SANTIAGO 4
4
Ekleklamo egwáxok ektémakxa nak keso náxop
1¿Háxko eñamakxa m'a kélenmexamaxche nak? ¿Háxko nahan eñamakxa m'a apkelátegmomap nak énxet'ák kélnepyeseksa kéxegke? Cha'a keñamak ma'a ekmaso nentémakxa nak, ennapmáxkohol'a cha'a ekpakméteykha egwáxok. 2kélmenyék cha'a kéxegke aksok, akke cha'a kólwet'ak; kélakhak nahan cha'a kélmók, katekkesek nahan cha'a kélyásekkeso xama aksok enxoho, agkok cha'a kólwet'ak aksok, kólátegmoweyxchek cha'a, keñe kóltehek cha'a kélenmexamaxche. Megkólwetyek cha'a kéxegke aksok kélmámenyého, hakte megkólmaxnék ma'a Dios. 3Kélmaxnakkek agkok nahan cha'a aksok Dios, keñe megkólxakyek, hakte sagkek katnehek kélwáxok neyseksa kélmaxnagko, hakte kélmenyék aksa kóltawasha eñama m'a aksok kélyespagko nak. 4Kéxegke kéltaha nak kélyenseyam kélyetlo Dios,#Is 1.21; Jer 3.6-10; Os 2.2. ¿yagkólya'ásegkok kéxegke ektaha enmexma Dios ma'a negásekhayo nak aksok keso náxop?#Mt 6.24; Lc 16.13. Negko'o ektahakxa enxoho negmáheyo agásekhohok ektémakxa nak keso náxop, nenmexma antemekxak ma'a Dios. 5Nágkólána aksa ekteme agko' ekpeywa eknaktáxésamaxche s'e: “Apchásekha'awók Dios yetlo apkelmeyeykha m'a espíritu sempekkenchesama axta egwáxok negko'o.”#Ex 20.5; Dt 4.24; Zac 8.2. 6Empasmeyk eyke cha'a negko'o Dios yetlo segásekhayo, hakte temegkek eknaktáxésamaxche s'e: “Apkenmexchek cha'a Dios ma'a énxet'ák apkeleymákpoho nak, appasmeyk eyke cha'a Dios yetlo apkelásekhayo m'a énxet'ák megkaleymáxkoho nak apwáxók.”#Pr 3.34; 1 P 5.5. 7Kólyahakxoho cha'a Dios, kólenmex cha'a kelyekhama', keñe sat kayenyók kéxegke. 8Kólyepetkoho cha'a Dios, keñe sat épetkohok kéxegke m'a Dios. ¡Kólyenyes kélmék kéltaha nak kéllané megkólya'asáxma! ¡kólteme eyáxñeyo kélwáxok kéxegke kéltaha nak kélmáheyo kólásekhohok Dios, tén han kélmáheyo nak kólásekhohok ektémakxa nak keso náxop! 9¡Kallapwomák, kóllekxagwaha nahan! ¡kóllekxagwaha yakwayam enxoho kayakmagkasek ma'a ektémakxa nak kéllektegmeykha, kallapwomák yakwayam enxoho kayakmagkasek ma'a ektémakxa nak ekpayheykekxa kélwáxok! 10Kólteme megkeymáxkoho kélwáxok nápakto' Wese' egegkok Dios, keñe sat nahan etnésesek kéxegke Dios néten nepyeseksa kélnámokkok.#Mt 23.12; 1 P 5.6.
