Rooma 9
9
ꞌDooꞌdi Waakh soobahsate
1Ani ichoow Kiriisto ba rum on cheekna, ani been ma goocho. Toro la rubeyteeyti haag ichoow suujoon seley saahto ichoow Rubeyti Munyee a israahaan. 2Runtaas la a mehe ya, uureey ka oytinti buure ichoow bolokkhi uskule khaba 3jeenteti ꞌdooꞌdeey u. Chirri kootte iche tateehe an yaafteey indigirtoo igelo, incheenka Waakh a ifala, ꞌdee ani ichoow Kiriisto ba seley bahna. 4Icho a ꞌdooꞌdi ili Issiraayele, Waakh icho a khaatte, nyaakhutiiski iꞌdi teyyanohiise kayeesse. Toro la weynaantiis goycho ka tuse, ayyinti ittaawenye us igooche ichoow amurre Muusa ba ꞌheleene, jiti Waakh minki Waakhe buure ka lakawahti ꞌheleene, wihi ittaawenye ꞌdee yateehe Waakh gooche laka ꞌheleen. 5Icho la aacchinyetichoti lagarti Aburaaham ichoow Isakh ichoow Yaakoobo illehe a khabaan. Kiriisto anki weeli enenyet ka, hiiyyaase kayimiy. Ulla a Waakkhi walah tuumman anti, koolo a ꞌhelo jirtuu tuummamba! Aamiin.
6Waha iꞌdoo Yeedi Waakh kufe mee. A mehe ꞌdooꞌdi Yaakoobohi Waakh Issiraayel yidah hiiyyiis kayimiy tuumman mee rumanka Issiraayelenye ꞌdooꞌdi Waakhe. 7Ommos nyaakhuti hiiy Aburaaham kayimiy tuumman mee rumanka nyaakhuti Waakhe. Waakh wihi us Aburaaham iyidah, “Nyaakhut nyaakhutaah Isakhe lakawaha.” #9:7 Uumaccho 21:12. 8Waha la wihi icho yihiin a waha, nyaakhuti Aburaaham uume tuumman mee rumanka nyaakhuti Waakhe, nyaakhuti ayyinti Waakh gooche kadesse on nyaakhut Aburaaham liiekkaacha. 9A mehe ayyinti Waakh Aburaaham igooche ka wihi us yidah, “ꞌDee maanti ibeenki lasoobahsate yitah toro a soonokhda, Saara la geeddaakka inankoo a ꞌhesse.” #9:9 Uumaccho 18:10, 14.
10Inanka aacchiheenki Isakh layadeehe eheet. Usu Rebeekka diste, iche la inam lamma manꞌdaanee desse. 11Iꞌdaasenyi Waakh geeddi manꞌdaanoha idelanne icho wohoo haaggan ommos suujoonkoo laka iyeelin, iche saggi us ꞌdooꞌd iwaho ꞌdee wihi us gooche isooꞌhadaan tuse. 12Wihi Waakh gooche la jeenteti holi enenyet dowo menye, a jeenteti Waakh rubeytiis enenyet iwaho. Wihi us Rebeekka iyidah, “Inanki ween inanki nugule ifala.”#9:12 Uumaccho 25:23. 13Iꞌdi liichiiruu, “An Yaakoobo a ꞌdoone, iꞌdaasenyi Essaawo a ꞌdiiꞌde.” #9:13 Malaaki 1:2-3.
14Mehe ꞌdeerka nidaahe? Waakh wihi us ꞌdooꞌdi yeerare igoocho ka a khollokkhanyahe? Iꞌdaaru laka iꞌdaas mee! 15A mehe Waakh wihi us Muusa iyidah,
“Ani on eti an uur inugleesdi uur inugleesda,
toro la ani on eti an isoonaho isoonaha.” #9:15 Guuram 33:19.
16Maantaka chirri Waakh etoo uur isoonugleesti wahaas saggi etaas iꞌdoono ommos saggi etaas hol idowo ma iyateehiine, jeenteti Waakh etaas ikasoonaho on iyateehiin. 17Iꞌdi tahe iꞌdi Chiirnaanneti Waakh karnati Miissiri Faraawo layadeeh itadeeh u, “Wihi an kiweynaache, a jeenteti wihi an ati ichoow ilaah iyeelo ka miigteey liiargo, toro la magaheey harra tuumman ka liiabti.”#9:17 Guuram 9:16. 18Maantaka Waakh usu on eti us uur inugleysan ꞌdoono uur inugleesta, eti us matakkiis miigoon ꞌdoono la matakkiis miigoocha.
