Galaatiya 6
6
Haag isiyeela
1ꞌDooꞌd Kiriistokaaw, chiꞌ etoo uskeel yeele, atinhi Rubeyti Munyee atin woyto samacchaar jiti haaggan isoolaaba. Iꞌdaasenyi ebba a isyaakhicho uus kajmeti uskeel kaluguꞌddo khaatine. 2Huleesi jiro eti addan fuulo isleeokkhicha. Iꞌdaas ka amur Kiriisto a buuhissaan. 3A mehe chiꞌ etoo wohoo iskoogyahe, ꞌdeerka us etoo addan igargaarin, iꞌdaas ka a isekkeesta, jeenteti us wohoo ieheynan u. 4Ebba wihi us yeelo a fiiricho, a iskeeylajo, uus etoo addan iskeekkaanne. 5A mehe ebba keley on huleesiis siꞌda.
6Eti wor Kiriisto laabcho la, eti woraas abcho wahanyeyyohi haaggane us khabo a leegismo.
7Iisekkeysanna, et Waakh ekkeesti mele. Ebba ilinti us gosiis goya kachibe on gurnaankiche gurta. 8Eti wihi uuriis goya kijiro uskeel imoono kahamaadicho on yeelo, iꞌdi ilinti gos lagessuu gurnaanki us uskeelaas kaꞌhelo, a baabakki usu labaabiicho. Iꞌdaasenyi eti wihi us yeelo, wihi Rubeyti Munyee kahamaadicho yahiin, iꞌdi ilinti gos lagessuu, gurnaanki jiroti imassanne Rubeyti Munyee kaꞌhela. 9Uus inno haaggi inno yeello kaꞌharin giꞌde. A mehe chiꞌinno ajjibaat ikhaatin, maane a tamiit, ti inno gurnaan ꞌhello. 10Maantaka, maambaaw inno jitoo ꞌhelle, enenyet tuumman haag iyeello. Kach ka la, ꞌdooꞌdassi Kiriisto rummeeste haag iyeello.
Yeedi ꞌdaꞌddaboot ichoow bariito
11Chiirnaanka burbuurenye an dahanteey ka atin isoochiire bal yeya!
12ꞌDooꞌdi khandi atin ihosso, a ꞌdooꞌdi enenyet ortiis ka ishahhaaggin ꞌdoono. Iꞌdane yeelaan uus ꞌdee jeenteti wori massalaaba Kiriisto miinsane enenyet ribo ka sina loomhin. 13ꞌDooꞌdi Yaꞌhuude khandiiti laka, amurre Muusa tuum ma raaho. Iꞌdaasenyi icho atinhi atin lakhandiyo ꞌdoonaane, ꞌdee khandihiin ka eylajaan. 14Ani ka la, omootti Yeesso Kiriistohi Kamureene massalaaba kayumuy on menye, wohoo addane an keeylajo ma jiraan. Massalaaba Kiriisto ka, wahanyeyyohi harrata a kamassade toro la wahanyeyyohi harrata ma idakhtaan. 15A mehe khandi ommos khandiwaayyo mee khumman. Wihi khumman, a atihi kola uumacchotoo husub titah. 16Waakh ba ꞌdooꞌdi yeeda raaho tuumman nebey kakaala, toro uur isoonugleesta. ꞌDooꞌdaas la rumanka a ꞌdooꞌdi Waakh gon.
17Wahane kamassicha. Uus etoo kalday laka sina ikawaarin. A mehe gumaarreti an khabo, saggi an bowꞌda Yeesso iahe tussa.
18ꞌDooꞌd Kiriistokaaw, Yeesso Kiriistohi Kamureene ba rubeyohiin imaala. Aamiin.
Currently Selected:
Galaatiya 6: rel
Highlight
Share
Copy
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.
Galaatiya 6
6
Haag isiyeela
1ꞌDooꞌd Kiriistokaaw, chiꞌ etoo uskeel yeele, atinhi Rubeyti Munyee atin woyto samacchaar jiti haaggan isoolaaba. Iꞌdaasenyi ebba a isyaakhicho uus kajmeti uskeel kaluguꞌddo khaatine. 2Huleesi jiro eti addan fuulo isleeokkhicha. Iꞌdaas ka amur Kiriisto a buuhissaan. 3A mehe chiꞌ etoo wohoo iskoogyahe, ꞌdeerka us etoo addan igargaarin, iꞌdaas ka a isekkeesta, jeenteti us wohoo ieheynan u. 4Ebba wihi us yeelo a fiiricho, a iskeeylajo, uus etoo addan iskeekkaanne. 5A mehe ebba keley on huleesiis siꞌda.
6Eti wor Kiriisto laabcho la, eti woraas abcho wahanyeyyohi haaggane us khabo a leegismo.
7Iisekkeysanna, et Waakh ekkeesti mele. Ebba ilinti us gosiis goya kachibe on gurnaankiche gurta. 8Eti wihi uuriis goya kijiro uskeel imoono kahamaadicho on yeelo, iꞌdi ilinti gos lagessuu gurnaanki us uskeelaas kaꞌhelo, a baabakki usu labaabiicho. Iꞌdaasenyi eti wihi us yeelo, wihi Rubeyti Munyee kahamaadicho yahiin, iꞌdi ilinti gos lagessuu, gurnaanki jiroti imassanne Rubeyti Munyee kaꞌhela. 9Uus inno haaggi inno yeello kaꞌharin giꞌde. A mehe chiꞌinno ajjibaat ikhaatin, maane a tamiit, ti inno gurnaan ꞌhello. 10Maantaka, maambaaw inno jitoo ꞌhelle, enenyet tuumman haag iyeello. Kach ka la, ꞌdooꞌdassi Kiriisto rummeeste haag iyeello.
Yeedi ꞌdaꞌddaboot ichoow bariito
11Chiirnaanka burbuurenye an dahanteey ka atin isoochiire bal yeya!
12ꞌDooꞌdi khandi atin ihosso, a ꞌdooꞌdi enenyet ortiis ka ishahhaaggin ꞌdoono. Iꞌdane yeelaan uus ꞌdee jeenteti wori massalaaba Kiriisto miinsane enenyet ribo ka sina loomhin. 13ꞌDooꞌdi Yaꞌhuude khandiiti laka, amurre Muusa tuum ma raaho. Iꞌdaasenyi icho atinhi atin lakhandiyo ꞌdoonaane, ꞌdee khandihiin ka eylajaan. 14Ani ka la, omootti Yeesso Kiriistohi Kamureene massalaaba kayumuy on menye, wohoo addane an keeylajo ma jiraan. Massalaaba Kiriisto ka, wahanyeyyohi harrata a kamassade toro la wahanyeyyohi harrata ma idakhtaan. 15A mehe khandi ommos khandiwaayyo mee khumman. Wihi khumman, a atihi kola uumacchotoo husub titah. 16Waakh ba ꞌdooꞌdi yeeda raaho tuumman nebey kakaala, toro uur isoonugleesta. ꞌDooꞌdaas la rumanka a ꞌdooꞌdi Waakh gon.
17Wahane kamassicha. Uus etoo kalday laka sina ikawaarin. A mehe gumaarreti an khabo, saggi an bowꞌda Yeesso iahe tussa.
18ꞌDooꞌd Kiriistokaaw, Yeesso Kiriistohi Kamureene ba rubeyohiin imaala. Aamiin.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.