2 Kɔrintinima 11
11
Pool
1M bɔri ni yi di ma suɣilo ka n tɔɣisi ya jɛritali yɛtɔɣa biɛla. N suhiri ya ni yi shiri dim’ ma suɣilo! 2N zabiri nyuli yi zuɣu mi kaman Naawuni ni zabiri nyuli yi zuɣu shɛm, dama n zaŋ ya tila Masia kaman bɛ ni zaŋdi paɣipiɛliga tiri do’ yino shɛm la. 3#Pil 3.1-5, 13 Amaa wahu ni daa zaŋ o yɛmbimbiɛri n-yɔhim Awa shɛm la, n zɔri ni yi gba tɛha ti ŋmaligi kpe yɔɣu lala ka chɛ yi suhuyini mini yi ʒiɛyimtal’ shɛli yi ni mali zaŋ chaŋ Masia san’ la. 4Dama yi saɣiri deeri ninvuɣ’ so ŋun kani yi sanna nti yihiri Yisa so mi waazu ka chɛ ti ni daa pun yihi ya Yisa so yɛla waazu la, ka deeri shia so mini lahibal’ sun shɛli din be di ko ka chɛ Naawuni Shia Kasi mini lahibal’ sun shɛli yi ni daa deei ti san’ la.
5M bi tɛhi ni n nyɛla ŋun pɔri tuun’ shɛba yi ni tibigiri la ni. 6Hal n yi nyɛla ŋun ʒi yɛtɔɣa, amaa n lee bi kɔŋ baŋsim dina; binshɛɣukam puuni ti pun kahigiri dimbɔŋɔ yɛla n-wuhiri ya palɔni sahakam.
7N ni daa siɣisi mmaŋa n-yihi Naawuni lahibal’ suŋ waazu tin ya ka bi deei ya shɛli ni di chɛ ka yi nya duhibu la, n tumla taali maa? 8N daa deei sɔŋsim cheechi shɛŋa ni n-ka yi sanna ti sɔŋ ya. Di bemi kaman n daa fa ba mi n-sɔŋ ya maa. 9#Fil 4.15-18 N ni daa be yi sani ka ti lan ka shɛl’ la, n daa bi zaŋ n yɛla doli yi ni so, dama m mabi’ shɛb’ bɛn daa yi Masidɔnia na la daa ti ma n ni kɔŋ shɛli maa. Dinzuɣu n daa bi zaŋ n yɛla doli yi ni so, ka na kul ku zaŋ n yɛla doli ya pumpɔŋɔ zaŋ chana. 10Masia yɛlimaŋli din be n ni la zuɣu, binshɛli kani din ni tooi yihi barinyubo shɛli din be n ni ŋɔ Akaia tiŋgbɔŋ ni tinsi ni. 11Bɔ n-lee chɛ ka n yɛl’ lala? M bi yuri ya mi zuɣu ka n yɛl’ lala maa? Naawuni gba mi ni n yuri ya!
12N kul ni niŋdi n ni niŋdi shɛm pumpɔŋɔ ŋɔ din ni chɛ ka bɛn yɛli ni ti mini ba dolila so’ yini n-tumdi la ku nya daliri nyu bara. 13Bɛ pala tuum’ maŋa; bɛ nyɛla tumtumdiba bɛn yɔhindi niriba, ka lɛbigi bɛmaŋa ni bɛ be kaman Masia tuumba n-nyɛ ba la. 14Ka dimbɔŋɔ bi simdi ni di gari ti, dama Sintani gba lɛbigir’ omaŋa m-be kaman neesim malaika n-nyɛ o la. 15Dinzuɣu o tumtumdiba yi lɛbigi bɛmaŋa m-be kaman wuntizɔriba n-nyɛ ba la, di bi simdi ni di gari ti. Bɛ bahigu ni ti bemi kaman bɛ tuma ni nyɛ shɛm.
