^kaa^ni^yaa, Le^hum, Me^le^motv,
4Itc^ndo, Gin^ne^toi, Aa^mbi^yaa,
5Mi^yaa^min, Maa^aa^ndi^yaa,#12:5 Maaih deix sou gorngv Mo^atc^yaa. Mbin^gaa,
6Se^mai^aa, Yo^yaa^lipv, Ye^ndaa^yaa,
7Sanx^lu, Aamokv, Hin^ki^yaa caux Ye^ndaa^yaa.
Naaiv deix mienh yiem Ye^su^aa nyei seix zeiv caux ninh mbuo nyei gorx-youz zoux sai mienh.
8Lewi Mienh maaih Ye^su^aa, Mbinnui, Katc^mi^en, Se^le^bi^yaa, Yu^ndaa, yaac maaih Matv^taa^ni^yaa. Ninh caux ninh nyei gorx-youz gunv baaux nzung laengz zingh Tin-Hungh nyei jauv. 9Mbakc^mbu^ki^yaa caux Unno#12:9 Fai Unni. caux ninh mbuo nyei gorx-youz baaux nzung fu-sux nyei ziangh hoc, ninh mbuo souv jienv caux wuov deix doix hmien.
10Ye^su^aa zoux Yo^yaa^kim nyei die, Yo^yaa^kim zoux E^li^yaa^sipv nyei die, E^li^yaa^sipv zoux Yo^yaa^ndaa nyei die, 11Yo^yaa^ndaa zoux Yo^naa^taan nyei die, Yo^naa^taan zoux Yaatv^ndu^waa nyei die.
12Yo^yaa^kim zoux domh sai mienh nyei ziangh hoc, naaiv deix mienh zoux sai mienh nyei bungh buonc bieiv zeiv.
| Bungh buonc | Bieiv zeiv |
|---|---|
| Se^lai^aa | maaih Me^laa^yaa |
| Ye^le^mi | maaih Haa^nan^yaa |
| 13E^saa^laa | maaih Me^sun^laam |
| Aa^maa^li^yaa | maaih Ye^ho^haa^nan |
| 14Man^lu^ki | maaih Yo^naa^taan |
| Qe^mbaa^ni^yaa | maaih Yosepv |
| 15Haalim | maaih Atc^naa |
| Me^laa^yotv | maaih Henkaai |
| 16Itc^ndo | maaih Se^kaa^li^yaa |
| Gin^ne^ton | maaih Me^sun^laam |
| 17Aa^mbi^yaa | maaih Sikc^li |
| Min^yaa^min caux Mo^atc^yaa | maaih Bintai |
| 18Mbin^gaa | maaih Sam^mu^waa |
| Se^mai^aa | maaih Ye^ho^naa^tan |
| 19Yo^yaa^lipv | maaih Matv^te^nai |
| Ye^ndaa^yaa | maaih Utc^si |
| 20Sanx^lai | maaih Kaanlai |
| Aamokv | maaih E^mbe |
| 21Hin^ki^yaa | maaih Haa^saa^bi^yaa |
| Ye^ndaa^yaa | maaih Ne^tan^en |
22Yiem E^li^yaa^sipv, Yo^yaa^ndaa, Yo^haa^nan, caux Yaatv^ndu^waa zoux domh sai mienh nyei ziangh hoc, Lewi Mienh nyei bungh buonc bieiv zeiv nyei mbuox fiev jienv sou-daan taux Ndaa^li^atc zoux Besie Guoqv nyei hungh diex wuov zanc. 23Lewi Mienh nyei bungh buonc bieiv zeiv fiev jienv Zunh Doic Douh nyei Sou taux E^li^yaa^sipv nyei zeiv-fun, Yo^haa^nan, nyei seix zeiv. 24Lewi Mienh nyei bieiv zeiv maaih Haa^saa^bi^yaa, Se^le^bi^yaa, Katc^mi^en nyei dorn, Ye^su^aa caux ninh mbuo nyei gorx-youz baaux nzung dau jaax ceng yaac laengz zingh Tin-Hungh, ei Tin-Hungh nyei mienh, Ndaawitv Hungh, dingc ziangx nyei yietc nyeic.#1 Zunh Doic Douh 15:16
25Matv^taa^ni^yaa, Mbakc^mbu^ki^yaa, O^mbaa^ndi, Me^sun^laam, Tanmon, caux Akc^kupc zoux zuov gaengh mienh zuov zaangc Tin-Hungh nyei biauv nyei gaengh ga'hlen siou ga'naaiv nyei biauv. 26Naaiv deix mienh yiem Yo^saa^ndakc nyei fun, Ye^su^aa nyei dorn, Yo^yaa^kim, nyei seix zeiv, yaac yiem Ne^haa^mi zoux saengv-ziouv caux E^saa^laa zoux sai mienh yaac zoux sou-biuv nyei ziangh hoc.
