Hiburunima 2
2
Tiliginsim din galisi
1Dinzuɣu di niŋ kamaata ni ti gbibi ti ni daa pun wum yɛlimaŋ’ shɛŋa la viɛnyɛliŋga din ni chɛ ka binshɛɣu ti ku ʒi ti chaŋ ka chɛ li. 2Yɛtɔɣ’ shɛŋa malaikanim’ ni daa tɔɣisi la kahigi wuhi ni di nyɛla yɛlimaŋli, ka ŋunkam daa bi dol’ li bee n-deei di noli yi daa nya tibidarigibo din simd’ o, 3dindina wula ka tinim’ ni tooi zo n-yi tibidarigibo maa ni, ti baɣa yi ka tiliginsim din galisi ŋɔ ni? Ti Duuma maŋmaŋ’ daa tuui yɛli tiliginsim maa yɛla, ka bɛn daa wum o yɛligu di o shɛhira ni di shiri nyɛla yɛlimaŋli. 4Ka Naawuni gba daa di o shɛhira yiko shihira wuhibu ni mini alahiziba tumtumsa ni ni alahiziba tuma balibu pam ni min’ o ni daa zaŋ o Shia Kasi pina ti niriba kaman o yubu ni nyɛ shɛm la puuni.
Toondana ŋun tahiri niriba tiliginsim shee
5Naawuni daa bi zaŋ dunia shɛli din ti yɛn kana ka nyɛ ti ni tɔɣisiri shɛli yɛla ŋɔ subu fukumsi niŋ malaikanim’ nuu ni. 6Amaa di lee bemi kaman di ni sab’ shɛm Naawuni Kundi ni luɣ’ shɛl’ la:
“Ti Duuma Naawuni, ninsal’ lee nyɛla bɔ
ka a tɛhir’ o yɛla
bee daadam bia lee nyɛla bɔ
ka a baɣa be o ni?
7A daa nam o ka o jilima pooi
malaikanim’ jilima saha biɛla puuni;
a daa chɛ ka o mali jiri mini jilima,
8ka chɛ ka o su binshɛɣukam zaa fukumsi.”
Di yɛliya ni Naawuni daa zaŋ ninsala n-leei ŋun su binshɛɣukam fukumsi. Dimbɔŋɔ wuhiya ni shɛli kani ka Naawuni bi wuhi ni ninsal’ su li, amaa ti bi nya ka ninsal’ su binshɛɣukam zaa pumpɔŋɔ. 9Kulla Yisa ka ti naɣ’ nya! Naawuni daa chɛ ka o pooi malaikanim’ saha biɛla puuni ni ŋun’ Naawuni daalibarika zuɣu chɛ ka o kpi sokam zaa zuɣu. Ka ti nya ka o mali jiri mini jilima pumpɔŋɔ o ni daa di wahala kpi kum shɛl’ la zuɣu. 10Di daa tuhiya ni Naawuni ŋun nam shɛlikam ka nyɛ ŋun gbib’ binshɛɣukam ŋɔ chɛ ka Yisa be tibi o wahala dibu puuni ni di chɛ ka o zaŋ Naawuni bihi pam ka bɛ min’ o ti laɣim nya jilima; dama Yisa n-nyɛ bɛ toondana ŋun tahiri ba tiliginsim shee.
11Yisa n-nyɛ ŋun kpihim ninsalinim’ daalahichi ka mali ba ka bɛ be kasi, ka o min’ o ni mali shɛb’ ka bɛ be kasi maa zaa laɣim mali Ba yino. Dina n-chɛ ka vi bi mal’ o ni o bol’ ba o mabihi. 12Di bemi kaman o ni yɛli shɛm la:
“N Duuma Naawuni, n ni zaŋ a yɛla
tɔɣisi m mabihi maa;
n ni paɣ’ a salo laɣiŋgu ni.”
13O daa lan yɛli, “N ni niŋ Naawuni naani.” Ka daa lan yɛli yaha, “M mini bi’ shɛba n Duuma Naawuni ni zaŋ ti ma la ni laɣim be.”
14Naawuni ni boli ba bihi, ka bɛ mali niŋgbuna mini ʒim zuɣu ka Yisa daa leei bɛ tatabo ka bɛ min’ o laɣim mali niŋgbun yini. O daa niŋla lala ni o kum zuɣu chɛ ka o saɣim Sintani ŋun mali kum yiko la, 15ka yihi bɛn daa be dabitim ni bɛ bebu puuni zaa kum dabiɛm zuɣu la bahi. 16#Aiz 41.8-9 Dama pa malaikanim’ yɛla m-muɣis’ o, amaa ti yab’ Ibrahimma yaansi yɛla m-muɣis’ o. 17Dimbɔŋɔ wuhiya ni di daa kpala talahi ni o be kaman o mabihi ni be shɛm shɛlikam puuni, ka di chɛ ka o tooi leei maligumaani’ titali ŋun ʒe yim ni ŋun nyɛ nambɔzɔra o tuma ni zaŋ chaŋ Naawuni sani, ka di chɛ ka niriba nya alahichi chɛ m-paŋ. 18O ni tooi sɔŋ ninvuɣ’ shɛb’ bɛn nyari zahimbu pumpɔŋɔ, dama omaŋmaŋ’ daa nya zahimbu ka di wahala.
Currently Selected:
Hiburunima 2: DBwDB
Highlight
Copy
Compare
Share
Want to have your highlights saved across all your devices? Sign up or sign in
Dagbani Bible with Deuterocanonical Books © Bible Society of Ghana, 2011.
