Cuotv I^yipv 20

Tin-Hungh Bun Ziepc Diuh Leiz-Latc

(Beiv mangc Nzamc Leiz-Latc 5:1-21)

1Tin-Hungh gorngv naaiv deix yietc zungv waac.

2“Yie se Ziouv, meih mbuo nyei Tin-Hungh, dongh dorh meih mbuo cuotv I^yipv Deic-Bung, zuqc zoux nouh nyei deic-bung wuov dauh.

3“Cuotv liuz yie, maiv dungx zaangc ganh dauh zienh.#Cuotv I^yipv 20:23; Nzamc Leiz-Latc 5:7

4“Maiv dungx weic ganh zoux haaix nyungc miuc-fangx. Maiv gunv yiem gu'nguaaic lungh, yiem ga'ndiev ndau, fai yiem ndau-ndiev nyei wuom gu'nyuoz haaix nyungc nyei fangx.#Cuotv I^yipv 20:23; 34:17; Lewi 19:4; 26:1; Nzamc Leiz-Latc 4:15-19; 5:8; 27:15 5Maiv dungx gueic njiec baaix naaiv deix miuc-fangx yaac maiv dungx zaangc, weic zuqc yie, Ziouv, meih mbuo nyei Tin-Hungh, nzaeng jienv meih mbuo. Yie oix dingc nzorng yie wuov deix mienh nyei zuiz, dingc taux ninh mbuo nyei buo biei doic zeiv-fun.#Cuotv I^yipv 34:6-7,14; Saauv Mienh 14:18; Nzamc Leiz-Latc 4:24; 5:9-10; 7:9-10 6Mv baac haaix dauh hnamv yie, ei jienv yie nyei leiz-latc zoux, yie ziouc hnamv ninh jiex mingh taux yietc cin doic.#20:6 Hipv^lu waac kungx gorngv taux cin-cin. Maaih deix sou faan daaih gorngv taux yietc cin doic fai taux cin-cin doic fai taux cin-cin dauh mienh.

7“Maiv dungx la'guaih longc Ziouv, meih mbuo nyei Tin-Hungh, nyei mbuox. Haaix dauh la'guaih longc Ziouv nyei mbuox, Ziouv oix dingc wuov dauh nyei zuiz.#Lewi 19:12; Nzamc Leiz-Latc 5:11

8“Oix zuqc jangx jienv longc Dingh Gong Hnoi benx norm cing-nzengc hnoi.#Cuotv I^yipv 16:23-30; 23:12; 31:12-17; 34:21; 35:2-3; Lewi 19:3; Nzamc Leiz-Latc 5:12-15 9Maaih juqv hnoi zoux meih mbuo nyei yietc zungv gong. 10Mv baac da'cietv hnoi wuov hnoi se Dingh Gong Hnoi weic fungx bun Ziouv. #Cuotv I^yipv 23:12; 31:15; 34:21; 35:2; Lewi 23:3 Wuov hnoi maiv dungx zoux haaix nyungc gong. Meih mbuo ganh caux meih mbuo nyei naamh nyouz, meih mbuo nyei nouh gauv nouh beiz, meih mbuo nyei saeng-kuv, fai yiem meih mbuo nyei zingh nyei ganh fingx mienh yaac maiv dungx zoux haaix nyungc gong. 11Weic zuqc Ziouv longc juqv hnoi zeix lungh zeix ndau zeix koiv caux yiem naaiv deix gu'nyuoz nyei yietc zungv ga'naaiv. Mv baac siec hnoi wuov hnoi Tin-Hungh dingh gong aqv. Weic naaiv Ziouv ceix fuqv wuov norm hnoi benx ninh nyei cing-nzengc hnoi.#Tin Deic Douh 2:1-3; Cuotv I^yipv 31:17

12“Oix zuqc tongx nimc meih mbuo nyei diex maac, meih mbuo cingx daaih ziangh duqv siouc nyuonh ndaauv yiem Ziouv, meih mbuo nyei Tin-Hungh, jiu bun meih mbuo nyei deic-bung.#Lewi 19:3; Nzamc Leiz-Latc 5:16; 27:16; Matv^taai 15:4; 19:19; Maako 7:10; 10:19; Lugaa 18:20; E^fe^so 6:2-3

