Fiiliffi 1
1
Baawulo urur Kiriistoki ilkerengeetti Fiiliffi bariito ierga
1Khadaaba eti atin isoochiiro a ani Baawulo. Timooti laka a iskhabna. Nah la a falfa Yeesso Kiriisto. ꞌDooꞌdi an khadaaba isoochiiro a ꞌdooꞌdi Waakhe ilkerengeetti Fiiliffi yaalle icho ichoow Yeesso Kiriisto ba wohoo kalday yahiin, ichoow ꞌdooꞌdi urur Kiriisto yaakhicho ichoow ꞌdooꞌdi urur Kiriisto gargaaro.
2Waakkhi Aabbaheene ichoow Yeesso Kiriistohi Kamureene ba atin imaalaane nebey atin kakaalaan.
Baawulo urur Kiriistoki Fiiliffi iweesta, Waakh kalaꞌd ilaaba
3Kol tuumman chirri an atin kasooꞌhelo, Waakkheey kalaꞌde ilaaba. 4Kol tuumman chirri an atin tuumman Waakh atin isoowaho, hamaade kaweesda. 5A mehe atin uus maanti kolooraate atin Wora Haaggane Kiriisto miinsan daagteen ichoow uliba a iwalhisseene woraas ileecheekteen. 6Wihi an tissibo a waha, Waakkhi hila haaggan goytiin ka sooumhe, orey on iwoya ichoowka ibeenki Yeesso Kiriisto soonokhti ka hila haaggan massicha.
7Ani uure atin kakhaba gone, a mujjum chirri an iꞌdaasu atin tuumman atin kamaldi. A mehe chaꞌan hidanahe ommos kootiin ka saggi Wori Haaggan rum iyahe ꞌdooꞌd icheeko, atin tuumman hila haaggi Waakhe buure a ileegisantaan. 8Waakh saggi an ꞌdooninti Yeesso Kiriisto enenyet ꞌdoono ka uureey ka atin ikamoono garteey a laaba.
9An Waakhe atin isoowaha, ꞌdee ꞌdooninti atin isꞌdoontaan ichoow ꞌdooninti atin Waakh ꞌdoontaan buuraatta. Geedda iche buuraatti, mujjume Waakh abattaane, toro la haag ichoow suujoon seley bihin tabuuꞌdiin. 10Waakhe atin isoowaha, ꞌdee wihi weyti haaggan soobahsan tabuuꞌdiine, toro la uus toolla kakhabatti ichoowka maanti Kiriisto soonokhti, Kiriisto atinhi eloo rucchul laka laaye toro la enenyet wohoo atin ikacheekan atin ꞌhela. 11Iꞌda ka Yeesso Kiriisto ka gurnaanki fiffissane jirotiin goya buuhicha. Waha la Waakh weynaan ichoow koolo ikeenaan.
Baawulo a hiineete toro Wori Haaggan a lataaꞌhiche on
12ꞌDooꞌd Kiriistokaaw, wihi an atinhi abattaan ꞌdoono, wihi ani liiyeele ka, rumanka Wori Haaggan a taaꞌhe. 13Jeentetuu iskarti minki buurenye karnat toorribto tuumman ichoow ꞌdooꞌdi addan saggi an jeenteti an Kiriisto iraaho on u liihide, a garta. 14Toro la jeenteti an jeela ikajiruu, ꞌdooꞌdi Kiriisto rummeeste buurtiis Kamur ka uur a lamiigooche, ꞌdee roorro laan Yeedi Waakh cheekaan.
15Rumanka gaasichokoo jeenteti kalꞌdarri ichoow jaakhe wor Kiriisto enenyet icheekaane, iꞌdaasenyi gaasoo jeenteti uuri haaggane wor Kiriisto icheekaan. 16Kan uur haaggan, ꞌdoonine woraas kacheeka. A mehe saggi Waakh ani hila dahan igesse ꞌdee us saggi Wori Haaggan rum iyahe ꞌdooꞌd ituso, iche gartaan. 17ꞌDooꞌdi oraat, wor Kiriisto uuri fissan ka ma cheeko wihi awtichooda on yowtaane, ꞌdee geedda an jeela kijiro sina ibuuraachaan. 18Iꞌdaasenyi wahaas walah icho ileeyahiin mele! Wihi khumman, jitat tuumman ka, uuri suuje ommos uuri haaggan eheetteey ka ba, a wor Kiriistoki lacheeko. Anna jeentetaase weyti ihamaada.
Rumanka la toro oreye isohda weyti hamaada. 19Iꞌdi tahe wihi an gardi, weysihiin ichoow gargaari Rubey Yeesso Kiriisto isiisso ka, a liisoofura. 20Wihi an weyti sugo toro la an khajjeelo intoo rucchul ka laka lakhaanyo ma isikeeno, iꞌdaasenyi toolla ichoow kol tuumman roorro laane sarteey ka Kiriisto weynaacha, jiroteey ommos omootteey eheetteey ka ba.
