GÁLATAS 2
2
Nápakha seykha amya'a axta leyawok apwáxok Pablo
1Catorce apyeyam axta entemék sekmeyeykekxo makham ma'a Jerusalén, Bernabé#Hch 11.30; 15.2. axta sekxegexma, ekyentegkek axta nahan Tito. 2Ekmahágkek axta ko'o m'a, hakte exekmósegkek axta ko'o Dios eyéméxko amhagkok ma'a. Xama axta sekwokmo ko'o Jerusalén, eyancháseykxeyk axta apxakcha'awók énxet'ák ektaha nak apkelámha apmonye'e kélakneykekxexa. Eltennáseyha axta m'a tásek amya'a seltennáseykencha'awol'a énxet'ák metnaha nak judíos. Elanak axta ko'o xa, hakte momenyék axta katnehek eyakhémo m'a aksok selané axta ko'o, keso selana nak makham sektamheykha. 3Axta anhan kólyateyeykegkohok Tito elának kélkahaso kélyenyekhamol'a egyempehek, cham'a Tito aptaha nak Griego sekxegexma ko'o. 4Nápakha megkatnaha ekmámnaksoho ẽlyáxeg axta eyke apkelyexákpohok sempáxakwa'a negko'o, yakwayam elyexakpohok etyánegwohok ektémakxa nak negko'o negkegwagkexa antehek eñama Cristo Jesús, apmenyék axta anhan hentemesásekxak negko'o nelyaheykekxoho segánamakxa, ektémol'a negmomaxche. 5Axta eyke óghayók negko'o henlekwomhok xa énxet'ák nak, hakte egmenyék axta negko'o keytek kélnepyeseksa kéxegke tásek amya'a ekmámnaksoho nak.
6Wánxa agkok, axta eyke heltennáseykxohok mók aksok apkeltamhókxa alának cha'a m'a énxet'ák apkelxénamakpo axta aptaha apkelámha apmonye'e (Akke ko'o alányók ma'a ektémakxa nak apkeltamheykha, hakte megkalchetmek cha'a apwáxok Dios elanok énxet kéláneyakxa enxoho etnahak#Dt 10.17.) 7Apkelya'ásegkok axta eyke aptaha Dios seyásennagko ko'o altennaha tásek amya'a nepyeseksa énxet'ák metnaha judíos xa énxet'ák nak, ekhawo ektémakxa nak han apkelya'áseyak aptaha Dios apchásennagko Pedro eltennaha tásek amya'a nepyeseksa énxet'ák judíos. 8Dios axta anhan seyáphaso ko'o atnehek seykha amya'a nepyeseksa énxet'ák metnaha nak judíos, cham'a Dios apcháphásama axta Pedro, yakwayam etnehek seykha amya'a nepyeseksa énxet'ák judíos.
9Apkelya'ásegkok axta aptaha Dios segkéso ko'o sektamheykha ektakmela Santiago, Pedro tén han Juan, cham'a apkelxénamakpo axta aptaha apkelámha apmonye'e kélakneykekxexa. Ẽlpeykásegkek axta negko'o xa énxet'ák nak, ko'o tén han Bernabé, yakwayam enxoho etnésesek ekmámnaksoho nentamheykha xamo'. Hawók axta anhan mók apkelpakmeyesma apkeltamho ólmahagkok óltemeykha negko'o m'a nepyeseksa énxet'ák metnaha nak judíos, keñe peya eltemeykha nepyeseksa énxet'ák judíos xa énxet'ák nak. 10Wánxa axta apkeltamho kaxénmakha egwáxok negko'o m'a énxet'ák meyke aksok apagkok nak, cháxa selenxanakmo nak cha'a sekmáheyo alának yetlo sektakmelchesamo xa.
