Kolossaay Af furnaan
Af furnaan
Baawulo khadaaba urur Kiriistoki ilkerengeetti Kolossaay yaalle ichiire. Ilkerengeetta Kolossaay la a ilkerengeettoo boroofenhi Aassiyati Rucchul goya kajirto ilkerengeetti Efeesso berihichee ka. Urura Baawulo mee sooumhe, iꞌdaasenyi jeenteti us ꞌdooꞌdi Efeesso hili Waakh haaggicho Kolossaay ikeerguu, Baawulo urura aw a ikhabe. Baawulo nabahti us ꞌhele a mehe ya, ꞌdooꞌdoo worassi beenaat urur Kiriisto abcho a jire. Woraas beenaat la mehe essa ya, eti Waakh garan ꞌdoono, toro ribnaanki rummaat ꞌhelin ꞌdoono, wihi lakaꞌdoono a usuhi ginnayyohi miig khabo toro anto khabo wahti. Toro la ꞌdooꞌda worassi beenaat enenyet abcho mehe essa ya, enenyet daawohi iꞌdi maanta khandihi Yaꞌhuud illehe ichoow amurreti ꞌhoolenye gololle miinsan a raaho.
Baawulo khadaabane chiire, ꞌdee worassa beenaat ꞌdiiꞌda toro wori rummaate ꞌdooꞌd Kiriisto raaho cheeka. Kach ka wihi us cheeko a waha, Yeesso Kiriisto enenyet tuum ribin a yabuuꞌde, toro la worassa beenaat chirri laraaho, enenyet Kiriisto a kabaabiichaan. Waakh Kiriisto ka harrata a soouume, toro Kiriisto on ka ꞌdooꞌdi harrata ankiis a isoolaaba. Khajjeeli enenyet lakaribo chiꞌ laꞌhelo a chirri weeli enenyet ichoow Kiriisto wohoo kalday yahiin on. Baawulo ꞌdeerka wihi yeedaas jiroti ꞌdooꞌd Kiriisto ka delo iche dowdowa. ꞌDooꞌd Kiriisto hugummeti weeli enenyete sussuuje a lakasoofure. ꞌDeerka wahanyeyyohi harrata menye, wahanyeyyohi saraat kamalda.
Waha la a abda, Tuuchikohi khadaaba Baawulo kakhaate Kolossaay geeche, eti walhiche a Oneesmohi bowꞌda eheete, Baawulo meessiis ka khadaabi Fiilemon chiire (4:7-9).
Wihi khadaaba goya kijiro
Yeed ortiissa 1:1-8
Eti Kiriisto yahe ichoow hil Kiriisto 1:9-2:19
Jiroti husube inno Kiriisto ka khabno 2:20-4:6
Bariito ichoow yeedi ꞌdaꞌddaboot 4:7-4:18.
Currently Selected:
Kolossaay Af furnaan: rel
Highlight
Share
Copy
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.