Jiro ka wihi khumman a Kiriisto
21A mehe ani ka, wihi an ijiro, a Kiriisto. Omootteey la indigirti buurenye ani ikhabta. 22Toolla chaꞌan harrata ka jiro an hili gurnaan delo haaggicha. Iꞌdaasenyi mehe goocho? An ma gardi. 23Sag lamma liijiita. Anihi irdi Kiriisto leejiro imoona. Iꞌdi tahe taase weyti deefta. 24Iꞌdaasenyi iroonotiin u, weyti khummantahe chaꞌan jiro. 25An wahaase tissiba gone, wihi an gardi, an ma amuute, atin tuumman a atin leefiddiya ꞌdee hamaadiin ichoow kakhuufnaanki atin Waakh kakhuuftaan kakhayma. 26Iꞌda ka fiddihi an atin leefiddiyo ka, jeenteteey u wihi atin Yeesso Kiriisto ka keeylajjaan weyti kakhaymaan.
Mujjum tolola maloo kaldaye koo Kiriistee khaba
27Walahbaaw soobaho ka, jiroti ꞌdooꞌdi Wori Haaggane Kiriisto imale jira, ꞌdee chirra an amiite an atin argo, ommos an iimaatane woriin kalday daago, saggi atin uuroo kalday ka mujjum itolossaan a abdi. Toro la saggi atin maloo kalday ikhabtaane, atin tuumman kakhuufnaanki atin Waakh kakhuuftaane Wori Haaggan keeno hol ikadowtaan a abdi. 28Wahaas tuumman ka ꞌdooꞌdi atin tirrimo ma karoortaan. Waha a sumatti saggi Waakh icho ibaabiicho, iꞌdaasenyi atin iribo tusso. Ki waha tuumman yeelo a Waakh. 29Ulla jeente Kiriistuu, rummeysanaanki atin usu rummeysattaan kalday menye, sinati atin taham laka a atin siiche. 30A mehe holi goorat an kijire atin agarteen,#1:30 Hilassi Ergaano 16:19-40. a ki atin laka kijirtaan. Toro la saggi an toolla laka holaas ikijiro a daagteen.
Currently Selected:
Fiiliffi 1: rel
Highlight
Share
Copy
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.
Fiiliffi 1
1
Baawulo urur Kiriistoki ilkerengeetti Fiiliffi bariito ierga
1Khadaaba eti atin isoochiiro a ani Baawulo. Timooti laka a iskhabna. Nah la a falfa Yeesso Kiriisto. ꞌDooꞌdi an khadaaba isoochiiro a ꞌdooꞌdi Waakhe ilkerengeetti Fiiliffi yaalle icho ichoow Yeesso Kiriisto ba wohoo kalday yahiin, ichoow ꞌdooꞌdi urur Kiriisto yaakhicho ichoow ꞌdooꞌdi urur Kiriisto gargaaro.
2Waakkhi Aabbaheene ichoow Yeesso Kiriistohi Kamureene ba atin imaalaane nebey atin kakaalaan.
Baawulo urur Kiriistoki Fiiliffi iweesta, Waakh kalaꞌd ilaaba
3Kol tuumman chirri an atin kasooꞌhelo, Waakkheey kalaꞌde ilaaba. 4Kol tuumman chirri an atin tuumman Waakh atin isoowaho, hamaade kaweesda. 5A mehe atin uus maanti kolooraate atin Wora Haaggane Kiriisto miinsan daagteen ichoow uliba a iwalhisseene woraas ileecheekteen. 6Wihi an tissibo a waha, Waakkhi hila haaggan goytiin ka sooumhe, orey on iwoya ichoowka ibeenki Yeesso Kiriisto soonokhti ka hila haaggan massicha.
7Ani uure atin kakhaba gone, a mujjum chirri an iꞌdaasu atin tuumman atin kamaldi. A mehe chaꞌan hidanahe ommos kootiin ka saggi Wori Haaggan rum iyahe ꞌdooꞌd icheeko, atin tuumman hila haaggi Waakhe buure a ileegisantaan. 8Waakh saggi an ꞌdooninti Yeesso Kiriisto enenyet ꞌdoono ka uureey ka atin ikamoono garteey a laaba.