13“Maiv dungx daix mienh.#Tin Deic Douh 9:6; Lewi 24:17; Matv^taai 5:21; 19:18; Maako 10:19; Lugaa 18:20; Lomaa 13:9; Yaagorpc 2:11

14“Maiv dungx hienx auv hienx nqox.#Lewi 20:10; Nzamc Leiz-Latc 5:18; Matv^taai 5:27; 19:18; Maako 10:19; Lugaa 18:20; Lomaa 13:9; Yaagorpc 2:11

15“Maiv dungx zoux zaqc.#Lewi 19:11; Nzamc Leiz-Latc 5:19; Matv^taai 19:18; Maako 10:19; Lugaa 18:20; Lomaa 13:9

16“Maiv dungx zoux jaav zorng-zengx hoic mienh.#Cuotv I^yipv 23:1; Nzamc Leiz-Latc 5:20; Matv^taai 19:18; Maako 10:19; Lugaa 18:20

17“Maiv dungx mauv mienh nyei biauv. Maiv dungx mueic jieqv mienh nyei auv, mienh nyei nouh gauv nouh beiz, mienh nyei ngongh fai lorh fai ninh maaih nyei haaix nyungc ga'naaiv.”#Lomaa 7:7; 13:9

I^saa^laa^en Mienh Gamh Nziex Haic

(Beiv mangc Nzamc Leiz-Latc 5:22-23)

18Zuangx baeqc fingx haiz mba'ong mbui, buatc borngz mba'lingc, haiz nzatc nyei qiex, yaac buatc douz-sioux yiem mbong cutv-cutv nyei cuotv, ninh mbuo gengh! gamh nziex haic, sin zinx nzengc. Baeqc fingx souv go-go nyei,#Hipv^lu 12:18-19 19aengx gorngv mbuox Mose, “Tov meih ganh douc waac bun yie mbuo maah! Yie mbuo ziouc muangx. Maiv dungx bun Tin-Hungh caux yie mbuo gorngv waac. Nziex yie mbuo zuqc daic.”

20Mose gorngv mbuox zuangx mienh, “Maiv dungx gamh nziex maah! Tin-Hungh daaih seix meih mbuo, bun meih mbuo zanc-zanc gamh nziex ninh, taaih ninh, ziouc maiv baamz zuiz.”

21Baeqc fingx souv jienv wuov go nyei. Kungx Mose mingh fatv Tin-Hungh yiem wuov norm mapv maengh mapv hmuangx nyei dorngx hnangv.

Ceix Ziec-Dorngh Nyei Leiz

22 Ziouv gorngv mbuox Mose, “Oix zuqc hnangv naaiv nor mbuox I^saa^laa^en Mienh, ‘Meih mbuo ganh buatc yie yiem gu'nguaaic lungh caux meih mbuo gorngv waac. 23Meih mbuo maiv dungx longc jiem fai nyaanh zoux haaix nyungc zienh nyei fangx daaih caux jienv yie zaangc.#Cuotv I^yipv 20:3-4; 34:17; Nzamc Leiz-Latc 27:15

24“+‘Oix zuqc longc nie weic yie ceix ziec-dorngh, yaac longc meih mbuo nyei ngongh fai ba'gi yungh fai yungh zoux buov ziec nyei ga'naaiv caux ziec weic jiu tong nyei ga'naaiv. Da'faanh yiem haaix norm dorngx yie bun mienh jangx yie nyei mbuox, yie ziouc mingh wuov norm dorngx ceix fuqv bun meih mbuo.#Cuotv I^yipv 27:1-8; Nzamc Leiz-Latc 12:5; 26:2 25Se gorngv longc la'bieiv weic yie ceix ziec-dorngh, maiv dungx longc zuqc daaih nyei fai ndingh daaih nyei la'bieiv. Se gorngv longc zuqc daaih fai ndingh daaih nyei la'bieiv nor, naaiv deix la'bieiv maaih uix aqv.#Nzamc Leiz-Latc 27:5-7; Yo^su^waa 8:31 26Yaac maiv dungx jaax tei faaux yie nyei ziec-dorngh. Nziex bingx-ciouv haih cuotv.’

Currently Selected:

Cuotv I^yipv 20: IuMiNR

Highlight

Copy

Compare