1 Jɔn 5
5
Ti dunia ŋɔ nyaŋbu nasara dibu
1Ŋunkam niŋ yɛda ni Yisa nyɛla Masia, dilana nyɛla Naawuni bia, ka ŋunkam yuri ba so ŋun dɔɣi bia ni yur’ o bia maa gba. 2Dimbɔŋɔ puuni ka ti baŋ ni ti yuri bɛn nyɛ Naawuni bihi. Dina n-nyɛ: Ti yuri Naawuni ka dol’ o zaligunima. 3#Jɔn 14.15 Ti yi doli Naawuni zaligunima dina n-nyɛ din wuhiri ni ti yuri ŋun’ Naawuni. Ka o zaligunim’ maa mi pala yɛlimuɣisira. 4Ka ŋunkam nyɛ Naawuni bia nyɛla ŋun nyandi dunia ŋɔ. Ti yɛda niŋbu mi n-nyɛ din nyandi dunia ŋɔ. 5Ka ŋuni n-lee nyɛ ŋun ni tooi nyaŋ dunia ŋɔ? Ŋun ni tooi nyaŋ dunia ŋɔ nyɛla ŋun niŋ yɛda ni Yisa nyɛla Naawuni bia.
Shɛhiradibo zaŋ chaŋ Yisa Masia polo
6Yisa Masia nyɛla ŋun daa kana ni kom mini ʒim, ka di pala ni kom kɔŋko, amaa di nyɛla kom mini ʒim. Naawuni Shia mi di li shɛhira, dama ŋun’ Naawuni Shia nyɛla yɛlimaŋli. 7Shɛhira diba ata m-be alizanda ni. Bɛna n-nyɛ ti Ba Naawuni mini bɛ ni booni so Yɛligu la ni Naawuni Shia Kasi, ka bɛba ata ŋɔ nyɛla yino. Ka shɛhira diba ata be dunia ŋɔ ni: 8Naawuni Shia Kasi mini kom ni ʒim, ka shɛhira diba ata ŋɔ zaa mi yɛla saɣisila taba. 9Ti yi niŋ ninsalinim’ shɛhiradibo yɛda, Naawuni shɛhiradibo n-dii gari, dama dimbɔŋɔ n-nyɛ Naawuni ni di o Bia maa shɛhira shɛli. 10Ka ŋunkam niŋ Naawuni Bia maa yɛda mali shɛhira ŋɔ o suhu ni. Ka ŋunkam mi bi niŋ Naawuni yɛda zaŋ o leela ʒirilana, o ni bi niŋ Naawuni ni di o Bia maa shɛhira shɛl’ la yɛda zuɣu. 11#Jɔn 3.36 Shɛhira maa n-nyɛ ni Naawuni ti ti nyɛvili din ka bahigu, ka nyɛvili maa mi bela o Bia maa ni. 12Ka ŋunkam mali Bia maa mali nyɛvili; ka ŋunkam mi ka Naawuni Bia maa ka nyɛvili.
Nyɛvili din ka bahigu
13N sabila yɛla ŋɔ ti yinim’ bɛn niŋ Naawuni Bia maa yuli yɛda la ni di chɛ ka yi baŋ ni yi mali nyɛvili din ka bahigu. 14Ti mali suhukpeeni Naawuni sani, dama ti mi ni ti yi suh’ o shɛlikam ka di dol’ o yubu, o deeri ti suhigu. 15Ka ti yi mi ni ti yi suh’ o shɛlikam o deeri ti suhigu, dindina ti mi ni o tiri ti ti ni suhir’ o shɛlikam. 16So yi nya ka o mabi’ so tum alahichi din ku tah’ o kum ni, ŋun’ suhimi Naawuni o zuɣu, ka Naawuni ni deeg’ o suhigu ka ti ninvuɣ’ shɛb’ bɛn tum alahichi shɛŋa din ku tahi ba kum ni la nyɛvili. Alahichi shɛŋa tumbu beni din tahiri niriba kum ni; m bi yɛli ni so suhimi Naawuni dimnim’ zuɣu. 17Din bi tuhi tumbu zaa nyɛla alahichi, amaa alahichi shɛŋa tumbu beni m-pala din tahiri nir’ kum ni. 18Ti mi ni ninvuɣ’ so ŋun nyɛ Naawuni bia bi tumd’ alahichi, dama Naawuni Bia la n-gbib’ o ka ŋun nyɛ Tuumbiɛrilan’ la ku tooi niŋ o shɛli. 19Dunia zaa ni kul be ŋun nyɛ Tuumbiɛrilan’ la sulinsi ni la zaa yoli, tinim’ mi ni ti nyɛla Naawuni bihi. 20Ka ti lan mi ni Naawuni Bia daa kana nti ti ti la baŋsim ni di chɛ ka ti baŋ ŋun nyɛ Naawuni maŋli; ka ti nyɛla bɛn be Naawuni maŋli ni o Bia Yisa Masia puuni. Ŋuna n-nyɛ Naawuni maŋli, ka lan nyɛ nyɛvili din ka bahigu. 21M bihi, miriya ka yi jɛm buɣa!