19Etiinkoo kolossoo mehe iworsata ya, “A iꞌdoh ꞌdeerka Waakh weeli enenyet uskeeli us yeelo ikacheekta? A mehe ayyo injire mali Waakh tirrime?” 20Etaaw, atiha Waakh yeed ilaabto, at ayyo iskoogtahe? ꞌDirihi doobbo eti yeele, “At a iꞌdoh sagga ikayeesse?” #9:20 Isaaya 29:16, 45:9. ma worsati gon. 21Iꞌdaasenyi eti ꞌdiryohi doobbo yeelo, antohi us doobbotaas kalday ꞌdirihoo daaweet kahaaggicho koo la ki hili ballaaddan kahaaggicho ma khabo?
22Saggaas on u, chiꞌ Waakh enenyet holiis ichoow miigtiis tusin ꞌdoone laka, wihi us gooche, us ꞌdooꞌdi kootte baabiin liigooche weyti a isamacchaara on. 23Ulla toro samacchaare eheete, ꞌdee kamurroonki weynaantiis ꞌdooꞌdi us uur isoonugleesti us orey on tannabiche ꞌdee weynaantiis ꞌhelo tuse. 24Inno laka ꞌdooꞌdi Waakh wahe goya a kijirra, ki Yaꞌhuude kalday on menye, iꞌdaasenyi ꞌdooꞌdi yaafohi Yaꞌhuud ieheynan laka.
25Buuggi ꞌHoseeya chiire ka, wihi Waakh ꞌdooꞌdi Yaꞌhuud ieheynan iyidah kallaayo,
“An ꞌdooꞌdi keey ieheynan iche, ‘ꞌDooꞌdaaya,’ adeeh.
ꞌDooꞌdi goorat ꞌhor an iꞌdoonin iche, ‘Chinnitaaya,’ ” adeeh.#9:25 ꞌHoseeya 2:23.
26Toro,
“Wihi yateeh, inti Waakh,
‘Atin ꞌdooꞌdeey mee,’ ikayidah,
intaas on ka wihi us icho iyadeeh, ‘Atin a nyaakhuti Waakkhi jiro.’ ”#9:26 ꞌHoseeya 1:10.
27Isaayahi Waákh íyeyyeedo wihi nyaakhuti Issiraayel miinsane us kooye a waha,
“Chirri nyaakhuti Issiraayel ittaaw ka geeddi yoohti beyti buure afichee yahe laka,
Waakh ꞌdooꞌdoo rucchul on goycho ka riba.
28A mehe Kamur
ꞌdee koloo kalday on ꞌdooꞌdi harra tuumman hukkuma sina igoocha.” #9:28 Isaaya 10:22-23. 29A iꞌdi ꞌhor Isaaya icheeke on,
“Chirri Kamuri Miig Tuumman Leh
nyaakhutoo nah ikasoowaan,
nah laka iꞌdi goorat ꞌdooꞌdi ilkerengeetti Soodom ichoow ti Goomorah u, Waakh afe nah kahiyyaayta.”#9:29 Isaaya 1:9.
Kiriisto a iꞌdi daakki enenyet luhlo gelo
30ꞌDeerka mehe nidaahe? ꞌDooꞌdi yaafohi Yaꞌhuud ieheynane goorat jiti icho ꞌdooꞌdi fiffissan liiekkaache iyowan, iche toolla Waakh ꞌdooꞌdi fiffissan iekkaacha jeenteti icho Waakh ikakhuufaan u. 31Iꞌdaasenyi, ꞌdooꞌdi Issiraayel amurre Muusati laraaho jiti Waakh icho ꞌdooꞌdi fiffissan iekkaacho a yowteene, toro la ma ꞌhelin. 32Icho a iꞌdoh iꞌhelin? A jeenteti icho kakhuufnaanki icho Waakh kakhuufaan ka iyowanne, icho wihi icho yeeleen ka wahaas iyowteen. Iꞌda ka icho daakki enenyet tarraantarricho kombicheen. 33Iꞌdi liichiiruu,
“Yeya, an ilkerengeetti Saayon goya daakkoo enenyet tarraantarricho gessa,
waha la a daddaabtoo enenyet lagaꞌddo.
Eti tuummane usu rummeeste la, lakhaanyo ma lakadowo.”#9:33 Isaaya 8:14, 28:16.
Currently Selected:
Rooma 9: rel
Highlight
Share
Copy
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.
