1 Tɛsalɔnaikanima 5
5
Shili mali gu ti Duuma labbuna yɛla
1Ti mabihi, di bi kpa talahi ni ti lan sab’ dabisa mini saha yɛla zaŋ chaŋ dimbɔŋɔnim’ ni ti yɛn niŋ saha shɛli polo; 2#Mat 24.43; Luk 12.39; 2 Pita 3.10 dama yimaŋmaŋ’ mi viɛnyɛliŋga ni ti Duuma labbuna dabisili la ni ti kana kaman tayiɣa ni kanna yuŋ shɛm la. 3Saha shɛli niriba yi ti yɛri ni suhudoo mini gom beni, di saha maa ka bahi yoli dii yɛn paai ba, ka bɛ ku tiligi. Di ni ti bemi kaman paɣ’ ni yi wolisiri ni o dɔɣi ka biɛrim shɛli mal’ o la. 4Amaa ti mabihi, yinim’ bi be zibisim ni ka dindali maa ni ti libigi ya kaman tayiɣa ni libigiri niriba shɛm la. 5Yi nyɛla neesim mini wuntaŋ’ ni niriba. Ti pala yuŋ bee zibisim ni niriba. 6Dinzuɣu di bi simdi ni ti gbihiri kaman shɛb’ ni niŋdi shɛm la, amaa chɛliya ka ti ne n-ʒiya ka gbibi ti maŋa. 7Dama gɔgbihiriba gbihirila yuŋ, ka danyuriba gba nyuri kuuni yuŋ. 8#Aiz 59.17; Ɛfɛs 6.13-17 Amaa tinim’ ni nyɛ wuntaŋ’ ni niriba la zuɣu, chɛliya ka ti gbibi ti maŋa ka zaŋ yɛda mini yurilim leei nyɔtaɣirigu m-pa ti nyɔri zuɣu, ka zaŋ ti tiliginsim tahima kaman tɔbutuhiri’ zuɣupila la pili. 9Naawuni bi zali ti ni o suhuyiɣisili tibidarigibo ti di ti, amaa o zali ti ni ti nyala tiliginsim ti Duuma Yisa Masia zuɣu. 10Ŋuna n-daa kpi ti zuɣu ni di chɛ ka ti min’ o laɣim be, di yi nyɛ ti bela ti nyɛviya ni bee ti yi gbihirila kum puuni. 11Daliri ŋɔ zuɣu kpaŋsimiya tab’ suhuri, ka niŋdi din ni sɔŋ yi taba ka bɛ zooi Naawuni dolibu ni kaman yi ni niŋdi shɛm pumpɔŋɔ la.
Wuhibunim’ mini puhigu din bahindi nyaaŋa
12Ti mabihi, ti Duuma ni pii ninvuɣ’ shɛba ka bɛ be yi sani tumd’ o tuma la, ti suhiri ya ni yi lum’ ba sizuura. Bɛna n-nyɛ bɛn wuhiri ya ka kpamdi ya jaande la. 13Timiya ba jilima, ka yuri ba pam bɛ ni tumdi tuun’ shɛli maa zuɣu; ka maliya suhudoo ni taba. 14Ti mabihi, ti kpamdi ya jaande: Kpahimiya gbinyaɣinim’ zuɣu ni; ka kpaŋsimiya bɛn suhuri miligi la suhuri; ka sɔŋmiya bɛn gbarigi la; ka maliya suɣilo ni sokam. 15Yi ni so di bɔh’ o kpee biɛri, amaa niŋmiya ania n-kul niŋmi yi taba zaŋ tabili sokam zaa din viɛla. 16Kul maliya suhupiɛlli; 17suhimiya Naawuni sahakam, 18ka paɣimiya Naawuni shɛlikam zaa puuni. Dina n-nyɛ Naawuni ni yu shɛli yi biɛhigu ni Yisa Masia zuɣu. 19Miriya ka yi taɣi Naawuni Shia Kasi zali; 20ka di ʒiɛmya anabitali yɛtɔɣa tɔɣisibu. 21Amaa buɣisimiya binshɛɣukam nya, ka gbibiya din viɛla. 22Zomiya dinkam nyɛ zaɣ’ biɛɣu. 23Ti Duuma Naawuni ŋun tiri ti suhudoo la malimi yi luɣili pinaayi zaa ka di be kasi, ka gbibi yi niŋgbuna zaŋ tabili yi suhuri ni yi shihi zaa ka di mali yaa ka ti ku mali taali hal baabiɛla ti Duuma Yisa Masia labbuna dali. 24Ŋun boli ya maa nyɛla ŋun ni niŋ li, dama o nyɛla ŋun ʒe yim. 25Ti mabihi, suhimiya Naawuni tiri ti gba. 26Puhimiya ti mabihi la zaa mabihili puhigu ti ti. 27N kpamdi ya jaande ti Duuma zuɣu ni yi karimmi gbaŋ ŋɔ wuhi ti mabihi la zaa. 28Ti Duuma Yisa Masia daalibarika kpalimmi be yi ni!
Currently Selected:
1 Tɛsalɔnaikanima 5: DBwDB
Highlight
Share
Copy
Want to have your highlights saved across all your devices? Sign up or sign in
Dagbani Bible with Deuterocanonical Books © Bible Society of Ghana, 2011.
