Kahigibu 8
8
Bintabindili din pah’ ayopɔin
1Piɛbil’ maa ni daa ti tabigi bintabinda maa ni din pah’ ayopɔin saha shɛli, di daa niŋ kaman awa pirigili ka alizanda ni binshɛɣukam kul fomi chichi. 2Di saha ka n daa nya ka bɛ zaŋ kikahi ayopɔin ti malaikanima ayopɔin bɛn ʒe Naawuni tooni.
3 #
Amɔs 9.1; Yibu 30.1, 3 Ka n daa nya malaika so mi ka o gbibi salima laa n-chaŋ ti zani bimbin’ gbini. Ka bɛ daa zaŋ tulaale zim pam ti o ni o zaŋ pahi Naawuni ninvuɣ’ gahinda zaa wunsuhigu ni n-zaŋ pa salima bimbin’ shɛli din be nam ʒiishee maa tooni zuɣu n-zaŋ li garigari taba. 4Ka tulaale zim maa nyɔhi mini Naawuni ninvuɣ’ gahinda wunsuhigu maa yi malaika ŋun daa ʒe Naawuni tooni maa nuu ni n-kpuɣ’ du zuɣusaa. 5#Lɛv 16.12; Ɛzɛk 10.2; Yibu 19.16; Kah 11.19; 16.18 Di saha ka malaika maa daa zaŋ tulaale laa maa m-mooi bimbini maa zuɣu buɣim m-pal’ li n-zaŋ kpaai bahi dunia ni, ka saa daa gbaai nyaɣisibu ni tahibu, ka vuri yiɣisi mɔni ka tiŋgbani damda.
Kikah’ ayopɔin piɛbbu yɛla
6Di saha ka malaikanima ayopɔin shɛb’ bɛn daa mali kikah’ ayopɔin la niŋ shili ni bɛ piɛb’ bɛ kikahi maa. 7#Yibu 9.23-25; Ɛzɛk 38.22 Ka tuuli malaika daa piɛb’ o kikaa, ka sakuɣa mini buɣim ni ʒim daa gari taba luri dunia ni, ka dunia tiŋgbani pirigibu ʒii buta puuni yim di buɣim, ka tihi pirigibu ʒii buta puuni yim di buɣim, ka momaha zaa di buɣim. 8Ka malaika ŋun pah’ ayi daa piɛb’ o kikaa, ka binshɛɣu din be kaman zo’ titali ka buɣim diri di zuɣu la yiɣ’ ti lu teeku ni. 9Ka teeku maa kom pirigibu ʒii buta puuni yim leei ʒim, ka teeku maa ni binnɛma zaa pirigibu ʒii buta puuni yim kpi, ka ŋarima din daa pa teeku maa kom zuɣu diba ata kam puuni zaɣ’ yini saɣim. 10#Aiz 14.12 Ka malaika ŋun pah’ ata daa piɛb’ o kikaa, ka saŋmar’ titali ŋun ne kaman buɣim mokpalli la yi zuɣusaa n-lu mɔɣa ata kam zaɣ’ yin’ ni mini kɔbilisi ni. 11#Jɛr 9.15 Saŋmariga maa yuli daa boonila “Yabiga.” Ka kom pirigibu ʒii buta puuni yim leei kɔtɔɣu yabiga maa zuɣu, ka niriba pam daa nyu li ka kpi, kom maa ni daa to maa zuɣu. 12#Aiz 13.10; Ɛzɛk 32.7; Joɛl 2.10, 31; 3.15 Ka malaika ŋun pah’ anahi daa piɛb’ o kikaa, ka wuntaŋ’ pirigibu ʒii buta puuni yim sabigi, ka goli pirigibu ʒii buta puuni yim sabigi, ka saŋmarisi pirigibu ʒii buta puuni yim sabigi, ka bɛ neesim pirigibu ʒii buta puuni yim sabigi, ka wuntaŋ’ ni neesim pirigibu ʒii buta puuni yim zibigi, ka di daa niŋ lala yuŋ gba. 13Di saha ka n daa lihi ka wum ka tɔrili be zuɣusaa yiɣiri ka kuhiri pampam yɛra, “Mbusim, mbusim, mbusim be dunianim’ zuɣu, malaikanima ata shɛb’ bɛn kpalim n-na yɛn piɛb’ bɛ kikahi la zuɣu!”
Currently Selected:
Kahigibu 8: DBwDB
Highlight
Copy
Compare
Share
Want to have your highlights saved across all your devices? Sign up or sign in
Dagbani Bible with Deuterocanonical Books © Bible Society of Ghana, 2011.