Nágkólteme kélyekpelchémo kélyáxeg
11Elyáxeg, nágkólxén ekmaso kélmók. Hakte negko'o ektahakxa enxoho nenxeyenma ekmaso egyáxeg, esenhan nentaha enxoho negyekpelchémo, sagkek katnehek nenxeyenma m'a eltémókxa nak antehek segánamakxa, antehek nahan nenyekpelchémo m'a segánamakxa. Aptemék agkok xép apyekpelchémo m'a eltémókxa nak antehek segánamakxa, aptemesásamákpoho apagko' etnehek xép apyekpelchémo m'a segánamakxa, yakwayam nak eykhe etnehek apkelyaheykekxoho exchep. 12Apwánxa xama m'a aptaha nak aptekkeso segánamakxa, aptaha nak han segyekpelchémo, cham'a apmopwána nak ewagkasek teyp pók, aptaha nak han apmopwána yának emátog pók; wánxa agkok ¿háxko katnehek xép etnehek apyekpelchémo pók? Neghawók egmók.
Magya'áseyak yakwánxa katnehek mók ekhem
13Kóleyxho hana kéxegke kéltéma nak cha'a kélpeywa s'e: “Sakhem sat ólmahagkok apyawakxa tegma, saka esenhan. Sat aghók xama apyeyam ma'a, sat ólyanmagkasaxchek ma'a, anxámásekxak sat selyakye,” 14Megkólya'asagkek kéxegke yakwánxa katnehek kélha mók ekhem.#Pr 27.1. Kéxegke kélteme kélhawo teyáméten ekteyapmol'a yakwatakxoho, ñohok nahan kamaskok. 15Akke kéméxchek cha'a kóltehek kélpeywa s'e: “Apkeltamhok sat agkok Wese' egegkok, aghók sat ma'a, anlának sat nahan se'e, esenhan anxének ma'a mók aksok enxoho.” 16Kéllenxanakmók eyke kéxegke kélteme eyémáxkoho kélpeywa; ekyókxoho ektémakxa nak eyémáxkoho nempeywa ekteme ekmaso agko', cháxa ektéma nak. 17Negko'o ektahakxa enxoho negya'áseykegkoho nenlané aksok ektakmela, keñe manlanye', nenlanak mólya'asáxma nentaha enxoho xa.”
Currently Selected:
SANTIAGO 4: LEGN
Highlight
Copy
Compare
Share
Want to have your highlights saved across all your devices? Sign up or sign in
Lengua Sur (Enxet) New Testament © United Bible Societies, 1992.
SANTIAGO 4
4
Ekleklamo egwáxok ektémakxa nak keso náxop
1¿Háxko eñamakxa m'a kélenmexamaxche nak? ¿Háxko nahan eñamakxa m'a apkelátegmomap nak énxet'ák kélnepyeseksa kéxegke? Cha'a keñamak ma'a ekmaso nentémakxa nak, ennapmáxkohol'a cha'a ekpakméteykha egwáxok. 2kélmenyék cha'a kéxegke aksok, akke cha'a kólwet'ak; kélakhak nahan cha'a kélmók, katekkesek nahan cha'a kélyásekkeso xama aksok enxoho, agkok cha'a kólwet'ak aksok, kólátegmoweyxchek cha'a, keñe kóltehek cha'a kélenmexamaxche. Megkólwetyek cha'a kéxegke aksok kélmámenyého, hakte megkólmaxnék ma'a Dios. 3Kélmaxnakkek agkok nahan cha'a aksok Dios, keñe megkólxakyek, hakte sagkek katnehek kélwáxok neyseksa kélmaxnagko, hakte kélmenyék aksa kóltawasha eñama m'a aksok kélyespagko nak. 4Kéxegke kéltaha nak kélyenseyam kélyetlo Dios,#Is 1.21; Jer 3.6-10; Os 2.2. ¿yagkólya'ásegkok kéxegke ektaha enmexma Dios ma'a negásekhayo nak aksok keso náxop?