Rooma 9
9
ꞌDooꞌdi Waakh soobahsate
1Ani ichoow Kiriisto ba rum on cheekna, ani been ma goocho. Toro la rubeyteeyti haag ichoow suujoon seley saahto ichoow Rubeyti Munyee a israahaan. 2Runtaas la a mehe ya, uureey ka oytinti buure ichoow bolokkhi uskule khaba 3jeenteti ꞌdooꞌdeey u. Chirri kootte iche tateehe an yaafteey indigirtoo igelo, incheenka Waakh a ifala, ꞌdee ani ichoow Kiriisto ba seley bahna. 4Icho a ꞌdooꞌdi ili Issiraayele, Waakh icho a khaatte, nyaakhutiiski iꞌdi teyyanohiise kayeesse. Toro la weynaantiis goycho ka tuse, ayyinti ittaawenye us igooche ichoow amurre Muusa ba ꞌheleene, jiti Waakh minki Waakhe buure ka lakawahti ꞌheleene, wihi ittaawenye ꞌdee yateehe Waakh gooche laka ꞌheleen. 5Icho la aacchinyetichoti lagarti Aburaaham ichoow Isakh ichoow Yaakoobo illehe a khabaan. Kiriisto anki weeli enenyet ka, hiiyyaase kayimiy. Ulla a Waakkhi walah tuumman anti, koolo a ꞌhelo jirtuu tuummamba! Aamiin.
6Waha iꞌdoo Yeedi Waakh kufe mee. A mehe ꞌdooꞌdi Yaakoobohi Waakh Issiraayel yidah hiiyyiis kayimiy tuumman mee rumanka Issiraayelenye ꞌdooꞌdi Waakhe. 7Ommos nyaakhuti hiiy Aburaaham kayimiy tuumman mee rumanka nyaakhuti Waakhe. Waakh wihi us Aburaaham iyidah, “Nyaakhut nyaakhutaah Isakhe lakawaha.” #9:7 Uumaccho 21:12. 8Waha la wihi icho yihiin a waha, nyaakhuti Aburaaham uume tuumman mee rumanka nyaakhuti Waakhe, nyaakhuti ayyinti Waakh gooche kadesse on nyaakhut Aburaaham liiekkaacha. 9A mehe ayyinti Waakh Aburaaham igooche ka wihi us yidah, “ꞌDee maanti ibeenki lasoobahsate yitah toro a soonokhda, Saara la geeddaakka inankoo a ꞌhesse.” #9:9 Uumaccho 18:10, 14.
10Inanka aacchiheenki Isakh layadeehe eheet. Usu Rebeekka diste, iche la inam lamma manꞌdaanee desse. 11Iꞌdaasenyi Waakh geeddi manꞌdaanoha idelanne icho wohoo haaggan ommos suujoonkoo laka iyeelin, iche saggi us ꞌdooꞌd iwaho ꞌdee wihi us gooche isooꞌhadaan tuse. 12Wihi Waakh gooche la jeenteti holi enenyet dowo menye, a jeenteti Waakh rubeytiis enenyet iwaho. Wihi us Rebeekka iyidah, “Inanki ween inanki nugule ifala.”#9:12 Uumaccho 25:23. 13Iꞌdi liichiiruu, “An Yaakoobo a ꞌdoone, iꞌdaasenyi Essaawo a ꞌdiiꞌde.” #9:13 Malaaki 1:2-3.
14Mehe ꞌdeerka nidaahe? Waakh wihi us ꞌdooꞌdi yeerare igoocho ka a khollokkhanyahe? Iꞌdaaru laka iꞌdaas mee! 15A mehe Waakh wihi us Muusa iyidah,
“Ani on eti an uur inugleesdi uur inugleesda,
toro la ani on eti an isoonaho isoonaha.” #9:15 Guuram 33:19.
16Maantaka chirri Waakh etoo uur isoonugleesti wahaas saggi etaas iꞌdoono ommos saggi etaas hol idowo ma iyateehiine, jeenteti Waakh etaas ikasoonaho on iyateehiin. 17Iꞌdi tahe iꞌdi Chiirnaanneti Waakh karnati Miissiri Faraawo layadeeh itadeeh u, “Wihi an kiweynaache, a jeenteti wihi an ati ichoow ilaah iyeelo ka miigteey liiargo, toro la magaheey harra tuumman ka liiabti.”#9:17 Guuram 9:16. 18Maantaka Waakh usu on eti us uur inugleysan ꞌdoono uur inugleesta, eti us matakkiis miigoon ꞌdoono la matakkiis miigoocha.
