yo-han 18
18
ye-su zu'g myenb zx'q
(peiq mavg matq-Taai 26:47-56; maa-Ko 14:43-50; lu-kaa 22:47-53)
1ye-su Navq naaiq nx tauj kauj liud, ninb Zauj ninb Eei saib kxj Jiaj uaq vaang zi'g Kitg-lon Do'q. yem uaq maaib nxm Wivj. ye-su Zauj ninb Eei saib kxj zyrug pia'g uaq nxm Wivj mig a'q. 2xij maaig ye-su uaq taub yu-Daatg yaag hiuq tu'q uaq nxm txvj, weig zu'g ye-su Zauj ninb Eei saib kxj zanb zang kapq zunq uaq. 3yu-Daatg zyrug txb teij lo-maa pcv Zauj sai myenb pyeiq Zauj faa-li-sij myenb Paaiq taaib kruj zavg Tinb huvb Eei pyauq uaq teij pcv mivb uaq Wivj. naaiq teij pcv Nevj Jyenq tav, nanq Jyenq trub paaq, txb Jyenq ua'g king mivb. 4ye-su hiuq tu'q ninb kanb xij zu'g pwavb Eei Euvb Euvg sig zyrug Zwrtq taaib naaig kaaj ninb Bua, “meib Bua taaib lxd haiq taub?”
5ninb Bua tau, “yia Bua lxd naa-saa-letq muvq Eei ye-su.”
6ye-su kxvq, “tovb yia a'q.” maaig ye-su uaq taub yu-Daatg yaag Zauj ninb Bua sruq Jyenq uaq. ye-su yetq kxvq, “tovb yia a'q,” zyrug hc'q ninb Bua laatg Raatg Bam Ga'haaq mcvj mivb.
7ye-su cvj naaig Rung, “meib Bua taaib lxd haiq taub?”
ninb Bua tau, “yia Bua lxd naa-saa-letq muvq Eei ye-su.”
8ye-su cvj tau, “yia zuvq Buaj Rung meib Bua, se tovb yia a'q. Navq naaig, meib Bua lxd yia nx, xij zu'g puvj kan yia naaiq teij myenb mivb Gxi.” 9ye-su Navq naaiq nx kxvq weig pun zinb Daavg Zauj ninb Eei tia kxvq uaq teij waag Zwrtq taaib txij Revg. uaq zang ninb kxvq, “aa tia aa'b! meib pun yia naaiq teij myenb, yia maiq pun yetg taub laaib zitg.”#yo-han 6:39
10si-mon pi-te pwij Jyenq zuv Ru'g zyrug pcv Zwrtq taaib Va'q tomb sai myenb Eei nrub, Pai zu'g nrub Eei Byaaug puv mnxmb Dutq mivb. uaq taub nrub Eei Buaj heug man-Katq. 11ye-su Buaj pi-te, “zx'q Ru'g Daauq Tapq Jyenq Paiq maa'b! yia maiq zeid xij zu'g hopq yia Eei tia pun yia uaq nxm zaanq fai?”#18:11 “xij zu'g hopq uaq nxm zaanq” peiq ye-su xij zu'g syrug Kruq.#matq-Taai 26:39,42; maa-Ko 14:36; lu-kaa 22:42
ye-su yem an-naatq Eei Ra'Myen
12uaq teij lo-maa pcv Zauj tomb pcvb pyeiq Zauj kruj zavg Tinb huvb Eei pyauq Eei pcv zyrug zx'q ye-su Dob Jyenq 13txb ninb mivb Tauj an-naatq Eei Ra'Myen Daavg. an-naatq zruj Kaa-yaa-faatq Eei ovb taa. uaq Havj Kaa-yaa-faatq zruj tomb sai myenb. 14tovb naaiq taub Kaa-yaa-faatq zinb Daavg kxvq Buaj zruj Lo Eei yiu-Tai myenb, “pun yetg taub taig tiq yetg fivj myenb kaub lovj.”#yo-han 11:49-50
pi-te maiq Eyemg ye-su
(peiq mavg matq-Taai 26:69-70; maa-Ko 14:66-68; lu-kaa 22:55-57)
15si-mon pi-te Zauj kanb taub saib kxj kan Jyenq ye-su mivb. naaiq taub saib kxj se tomb sai myenb zua'g Eei, ninb Zivj taaib tu'q Zauj ye-su pia'g tomb sai myenb Eei pyauq Eei laatg ka'Euad. 16mq paag pi-te sruq ka'Eiag mcvj laatg kcvb. tovb tomb sai myenb zua'g uaq taub saib kxj zyrug Zwrtq mivb Tevj zuaq laatg kcvb uaq taub msia'q pru Toq pun pi-te Zauj Jyenq pia'g. uaq taub saib kxj zyrug txb pi-te pia'g. 17zuaq laatg kcvb uaq taub msia'q pru kxvq Buaj pi-te, “meib zruj taub uaq taub myenb Eei saib kxj maiq zeid?”
