3 Jɔn 1
1
1 #
Tuma 19.29; Rom 16.23; 1 Kɔr 1.14 Man’ ŋun nyɛ kpɛm’ la n-sabiri gbaŋ ŋɔ tiri n zo Gaiɔs ŋun nyɛ n ni yuri so ni yɛlimaŋli la.
2M biyurigu, n suhiri Naawuni ni o chɛ ka shɛlikam be viɛnyɛla a sani, ka a lan mal’ alaafee a niŋgbuŋ ni gba kaman n ni mi ni a shia mal’ alaafee shɛm. 3Ti mabi’ shɛb’ ni daa ti paana nti yɛl’ a ni doli yɛlimaŋli shɛm min’ a ni shiri kul be yɛlimaŋli maa ni sahakam shɛm, di daa niŋ ma suhupiɛlli pam. 4Shɛli kani din ni lan ti ma suhupiɛlli gari n yi ti wum ni m bihi doli yɛlimaŋli.
Gaiɔs paɣibu
5M biyurigu, a ʒe yim a ni tumdi tuun’ shɛŋa tiri ti mabihi la puuni, di bahi bamdi bɛn nyɛ saamba la. 6Bɛ zaŋ a yurilim yɛla yɛli cheechi din be kpe ŋɔ. Niŋmi ania sɔŋ ba ka bɛ bahi chaŋ bɛ chandi maa, dama lala niŋbu nyɛla din tiɣiri Naawuni nini. 7Bɛ daa yi n-chaŋ ti tumdi Masia tuma, ka bi deei sɔŋsim shɛli bɛn pa yɛdaniŋdib’ la sani. 8Dinzuɣu di niŋ kamaata ni ti sɔŋdi niriba lala tatabo, ka di chɛ ka ti leei bɛn mini ba laɣindi tumdi yɛlimaŋli la puuni.
Diɔtrifiiz mini Dimitirius
9N daa sabi gbaŋ ti cheechi na; amaa ka Diɔtrifiiz ŋun bɔri ni o nyɛ bɛ toondan’ la bi lihi ma ni m mali yiko zaŋ chaŋ n ni yɛli shɛm maa polo. 10Dinzuɣu n yi ti kana, n ni yih’ o ni niŋ shɛlikam tɔɣisi yɛtɔɣ’ biɛ’ shɛŋa dalindi ti la palɔni. Amaa o nini na bi tiɣi o ni niŋ shɛm maa. Ti mabihi yi kul kana sahakam, o zaɣisiri ba la deebu, ka kariti ninvuɣ’ shɛb’ bɛn bɔri ni bɛ deei ba, hal ka kul kpaŋd’ omaŋa ni o kari ba yihi cheechi ni gba.
11M biyurigu, di chɛ ka a bebu doli din nyɛ zaɣ’ biɛɣu, amaa chɛ ka a bebu dolila din nyɛ zaɣ’ viɛlli. Ninvuɣ’ so ŋun tumdi din nyɛ zaɣ’ viɛlli nyɛla ŋun mi Naawuni, ka ninvuɣ’ so ŋun mi tumdi din nyɛ zaɣ’ biɛɣu nyɛla ŋun ʒi Naawuni. 12Sokam diri Dimitirius shɛhira suŋ, hal yɛlimaŋli maŋmaŋ’ gba dir’ o shɛhira suŋ. Ka timaŋmaŋ’ gba dir’ o shɛhira pahi; ka a mi ni ti ni yɛli shɛm maa nyɛla yɛlimaŋli.
Puhigu din bahindi nyaaŋa
13M mali yɛla pam ni n yɛl’ a, amaa m bi bɔri ni n zaŋ alikalimi mini tadabo -sab’ li ti a. 14M mali tahima ni di ku yuui ka n nya a, ka ti nini nya taba ka ti tɔɣisi.
15Naawuni tim’ a suhudoo! A zɔnim’ la zaa puhir’ a. Puhimi ti zɔnim’ la zaa ti ma.
Currently Selected:
3 Jɔn 1: DBwDB
Highlight
Copy
Compare
Share
Want to have your highlights saved across all your devices? Sign up or sign in
Dagbani Bible with Deuterocanonical Books © Bible Society of Ghana, 2011.