Pool wahala dibu o tumɔtali zuɣu
16N ni lan yɛli yaha, so di tɛhi ni n nyɛla jɛrigu, ka yi yi tɛhi lala, yin’ shiri lihimiya ma kaman jɛrigu din ni chɛ ka n gba tooi nyu bara biɛla. 17N ni yɛn yɛli shɛm ŋɔ pala din yi n Duuma sanna, amaa m barinyubo ŋɔ puuni n tɔɣisirimi kaman jɛrigu la. 18Niriba pam ni nyuri bara dunia ŋɔ binyara zuɣu shɛm, n gba ni nyu bara lala. 19Yinim’ bɛn nyɛ yɛnnim’ ŋɔ, yi diri jɛra suɣilo ni suhupiɛlli! 20O yi niŋ ya kaman o daba n-nyɛn ya la bee n-saɣim yi bini bee n-din ya zalinsi bee n-ʒiɛm ya bee ŋ-ŋmɛn ya tapaɣa, yi dir’ o suɣilo. 21Yi ni shɛb’ booni tinim’ la ninvuɣ’ gbarima, ka hal di ni dihi ma vi la zaa yoli, n saɣi lala!
N tɔɣisirimi kaman jɛrigu n-nyɛ ma la. Ka so yi bɔri ni o nyu bara binshɛli zuɣu, n gba ni tooi nyu bara lala: 22Bɛ nyɛla Hiburunima? N gba nyɛla Hiburu. Bɛ nyɛla Izraɛl zuliya? N gba nyɛla Izraɛl zuliya. Bɛ nyɛla Ibrahimma yaansi? N gba nyɛla o yaaŋa. 23#Tuma 16.23 N kul tɔɣisirimi kaman yinyaa n-nyɛ ma la. Bɛ nyɛla Masia tumtumdiba? N nyɛla Masia tumtumda gari ba: N tum pam gari ba gba; bɛ kpɛhi ma sarika n-gari ba: n nya buri din ka kalinli; ka be kum barina ni waawaayili. 24#Zal 25.3 Siɣimsiɣim bunu ka Yɛhudianim’ fiɛb’ ma barazim pihinahiyinikaka. 25Siɣimsiɣim buta ka bɛ zaŋ jaaŋgbɛbil’ fiɛb’ ma; ka lab’ ma kuɣa yim. Siɣimsiɣim buta ka n ŋariŋ saɣim teeku puuni; ka m be teeku puuni wuntaŋ’ ni mini yuŋ. 26N kul bela chandi ni waawaayili, ka be barina ni kokpɛɣu ni, ka be barina ni ŋmɛnditoya sani, ka be barina ni mmaŋmaŋ’ zuliya sani, ka be barina ni bɛn pa Yɛhudianim’ sani, ka be barina ni tiŋ’ puuni, ka be barina ni mɔɣu ni, ka be barina ni teeku puuni, ka be barina ni m mabihi bɛn nyɛ ʒirinim’ la gba sani. 27N tumdi tuun’ kpɛma ka nyari wahala, ka gaani gom waawaayili, ka kpiri kum ni kɔnyuri, ka kɔŋdi bindirigu waawaayili, ka chani gbinfini ka wari mali ma. 28Ka binshɛŋa din pahi nyɛla, n suhu kul zɔhirila cheechinim’ zaa zuɣu dabisili kam. 29Ŋuni n-lee gbarigi, ka o gbariginsim maa bi tabili ma? Ŋuni ka so lee luhi, ka n suhu bi yiɣisi bahi ŋun luh’ o maa zuɣu?
30Di yi niŋ kamaata ni n nyu bara, n ni nyula bara binshɛŋa din wuhiri n chɔɣinsi ni nyɛ shɛm zuɣu. 31Ti Duuma Yisa Masia ba Naawuni ŋun kul simdi paɣibu hal ni saha din ka bahigu ŋɔ mi ni m bi ŋmarila ʒiri. 32N ni daa be Damaskus, Naa Arɛtas ni daa zali so ka o su Damaskus fukumsi la daa chɛ ka tɔbbihi chaŋ ti zan’ la tiŋ’ maa gooni dunoya ni ni bɛ gu soli gbaai ma, 33#Tuma 9.23-25 amaa ka ninvuɣ’ shɛb’ daa zaŋ ma niŋ piɛɣu ni n-kpuɣ’ ma tiri tiŋ maa gooni vol’ ni n-siɣisi tiŋ’ ha ka n yi o nuu ni.
Currently Selected:
2 Kɔrintinima 11: DBwDB
Highlight
Share
Copy
Want to have your highlights saved across all your devices? Sign up or sign in
Dagbani Bible with Deuterocanonical Books © Bible Society of Ghana, 2011.