pi-te tau, “yia maiq zeid lx'g.”
18pru Bua Zauj kruj zavg Tinb huvb Eei pyauq uaq teij pcv zx'q Taanj puaq trud taaib sruq Jyenq uaq Raauj trud weig zu'g Jwavq haig. pi-te yaag Zauj ninb Bua sruq Jyenq uaq Raauj trud.
tomb sai myenb zaab naaig ye-su
(peiq mavg matq-Taai 26:59-66; maa-Ko 14:55-64; lu-kaa 22:66-71)
19tomb sai myenb zaab naaig ye-su Tauj ninb Eei saib kxj Zauj ninb Faauj Eei leid.
20ye-su tau, “yia haiq zang kxvq waag, yia txv Jyenq maang myenb kxvq. yia haiq zang Faauj, yia zanb zang yem wig txvb fai zavg Tinb huvb Eei pyauq, tovb yiu-Tai myenb kapq zunq Eei txvj Faauj. yia maiq pivj Jyenq kxvq haiq Euvg. 21meib weig haiq tiug naaig yia? xij zu'g naaig haid yia kxvq Jiaj uaq teij myenb. yia kxvq haiq Euvg ninb Bua hiuq Eei.”
22ye-su Navq naaiq nx kxvq setq, maaib taub pcv sruq ka'Len zyrug Baij ninb yaag kxvq, “meib Navq naaig tau tomb sai myenb?”
23ye-su tau ninb, “sij kxvq yia kxvq txvg haiq Euvg, meib kunq Buaj yem naaiq Eei myenb yia txvg haiq Euvg. mq paag sij kxvq yia kxvq tu'q hxpg nx, meib Baij yia zruj haiq Euvg?” 24an-naatq cvj fuvj ninb mivb Kaa-yaa-faatq tomb sai myenb uaq. ninb Bua Zxg Dob Jyenq ninb.
pi-te cvj maiq Eyemg ye-su
(peiq mavg matq-Taai 26:71-75; maa-Ko 14:69-72; lu-kaa 22:58-62)
25si-mon pi-te Zxg sruq Jyenq uaq Raauj trud. yem uaq Raauj trud Eei myenb naaig ninb, “meib yaag zruj uaq laanb myenb Eei saib kxj saa'b?” mq paag pi-te maiq Eyemg. ninb kxvq, “yia maiq zeid lx'g.”
26maaib tomb sai myenb Eei yetg taub nrub,#18:26 fai pru. tovb pi-te Pai zu'g mnxmb Dutq uaq taub nrub Eei Zyenb Ze'q, zyrug kxvq, “yia pwatg meib Zauj uaq laanb myenb yem uaq Wivj maiq zeid?”
