Kahigibu 4

Alizanda ni Naawuni jɛmbu

1Nyama, dimbɔŋɔnim’ nyaaŋa ka n daa lihi alizanda ni n-nya ka duno’ shɛli yooi yɛya, ka n wum n ni daa pun tuui wum kukol’ shɛl’ la ka di be kaman kikaa kumsi la yɛri ma na: “Dum’ kpe na ka n ti wuh’ a din yɛn niŋ dimbɔŋɔnim’ nyaaŋa.” 2Ka Naawuni Shia Kasi dii pali ma, ka n nya ka nam ʒiishee be alizanda ni ka so ʒi nimaani. 3#Ɛzɛk 1.26-28; 10.1 Ŋun daa ʒiya maa kɔtomsi daa ŋmanila bɛ ni booni kuɣ’ viɛl’ shɛŋa jasipa ni kanɛlian la; ka sagani din ŋmani bɛ ni booni kuɣ’ viɛl’ shɛli ɛmɛrald la booi gili nam ʒiishee maa. 4Ka nam ʒiishɛhi pisinaanahi gili nam ʒiishee maa, ka kpamba pisinaanahi ye binyɛr’ piɛla, ka pil’ salima zuɣupila n-ʒi nam ʒiishɛhi maa ni. 5#Yibu 19.16; Kah 8.5; 11.19; 16.18; Ɛzɛk 1.13; Kah 1.4; Zak 4.2 Ka saa nyaɣisibu mini saa tahibu ni kukoya vuri pam yiri nam ʒiishee maa gbin’ na; ka buɣim mokpala ayopɔin din nyɛ Naawuni shih’ ayopɔin la sa nam ʒiishee maa tooni dira. 6#Ɛzɛk 1.22; 1.5-10; 10.14 Ka binshɛli daa be nam ʒiishee maa tooni ŋ-ŋmani teeku kom din be kaman takɔriti diɣisi kɔtomsi la, ka lan be kaman diɣi la. Ka binnɛma anahi bɛn nyɔri zaŋ tabili bɛ puya mini bɛ nyaansi daa pali nina gili nam ʒiishee maa. 7Tuuli binnɛɔŋ daa ŋmanila gbuɣinli, ka ŋun pah’ ayi ŋmani naɣilaa, ka ŋun pah’ ata ninni mi ŋmani ninsal’ ninni, ka ŋun pah’ anahi mi ŋmani tɔrili ŋun yiɣira. 8#Ɛzɛk 1.8; 10.12; Aiz 6.2-3 Ka bɛ binnɛma anahi maa zaa yinoyino mali kpiŋkpama ayɔbuyɔbu, ka bɛ niŋgbuna puuni mini bɛ niŋgbuŋ gbana zuɣu zaa pali nina, ka bɛ na ʒi n-chɛ yila yiini paɣiri Naawuni yuŋ ni wuntaŋ’ ni n-yɛra,

“Kasi! Kasi! Kasi!

Ti Duuma Naawuni Zallakudura Naa nyɛla ŋun be kasi.

Ŋuna n-nyɛ ŋun daa pun be,

ka na kul be, ka ti yɛn kana.” 9Binnɛma anahi maa daa yi ti tibigiri ŋun ʒi nam ʒiishee maa ni ka tir’ o jilima, ka paɣiri ŋuna ŋun ni be hal ni saha din ka bahigu maa saha shɛli, 10kpamba pisinaanahi maa gbaanila ŋuna ŋun ni be hal ni saha din ka bahigu ka ʒi nam ʒiishee maa ni la tooni m-piligi bɛ nam zuɣupila n-sɔŋ nam ʒiishee maa tooni, ka jɛmd’ o, ka yiini yila yɛra, 11“Yaa ti Duuma ni ti Naawuni, nyini n-simdi

tibigibu ni jilima tibu ni yiko malibu,

dama nyini n-nam binshɛɣukam zaa,

a yubu ni ka a daa nam li, ka chɛ ka di be.”

Currently Selected:

Kahigibu 4: DBwDB

Highlight

Copy

Compare