Matiu PILIGU
PILIGU
Matiu lahibali ŋɔ nyɛla lahibal’ suŋ din yɛri ni Yisa n-nyɛ Naawuni ni daa lo alikauli ni o ni chɛ ka Tiligir’ so kana la. O kɔbili ni ka Naawuni daa pal’ o ni daa lo o niriba alikauli shɛli ŋun’ Naawuni Kundi kurili ni la. Lahibal’ suŋ maa pala Yɛhudianim’ bɛn nyɛ bɛ ni daa dɔɣi Yisa shɛb’ sani ka o mini ba bela kɔŋko dini, amaa di nyɛla dunia zaa dini. Matiu lahibal’ suŋ maa nyɛla bɛ ni maai bɛmaŋ’ sabi shɛli. Di piligila Yisa dɔɣibu yɛla, ka wuh’ o ni daa deei baptaizibu min’ o ni daa nya zahimbu shɛm yɛla. Di nyaaŋa ka bɛ naanyi zaŋ o tuma din nyɛ waazu yihibu min’ o wuhibu ni o ni daa tibi dɔriti shɛm Galili pahi. Dimbɔŋɔ nyaaŋa ka lahibal’ suŋ maa lan yɛli Yisa ni daa yi Galili n-go n-chaŋ Jɛrusalɛm ni binshɛŋa din daa niŋ Yisa o bakɔi shɛli din daa bahindi nyaaŋa la puuni, din daa ti tah’ o dapulli zuɣu kpahibu min’ o kum ni neebu na la. Lahibal’ suŋ maa wuhiya ni Yisa nyɛla Karimba Titali ŋun mali yiko din ni kahigi Naawuni zaligunim’ gbinni wuhi niriba, ka lan nyɛ ŋun daa wuhi niriba Naawuni nam lahibali. Bɛ daa laɣim o wuhibu maa pam n-zaŋ li niŋla yɛtɔɣ’ kpana anu: (1) O zoli zuɣu waazu din daa wuhiri Naawuni nam ni niriba biɛhigu mini bɛ tuma ni bɛ ni mali soya shɛm ni bɛ ni kuni luɣ’ shɛli (suura anu hal ni suura ayopɔin); (2) O ni daa wuh’ o nyaandoliba pinaayi shɛm zaŋ chaŋ o ni daa yɛn tim ba ka bɛ chaŋ ti tum tuun’ shɛli la polo (suurili pia); (3) Alizanda nam yɛla ŋaha (suurili pinaata); (4) Nyaandolitali gbinni ni nyɛ shɛm wuhibu (suurili pisaayika) (5) Dunia ŋɔ naabu mini alizanda nam kandina yɛla wuhibu (suura pisinaanahi hal ni pisinaanu).
Din be litaafi ŋɔ puuni
Yisa dɔɣirikpamba min’ o dɔɣibu yɛla 1.1—2.23
Jɔn Baptaizira tuma 3.1-12
Yisa Baptaizibu mini Sintani ni daa zahim’ o shɛm 3.13—4.11
Yisa ni daa yi palo tum tuun’ shɛŋa Galili 4.12—18.35
Yisa ni yi Galili chaŋ Jɛrusalɛm shɛm 19.1—20.34
Yisa ni daa miri Jɛrusalɛm min’ o ni daa be Jɛrusalɛm tiŋ’ puuni shɛm bakɔi din bahindi nyaaŋa 21.1—27.66
Ti Duuma kum ni neebu min’ o ni daa yir’ o nyaandoliba zuɣu shɛm 28.1-20
Currently Selected:
Matiu PILIGU: DBwDB
Highlight
Share
Copy
Want to have your highlights saved across all your devices? Sign up or sign in
Dagbani Bible with Deuterocanonical Books © Bible Society of Ghana, 2011.