Kahigibu 8
8
Bintabindili din pah’ ayopɔin
1Piɛbil’ maa ni daa ti tabigi bintabinda maa ni din pah’ ayopɔin saha shɛli, di daa niŋ kaman awa pirigili ka alizanda ni binshɛɣukam kul fomi chichi. 2Di saha ka n daa nya ka bɛ zaŋ kikahi ayopɔin ti malaikanima ayopɔin bɛn ʒe Naawuni tooni.
3 #
Amɔs 9.1; Yibu 30.1, 3 Ka n daa nya malaika so mi ka o gbibi salima laa n-chaŋ ti zani bimbin’ gbini. Ka bɛ daa zaŋ tulaale zim pam ti o ni o zaŋ pahi Naawuni ninvuɣ’ gahinda zaa wunsuhigu ni n-zaŋ pa salima bimbin’ shɛli din be nam ʒiishee maa tooni zuɣu n-zaŋ li garigari taba. 4Ka tulaale zim maa nyɔhi mini Naawuni ninvuɣ’ gahinda wunsuhigu maa yi malaika ŋun daa ʒe Naawuni tooni maa nuu ni n-kpuɣ’ du zuɣusaa. 5#Lɛv 16.12; Ɛzɛk 10.2; Yibu 19.16; Kah 11.19; 16.18 Di saha ka malaika maa daa zaŋ tulaale laa maa m-mooi bimbini maa zuɣu buɣim m-pal’ li n-zaŋ kpaai bahi dunia ni, ka saa daa gbaai nyaɣisibu ni tahibu, ka vuri yiɣisi mɔni ka tiŋgbani damda.
Kikah’ ayopɔin piɛbbu yɛla
6Di saha ka malaikanima ayopɔin shɛb’ bɛn daa mali kikah’ ayopɔin la niŋ shili ni bɛ piɛb’ bɛ kikahi maa. 7#Yibu 9.23-25; Ɛzɛk 38.22 Ka tuuli malaika daa piɛb’ o kikaa, ka sakuɣa mini buɣim ni ʒim daa gari taba luri dunia ni, ka dunia tiŋgbani pirigibu ʒii buta puuni yim di buɣim, ka tihi pirigibu ʒii buta puuni yim di buɣim, ka momaha zaa di buɣim. 8Ka malaika ŋun pah’ ayi daa piɛb’ o kikaa, ka binshɛɣu din be kaman zo’ titali ka buɣim diri di zuɣu la yiɣ’ ti lu teeku ni. 9Ka teeku maa kom pirigibu ʒii buta puuni yim leei ʒim, ka teeku maa ni binnɛma zaa pirigibu ʒii buta puuni yim kpi, ka ŋarima din daa pa teeku maa kom zuɣu diba ata kam puuni zaɣ’ yini saɣim. 10#Aiz 14.12 Ka malaika ŋun pah’ ata daa piɛb’ o kikaa, ka saŋmar’ titali ŋun ne kaman buɣim mokpalli la yi zuɣusaa n-lu mɔɣa ata kam zaɣ’ yin’ ni mini kɔbilisi ni. 11#Jɛr 9.15 Saŋmariga maa yuli daa boonila “Yabiga.” Ka kom pirigibu ʒii buta puuni yim leei kɔtɔɣu yabiga maa zuɣu, ka niriba pam daa nyu li ka kpi, kom maa ni daa to maa zuɣu. 12#Aiz 13.10; Ɛzɛk 32.7; Joɛl 2.10, 31; 3.15 Ka malaika ŋun pah’ anahi daa piɛb’ o kikaa, ka wuntaŋ’ pirigibu ʒii buta puuni yim sabigi, ka goli pirigibu ʒii buta puuni yim sabigi, ka saŋmarisi pirigibu ʒii buta puuni yim sabigi, ka bɛ neesim pirigibu ʒii buta puuni yim sabigi, ka wuntaŋ’ ni neesim pirigibu ʒii buta puuni yim zibigi, ka di daa niŋ lala yuŋ gba. 13Di saha ka n daa lihi ka wum ka tɔrili be zuɣusaa yiɣiri ka kuhiri pampam yɛra, “Mbusim, mbusim, mbusim be dunianim’ zuɣu, malaikanima ata shɛb’ bɛn kpalim n-na yɛn piɛb’ bɛ kikahi la zuɣu!”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Dagbani Bible with Deuterocanonical Books © Bible Society of Ghana, 2011.