Pablo apméso appeywa ekyennakte Pedro m'a tegma apwányam Antioquía
11Xama axta apwákxo Pedro tegma apwányam Antioquía, kayhek axta sekpeywa selana nápakta'awo' ẽlyáxeg'a, hakte sagkek axta m'a aptahakxa axta. 12Aptókók axta sekxo' xamo' Pedro aptéyak ma'a énxet'ák metnaha nak judíos,#Hch 11.2-17. ekwokmoho apkelwa'a nápakha énxet ektaha axta Santiago apkeláphaso; keñe axta ekmassa appaxkeyncha'a, massék axta anhan aptóko xamo' aptéyak, hakte apchekak axta Pedro m'a ektaha axta apkelyeykhásamákpoho apmáheyo elanagkok sẽlkahaso kélyenyekhamol'a egyempehek. 13Nápakha énxet'ák judíos apteme melya'áseyam axta anhan apkelweyhenákxohok aptahakxa Pedro, cham'a apkelya'ásegkaxa axta eykhe megkapayhawo etnahagkok, wokmók axta nahan Bernabé apweyheneykekxoho aptamhágkaxa xa énxet'ák nak. 14Xama axta sekwet'a ko'o melánegko m'a ektémakxal'a negyetlo tásek amya'a ekmámnaksoho nak, ektahak axta seyáneya Pedro nápakta'awo' énxet'ák nentémo xamo' magya'áseyam se'e: “Aptemék axta exchep máxa metnaha enxoho judío, xép aptaha nak judío; ¿yaksak ektaha apmoko nak xép elyáteyagkohok énxet'ák metnaha judíos, yakwayam etnahagkok ma'a apkeltémakxa nak énxet'ák judíos?”
Enxet'ák judíos apkelwagkásamap teyp eñama melya'áseyam, tén han ma'a énxet'ák metnaha nak judíos
15Negko'o nenteme énxet'ák judíos eyeynamókxa m'a sekxo' nempaleykmo, háwe negko'o m'a énxet'ák metnaha nak judíos aptaha nak melya'asáxma. 16Wánxa agkok, negya'ásegkók eyke negko'o mexeyenma cha'a Dios aptaha appéwomo xama énxet eñama apkelané m'a eltémókxa nak antehek segánamakxa,#Sal 143.2; Ro 3.20. magya'áseyam Jesucristo akke keñamak senxeyenma negko'o Dios nentaha nelpéwomo.#Ro 3.22. Cháxa keñamak nentéma nak han negko'o xa magya'áseyam Jesucristo xa, yakwayam enxoho henxének negko'o Dios nentaha nelpéwomo eñama m'a magya'áseyam nak, háwe eñama m'a nenlané nak eltémókxa antehek segánamakxa. Hakte méko xama énxet yakwayam exének Dios aptaha appéwomo eñama apkelané m'a eltémókxa nak antehek segánamakxa.
17Nentegyáha agkok negko'o yakwayam henxének Dios nentaha nelpéwomo eñama Cristo, nentaha enxoho anhan negko'o ekha mólya'asáxma, ¿Cristo enxeykel'a senteméseso ekha mólya'asáxma? Ma', ¡mehentemésesók cha'a xa! 18Ektawáseyha agkok ko'o xama aksok keñe axátekhásekxak makham, ko'o ahagko' sat atnehek seksexnánémaxche. 19Máxa sétsapma axta ektemék ko'o magwanmexmo m'a eltémókxa nak antehek segánamakxa, yakwayam enxoho alának Dios apmopmenyého, máxa axta entemék selyepetchesamo enxoho ko'o xamo' Cristo aksok ektegyéso, 20háwe ko'o kaxwo' sekha ahagko', Cristo eyke aphak ewáxok ko'o.#Flp 1.21. Keso sektémakxa nak ko'o neyseksa sekha makham, ektemegkek cha'a ko'o m'a ektémakxa nak may'áseyam Dios Apketche, aptaha axta seyásekhayo, apchahayók axta anhan apmatñama ko'o eñamakxa. 21Momenyék ko'o ataknók ma'a ektémakxa nak segméso naksa Dios segemleykekxoho; enxénchek agkok negko'o Dios nentaha nelpéwomo eñama m'a eltémókxa nak antehek segánamakxa, mékoho axta katnégwók ma'a apketsapma axta Cristo.
Currently Selected:
GÁLATAS 2: LEGN
Highlight
Copy
Compare
Share
Want to have your highlights saved across all your devices? Sign up or sign in
Lengua Sur (Enxet) New Testament © United Bible Societies, 1992.
