2 Timoti 3
3
Ʒiɛmana din bahindi nyaaŋa
1Baŋmi dimbɔŋɔ: ʒiɛmana din bahindi nyaaŋa puuni nandahima ni ti beni sahasaha. 2Di saha maa daadamnim’ ni ti nyɛla bɛn yuri bɛmaŋ’ yaɣi, ka shɛb’ nyɛ laɣiyuriba, ka shɛb’ nyɛ karimbaannima, ka shɛb’ nyɛ barinyuriba, ka shɛb’ nyɛ ninvuɣ’ turiba, ka shɛb’ nyɛ bɛn bi deeri bɛ laamba noli, ka shɛb’ nyɛ gutulinima, ka shɛb’ nyɛ bɛn biɛhigu bi be kasi. 3Ka bɛ ni shɛb’ ni nyɛla ninkuunsinima mini halikpɛmanima ni munaafichinima ni bɛn bi gbaari bɛmaŋa ni ninvuɣ’ yarisi ni bɛn je zaɣ’ suŋ 4ni nyaanyiriba ni bɛn baɣa ka shɛl’ ni ni maŋduhiriba ni bɛn yuri niŋgbuŋ kɔre nyaɣisim gari Naawuni. 5Bɛmbɔŋɔnim’ nyɛla bɛn doli adiini soli kaya, amaa ka lee chihi di yiko. Gbaam’ amaŋ’ ni niriba ŋɔ tatabo. 6Niriba ŋɔ ni shɛb’ nyɛla bɛn doli yɛŋkiŋkabina soli n-kpɛri yiya ni ti liriti paɣ’ shɛb’ bɛn yɔhimbu bi to, ka lan nyɛ bɛn daalahichi taali muɣisiri ba ka kɔre balibu kam mali ba niŋdi di yubu la. 7Paɣiba ŋɔ nyɛla bɛn kul kpaŋdi bɛmaŋa ni bɛ bɔhim baŋ shɛli, amaa ka lee ku tooi baŋ yɛlimaŋli ni nyɛ shɛli. 8#Yibu 7.11 Dɔbba ŋɔ mi nyɛla bɛn tɛha bie ni bɛn yɛda niŋbu pa alali. Janeez mini Jambireez ni daa chihi Anabi Musa yɛligu shɛm la, lala ka bɛ gba chihiri din nyɛ yɛlimaŋli; 9amaa bɛ ku chaŋ tooni, dama sokam ni nya bɛ jɛritali tuma kaman bɛ ni daa nya niriba ayi ŋɔ jɛritali tuma shɛm la.
Saɣisigu din bahindi nyaaŋa
10Amaa nyin’ pun kpahim baŋ n wuhibu mini m biɛhigu ni n ni lo shɛm m bebu ni ni n yɛda niŋbu yɛla zaŋ tabili n daania niŋbu ni n yurilim ni n ʒiɛyimtali 11#Tuma 13.14-52; 14.1-7, 8-20 ni n daalaka nyabu ni n wahala dibu. A mi dinkam zaa daa niŋ ma mini alaka biɛ’ shɛŋa n ni daa nya Antiɔk mini Aikɔnium ni Listra la gba yɛla; amaa ti Duuma daa fa ma di zaa ni bahi. 12Yɛlimaŋli, ninvuɣ’ shɛb’ bɛn zaa bɔri ni bɛ mali Naawuni sizuura lubu biɛhigu Yisa Masia zuɣu ni bahi nya alaka. 13Ka ninvuɣ’ biɛri mini karimba ʒirinim’ kul ni chani tooni n-tumdi din bie nti yaɣi, ka yɔhindi niriba, ka bɛmaŋmaŋ’ gba ni ti lu yɔhiŋgu ni. 14Amaa nyin’ kul dol’ a ni daa bɔhim yɛlimaŋ’ shɛŋa yɛla ka niŋ li yɛda la viɛnyɛliŋga. A mi a karimbanim’ ni nyɛ shɛba. 15A bilim ni ha mi ka a pun mi Naawuni Sabbu Kasi din ni tooi wuh’ a tiliginsim soli Yisa Masia yɛda niŋbu zuɣu la. 16Ka yɛtɔɣ’ shɛŋa zaa din be Naawuni Kundi ni yila Naawuni nol’ ni na, ka nyɛ din mali buchi pam zaŋ chaŋ wuhibu mini saɣisibu ni zuɣu ni kpahibu ni wuntia soli wuhibu polo. 17Di ni chɛ ka Naawuni nir’ bebu mali m-be viɛnyɛliŋga zaa, ka o mali din ni chɛ ka o tooi tum tuun’ suŋ kam.
Currently Selected:
2 Timoti 3: DBwDB
Highlight
Share
Copy
Want to have your highlights saved across all your devices? Sign up or sign in
Dagbani Bible with Deuterocanonical Books © Bible Society of Ghana, 2011.