Ne^haa^mi Fungx Zingh Laatc Bun Tin-Hungh
27Ninh mbuo fungx Ye^lu^saa^lem nyei zingh laatc jiu bun Ziouv wuov zanc, ninh mbuo mingh Lewi Mienh yiem nyei norm-norm dorngx lorz Lewi Mienh daaih baaux laengz zingh nyei nzung, nqaapv caauh zeiv, patv domh daanh baah, fiuv-daanh baah, lomh nzoih njien-youh nyei houc. 28Lewi Mienh nyei zeiv-fun wuov deix baaux nzung nyei mienh yiem weih gormx Ye^lu^saa^lem daaih, yaac yiem Ne^to^faa Mienh nyei fiuv-laangz daaih. 29Maaih deix yiem Mbetc Gin^gaan, Ge^mbaa caux Atc^maa^wetv daaih, weic zuqc naaiv deix baaux nzung nyei Lewi Mienh liepc ninh mbuo nyei laangz huing gormx Ye^lu^saa^lem Zingh. 30Zuangx sai mienh caux Lewi Mienh saax ganh cing-nzengc yaac saax zuangx baeqc fingx, caux zingh gaengh caux zingh laatc cing-nzengc.
31Yie heuc Yu^ndaa Deic nyei bieiv zeiv faaux zingh laatc gu'nguaaic yaac paaiv baaux nzung nyei mienh zoux i domh guanh baaux nzung laengz zingh Tin-Hungh. Da'yietv guanh oix zuqc yiem zingh laatc gu'nguaaic yangh mbiaauc maengx, hungx jienv La'fapv-Ndui Gaengh#12:31 Beiv mangc Ne^haa^mi 2:13 mingh. 32Maaih Ho^saa^yaa caux yietc buonc Yu^ndaa nyei bieiv zeiv gan jienv ninh mbuo mingh. 33Aengx maaih Aa^saa^li^yaa, E^saa^laa, Me^sun^laam, 34Yu^ndaa, Mben^yaa^min, Se^mai^aa, Ye^le^mi, caux jienv mingh. 35Aengx maaih deix biomv nzatc nyei sai mienh, yaac maaih Yo^naa^taan nyei dorn, Se^kaa^li^yaa. Yo^naa^taan zoux Se^mai^aa nyei dorn, Se^mai^aa zoux Matv^taa^ni^yaa nyei dorn, Matv^taa^ni^yaa zoux Mi^kaa^yaa nyei dorn, Mi^kaa^yaa zoux Sakc^ge nyei dorn, Sakc^ge zoux Aasaapc nyei dorn. 36Yaac maaih Yo^naa^taan nyei gorx-youz, Se^mai^aa, Aa^saa^len, Mi^laa^lai, Gi^laa^lai, Maa^ai, Ne^tan^en, Yu^ndaa, caux Haa^naa^ni, dorh jienv ziux Tin-Hungh nyei mienh, Ndaawitv Hungh, dingc ziangx longc zoux nzung nyei jaa-sic. E^saa^laa sou-biuv mingh ndaangc dorh jauv. 37Yiem Wuom-Zingv Gaengh jiex mingh ninh mbuo baeng zaqc nyei yangh Ndaawitv Hungh nyei Zingh nyei tei faaux, aengx jiex Ndaawitv nyei hungh dinc, zingh laatc gu'nguaaic, taux yiem dong bung nyei Wuom-Gaengh.
