Galɛshianima 5
5
1Masia daa yihi ti dabitim ni, ka ti leei bilichinnima. Dinzuɣu ʒiɛnya viɛnyɛliŋga, ka di lan niŋya nti leei daba yaha.
2Wummiya! Man’ Pool yɛri ya mi ni yi yi gunda, Masia ku mali ya buchi. 3N lan yɛri ya mi yaha ni ŋunkam guni, di nyɛla talahi ni o doli fukumsi zaligu ni wuhi shɛm zaa. 4Yinim’ bɛn bɔri ni yi yi taali ni Naawuni fukumsi zaligu zuɣu yihi yimaŋa Masia ni, ka lan ka Naawuni daalibarika puuni. 5Ti mali tahima ni Naawuni ni ti yihi ti taali ni o sani; ka dimbɔŋɔnima n-nyɛ ti ni guhiri shɛli Naawuni Shia Kasi yiko din tumdi di tuma ti yɛda niŋbu ni la puuni. 6Dama Masia ni, nir’ yi guni bee o yi bi guni di zaa shɛli ka buchi, amaa yɛda niŋbu din tumdi di tuma yurilim ni n-nyɛ din mali buchi.
7Yi daa yi niŋdi viɛnyɛliŋga; ka ŋuni n-lee kari ya ni yi di doli yɛlimaŋli maa? 8Pa Naawuni ŋun boli ya la n-nyɛ ŋun kari ya di ni. 9#1 Kɔr 5.6 Dabindi biɛla ŋ-ŋɔ n-chɛri ka bɔrɔbɔro ziŋŋɔritili zaa pirita. 10N niŋ ti Duuma naani ni yi ku doli din be di ko ka chɛ n ni doli so’ shɛl’ la. Ka ŋun chirindi ya yi kul nyɛ sokam, o ni nya tibidarigibo.
11Amaa m mabihi, n yi na kul yihiri gunibu yɛla waazu, di chaŋ wula ka n na kul nyari nahiŋgu? Di yi nyɛ lala, dapulli waazu yihibu yɛla din nyɛ kuɣituurili la naan vuui. 12N di yuya ni ninvuɣ’ shɛb’ bɛn chirindi ya maa zaŋ bɛmaŋ’ dii leela namɔɣilisi kaman ninvuɣ’ shɛb’ ni niŋdi shɛm la.
13M mabihi, Naawuni n-daa pii ya leei bilichinnima; amaa lee miriya ka yi zaŋ yi bilichinsi soli maa tum niŋgbuŋ kɔre tuma, naɣ’ zaŋmiyala yimaŋ’ leei tab’ daba yurilim zuɣu. 14#Lɛv 19.18 Dama Naawuni fukumsi zaligu zaa niŋ pali la yɛtɔɣ’ yini puuni. Dina n-nyɛ: “Yum’ a ʒiʒiinikpee kaman amaŋmaŋ’ la.” 15Amaa yi yi nyɛla bɛn dimdi taba, ka vandi taba, yin’ miriya ka yi ti bahi tab’ yoli zaa.
Naawuni Shia Kasi biɛhigu mini niŋgbuŋ biɛhigu
16N yɛri ya mi, Doliya Naawuni Shia Kasi biɛhigu, ka miriya ka yi doli niŋgbuŋ kɔre tuma soli. 17#Rom 7.15-23 Niŋgbuŋ biɛhigu yubu mini Naawuni Shia Kasi biɛhigu yubu nyɛla din tuhiri tab’ tɔbu; dama di nyɛla din chihi taba ka guri ya soli n-chɛ ka yi bi niŋdi yi ni bɔri ni yi niŋ shɛm. 18Amaa Naawuni Shia Kasi yi wuhiri ya soli, dindina yi lan pala bɛn be fukumsi zaligu la sulinsi ni.
19Niŋgbuŋ biɛhigu tuma yi zahira. Dina n-nyɛ: Zina niŋbu mini daɣiri tuma ni kɔr’ biɛri balibu kam 20ni buɣijɛmbo ni baɣibuɣibo ni dimdi ni zabili ni nyuli zabbu ni suhuyiɣisili ni zunyuŋ ni naŋgbankpeeni ni tab’ woligibu 21ni putɔɣu ni ninvuɣ’ kubo ni danyubo ni vuyɔbo yiriŋ ni din ŋmani dimbɔŋɔnima. N kpahiri yi zuɣu ni kaman n ni daa pun kpahi yi zuɣu ni shɛm la: Bɛn niŋdi dimbɔŋɔnima ti ku kpe Naawuni nam ni.
22Din yiri Naawuni Shia Kasi biɛhigu ni na nyɛla: Yurilim mini suhupiɛlli ni suhudoo ni suɣilɔdibo ni nirilimtali ni zaɣisuntali ni ʒiɛyimtali ni 23tarimtali ni maŋgbibbutali. Ka zaligu shɛli kani din galindi dimbɔŋɔnima. 24Ka bɛnkam nyɛ Yisa Masia ni su shɛba pun zaŋ bɛ niŋgbuŋ biɛhigu mini di kɔre ni di yubu zaa n-kpahi tabili dapulli zuɣu. 25Ti yi bela Naawuni Shia Kasi yiko zuɣu, yin’ chɛliya ka ti doli Naawuni Shia Kasi biɛhigu. 26Di chɛliya ka ti duhiri timaŋa ka tumdi din yiɣisiri tab’ suhuri bee n-zabiri tab’ nyuli.
Currently Selected:
Galɛshianima 5: DBwDB
Highlight
Share
Copy
Want to have your highlights saved across all your devices? Sign up or sign in
Dagbani Bible with Deuterocanonical Books © Bible Society of Ghana, 2011.