#Mt 6.24; Lc 16.13. Negko'o ektahakxa enxoho negmáheyo agásekhohok ektémakxa nak keso náxop, nenmexma antemekxak ma'a Dios. 5Nágkólána aksa ekteme agko' ekpeywa eknaktáxésamaxche s'e: “Apchásekha'awók Dios yetlo apkelmeyeykha m'a espíritu sempekkenchesama axta egwáxok negko'o.”#Ex 20.5; Dt 4.24; Zac 8.2. 6Empasmeyk eyke cha'a negko'o Dios yetlo segásekhayo, hakte temegkek eknaktáxésamaxche s'e: “Apkenmexchek cha'a Dios ma'a énxet'ák apkeleymákpoho nak, appasmeyk eyke cha'a Dios yetlo apkelásekhayo m'a énxet'ák megkaleymáxkoho nak apwáxók.”#Pr 3.34; 1 P 5.5. 7Kólyahakxoho cha'a Dios, kólenmex cha'a kelyekhama', keñe sat kayenyók kéxegke. 8Kólyepetkoho cha'a Dios, keñe sat épetkohok kéxegke m'a Dios. ¡Kólyenyes kélmék kéltaha nak kéllané megkólya'asáxma! ¡kólteme eyáxñeyo kélwáxok kéxegke kéltaha nak kélmáheyo kólásekhohok Dios, tén han kélmáheyo nak kólásekhohok ektémakxa nak keso náxop! 9¡Kallapwomák, kóllekxagwaha nahan! ¡kóllekxagwaha yakwayam enxoho kayakmagkasek ma'a ektémakxa nak kéllektegmeykha, kallapwomák yakwayam enxoho kayakmagkasek ma'a ektémakxa nak ekpayheykekxa kélwáxok! 10Kólteme megkeymáxkoho kélwáxok nápakto' Wese' egegkok Dios, keñe sat nahan etnésesek kéxegke Dios néten nepyeseksa kélnámokkok.#Mt 23.12; 1 P 5.6.
Nágkólteme kélyekpelchémo kélyáxeg
11Elyáxeg, nágkólxén ekmaso kélmók. Hakte negko'o ektahakxa enxoho nenxeyenma ekmaso egyáxeg, esenhan nentaha enxoho negyekpelchémo, sagkek katnehek nenxeyenma m'a eltémókxa nak antehek segánamakxa, antehek nahan nenyekpelchémo m'a segánamakxa. Aptemék agkok xép apyekpelchémo m'a eltémókxa nak antehek segánamakxa, aptemesásamákpoho apagko' etnehek xép apyekpelchémo m'a segánamakxa, yakwayam nak eykhe etnehek apkelyaheykekxoho exchep. 12Apwánxa xama m'a aptaha nak aptekkeso segánamakxa, aptaha nak han segyekpelchémo, cham'a apmopwána nak ewagkasek teyp pók, aptaha nak han apmopwána yának emátog pók; wánxa agkok ¿háxko katnehek xép etnehek apyekpelchémo pók? Neghawók egmók.
Magya'áseyak yakwánxa katnehek mók ekhem
13Kóleyxho hana kéxegke kéltéma nak cha'a kélpeywa s'e: “Sakhem sat ólmahagkok apyawakxa tegma, saka esenhan. Sat aghók xama apyeyam ma'a, sat ólyanmagkasaxchek ma'a, anxámásekxak sat selyakye,” 14Megkólya'asagkek kéxegke yakwánxa katnehek kélha mók ekhem.#Pr 27.1. Kéxegke kélteme kélhawo teyáméten ekteyapmol'a yakwatakxoho, ñohok nahan kamaskok. 15Akke kéméxchek cha'a kóltehek kélpeywa s'e: “Apkeltamhok sat agkok Wese' egegkok, aghók sat ma'a, anlának sat nahan se'e, esenhan anxének ma'a mók aksok enxoho.” 16Kéllenxanakmók eyke kéxegke kélteme eyémáxkoho kélpeywa; ekyókxoho ektémakxa nak eyémáxkoho nempeywa ekteme ekmaso agko', cháxa ektéma nak. 17Negko'o ektahakxa enxoho negya'áseykegkoho nenlané aksok ektakmela, keñe manlanye', nenlanak mólya'asáxma nentaha enxoho xa.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Lengua Sur (Enxet) New Testament © United Bible Societies, 1992.