2 Kɔrintinima 11
11
Pool
1M bɔri ni yi di ma suɣilo ka n tɔɣisi ya jɛritali yɛtɔɣa biɛla. N suhiri ya ni yi shiri dim’ ma suɣilo! 2N zabiri nyuli yi zuɣu mi kaman Naawuni ni zabiri nyuli yi zuɣu shɛm, dama n zaŋ ya tila Masia kaman bɛ ni zaŋdi paɣipiɛliga tiri do’ yino shɛm la. 3#Pil 3.1-5, 13 Amaa wahu ni daa zaŋ o yɛmbimbiɛri n-yɔhim Awa shɛm la, n zɔri ni yi gba tɛha ti ŋmaligi kpe yɔɣu lala ka chɛ yi suhuyini mini yi ʒiɛyimtal’ shɛli yi ni mali zaŋ chaŋ Masia san’ la. 4Dama yi saɣiri deeri ninvuɣ’ so ŋun kani yi sanna nti yihiri Yisa so mi waazu ka chɛ ti ni daa pun yihi ya Yisa so yɛla waazu la, ka deeri shia so mini lahibal’ sun shɛli din be di ko ka chɛ Naawuni Shia Kasi mini lahibal’ sun shɛli yi ni daa deei ti san’ la.
5M bi tɛhi ni n nyɛla ŋun pɔri tuun’ shɛba yi ni tibigiri la ni. 6Hal n yi nyɛla ŋun ʒi yɛtɔɣa, amaa n lee bi kɔŋ baŋsim dina; binshɛɣukam puuni ti pun kahigiri dimbɔŋɔ yɛla n-wuhiri ya palɔni sahakam.
7N ni daa siɣisi mmaŋa n-yihi Naawuni lahibal’ suŋ waazu tin ya ka bi deei ya shɛli ni di chɛ ka yi nya duhibu la, n tumla taali maa? 8N daa deei sɔŋsim cheechi shɛŋa ni n-ka yi sanna ti sɔŋ ya. Di bemi kaman n daa fa ba mi n-sɔŋ ya maa. 9#Fil 4.15-18 N ni daa be yi sani ka ti lan ka shɛl’ la, n daa bi zaŋ n yɛla doli yi ni so, dama m mabi’ shɛb’ bɛn daa yi Masidɔnia na la daa ti ma n ni kɔŋ shɛli maa. Dinzuɣu n daa bi zaŋ n yɛla doli yi ni so, ka na kul ku zaŋ n yɛla doli ya pumpɔŋɔ zaŋ chana. 10Masia yɛlimaŋli din be n ni la zuɣu, binshɛli kani din ni tooi yihi barinyubo shɛli din be n ni ŋɔ Akaia tiŋgbɔŋ ni tinsi ni. 11Bɔ n-lee chɛ ka n yɛl’ lala? M bi yuri ya mi zuɣu ka n yɛl’ lala maa? Naawuni gba mi ni n yuri ya!
12N kul ni niŋdi n ni niŋdi shɛm pumpɔŋɔ ŋɔ din ni chɛ ka bɛn yɛli ni ti mini ba dolila so’ yini n-tumdi la ku nya daliri nyu bara. 13Bɛ pala tuum’ maŋa; bɛ nyɛla tumtumdiba bɛn yɔhindi niriba, ka lɛbigi bɛmaŋa ni bɛ be kaman Masia tuumba n-nyɛ ba la. 14Ka dimbɔŋɔ bi simdi ni di gari ti, dama Sintani gba lɛbigir’ omaŋa m-be kaman neesim malaika n-nyɛ o la. 15Dinzuɣu o tumtumdiba yi lɛbigi bɛmaŋa m-be kaman wuntizɔriba n-nyɛ ba la, di bi simdi ni di gari ti. Bɛ bahigu ni ti bemi kaman bɛ tuma ni nyɛ shɛm.