Galɛshianima 5
5
1Masia daa yihi ti dabitim ni, ka ti leei bilichinnima. Dinzuɣu ʒiɛnya viɛnyɛliŋga, ka di lan niŋya nti leei daba yaha.
2Wummiya! Man’ Pool yɛri ya mi ni yi yi gunda, Masia ku mali ya buchi. 3N lan yɛri ya mi yaha ni ŋunkam guni, di nyɛla talahi ni o doli fukumsi zaligu ni wuhi shɛm zaa. 4Yinim’ bɛn bɔri ni yi yi taali ni Naawuni fukumsi zaligu zuɣu yihi yimaŋa Masia ni, ka lan ka Naawuni daalibarika puuni. 5Ti mali tahima ni Naawuni ni ti yihi ti taali ni o sani; ka dimbɔŋɔnima n-nyɛ ti ni guhiri shɛli Naawuni Shia Kasi yiko din tumdi di tuma ti yɛda niŋbu ni la puuni. 6Dama Masia ni, nir’ yi guni bee o yi bi guni di zaa shɛli ka buchi, amaa yɛda niŋbu din tumdi di tuma yurilim ni n-nyɛ din mali buchi.
7Yi daa yi niŋdi viɛnyɛliŋga; ka ŋuni n-lee kari ya ni yi di doli yɛlimaŋli maa? 8Pa Naawuni ŋun boli ya la n-nyɛ ŋun kari ya di ni. 9#1 Kɔr 5.6 Dabindi biɛla ŋ-ŋɔ n-chɛri ka bɔrɔbɔro ziŋŋɔritili zaa pirita. 10N niŋ ti Duuma naani ni yi ku doli din be di ko ka chɛ n ni doli so’ shɛl’ la. Ka ŋun chirindi ya yi kul nyɛ sokam, o ni nya tibidarigibo.
11Amaa m mabihi, n yi na kul yihiri gunibu yɛla waazu, di chaŋ wula ka n na kul nyari nahiŋgu? Di yi nyɛ lala, dapulli waazu yihibu yɛla din nyɛ kuɣituurili la naan vuui. 12N di yuya ni ninvuɣ’ shɛb’ bɛn chirindi ya maa zaŋ bɛmaŋ’ dii leela namɔɣilisi kaman ninvuɣ’ shɛb’ ni niŋdi shɛm la.
13M mabihi, Naawuni n-daa pii ya leei bilichinnima; amaa lee miriya ka yi zaŋ yi bilichinsi soli maa tum niŋgbuŋ kɔre tuma, naɣ’ zaŋmiyala yimaŋ’ leei tab’ daba yurilim zuɣu. 14#Lɛv 19.18 Dama Naawuni fukumsi zaligu zaa niŋ pali la yɛtɔɣ’ yini puuni. Dina n-nyɛ: “Yum’ a ʒiʒiinikpee kaman amaŋmaŋ’ la.” 15Amaa yi yi nyɛla bɛn dimdi taba, ka vandi taba, yin’ miriya ka yi ti bahi tab’ yoli zaa.
Naawuni Shia Kasi biɛhigu mini niŋgbuŋ biɛhigu
16N yɛri ya mi, Doliya Naawuni Shia Kasi biɛhigu, ka miriya ka yi doli niŋgbuŋ kɔre tuma soli. 17#Rom 7.15-23 Niŋgbuŋ biɛhigu yubu mini Naawuni Shia Kasi biɛhigu yubu nyɛla din tuhiri tab’ tɔbu; dama di nyɛla din chihi taba ka guri ya soli n-chɛ ka yi bi niŋdi yi ni bɔri ni yi niŋ shɛm. 18Amaa Naawuni Shia Kasi yi wuhiri ya soli, dindina yi lan pala bɛn be fukumsi zaligu la sulinsi ni.
19Niŋgbuŋ biɛhigu tuma yi zahira. Dina n-nyɛ: Zina niŋbu mini daɣiri tuma ni kɔr’ biɛri balibu kam 20ni buɣijɛmbo ni baɣibuɣibo ni dimdi ni zabili ni nyuli zabbu ni suhuyiɣisili ni zunyuŋ ni naŋgbankpeeni ni tab’ woligibu 21ni putɔɣu ni ninvuɣ’ kubo ni danyubo ni vuyɔbo yiriŋ ni din ŋmani dimbɔŋɔnima. N kpahiri yi zuɣu ni kaman n ni daa pun kpahi yi zuɣu ni shɛm la: Bɛn niŋdi dimbɔŋɔnima ti ku kpe Naawuni nam ni.
22Din yiri Naawuni Shia Kasi biɛhigu ni na nyɛla: Yurilim mini suhupiɛlli ni suhudoo ni suɣilɔdibo ni nirilimtali ni zaɣisuntali ni ʒiɛyimtali ni 23tarimtali ni maŋgbibbutali. Ka zaligu shɛli kani din galindi dimbɔŋɔnima. 24Ka bɛnkam nyɛ Yisa Masia ni su shɛba pun zaŋ bɛ niŋgbuŋ biɛhigu mini di kɔre ni di yubu zaa n-kpahi tabili dapulli zuɣu. 25Ti yi bela Naawuni Shia Kasi yiko zuɣu, yin’ chɛliya ka ti doli Naawuni Shia Kasi biɛhigu. 26Di chɛliya ka ti duhiri timaŋa ka tumdi din yiɣisiri tab’ suhuri bee n-zabiri tab’ nyuli.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Dagbani Bible with Deuterocanonical Books © Bible Society of Ghana, 2011.