2 Kɔrintinima 1
1
1 #
Tuma 18.1
Man’ Pool ŋun nyɛ Yisa Masia tumo Naawuni yubu puuni mini ti mabia Timoti n-sabiri gbaŋ ŋɔ tiri Naawuni cheechi din be Kɔrinti mini Yisa nyaandoliba zaa bɛn be Akaia tiŋgbɔŋ ni zaa.
2Ti Ba Naawuni mini ti Duuma Yisa Masia niŋm’ alibarika niŋ yi ni, ka tin ya suhudoo!
Pool wumpaɣibo
3Paɣimiya Naawuni ŋun nyɛ ti Duuma Yisa Masia Naawuni min’ o Ba ŋɔ. Ŋuna n-nyɛ ti Ba ŋun nyɛ nambɔzɔra mini suhumaabo zaa Naawuni. 4Ŋuna n-lan nyɛ ŋun maari ti suhuri ti wahala dibu puuni ni di chɛ ka ti gba tooi zaŋ suhumaabo shɛli ŋun’ Naawuni ni mali maari ti suhuri maa m-maari bɛn zaa nyari wahala balibu kam suhuri. 5Ti mini Masia ni laɣim di wahala din galisi shɛm, lala ka ti lan laɣindi nyari suhumaabo din galisi Masia zuɣu. 6Ti yi nya wahala, di nyɛla yi suhumaabo mini yi tiliginsim nyabu zuɣu; ka ti yi nya suhumaabo, di nyɛla yi suhumaabo shɛli yi ni nyari yi ni niŋdi suɣilo n-diri wahala shɛŋa ti gba ni diri la zuɣu. 7Ti mali tahima maŋli zaŋ chaŋ yi polo, dama ti mi ni ti mini ya ni laɣim di wahala shɛm, lala ka ti mini ya ni ti lan laɣim nya suhumaabo.
8 #
1 Kɔr 15.32
M mabihi, ti bɔri ni yi baŋ ti ni daa nya wahala shɛli Ɛsha tiŋgbɔŋ ni la yɛla; di daa nyɛla wahala din ka buɣisibu, hal ka ti daa yihi bebu tahima gba. 9Ti daa tɛhiya ni di bemi kaman bɛ bahila noli ni bɛ kum’ ti la. Dimbɔŋɔ daa niŋmi ni di chɛ ka ti ku zaŋ timaŋa n-dalim timaŋmaŋa, amaa ka ni zaŋ timaŋa n-dalimla Naawuni ŋun neeri kpiimba kum ni la. 10Ŋuna n-daa yihi ti kum barina titali maa ni, ka na kul yihiri ti di ni, ka ti mali tahima ni o ni lan yihi ti yaha. 11Di simdi ni yi gba suhiri Naawuni sɔŋdi ti, ka di chɛ ka niriba pam paɣi Naawuni o ni deei bɛ wunsuhigu gbaliŋ ka niŋ alibarika niŋ ti ni la zuɣu.
Pool taɣi o ni lo ni o niŋ shɛm
12Ti ni nyuri bara binshɛli zuɣu m-bɔŋɔ: Ti suhuri ni tɛha diri ti shɛhira ni ti biɛhigu doli biɛrikasitali mini wuntia soli dunia ŋɔ ni, di bahi bamdi zaŋ chaŋ yi sani, ka di pala dunia ŋɔ ni yɛm zuɣu, amaa di nyɛla Naawuni daalibarika zuɣu. 13-14Ti bi sabiri shɛli tiri ya ka di pala yi ni ni tooi karim shɛli ka baŋ di gbinni, ka m bɔri ni yi ti baŋ yi ni pun mi ti yɛla shɛm biɛla ŋɔ zaa, ka di chɛ ka yi tooi nyu bara ti zuɣu kaman ti gba ni ti yɛn nyu bara yi zuɣu shɛm ti Duuma Yisa dabisili la dali.