38Da'nyeic guanh baaux nzung nyei mienh mingh zaaix maengx. Yie caux yietc buonc baeqc fingx gan jienv ninh mbuo mingh, yangh zingh laatc gu'nguaaic, yangh jiex Ziqv Njuov Nzox nyei Laauh taux Laatc Jangv nyei dorngx. 39Yie mbuo aengx jiex E^faa^im Gaengh, yaac jiex Ye^saa^naa Gaengh,#12:39 Beiv mangc Ne^haa^mi 3:6. caux Mbiauz-Gaengh, mingh taux Haa^nan^en nyei Laauh, aengx jiex taux Yietc Baeqv Baeng nyei Laauh, yaac jiex taux Ba'gi Yungh Gaengh, taux Zuov Zaangc Tin-Hungh Nyei Biauv nyei Laauh nyei Gaengh, ziouc dingh mi'aqv.
40Wuov deix i guanh baaux nzung laengz zingh Tin-Hungh nyei mienh caux yie aengx caux yietc buonc zoux jien nyei mienh mingh souv jienv zaangc Tin-Hungh nyei biauv gu'nyuoz. 41Aengx maaih sai mienh nanv jienv ninh mbuo nyei nzatc. Maaih E^li^yaa^kim, Maa^aa^se^aa, Min^yaa^min, Mi^kaa^yaa, E^li^o^nai, Se^kaa^li^yaa caux Haa^nan^yaa. 42Aengx maaih Maa^aa^se^aa, Se^mai^aa, E^le^aa^saa, Utc^si, Ye^ho^haa^nan, Man^ki^yaa, Elaam, caux E^se. Yietc zungv baaux nzung nyei mienh ziouc baaux nzung yaac maaih Yitv^saa^laa^yaa dorh ninh mbuo baaux. 43Wuov hnoi ninh mbuo buov saeng-kuv ziec bun Tin-Hungh camv haic, zoux duqv hlo nyei, lomh nzoih a'hneiv haic weic zuqc Tin-Hungh bun ninh mbuo njien-youh haic. M'sieqv dorn caux fu'jueiv caux jienv njien-youh zoux jorm. Yiem Ye^lu^saa^lem Zingh zoux njien-youh nyei qiex sing mingh go haic.
Liuc Leiz Sai Mienh Caux Lewi Mienh Qiemx Longc Nyei Ga'naaiv
44Dongh wuov zanc ninh mbuo paaiv mienh goux siou ga'naaiv nyei dorngx, se mienh fongc horc nyei daauh torngx ga'naaiv caux ziepc gouv nyei yietc gouv. Naaiv deix mienh siou ga'naaiv ziux norm-norm mungv caux yietc zungv lingh deic cuotv nyei ga'naaiv yaac ziux Leiz-Latc dingc oix zuqc zuqc cuotv bun sai mienh caux Lewi Mienh nyei buonc, weic zuqc Yu^ndaa Mienh a'hneiv fu-sux Tin-Hungh nyei sai mienh caux Lewi Mienh. 45Sai mienh caux Lewi Mienh mbuo ei ninh mbuo nyei Tin-Hungh paaiv ziangx zoux yaac tengx mienh saax uix. Aengx maaih baaux nzung nyei mienh caux zuov gaengh nyei mienh yaac ei jienv Ndaawitv Hungh caux ninh nyei dorn, Saa^lo^morn, nyei lingc zoux.#1 Zunh Doic Douh 25:1-8; 26:12 46Weic zuqc loz-hnoi yiem Ndaawitv Hungh caux Aasaapc nyei lungh ndiev maaih dorh nzung nyei mienh, maaih ceng Tin-Hungh nyei nzung, caux laengz zingh Tin-Hungh nyei nzung. 47Hnangv naaic, yiem Se^lupv^mbaa^mben caux Ne^haa^mi nyei ziangh hoc, I^saa^laa^en nyei zuangx mienh fongc horc baaux nzung nyei mienh caux zuov gaengh mienh hnoi-hnoi horpc zuqc duqv nyei buonc jiu bun ninh mbuo. Baeqc fingx yaac ganh ca'lengc zorqv cuotv Lewi Mienh horpc zuqc duqv nyei buonc. Lewi Mienh aengx ganh ca'lengc zorqv cuotv Aalon nyei zeiv-fun oix zuqc duqv nyei buonc.
Currently Selected:
Ne^haa^mi 12: IuMiNR
Highlight
Share
Copy
Want to have your highlights saved across all your devices? Sign up or sign in
ฉบับอักษรโรมันใหม่ © Thailand Bible Society, 2007.