GÁLATAS 2
2
Nápakha seykha amya'a axta leyawok apwáxok Pablo
1Catorce apyeyam axta entemék sekmeyeykekxo makham ma'a Jerusalén, Bernabé#Hch 11.30; 15.2. axta sekxegexma, ekyentegkek axta nahan Tito. 2Ekmahágkek axta ko'o m'a, hakte exekmósegkek axta ko'o Dios eyéméxko amhagkok ma'a. Xama axta sekwokmo ko'o Jerusalén, eyancháseykxeyk axta apxakcha'awók énxet'ák ektaha nak apkelámha apmonye'e kélakneykekxexa. Eltennáseyha axta m'a tásek amya'a seltennáseykencha'awol'a énxet'ák metnaha nak judíos. Elanak axta ko'o xa, hakte momenyék axta katnehek eyakhémo m'a aksok selané axta ko'o, keso selana nak makham sektamheykha. 3Axta anhan kólyateyeykegkohok Tito elának kélkahaso kélyenyekhamol'a egyempehek, cham'a Tito aptaha nak Griego sekxegexma ko'o. 4Nápakha megkatnaha ekmámnaksoho ẽlyáxeg axta eyke apkelyexákpohok sempáxakwa'a negko'o, yakwayam elyexakpohok etyánegwohok ektémakxa nak negko'o negkegwagkexa antehek eñama Cristo Jesús, apmenyék axta anhan hentemesásekxak negko'o nelyaheykekxoho segánamakxa, ektémol'a negmomaxche. 5Axta eyke óghayók negko'o henlekwomhok xa énxet'ák nak, hakte egmenyék axta negko'o keytek kélnepyeseksa kéxegke tásek amya'a ekmámnaksoho nak.
6Wánxa agkok, axta eyke heltennáseykxohok mók aksok apkeltamhókxa alának cha'a m'a énxet'ák apkelxénamakpo axta aptaha apkelámha apmonye'e (Akke ko'o alányók ma'a ektémakxa nak apkeltamheykha, hakte megkalchetmek cha'a apwáxok Dios elanok énxet kéláneyakxa enxoho etnahak#Dt 10.17.) 7Apkelya'ásegkok axta eyke aptaha Dios seyásennagko ko'o altennaha tásek amya'a nepyeseksa énxet'ák metnaha judíos xa énxet'ák nak, ekhawo ektémakxa nak han apkelya'áseyak aptaha Dios apchásennagko Pedro eltennaha tásek amya'a nepyeseksa énxet'ák judíos. 8Dios axta anhan seyáphaso ko'o atnehek seykha amya'a nepyeseksa énxet'ák metnaha nak judíos, cham'a Dios apcháphásama axta Pedro, yakwayam etnehek seykha amya'a nepyeseksa énxet'ák judíos.
9Apkelya'ásegkok axta aptaha Dios segkéso ko'o sektamheykha ektakmela Santiago, Pedro tén han Juan, cham'a apkelxénamakpo axta aptaha apkelámha apmonye'e kélakneykekxexa. Ẽlpeykásegkek axta negko'o xa énxet'ák nak, ko'o tén han Bernabé, yakwayam enxoho etnésesek ekmámnaksoho nentamheykha xamo'. Hawók axta anhan mók apkelpakmeyesma apkeltamho ólmahagkok óltemeykha negko'o m'a nepyeseksa énxet'ák metnaha nak judíos, keñe peya eltemeykha nepyeseksa énxet'ák judíos xa énxet'ák nak. 10Wánxa axta apkeltamho kaxénmakha egwáxok negko'o m'a énxet'ák meyke aksok apagkok nak, cháxa selenxanakmo nak cha'a sekmáheyo alának yetlo sektakmelchesamo xa.