Hiburunima 2
2
Tiliginsim din galisi
1Dinzuɣu di niŋ kamaata ni ti gbibi ti ni daa pun wum yɛlimaŋ’ shɛŋa la viɛnyɛliŋga din ni chɛ ka binshɛɣu ti ku ʒi ti chaŋ ka chɛ li. 2Yɛtɔɣ’ shɛŋa malaikanim’ ni daa tɔɣisi la kahigi wuhi ni di nyɛla yɛlimaŋli, ka ŋunkam daa bi dol’ li bee n-deei di noli yi daa nya tibidarigibo din simd’ o, 3dindina wula ka tinim’ ni tooi zo n-yi tibidarigibo maa ni, ti baɣa yi ka tiliginsim din galisi ŋɔ ni? Ti Duuma maŋmaŋ’ daa tuui yɛli tiliginsim maa yɛla, ka bɛn daa wum o yɛligu di o shɛhira ni di shiri nyɛla yɛlimaŋli. 4Ka Naawuni gba daa di o shɛhira yiko shihira wuhibu ni mini alahiziba tumtumsa ni ni alahiziba tuma balibu pam ni min’ o ni daa zaŋ o Shia Kasi pina ti niriba kaman o yubu ni nyɛ shɛm la puuni.
Toondana ŋun tahiri niriba tiliginsim shee
5Naawuni daa bi zaŋ dunia shɛli din ti yɛn kana ka nyɛ ti ni tɔɣisiri shɛli yɛla ŋɔ subu fukumsi niŋ malaikanim’ nuu ni. 6Amaa di lee bemi kaman di ni sab’ shɛm Naawuni Kundi ni luɣ’ shɛl’ la:
“Ti Duuma Naawuni, ninsal’ lee nyɛla bɔ
ka a tɛhir’ o yɛla
bee daadam bia lee nyɛla bɔ
ka a baɣa be o ni?
7A daa nam o ka o jilima pooi
malaikanim’ jilima saha biɛla puuni;
a daa chɛ ka o mali jiri mini jilima,
8ka chɛ ka o su binshɛɣukam zaa fukumsi.”
Di yɛliya ni Naawuni daa zaŋ ninsala n-leei ŋun su binshɛɣukam fukumsi. Dimbɔŋɔ wuhiya ni shɛli kani ka Naawuni bi wuhi ni ninsal’ su li, amaa ti bi nya ka ninsal’ su binshɛɣukam zaa pumpɔŋɔ. 9Kulla Yisa ka ti naɣ’ nya! Naawuni daa chɛ ka o pooi malaikanim’ saha biɛla puuni ni ŋun’ Naawuni daalibarika zuɣu chɛ ka o kpi sokam zaa zuɣu. Ka ti nya ka o mali jiri mini jilima pumpɔŋɔ o ni daa di wahala kpi kum shɛl’ la zuɣu. 10Di daa tuhiya ni Naawuni ŋun nam shɛlikam ka nyɛ ŋun gbib’ binshɛɣukam ŋɔ chɛ ka Yisa be tibi o wahala dibu puuni ni di chɛ ka o zaŋ Naawuni bihi pam ka bɛ min’ o ti laɣim nya jilima; dama Yisa n-nyɛ bɛ toondana ŋun tahiri ba tiliginsim shee.
11Yisa n-nyɛ ŋun kpihim ninsalinim’ daalahichi ka mali ba ka bɛ be kasi, ka o min’ o ni mali shɛb’ ka bɛ be kasi maa zaa laɣim mali Ba yino. Dina n-chɛ ka vi bi mal’ o ni o bol’ ba o mabihi. 12Di bemi kaman o ni yɛli shɛm la:
“N Duuma Naawuni, n ni zaŋ a yɛla
tɔɣisi m mabihi maa;
n ni paɣ’ a salo laɣiŋgu ni.”
13O daa lan yɛli, “N ni niŋ Naawuni naani.” Ka daa lan yɛli yaha, “M mini bi’ shɛba n Duuma Naawuni ni zaŋ ti ma la ni laɣim be.”
14Naawuni ni boli ba bihi, ka bɛ mali niŋgbuna mini ʒim zuɣu ka Yisa daa leei bɛ tatabo ka bɛ min’ o laɣim mali niŋgbun yini. O daa niŋla lala ni o kum zuɣu chɛ ka o saɣim Sintani ŋun mali kum yiko la, 15ka yihi bɛn daa be dabitim ni bɛ bebu puuni zaa kum dabiɛm zuɣu la bahi. 16#Aiz 41.8-9 Dama pa malaikanim’ yɛla m-muɣis’ o, amaa ti yab’ Ibrahimma yaansi yɛla m-muɣis’ o. 17Dimbɔŋɔ wuhiya ni di daa kpala talahi ni o be kaman o mabihi ni be shɛm shɛlikam puuni, ka di chɛ ka o tooi leei maligumaani’ titali ŋun ʒe yim ni ŋun nyɛ nambɔzɔra o tuma ni zaŋ chaŋ Naawuni sani, ka di chɛ ka niriba nya alahichi chɛ m-paŋ. 18O ni tooi sɔŋ ninvuɣ’ shɛb’ bɛn nyari zahimbu pumpɔŋɔ, dama omaŋmaŋ’ daa nya zahimbu ka di wahala.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Dagbani Bible with Deuterocanonical Books © Bible Society of Ghana, 2011.