1 Timoti 4
4
Karimba ʒirinima
1Naawuni Shia Kasi yihi yɛli ni ʒiɛmana din bahindi nyaaŋa puuni, ninvuɣ’ shɛb’ ni ti chɛ yɛda niŋbu soli dolibu ka wumdi tirila shi’ biɛri bɛn yɔhindi niriba la ka ni dolila alizin’ biɛri wuhibu. 2Wuhibunim’ ŋɔ yirila ninvuɣ’ yɔhindiba bɛn nyɛ ʒirinima, ka bɛ suhuri ni tɛha diɣilim kaman kur’ tulli n-tabili li n-di li la sanna. 3Niriba ŋɔ tatabo wuhiri ni di bi tuhi ni nir’ kpuɣ’ paɣa bee n-diri bindira balibu shɛŋa Naawuni ni nam ti salinima ni bɛn niŋ yɛda ka baŋ yɛlimaŋli la diri li ka paɣiri ŋun’ Naawuni di zuɣu la. 4Naawuni ni nam binshɛɣukam nyɛla din viɛla, ka di bi simdi ni ti siŋ li, tinim’ dee yi di li ni Naawuni paɣibu, 5dama Naawuni yɛligu mini wunsuhigu nyɛla din chɛ ka di leeri din be kasi Naawuni sani.
Yisa Masia tumtumdi’ suŋ
6A yi zaŋ n ni wuh’ a shɛli ŋɔ wuhi ti mabihi la, a ni niŋ Yisa Masia tumtumdi’ suŋ, a ni zaŋ yɛda niŋbu yɛtɔɣa mini wuhibu suŋ shɛli a ni pun dol’ la n-dih’ amaŋ’ la zuɣu. 7Di chɛ ka a baɣa be kurimbuni lahibaya din bi luri Naawuni sizuura ka nyɛ din pa yɛlimaŋli la ni. Kul zaŋm’ amaŋ’ niŋla wuntia soli yɛla bɔhimbu ni. 8Niŋgbuŋ maŋdahimbu mali nyɔri shɛli di ni, amaa wuntia soli puuni maŋdahimbu malila nyɔri shɛlikam ni, dama di lo ti nyɛvili alikauli ʒiɛmani ŋɔ ni zaŋ tabili saha din ka bahigu puuni. 9Yɛtɔɣili ŋɔ nyɛla yɛlimaŋli, ka simdi deebu zaa. 10Dimbɔŋɔ zuɣu ka ti diri wahala ka tumdi ti yaa tariga, dama ti zaŋ ti tahima zaa niŋla Naawuni ŋun be ŋɔ ni. Ŋuna n-nyɛ sokam zaa Tiligira, di bahi bamdi bɛn niŋ o yɛda la.
11Zaŋm’ dimbɔŋɔnim’ wuhimi niriba, ka zali ba ni bɛ dol’ li. 12Di saɣi ka so ʒiɛm a a bipalitali zuɣu, amaa chɛ ka a yɛtɔɣa min’ a ni niŋdi shɛm ni a yurilim ni a yɛda niŋbu ni a biɛr’ kasi wuhi ni a biɛhigu nyɛla yɛdaniŋdiba ni ni dol’ shɛli naba. 13Zaŋ chaŋ n ti yɛn kana, kpaŋm’ amaŋ’ karimmi Naawuni Kundi niriba ni, ka yihimi waazu, ka wuhimi niriba. 14Toondaannim’ ni daa zaŋ bɛ nuhi pa a zuɣu ka Naawuni ti a pin’ shɛli anabitali yɛtɔɣa tɔɣisibu puuni la, miri ka a zaŋ li niŋ a baɣaka. 15Doli dimbɔŋɔnima, ka zaŋ amaŋ’ ti li, ka di chɛ ka sokam nya a tooni chandi a tuma puuni ni nyɛ shɛm. 16Gbib’ amaŋ’ viɛnyɛliŋga, ka lihim’ a wuhibu viɛnyɛliŋga. Kul niŋmi dimbɔŋɔnima, dama a yi niŋdi lala, a ni tilig’ amaŋa zaŋ tabili bɛn wumd’ a wuhibu.
Currently Selected:
1 Timoti 4: DBwDB
Highlight
Share
Copy
Want to have your highlights saved across all your devices? Sign up or sign in
Dagbani Bible with Deuterocanonical Books © Bible Society of Ghana, 2011.