Pool wahala dibu o tumɔtali zuɣu
16N ni lan yɛli yaha, so di tɛhi ni n nyɛla jɛrigu, ka yi yi tɛhi lala, yin’ shiri lihimiya ma kaman jɛrigu din ni chɛ ka n gba tooi nyu bara biɛla. 17N ni yɛn yɛli shɛm ŋɔ pala din yi n Duuma sanna, amaa m barinyubo ŋɔ puuni n tɔɣisirimi kaman jɛrigu la. 18Niriba pam ni nyuri bara dunia ŋɔ binyara zuɣu shɛm, n gba ni nyu bara lala. 19Yinim’ bɛn nyɛ yɛnnim’ ŋɔ, yi diri jɛra suɣilo ni suhupiɛlli! 20O yi niŋ ya kaman o daba n-nyɛn ya la bee n-saɣim yi bini bee n-din ya zalinsi bee n-ʒiɛm ya bee ŋ-ŋmɛn ya tapaɣa, yi dir’ o suɣilo. 21Yi ni shɛb’ booni tinim’ la ninvuɣ’ gbarima, ka hal di ni dihi ma vi la zaa yoli, n saɣi lala!
N tɔɣisirimi kaman jɛrigu n-nyɛ ma la. Ka so yi bɔri ni o nyu bara binshɛli zuɣu, n gba ni tooi nyu bara lala: 22Bɛ nyɛla Hiburunima? N gba nyɛla Hiburu. Bɛ nyɛla Izraɛl zuliya? N gba nyɛla Izraɛl zuliya. Bɛ nyɛla Ibrahimma yaansi? N gba nyɛla o yaaŋa. 23#Tuma 16.23 N kul tɔɣisirimi kaman yinyaa n-nyɛ ma la. Bɛ nyɛla Masia tumtumdiba? N nyɛla Masia tumtumda gari ba: N tum pam gari ba gba; bɛ kpɛhi ma sarika n-gari ba: n nya buri din ka kalinli; ka be kum barina ni waawaayili. 24#Zal 25.3 Siɣimsiɣim bunu ka Yɛhudianim’ fiɛb’ ma barazim pihinahiyinikaka. 25Siɣimsiɣim buta ka bɛ zaŋ jaaŋgbɛbil’ fiɛb’ ma; ka lab’ ma kuɣa yim. Siɣimsiɣim buta ka n ŋariŋ saɣim teeku puuni; ka m be teeku puuni wuntaŋ’ ni mini yuŋ. 26N kul bela chandi ni waawaayili, ka be barina ni kokpɛɣu ni, ka be barina ni ŋmɛnditoya sani, ka be barina ni mmaŋmaŋ’ zuliya sani, ka be barina ni bɛn pa Yɛhudianim’ sani, ka be barina ni tiŋ’ puuni, ka be barina ni mɔɣu ni, ka be barina ni teeku puuni, ka be barina ni m mabihi bɛn nyɛ ʒirinim’ la gba sani. 27N tumdi tuun’ kpɛma ka nyari wahala, ka gaani gom waawaayili, ka kpiri kum ni kɔnyuri, ka kɔŋdi bindirigu waawaayili, ka chani gbinfini ka wari mali ma. 28Ka binshɛŋa din pahi nyɛla, n suhu kul zɔhirila cheechinim’ zaa zuɣu dabisili kam. 29Ŋuni n-lee gbarigi, ka o gbariginsim maa bi tabili ma? Ŋuni ka so lee luhi, ka n suhu bi yiɣisi bahi ŋun luh’ o maa zuɣu?
30Di yi niŋ kamaata ni n nyu bara, n ni nyula bara binshɛŋa din wuhiri n chɔɣinsi ni nyɛ shɛm zuɣu. 31Ti Duuma Yisa Masia ba Naawuni ŋun kul simdi paɣibu hal ni saha din ka bahigu ŋɔ mi ni m bi ŋmarila ʒiri. 32N ni daa be Damaskus, Naa Arɛtas ni daa zali so ka o su Damaskus fukumsi la daa chɛ ka tɔbbihi chaŋ ti zan’ la tiŋ’ maa gooni dunoya ni ni bɛ gu soli gbaai ma, 33#Tuma 9.23-25 amaa ka ninvuɣ’ shɛb’ daa zaŋ ma niŋ piɛɣu ni n-kpuɣ’ ma tiri tiŋ maa gooni vol’ ni n-siɣisi tiŋ’ ha ka n yi o nuu ni.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Dagbani Bible with Deuterocanonical Books © Bible Society of Ghana, 2011.