15N ni daa mi dimbɔŋɔ yɛla zuɣu ka n daa daŋ lo nia ni n ka yi sanna, ka di chɛ ka yi nya suhupiɛlli buyi: 16#Tuma 19.21 N daa lo nia ni n ka yi sanna nti kaai ya ka gari chaŋ Masidɔnia; ka ti lan yi Masidɔnia lab’ yi sanna ka yi ti sɔŋ ma ka n chaŋ Judia. 17Dimbɔŋɔ wuhirimi ni n taɣirila n ni daa lo ni n niŋ shɛm? Bee n lɔri n nia mi kaman ŋun doli dunia ŋɔ biɛhigu soli ni lɔri nia shɛm yɛra, “Iin, Iin” mini “Aai, Aai” zaa yim? 18Naawuni ŋun nyɛ yɛlimaŋlilan’ ŋɔ di ma shɛhira ni n yɛtɔɣa zaŋ chaŋ yi sani pala “Iin” mini “Aai” yɛla. 19#Tuma 18.5 Dama m mini Silvanus ni Timoti ni daa yihi Naawuni Bia ŋun nyɛ Yisa Masia yɛla waazu shɛli yi sani la daa pala “Iin” mini “Aai” yɛla, amaa o ni, di kul nyɛla “Iin”. 20Ka Naawuni daalikaulinim’ zaa niŋdi palila o ni. Dina n-chɛ ka ti yɛri “Ami”, ka paɣiri Naawuni o zuɣu. 21Dama Naawuni maŋmaŋa n-nyɛ ŋun zaŋ ti mini ya zali Masia ni, ka pii ti 22n-zaŋ o dalinli tabili ti, ka zaŋ o Shia Kasi niŋ ti ni ni o chɛ ka ti baŋ ti ni ti yɛn nya shɛl’ la.
23Naawuni n-nyɛ n shɛhiralana ni di nyɛla yi fa m-bahi zuɣu ka n daa chɛ Kɔrinti kandina. 24Di pa ni ti kuunimi ni tinim’ su yi ni niŋ yɛda shɛm fukumsi, dama yi ʒiɛla dɛde yi ni niŋ yɛda shɛm puuni, amaa tinim’ lee pahila yi zuɣu n-tumdi yi suhupiɛlli nyabu zuɣu.
Currently Selected:
2 Kɔrintinima 1: DBwDB
Highlight
Share
Copy
Want to have your highlights saved across all your devices? Sign up or sign in
Dagbani Bible with Deuterocanonical Books © Bible Society of Ghana, 2011.
2 Kɔrintinima 1
1
1 #
Tuma 18.1
Man’ Pool ŋun nyɛ Yisa Masia tumo Naawuni yubu puuni mini ti mabia Timoti n-sabiri gbaŋ ŋɔ tiri Naawuni cheechi din be Kɔrinti mini Yisa nyaandoliba zaa bɛn be Akaia tiŋgbɔŋ ni zaa.
2Ti Ba Naawuni mini ti Duuma Yisa Masia niŋm’ alibarika niŋ yi ni, ka tin ya suhudoo!
Pool wumpaɣibo
3Paɣimiya Naawuni ŋun nyɛ ti Duuma Yisa Masia Naawuni min’ o Ba ŋɔ. Ŋuna n-nyɛ ti Ba ŋun nyɛ nambɔzɔra mini suhumaabo zaa Naawuni. 4Ŋuna n-lan nyɛ ŋun maari ti suhuri ti wahala dibu puuni ni di chɛ ka ti gba tooi zaŋ suhumaabo shɛli ŋun’ Naawuni ni mali maari ti suhuri maa m-maari bɛn zaa nyari wahala balibu kam suhuri. 5Ti mini Masia ni laɣim di wahala din galisi shɛm, lala ka ti lan laɣindi nyari suhumaabo din galisi Masia zuɣu. 6Ti yi nya wahala, di nyɛla yi suhumaabo mini yi tiliginsim nyabu zuɣu; ka ti yi nya suhumaabo, di nyɛla yi suhumaabo shɛli yi ni nyari yi ni niŋdi suɣilo n-diri wahala shɛŋa ti gba ni diri la zuɣu. 7Ti mali tahima maŋli zaŋ chaŋ yi polo, dama ti mi ni ti mini ya ni laɣim di wahala shɛm, lala ka ti mini ya ni ti lan laɣim nya suhumaabo.