1 Timoti 4
4
Karimba ʒirinima
1Naawuni Shia Kasi yihi yɛli ni ʒiɛmana din bahindi nyaaŋa puuni, ninvuɣ’ shɛb’ ni ti chɛ yɛda niŋbu soli dolibu ka wumdi tirila shi’ biɛri bɛn yɔhindi niriba la ka ni dolila alizin’ biɛri wuhibu. 2Wuhibunim’ ŋɔ yirila ninvuɣ’ yɔhindiba bɛn nyɛ ʒirinima, ka bɛ suhuri ni tɛha diɣilim kaman kur’ tulli n-tabili li n-di li la sanna. 3Niriba ŋɔ tatabo wuhiri ni di bi tuhi ni nir’ kpuɣ’ paɣa bee n-diri bindira balibu shɛŋa Naawuni ni nam ti salinima ni bɛn niŋ yɛda ka baŋ yɛlimaŋli la diri li ka paɣiri ŋun’ Naawuni di zuɣu la. 4Naawuni ni nam binshɛɣukam nyɛla din viɛla, ka di bi simdi ni ti siŋ li, tinim’ dee yi di li ni Naawuni paɣibu, 5dama Naawuni yɛligu mini wunsuhigu nyɛla din chɛ ka di leeri din be kasi Naawuni sani.
Yisa Masia tumtumdi’ suŋ
6A yi zaŋ n ni wuh’ a shɛli ŋɔ wuhi ti mabihi la, a ni niŋ Yisa Masia tumtumdi’ suŋ, a ni zaŋ yɛda niŋbu yɛtɔɣa mini wuhibu suŋ shɛli a ni pun dol’ la n-dih’ amaŋ’ la zuɣu. 7Di chɛ ka a baɣa be kurimbuni lahibaya din bi luri Naawuni sizuura ka nyɛ din pa yɛlimaŋli la ni. Kul zaŋm’ amaŋ’ niŋla wuntia soli yɛla bɔhimbu ni. 8Niŋgbuŋ maŋdahimbu mali nyɔri shɛli di ni, amaa wuntia soli puuni maŋdahimbu malila nyɔri shɛlikam ni, dama di lo ti nyɛvili alikauli ʒiɛmani ŋɔ ni zaŋ tabili saha din ka bahigu puuni. 9Yɛtɔɣili ŋɔ nyɛla yɛlimaŋli, ka simdi deebu zaa. 10Dimbɔŋɔ zuɣu ka ti diri wahala ka tumdi ti yaa tariga, dama ti zaŋ ti tahima zaa niŋla Naawuni ŋun be ŋɔ ni. Ŋuna n-nyɛ sokam zaa Tiligira, di bahi bamdi bɛn niŋ o yɛda la.
11Zaŋm’ dimbɔŋɔnim’ wuhimi niriba, ka zali ba ni bɛ dol’ li. 12Di saɣi ka so ʒiɛm a a bipalitali zuɣu, amaa chɛ ka a yɛtɔɣa min’ a ni niŋdi shɛm ni a yurilim ni a yɛda niŋbu ni a biɛr’ kasi wuhi ni a biɛhigu nyɛla yɛdaniŋdiba ni ni dol’ shɛli naba. 13Zaŋ chaŋ n ti yɛn kana, kpaŋm’ amaŋ’ karimmi Naawuni Kundi niriba ni, ka yihimi waazu, ka wuhimi niriba. 14Toondaannim’ ni daa zaŋ bɛ nuhi pa a zuɣu ka Naawuni ti a pin’ shɛli anabitali yɛtɔɣa tɔɣisibu puuni la, miri ka a zaŋ li niŋ a baɣaka. 15Doli dimbɔŋɔnima, ka zaŋ amaŋ’ ti li, ka di chɛ ka sokam nya a tooni chandi a tuma puuni ni nyɛ shɛm. 16Gbib’ amaŋ’ viɛnyɛliŋga, ka lihim’ a wuhibu viɛnyɛliŋga. Kul niŋmi dimbɔŋɔnima, dama a yi niŋdi lala, a ni tilig’ amaŋa zaŋ tabili bɛn wumd’ a wuhibu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Dagbani Bible with Deuterocanonical Books © Bible Society of Ghana, 2011.