2 Timoteo 3:1-5
2 Timoteo 3:1-5 TRQNT
Ni̱ hua nia̱n si gui̱niꞌí re̱ꞌ sisi̱ ngaa ruhua ga̱nahuij xungüi̱, ni̱ ga̱ꞌnaꞌ nico sayun. Daj si ga̱huin ꞌi̱ ruhua ni ngüi̱ ni̱ꞌyaj ni sij manꞌan ni sij. Ni̱ ga̱huin ruhua ni sij gui̱ꞌyaj gana ni sij nico sanꞌanj. Ni̱ ga̱huin nne̱ ni sij nej. Ni̱ ga̱ꞌmi ꞌueé ni sij xiꞌí manꞌan ni sij. Ni̱ ga̱ꞌmi quij ni sij xiꞌí Yanꞌanj. Ni̱ si̱ garáj xina ni sij nga̱ si-nu̱guanꞌ chrej ni sij nga̱ nni ni sij nej. Ni̱ na̱ꞌuej ruhua ni sij ga̱taj ni sij si guruhua dugüiꞌ ni sij. Ni̱ nitaj si níꞌyanj ni sij rian si-chrej Yanꞌanj mánj. Ni̱ si̱ gahuin ꞌi̱ ruhua ni sij ni̱ꞌyaj ni sij ni dugüiꞌ ni sij. Ni̱ si̱ gaꞌninꞌ ruhua ni sij si ununꞌ ni sij nga̱ dugüiꞌ ni sij. Ni̱ ga̱ꞌmi snanꞌanj ni sij xiꞌí dugüiꞌ ni sij. Ni̱ naꞌue du̱gumi ni sij manꞌan ni sij. Ni̱ ga̱huin ni sij tsínj huee ni̱nꞌ ruhua. Ni̱ ga̱taj ru̱hua ni sij gui̱niꞌyaj ni sij daranꞌ nuguanꞌ sa̱ꞌ. Ni̱ di̱gyaꞌ yunꞌunj ni sij ni dugüiꞌ ni sij. Ni̱ du̱guꞌnunꞌ ni sij gui̱ꞌyaj ni sij rasu̱n gue̱. Ni̱ ga̱huin nne̱ ni̱nꞌ ruhua ni sij. Ni̱ na̱noꞌ ni sij güenda manꞌan ni sij sisi̱ ga̱huin nia̱ꞌ ruhua urin manꞌan ni sij. Ni̱ si̱ nanoꞌ ni sij manꞌan Yanꞌanj mánj. Ni̱ gui̱ꞌyaj ni sij sisi̱ nicoꞌ sa̱ꞌ ni sij Yanꞌanj. Sani̱ ni rasu̱n gui̱ꞌyaj ni sij yaꞌyoj di̱gyán sisi̱ nitaj si nicoꞌ ni sij Yanꞌanj mánj. Xiꞌí daj ni̱ si̱ guinicaj dugüíꞌ re̱ꞌ nga̱ ni tsínj ꞌyaj daj.
Bible App
Bible App for Kids
