Aamotv 1
1
1Naaiv se yietc laanh mienh, mbuox heuc Aamotv, gorngv nyei waac. Ninh yiem Te^ko^aa, goux ba'gi yungh mienh mbu'ndongx. Ndau maiv gaengh dongz zinh ndaangc i hnyangx, dongh Utc^si^yaa zoux Yu^ndaa nyei hungh,#2 Hungh Douh 15:1-7; 2 Zunh Doic Douh 26:1-23 Yo^aatc#1:1 Yo^aatc fai heuc Ye^ho^aatc. nyei dorn, Ye^lo^mbo^am, zoux I^saa^laa^en nyei hungh wuov zanc,#2 Hungh Douh 14:23-29 Aamotv buatc laauc yaangh nyei sic gorngv I^saa^laa^en nyei jauv.
Tin-Hungh Dingc Weih Gormx I^saa^laa^en Wuov Deix Guoqv Nyei Zuiz
2Aamotv gorngv,
“Ziouv yiem Si^on heuc mbui,
yiem Ye^lu^saa^lem heuc hnangv mba'ong,#Yo^en 3:16
goux ba'gi yungh mienh nyei miev-ciangv nqaai nzengc, #1:2 Fai “goux ba'gi yungh mienh nzauh nyiemv”.
Kaanmen Mbong-ningv nyei miev yaac nyaux mi'aqv.”
Silie Guoqv
3 Ziouv hnangv naaiv gorngv,
“Weic Ndaa^matv^gatc baamz zuiz buo nzunc,
aengx baamz biei nzunc, yie zungv dingc zuiz, maiv guangc.
Weic zuqc ninh mbuo longc mborqv mbiauh nyei jaa-sic #1:3 Maaih deix longc ndiangx fai hlieqv-biaav mborqv mbiauh. Maaih deix longc ganh nyungc jaa-sic. Naaiv deix jaa-sic longc ndiangx-benv zoux daaih, ga'ndiev maengx maaih hlieqv fai la'bieiv bun ninh laic. Ngongh ziouc tor jienv mingh nyueih mbiauh.
mborqv Gi^le^aatc Mienh. #I^saa^yaa 17:1-3; Ye^le^mi 49:23-27; Se^kaa^li^yaa 9:1
4Yie ziouc bun douz njiec Haa^saa^en nyei biauv,
douz ziouc buov qui Mben Haa^ndatc wuonv haic nyei dinc.
5Yie oix mborqv baaic Ndaa^matv^gatc nyei zingh gaengh,
yaac mietc nzengc Aawen Horngz #1:5 Aawen nyei eix leiz se waaic haic. nyei baeqc fingx, #1:5 Maaih deix sou gorngv hungh diex.
Caux yiem Mbetc E^nden nanv jienv hungh biaav wuov dauh.
Silie Mienh yaac oix zuqc guaatv mingh taux Ki^aa.”
Naaiv se Ziouv gorngv nyei waac.
Fi^li^saa^die Guoqv
6 Ziouv hnangv naaiv gorngv,
“Weic Gaasaa baamz zuiz buo nzunc,
aengx baamz biei nzunc, yie zungv dingc zuiz, maiv guangc.
Weic zuqc ninh mbuo guaatv yietc zungv baeqc fingx mingh
yaac jiu bun E^ndom Mienh.#I^saa^yaa 14:29-31; Ye^le^mi 47:1-7; E^se^ken 25:15-17; Yo^en 3:4-8; Se^fan^yaa 2:4-7; Se^kaa^li^yaa 9:5-7
7Yie ziouc bun douz njiec Gaasaa nyei zingh laatc,
douz ziouc buov qui ninh mbuo weih wuonv nyei dinc.
8Yie oix mietc nzengc Atc^ndotc nyei mienh, #1:8 Fai hungh.
caux yiem Atc^ke^lon Zingh maaih lingc gunv wuov dauh. #1:8 Faan zaqc Hipv^lu waac gorngv “nanv hungh biaav wuov dauh”.
Yie oix longc buoz dingc E^ko^lon Zingh nyei zuiz,
zengc njiec nyei Fi^li^saa^die Mienh yaac oix zuqc mietc.”
Naaiv se Ziouv Tin-Hungh gorngv nyei waac.
Tailaqv Zingh
9 Ziouv hnangv naaiv gorngv,
“Weic Tailaqv baamz zuiz buo nzunc,
aengx baamz biei nzunc, yie zungv dingc zuiz, maiv guangc,
weic zuqc ninh zorqv yietc zungv baeqc fingx jiu bun E^ndom,
yaac maiv jangx gorx-youz caux gorx-youz liepc nyei ngaengc waac. #I^saa^yaa 23:1-18; E^se^ken 26:1—28:19; Yo^en 3:4-8; Se^kaa^li^yaa 9:1-4; Matv^taai 11:21-22; Lugaa 10:13-14
10Yie ziouc bun douz njiec Tailaqv nyei zingh laatc,
douz ziouc buov qui ninh wuonv nyei dinc.”
E^ndom
11 Ziouv hnangv naaiv gorngv,
“Weic E^ndom baamz zuiz buo nzunc,
aengx baamz biei nzunc, yie zungv dingc zuiz, maiv guangc.
Weic zuqc ninh longc nzuqc ndaauv zunc ninh nyei youz, #1:11 Yaakopv zoux Esaau nyei youz. Esaau zoux E^ndom Mienh nyei ong-taaix-ngaeqv. Yaakopv zoux I^saa^laa^en Mienh nyei ong-taaix-ngaeqv.
yaac maiv korv-lienh yietc deix.
Ninh zanc-zanc qiex jiez jienv,
yietc liuz maiv bungx guangc. #I^saa^yaa 34:5-17; 63:1-6; Ye^le^mi 49:7-22; E^se^ken 25:12-14; 35:1-15; O^mbaa^ndi 1-14; Maa^laa^ki 1:2-5
12Yie ziouc bun douz njiec Temaan Zingh,
douz ziouc buov qui Mbo^saa^laa weih wuonv nyei dinc.”
Ammon
13 Ziouv hnangv naaiv gorngv,
“Weic Ammon Mienh baamz zuiz buo nzunc,
aengx baamz biei nzunc, yie zungv dingc zuiz, maiv guangc.
Weic zuqc ninh mbuo yiem Gi^le^aatc piqv maaih jienv gu'nguaaz nyei m'sieqv dorn nyei ga'sie,
weic bun ninh mbuo nyei gapv-jaaix jangv cuotv. #Ye^le^mi 49:1-6; E^se^ken 21:28-32; 25:1-7; Se^fan^yaa 2:8-11
14Yie ziouc diemv douz buov Lapv^mbaa nyei zingh laatc.
Douz ziouc buov qui zingh gu'nyuoz weih wuonv nyei dinc.
Wuov hnoi maaih mborqv jaax nyei qiex mbui,
hnangv borngz domh nziaaux-zunc.
15Ninh mbuo nyei hungh oix zuqc guaatv mingh,
liemh ninh caux ninh nyei domh jien.”
Naaiv se Ziouv gorngv nyei waac.
Currently Selected:
Aamotv 1: IuMiNR
Highlight
Copy
Compare
Share
Want to have your highlights saved across all your devices? Sign up or sign in
ฉบับอักษรโรมันใหม่ © Thailand Bible Society, 2007.