1 Tɛsalɔnaikanima 5
5
Shili mali gu ti Duuma labbuna yɛla
1Ti mabihi, di bi kpa talahi ni ti lan sab’ dabisa mini saha yɛla zaŋ chaŋ dimbɔŋɔnim’ ni ti yɛn niŋ saha shɛli polo; 2#Mat 24.43; Luk 12.39; 2 Pita 3.10 dama yimaŋmaŋ’ mi viɛnyɛliŋga ni ti Duuma labbuna dabisili la ni ti kana kaman tayiɣa ni kanna yuŋ shɛm la. 3Saha shɛli niriba yi ti yɛri ni suhudoo mini gom beni, di saha maa ka bahi yoli dii yɛn paai ba, ka bɛ ku tiligi. Di ni ti bemi kaman paɣ’ ni yi wolisiri ni o dɔɣi ka biɛrim shɛli mal’ o la. 4Amaa ti mabihi, yinim’ bi be zibisim ni ka dindali maa ni ti libigi ya kaman tayiɣa ni libigiri niriba shɛm la. 5Yi nyɛla neesim mini wuntaŋ’ ni niriba. Ti pala yuŋ bee zibisim ni niriba. 6Dinzuɣu di bi simdi ni ti gbihiri kaman shɛb’ ni niŋdi shɛm la, amaa chɛliya ka ti ne n-ʒiya ka gbibi ti maŋa. 7Dama gɔgbihiriba gbihirila yuŋ, ka danyuriba gba nyuri kuuni yuŋ. 8#Aiz 59.17; Ɛfɛs 6.13-17 Amaa tinim’ ni nyɛ wuntaŋ’ ni niriba la zuɣu, chɛliya ka ti gbibi ti maŋa ka zaŋ yɛda mini yurilim leei nyɔtaɣirigu m-pa ti nyɔri zuɣu, ka zaŋ ti tiliginsim tahima kaman tɔbutuhiri’ zuɣupila la pili. 9Naawuni bi zali ti ni o suhuyiɣisili tibidarigibo ti di ti, amaa o zali ti ni ti nyala tiliginsim ti Duuma Yisa Masia zuɣu. 10Ŋuna n-daa kpi ti zuɣu ni di chɛ ka ti min’ o laɣim be, di yi nyɛ ti bela ti nyɛviya ni bee ti yi gbihirila kum puuni. 11Daliri ŋɔ zuɣu kpaŋsimiya tab’ suhuri, ka niŋdi din ni sɔŋ yi taba ka bɛ zooi Naawuni dolibu ni kaman yi ni niŋdi shɛm pumpɔŋɔ la.
Wuhibunim’ mini puhigu din bahindi nyaaŋa
12Ti mabihi, ti Duuma ni pii ninvuɣ’ shɛba ka bɛ be yi sani tumd’ o tuma la, ti suhiri ya ni yi lum’ ba sizuura. Bɛna n-nyɛ bɛn wuhiri ya ka kpamdi ya jaande la. 13Timiya ba jilima, ka yuri ba pam bɛ ni tumdi tuun’ shɛli maa zuɣu; ka maliya suhudoo ni taba. 14Ti mabihi, ti kpamdi ya jaande: Kpahimiya gbinyaɣinim’ zuɣu ni; ka kpaŋsimiya bɛn suhuri miligi la suhuri; ka sɔŋmiya bɛn gbarigi la; ka maliya suɣilo ni sokam. 15Yi ni so di bɔh’ o kpee biɛri, amaa niŋmiya ania n-kul niŋmi yi taba zaŋ tabili sokam zaa din viɛla. 16Kul maliya suhupiɛlli; 17suhimiya Naawuni sahakam, 18ka paɣimiya Naawuni shɛlikam zaa puuni. Dina n-nyɛ Naawuni ni yu shɛli yi biɛhigu ni Yisa Masia zuɣu. 19Miriya ka yi taɣi Naawuni Shia Kasi zali; 20ka di ʒiɛmya anabitali yɛtɔɣa tɔɣisibu. 21Amaa buɣisimiya binshɛɣukam nya, ka gbibiya din viɛla. 22Zomiya dinkam nyɛ zaɣ’ biɛɣu. 23Ti Duuma Naawuni ŋun tiri ti suhudoo la malimi yi luɣili pinaayi zaa ka di be kasi, ka gbibi yi niŋgbuna zaŋ tabili yi suhuri ni yi shihi zaa ka di mali yaa ka ti ku mali taali hal baabiɛla ti Duuma Yisa Masia labbuna dali. 24Ŋun boli ya maa nyɛla ŋun ni niŋ li, dama o nyɛla ŋun ʒe yim. 25Ti mabihi, suhimiya Naawuni tiri ti gba. 26Puhimiya ti mabihi la zaa mabihili puhigu ti ti. 27N kpamdi ya jaande ti Duuma zuɣu ni yi karimmi gbaŋ ŋɔ wuhi ti mabihi la zaa. 28Ti Duuma Yisa Masia daalibarika kpalimmi be yi ni!
Currently Selected:
:
Highlight
Share
Copy
Want to have your highlights saved across all your devices? Sign up or sign in
Dagbani Bible with Deuterocanonical Books © Bible Society of Ghana, 2011.