9An Waakhe atin isoowaha, ꞌdee ꞌdooninti atin isꞌdoontaan ichoow ꞌdooninti atin Waakh ꞌdoontaan buuraatta. Geedda iche buuraatti, mujjume Waakh abattaane, toro la haag ichoow suujoon seley bihin tabuuꞌdiin. 10Waakhe atin isoowaha, ꞌdee wihi weyti haaggan soobahsan tabuuꞌdiine, toro la uus toolla kakhabatti ichoowka maanti Kiriisto soonokhti, Kiriisto atinhi eloo rucchul laka laaye toro la enenyet wohoo atin ikacheekan atin ꞌhela. 11Iꞌda ka Yeesso Kiriisto ka gurnaanki fiffissane jirotiin goya buuhicha. Waha la Waakh weynaan ichoow koolo ikeenaan.
Baawulo a hiineete toro Wori Haaggan a lataaꞌhiche on
12ꞌDooꞌd Kiriistokaaw, wihi an atinhi abattaan ꞌdoono, wihi ani liiyeele ka, rumanka Wori Haaggan a taaꞌhe. 13Jeentetuu iskarti minki buurenye karnat toorribto tuumman ichoow ꞌdooꞌdi addan saggi an jeenteti an Kiriisto iraaho on u liihide, a garta. 14Toro la jeenteti an jeela ikajiruu, ꞌdooꞌdi Kiriisto rummeeste buurtiis Kamur ka uur a lamiigooche, ꞌdee roorro laan Yeedi Waakh cheekaan.
15Rumanka gaasichokoo jeenteti kalꞌdarri ichoow jaakhe wor Kiriisto enenyet icheekaane, iꞌdaasenyi gaasoo jeenteti uuri haaggane wor Kiriisto icheekaan. 16Kan uur haaggan, ꞌdoonine woraas kacheeka. A mehe saggi Waakh ani hila dahan igesse ꞌdee us saggi Wori Haaggan rum iyahe ꞌdooꞌd ituso, iche gartaan. 17ꞌDooꞌdi oraat, wor Kiriisto uuri fissan ka ma cheeko wihi awtichooda on yowtaane, ꞌdee geedda an jeela kijiro sina ibuuraachaan. 18Iꞌdaasenyi wahaas walah icho ileeyahiin mele! Wihi khumman, jitat tuumman ka, uuri suuje ommos uuri haaggan eheetteey ka ba, a wor Kiriistoki lacheeko. Anna jeentetaase weyti ihamaada.
Rumanka la toro oreye isohda weyti hamaada. 19Iꞌdi tahe wihi an gardi, weysihiin ichoow gargaari Rubey Yeesso Kiriisto isiisso ka, a liisoofura. 20Wihi an weyti sugo toro la an khajjeelo intoo rucchul ka laka lakhaanyo ma isikeeno, iꞌdaasenyi toolla ichoow kol tuumman roorro laane sarteey ka Kiriisto weynaacha, jiroteey ommos omootteey eheetteey ka ba.
Jiro ka wihi khumman a Kiriisto
21A mehe ani ka, wihi an ijiro, a Kiriisto. Omootteey la indigirti buurenye ani ikhabta. 22Toolla chaꞌan harrata ka jiro an hili gurnaan delo haaggicha. Iꞌdaasenyi mehe goocho? An ma gardi. 23Sag lamma liijiita. Anihi irdi Kiriisto leejiro imoona. Iꞌdi tahe taase weyti deefta. 24Iꞌdaasenyi iroonotiin u, weyti khummantahe chaꞌan jiro. 25An wahaase tissiba gone, wihi an gardi, an ma amuute, atin tuumman a atin leefiddiya ꞌdee hamaadiin ichoow kakhuufnaanki atin Waakh kakhuuftaan kakhayma. 26Iꞌda ka fiddihi an atin leefiddiyo ka, jeenteteey u wihi atin Yeesso Kiriisto ka keeylajjaan weyti kakhaymaan.
Mujjum tolola maloo kaldaye koo Kiriistee khaba
27Walahbaaw soobaho ka, jiroti ꞌdooꞌdi Wori Haaggane Kiriisto imale jira, ꞌdee chirra an amiite an atin argo, ommos an iimaatane woriin kalday daago, saggi atin uuroo kalday ka mujjum itolossaan a abdi. Toro la saggi atin maloo kalday ikhabtaane, atin tuumman kakhuufnaanki atin Waakh kakhuuftaane Wori Haaggan keeno hol ikadowtaan a abdi. 28Wahaas tuumman ka ꞌdooꞌdi atin tirrimo ma karoortaan. Waha a sumatti saggi Waakh icho ibaabiicho, iꞌdaasenyi atin iribo tusso. Ki waha tuumman yeelo a Waakh. 29Ulla jeente Kiriistuu, rummeysanaanki atin usu rummeysattaan kalday menye, sinati atin taham laka a atin siiche. 30A mehe holi goorat an kijire atin agarteen,#1:30 Hilassi Ergaano 16:19-40. a ki atin laka kijirtaan. Toro la saggi an toolla laka holaas ikijiro a daagteen.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.