19Etiinkoo kolossoo mehe iworsata ya, “A iꞌdoh ꞌdeerka Waakh weeli enenyet uskeeli us yeelo ikacheekta? A mehe ayyo injire mali Waakh tirrime?” 20Etaaw, atiha Waakh yeed ilaabto, at ayyo iskoogtahe? ꞌDirihi doobbo eti yeele, “At a iꞌdoh sagga ikayeesse?” #9:20 Isaaya 29:16, 45:9. ma worsati gon. 21Iꞌdaasenyi eti ꞌdiryohi doobbo yeelo, antohi us doobbotaas kalday ꞌdirihoo daaweet kahaaggicho koo la ki hili ballaaddan kahaaggicho ma khabo?
22Saggaas on u, chiꞌ Waakh enenyet holiis ichoow miigtiis tusin ꞌdoone laka, wihi us gooche, us ꞌdooꞌdi kootte baabiin liigooche weyti a isamacchaara on. 23Ulla toro samacchaare eheete, ꞌdee kamurroonki weynaantiis ꞌdooꞌdi us uur isoonugleesti us orey on tannabiche ꞌdee weynaantiis ꞌhelo tuse. 24Inno laka ꞌdooꞌdi Waakh wahe goya a kijirra, ki Yaꞌhuude kalday on menye, iꞌdaasenyi ꞌdooꞌdi yaafohi Yaꞌhuud ieheynan laka.
25Buuggi ꞌHoseeya chiire ka, wihi Waakh ꞌdooꞌdi Yaꞌhuud ieheynan iyidah kallaayo,
“An ꞌdooꞌdi keey ieheynan iche, ‘ꞌDooꞌdaaya,’ adeeh.
ꞌDooꞌdi goorat ꞌhor an iꞌdoonin iche, ‘Chinnitaaya,’ ” adeeh.#9:25 ꞌHoseeya 2:23.
26Toro,
“Wihi yateeh, inti Waakh,
‘Atin ꞌdooꞌdeey mee,’ ikayidah,
intaas on ka wihi us icho iyadeeh, ‘Atin a nyaakhuti Waakkhi jiro.’ ”#9:26 ꞌHoseeya 1:10.
27Isaayahi Waákh íyeyyeedo wihi nyaakhuti Issiraayel miinsane us kooye a waha,
“Chirri nyaakhuti Issiraayel ittaaw ka geeddi yoohti beyti buure afichee yahe laka,
Waakh ꞌdooꞌdoo rucchul on goycho ka riba.
28A mehe Kamur
ꞌdee koloo kalday on ꞌdooꞌdi harra tuumman hukkuma sina igoocha.” #9:28 Isaaya 10:22-23. 29A iꞌdi ꞌhor Isaaya icheeke on,
“Chirri Kamuri Miig Tuumman Leh
nyaakhutoo nah ikasoowaan,
nah laka iꞌdi goorat ꞌdooꞌdi ilkerengeetti Soodom ichoow ti Goomorah u, Waakh afe nah kahiyyaayta.”#9:29 Isaaya 1:9.
Kiriisto a iꞌdi daakki enenyet luhlo gelo
30ꞌDeerka mehe nidaahe? ꞌDooꞌdi yaafohi Yaꞌhuud ieheynane goorat jiti icho ꞌdooꞌdi fiffissan liiekkaache iyowan, iche toolla Waakh ꞌdooꞌdi fiffissan iekkaacha jeenteti icho Waakh ikakhuufaan u. 31Iꞌdaasenyi, ꞌdooꞌdi Issiraayel amurre Muusati laraaho jiti Waakh icho ꞌdooꞌdi fiffissan iekkaacho a yowteene, toro la ma ꞌhelin. 32Icho a iꞌdoh iꞌhelin? A jeenteti icho kakhuufnaanki icho Waakh kakhuufaan ka iyowanne, icho wihi icho yeeleen ka wahaas iyowteen. Iꞌda ka icho daakki enenyet tarraantarricho kombicheen. 33Iꞌdi liichiiruu,
“Yeya, an ilkerengeetti Saayon goya daakkoo enenyet tarraantarricho gessa,
waha la a daddaabtoo enenyet lagaꞌddo.
Eti tuummane usu rummeeste la, lakhaanyo ma lakadowo.”#9:33 Isaaya 8:14, 28:16.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.