27pi-te cvj kxvq, “yia kevb! maiq zeid.” uaq zang Jai zyrug Gaaij.
ye-su yem pi-laatq Eei Ra'Myen
(peiq mavg matq-Taai 27:1-2,11-14; maa-Ko 15:1-5; lu-kaa 23:1-5)
28ta'Eeig Dxm Ryruq Eei, zruj Lo Eei yiu-Tai myenb txb ye-su Zwrtq Kaa-yaa-faatq Eei pyauq cvj fuvj mivb lo-maa zuvj Eei ting. uaq teij yiu-Tai myenb Riaj haib maaib wij zyrug maiq pia'g ting ka'Euad, weig pun ninb Bua haib tu'q Eang siaj mcvg zipq Eei Naavj. 29weig naaiq, pi-laatq Zwrtq ka'Eiag taaib naaig ninb Bua, “meib Bua txb haiq Euvg sig taaib koj naaiq laanb myenb?”
30ninb Bua tau, “sij kxvq ninb maiq zruj waaig sig, yia Bua maiq txb ninb taaib naaiq Jiu pun meib.”
31pi-laatq kxvq Buaj ninb Bua, “uaq Euvg, meib Bua ei meib Bua kanb Eei leid txb ninb mivb syemq maa'b!”
ninb Bua tau, “yia Bua maiq maaib huvb livg tivg taij myenb.” 32naaiq teij sig Zwrtq weig pun zinb Daavg ye-su kxvq ninb xij zu'g Navq haiq nx taig uaq teij waag Zwrtq taaib txib tiug.#yo-han 3:14; 12:32
33pi-laatq zyrug pia'g ka'Euad ting mivb yaag heug ye-su taaib zyrug naaig ninb, “meib za'kevb zruj yiu-Tai myenb Eei huvb fai?”
34ye-su tau, “meib naaig Eei waag se meib kanb Namq Zwrtq taaib fai maaib myenb kxvq yia Eei Jaub lrug Buaj meib?”
35pi-laatq tau, “meib laaig yia zruj yiu-Tai myenb? se tovb meib kanb uaq fivj myenb Zauj sai myenb pyeiq zx'q meib Jiu pun yia nyaa. uaq Euvg meib zruj txvg haiq Euvg?”
36ye-su tau, “yia kunq Eei kua'q maiq kwei naaiq paamb ken. sij kxvq yia Eei kua'q kwei naaiq paamb ken, yia Eei myenb zuvq xij Bx'q Jaaj, maiq pun zu'g Jiu pun yiu-Tai myenb. mq paag yia kunq Eei kua'q maiq zeid yem naaiq.”
37pi-laatq zyrug naaig ye-su, “uaq Euvg, meib za'kevb zruj huvb?”
ye-su tau, “meib kanb kxvq yia zruj huvb. yia Zwrtq seij yem naaiq paamb ken se weig zyen leid zruj zxvb zevj. haiq taub kwei zyen leid zyrug mwavj yia Eei waag.”
38pi-laatq cvj naaig, “zyen leid se haiq Euvg?”
pi-laatq zx'q ye-su Jiu pun myenb tiv zyepg Ravg Jaaj taig
(peiq mavg matq-Taai 27:15-31; maa-Ko 15:6-20; lu-kaa 23:13-25)
pi-laatq kxvq liud naaiq teij waag zyrug Zwrtq ka'Eiag Buaj zruj Lo Eei yiu-Tai myenb, “yia zaab maiq Zwrtq ninb maaib haiq Euvg zwid. 39mq paag ei meib Bua Eei leib fivj, meib Bua Jiaj siaj mcvg zipq Eei zyavb hog, yia xij zu'g puvj taub zu'g wrnj lob Eei myenb pun meib Bua. meib Bua xij yia puvj yiu-Tai myenb Eei huvb fai?”
40zwavj myenb cvj naub naug Eei kxvq, “maiq tuvq puvj naaiq taub. puvj Baa-lapq-Batg Navq.” Baa-lapq-Batg se zruj za'g pcv.
Currently Selected:
yo-han 18: IuMiNOR
Highlight
Share
Copy
Want to have your highlights saved across all your devices? Sign up or sign in
ฉบับอักษรโรมันโบราณ © Thailand Bible Society, 2007.