Ho^se^yaa 12
12
1E^faa^im nyanc nziaaux,
ziangh hnoi zunc jienv dong bung nyei nziaaux mingh.
Ninh bun gorngv-baeqc caux zoux doqc nyei jauv jaa camv.
Ninh caux Atc^si^lie laengz ngaengc waac,
yaac bienh ga'lanv youh mingh bun I^yipv.
2 Ziouv gox Yu^ndaa,
yaac ziux Yaakopv zoux nyei jauv oix dingc ninh nyei zuiz,
yaac ei ninh zoux nyei sic winh bun ninh.
3Yiem maa nyei ga'sie gu'nyuoz ninh nanv jienv ninh gorx nyei zaux-nqo.#Tin Deic Douh 25:26
Benx domh mienh nyei ziangh hoc ninh caux Tin-Hungh borngz.#Tin Deic Douh 32:24-26
4Ninh caux fin-mienh borngz yaac borngz duqv hingh,
ninh nyiemv yaac tov fin-mienh korv-lienh.
Yiem Mbetc^en ninh buangh zuqc Tin-Hungh,
yiem wuov Tin-Hungh yaac caux ninh#12:4 Naaiv se gan Gikc waac. Hipv^lu waac gorngv yie mbuo. gorngv waac,#Tin Deic Douh 28:10-22
5se Ziouv, Nernh Jiex nyei Tin-Hungh.
Ninh nyei mbuox heuc Ziouv.
6Hnangv naaic meih oix zuqc kaux Tin-Hungh tengx nzuonx daaih.#12:6 Fai “Meih oix zuqc nzuonx daaih lorz meih nyei Tin-Hungh.
Oix zuqc goux longx hnamv mienh nyei hnyouv caux baengh fim nyei jauv,
yaac zanc-zanc zuov jienv meih nyei Tin-Hungh.
7Saeng-eix mienh, buoz nanv jienv maiv horpc nyei nziangx.
Ninh a'hneiv zeix mienh.
8E^faa^im gorngv, “Aa, yie benx butv-zoih mienh aqv.
Yie zornc duqv zinh zoih benx yie ganh nyei.”
Mv baac ninh nyei yietc zungv zinh zoih
yietc liuz maiv haih gaux nzaaux ninh baamz nyei zuiz.#12:8 Fai “Maiv gunv yie ndongc naaiv butv zoih, mienh maiv buatc yie maaih haaix nyungc zoux dorngc nyei zuiz”.
9Yiem meih cuotv I^yipv Deic-Bung daaih
yie zoux Ziouv, meih nyei Tin-Hungh.
Yie aengx oix bun meih yiem ndopv-liuh,
hnangv jiex dingc daaih nyei zipv nyei hnoi-nyieqc.#Lewi 23:42-43
10Yie caux douc waac mienh gorngv waac,
se yie bun laauc yaangh nyei sic jaa camv.
Yie longc douc waac mienh gorngv waac-beiv.
11Yiem Gi^le^aatc maaih zuiz nyei fai?
Ninh mbuo ndongc haaix zungv maiv lamh longc.
Ninh mbuo yiem Gin^gaan fongc horc ngongh gouv ziec.
Ninh mbuo nyei ziec-dorngh hnangv yiem ndeic
laih liuz nyei zuonx nyei la'bieiv-ndui.
12(Zinh ndaangc Yaakopv biaux taux Aalam Deic,
yiem wuov I^saa^laa^en zoux gong bietv auv longc,
ninh tengx mienh bungx ba'gi yungh weic bietv auv.)#Tin Deic Douh 29:1-20
13 Ziouv longc douc waac mienh
dorh I^saa^laa^en yiem I^yipv cuotv daaih.
I^saa^laa^en yaac bangc dauh douc waac mienh
beu jienv ninh.#Cuotv I^yipv 12:50-51
14E^faa^im za'gengh! cuoqv Ziouv nouz haic.
Ninh daix mienh nyei zuiz ninh ganh oix zuqc ndaam-dorng.
Laaix ninh mangc piex Ziouv,
Ziouv oix winh bun ninh.
Currently Selected:
Ho^se^yaa 12: IuMiNR
Highlight
Copy
Compare
Share
Want to have your highlights saved across all your devices? Sign up or sign in
ฉบับอักษรโรมันใหม่ © Thailand Bible Society, 2007.