8 #
1 Kɔr 15.32
M mabihi, ti bɔri ni yi baŋ ti ni daa nya wahala shɛli Ɛsha tiŋgbɔŋ ni la yɛla; di daa nyɛla wahala din ka buɣisibu, hal ka ti daa yihi bebu tahima gba. 9Ti daa tɛhiya ni di bemi kaman bɛ bahila noli ni bɛ kum’ ti la. Dimbɔŋɔ daa niŋmi ni di chɛ ka ti ku zaŋ timaŋa n-dalim timaŋmaŋa, amaa ka ni zaŋ timaŋa n-dalimla Naawuni ŋun neeri kpiimba kum ni la. 10Ŋuna n-daa yihi ti kum barina titali maa ni, ka na kul yihiri ti di ni, ka ti mali tahima ni o ni lan yihi ti yaha. 11Di simdi ni yi gba suhiri Naawuni sɔŋdi ti, ka di chɛ ka niriba pam paɣi Naawuni o ni deei bɛ wunsuhigu gbaliŋ ka niŋ alibarika niŋ ti ni la zuɣu.
Pool taɣi o ni lo ni o niŋ shɛm
12Ti ni nyuri bara binshɛli zuɣu m-bɔŋɔ: Ti suhuri ni tɛha diri ti shɛhira ni ti biɛhigu doli biɛrikasitali mini wuntia soli dunia ŋɔ ni, di bahi bamdi zaŋ chaŋ yi sani, ka di pala dunia ŋɔ ni yɛm zuɣu, amaa di nyɛla Naawuni daalibarika zuɣu. 13-14Ti bi sabiri shɛli tiri ya ka di pala yi ni ni tooi karim shɛli ka baŋ di gbinni, ka m bɔri ni yi ti baŋ yi ni pun mi ti yɛla shɛm biɛla ŋɔ zaa, ka di chɛ ka yi tooi nyu bara ti zuɣu kaman ti gba ni ti yɛn nyu bara yi zuɣu shɛm ti Duuma Yisa dabisili la dali.
15N ni daa mi dimbɔŋɔ yɛla zuɣu ka n daa daŋ lo nia ni n ka yi sanna, ka di chɛ ka yi nya suhupiɛlli buyi: 16#Tuma 19.21 N daa lo nia ni n ka yi sanna nti kaai ya ka gari chaŋ Masidɔnia; ka ti lan yi Masidɔnia lab’ yi sanna ka yi ti sɔŋ ma ka n chaŋ Judia. 17Dimbɔŋɔ wuhirimi ni n taɣirila n ni daa lo ni n niŋ shɛm? Bee n lɔri n nia mi kaman ŋun doli dunia ŋɔ biɛhigu soli ni lɔri nia shɛm yɛra, “Iin, Iin” mini “Aai, Aai” zaa yim? 18Naawuni ŋun nyɛ yɛlimaŋlilan’ ŋɔ di ma shɛhira ni n yɛtɔɣa zaŋ chaŋ yi sani pala “Iin” mini “Aai” yɛla. 19#Tuma 18.5 Dama m mini Silvanus ni Timoti ni daa yihi Naawuni Bia ŋun nyɛ Yisa Masia yɛla waazu shɛli yi sani la daa pala “Iin” mini “Aai” yɛla, amaa o ni, di kul nyɛla “Iin”. 20Ka Naawuni daalikaulinim’ zaa niŋdi palila o ni. Dina n-chɛ ka ti yɛri “Ami”, ka paɣiri Naawuni o zuɣu. 21Dama Naawuni maŋmaŋa n-nyɛ ŋun zaŋ ti mini ya zali Masia ni, ka pii ti 22n-zaŋ o dalinli tabili ti, ka zaŋ o Shia Kasi niŋ ti ni ni o chɛ ka ti baŋ ti ni ti yɛn nya shɛl’ la.
23Naawuni n-nyɛ n shɛhiralana ni di nyɛla yi fa m-bahi zuɣu ka n daa chɛ Kɔrinti kandina. 24Di pa ni ti kuunimi ni tinim’ su yi ni niŋ yɛda shɛm fukumsi, dama yi ʒiɛla dɛde yi ni niŋ yɛda shɛm puuni, amaa tinim’ lee pahila yi zuɣu n-tumdi yi suhupiɛlli nyabu zuɣu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Dagbani Bible with Deuterocanonical Books © Bible Society of Ghana, 2011.