Pablo apméso appeywa ekyennakte Pedro m'a tegma apwányam Antioquía
11Xama axta apwákxo Pedro tegma apwányam Antioquía, kayhek axta sekpeywa selana nápakta'awo' ẽlyáxeg'a, hakte sagkek axta m'a aptahakxa axta. 12Aptókók axta sekxo' xamo' Pedro aptéyak ma'a énxet'ák metnaha nak judíos,#Hch 11.2-17. ekwokmoho apkelwa'a nápakha énxet ektaha axta Santiago apkeláphaso; keñe axta ekmassa appaxkeyncha'a, massék axta anhan aptóko xamo' aptéyak, hakte apchekak axta Pedro m'a ektaha axta apkelyeykhásamákpoho apmáheyo elanagkok sẽlkahaso kélyenyekhamol'a egyempehek. 13Nápakha énxet'ák judíos apteme melya'áseyam axta anhan apkelweyhenákxohok aptahakxa Pedro, cham'a apkelya'ásegkaxa axta eykhe megkapayhawo etnahagkok, wokmók axta nahan Bernabé apweyheneykekxoho aptamhágkaxa xa énxet'ák nak. 14Xama axta sekwet'a ko'o melánegko m'a ektémakxal'a negyetlo tásek amya'a ekmámnaksoho nak, ektahak axta seyáneya Pedro nápakta'awo' énxet'ák nentémo xamo' magya'áseyam se'e: “Aptemék axta exchep máxa metnaha enxoho judío, xép aptaha nak judío; ¿yaksak ektaha apmoko nak xép elyáteyagkohok énxet'ák metnaha judíos, yakwayam etnahagkok ma'a apkeltémakxa nak énxet'ák judíos?”
Enxet'ák judíos apkelwagkásamap teyp eñama melya'áseyam, tén han ma'a énxet'ák metnaha nak judíos
15Negko'o nenteme énxet'ák judíos eyeynamókxa m'a sekxo' nempaleykmo, háwe negko'o m'a énxet'ák metnaha nak judíos aptaha nak melya'asáxma. 16Wánxa agkok, negya'ásegkók eyke negko'o mexeyenma cha'a Dios aptaha appéwomo xama énxet eñama apkelané m'a eltémókxa nak antehek segánamakxa,#Sal 143.2; Ro 3.20. magya'áseyam Jesucristo akke keñamak senxeyenma negko'o Dios nentaha nelpéwomo.#Ro 3.22. Cháxa keñamak nentéma nak han negko'o xa magya'áseyam Jesucristo xa, yakwayam enxoho henxének negko'o Dios nentaha nelpéwomo eñama m'a magya'áseyam nak, háwe eñama m'a nenlané nak eltémókxa antehek segánamakxa. Hakte méko xama énxet yakwayam exének Dios aptaha appéwomo eñama apkelané m'a eltémókxa nak antehek segánamakxa.
17Nentegyáha agkok negko'o yakwayam henxének Dios nentaha nelpéwomo eñama Cristo, nentaha enxoho anhan negko'o ekha mólya'asáxma, ¿Cristo enxeykel'a senteméseso ekha mólya'asáxma? Ma', ¡mehentemésesók cha'a xa! 18Ektawáseyha agkok ko'o xama aksok keñe axátekhásekxak makham, ko'o ahagko' sat atnehek seksexnánémaxche. 19Máxa sétsapma axta ektemék ko'o magwanmexmo m'a eltémókxa nak antehek segánamakxa, yakwayam enxoho alának Dios apmopmenyého, máxa axta entemék selyepetchesamo enxoho ko'o xamo' Cristo aksok ektegyéso, 20háwe ko'o kaxwo' sekha ahagko', Cristo eyke aphak ewáxok ko'o.#Flp 1.21. Keso sektémakxa nak ko'o neyseksa sekha makham, ektemegkek cha'a ko'o m'a ektémakxa nak may'áseyam Dios Apketche, aptaha axta seyásekhayo, apchahayók axta anhan apmatñama ko'o eñamakxa. 21Momenyék ko'o ataknók ma'a ektémakxa nak segméso naksa Dios segemleykekxoho; enxénchek agkok negko'o Dios nentaha nelpéwomo eñama m'a eltémókxa nak antehek segánamakxa, mékoho axta katnégwók ma'a apketsapma axta Cristo.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Lengua Sur (Enxet) New Testament © United Bible Societies, 1992.