2 Timoti 3
3
Ʒiɛmana din bahindi nyaaŋa
1Baŋmi dimbɔŋɔ: ʒiɛmana din bahindi nyaaŋa puuni nandahima ni ti beni sahasaha. 2Di saha maa daadamnim’ ni ti nyɛla bɛn yuri bɛmaŋ’ yaɣi, ka shɛb’ nyɛ laɣiyuriba, ka shɛb’ nyɛ karimbaannima, ka shɛb’ nyɛ barinyuriba, ka shɛb’ nyɛ ninvuɣ’ turiba, ka shɛb’ nyɛ bɛn bi deeri bɛ laamba noli, ka shɛb’ nyɛ gutulinima, ka shɛb’ nyɛ bɛn biɛhigu bi be kasi. 3Ka bɛ ni shɛb’ ni nyɛla ninkuunsinima mini halikpɛmanima ni munaafichinima ni bɛn bi gbaari bɛmaŋa ni ninvuɣ’ yarisi ni bɛn je zaɣ’ suŋ 4ni nyaanyiriba ni bɛn baɣa ka shɛl’ ni ni maŋduhiriba ni bɛn yuri niŋgbuŋ kɔre nyaɣisim gari Naawuni. 5Bɛmbɔŋɔnim’ nyɛla bɛn doli adiini soli kaya, amaa ka lee chihi di yiko. Gbaam’ amaŋ’ ni niriba ŋɔ tatabo. 6Niriba ŋɔ ni shɛb’ nyɛla bɛn doli yɛŋkiŋkabina soli n-kpɛri yiya ni ti liriti paɣ’ shɛb’ bɛn yɔhimbu bi to, ka lan nyɛ bɛn daalahichi taali muɣisiri ba ka kɔre balibu kam mali ba niŋdi di yubu la. 7Paɣiba ŋɔ nyɛla bɛn kul kpaŋdi bɛmaŋa ni bɛ bɔhim baŋ shɛli, amaa ka lee ku tooi baŋ yɛlimaŋli ni nyɛ shɛli. 8#Yibu 7.11 Dɔbba ŋɔ mi nyɛla bɛn tɛha bie ni bɛn yɛda niŋbu pa alali. Janeez mini Jambireez ni daa chihi Anabi Musa yɛligu shɛm la, lala ka bɛ gba chihiri din nyɛ yɛlimaŋli; 9amaa bɛ ku chaŋ tooni, dama sokam ni nya bɛ jɛritali tuma kaman bɛ ni daa nya niriba ayi ŋɔ jɛritali tuma shɛm la.
Saɣisigu din bahindi nyaaŋa
10Amaa nyin’ pun kpahim baŋ n wuhibu mini m biɛhigu ni n ni lo shɛm m bebu ni ni n yɛda niŋbu yɛla zaŋ tabili n daania niŋbu ni n yurilim ni n ʒiɛyimtali 11#Tuma 13.14-52; 14.1-7, 8-20 ni n daalaka nyabu ni n wahala dibu. A mi dinkam zaa daa niŋ ma mini alaka biɛ’ shɛŋa n ni daa nya Antiɔk mini Aikɔnium ni Listra la gba yɛla; amaa ti Duuma daa fa ma di zaa ni bahi. 12Yɛlimaŋli, ninvuɣ’ shɛb’ bɛn zaa bɔri ni bɛ mali Naawuni sizuura lubu biɛhigu Yisa Masia zuɣu ni bahi nya alaka. 13Ka ninvuɣ’ biɛri mini karimba ʒirinim’ kul ni chani tooni n-tumdi din bie nti yaɣi, ka yɔhindi niriba, ka bɛmaŋmaŋ’ gba ni ti lu yɔhiŋgu ni. 14Amaa nyin’ kul dol’ a ni daa bɔhim yɛlimaŋ’ shɛŋa yɛla ka niŋ li yɛda la viɛnyɛliŋga. A mi a karimbanim’ ni nyɛ shɛba. 15A bilim ni ha mi ka a pun mi Naawuni Sabbu Kasi din ni tooi wuh’ a tiliginsim soli Yisa Masia yɛda niŋbu zuɣu la. 16Ka yɛtɔɣ’ shɛŋa zaa din be Naawuni Kundi ni yila Naawuni nol’ ni na, ka nyɛ din mali buchi pam zaŋ chaŋ wuhibu mini saɣisibu ni zuɣu ni kpahibu ni wuntia soli wuhibu polo. 17Di ni chɛ ka Naawuni nir’ bebu mali m-be viɛnyɛliŋga zaa, ka o mali din ni chɛ ka o tooi tum tuun’ suŋ kam.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Dagbani Bible with Deuterocanonical Books © Bible Society of Ghana, 2011.