Currently Selected:
1 Jɔn 5: DBwDB
Highlight
Copy
Compare
Share
Want to have your highlights saved across all your devices? Sign up or sign in
Dagbani Bible with Deuterocanonical Books © Bible Society of Ghana, 2011.
1 Jɔn 5
5
Ti dunia ŋɔ nyaŋbu nasara dibu
1Ŋunkam niŋ yɛda ni Yisa nyɛla Masia, dilana nyɛla Naawuni bia, ka ŋunkam yuri ba so ŋun dɔɣi bia ni yur’ o bia maa gba. 2Dimbɔŋɔ puuni ka ti baŋ ni ti yuri bɛn nyɛ Naawuni bihi. Dina n-nyɛ: Ti yuri Naawuni ka dol’ o zaligunima. 3#Jɔn 14.15 Ti yi doli Naawuni zaligunima dina n-nyɛ din wuhiri ni ti yuri ŋun’ Naawuni. Ka o zaligunim’ maa mi pala yɛlimuɣisira. 4Ka ŋunkam nyɛ Naawuni bia nyɛla ŋun nyandi dunia ŋɔ. Ti yɛda niŋbu mi n-nyɛ din nyandi dunia ŋɔ. 5Ka ŋuni n-lee nyɛ ŋun ni tooi nyaŋ dunia ŋɔ? Ŋun ni tooi nyaŋ dunia ŋɔ nyɛla ŋun niŋ yɛda ni Yisa nyɛla Naawuni bia.
Shɛhiradibo zaŋ chaŋ Yisa Masia polo
6Yisa Masia nyɛla ŋun daa kana ni kom mini ʒim, ka di pala ni kom kɔŋko, amaa di nyɛla kom mini ʒim. Naawuni Shia mi di li shɛhira, dama ŋun’ Naawuni Shia nyɛla yɛlimaŋli. 7Shɛhira diba ata m-be alizanda ni. Bɛna n-nyɛ ti Ba Naawuni mini bɛ ni booni so Yɛligu la ni Naawuni Shia Kasi, ka bɛba ata ŋɔ nyɛla yino. Ka shɛhira diba ata be dunia ŋɔ ni: 8Naawuni Shia Kasi mini kom ni ʒim, ka shɛhira diba ata ŋɔ zaa mi yɛla saɣisila taba. 9Ti yi niŋ ninsalinim’ shɛhiradibo yɛda, Naawuni shɛhiradibo n-dii gari, dama dimbɔŋɔ n-nyɛ Naawuni ni di o Bia maa shɛhira shɛli. 10Ka ŋunkam niŋ Naawuni Bia maa yɛda mali shɛhira ŋɔ o suhu ni. Ka ŋunkam mi bi niŋ Naawuni yɛda zaŋ o leela ʒirilana, o ni bi niŋ Naawuni ni di o Bia maa shɛhira shɛl’ la yɛda zuɣu. 11#Jɔn 3.36 Shɛhira maa n-nyɛ ni Naawuni ti ti nyɛvili din ka bahigu, ka nyɛvili maa mi bela o Bia maa ni. 12Ka ŋunkam mali Bia maa mali nyɛvili; ka ŋunkam mi ka Naawuni Bia maa ka nyɛvili.
Nyɛvili din ka bahigu
13N sabila yɛla ŋɔ ti yinim’ bɛn niŋ Naawuni Bia maa yuli yɛda la ni di chɛ ka yi baŋ ni yi mali nyɛvili din ka bahigu. 14Ti mali suhukpeeni Naawuni sani, dama ti mi ni ti yi suh’ o shɛlikam ka di dol’ o yubu, o deeri ti suhigu. 15Ka ti yi mi ni ti yi suh’ o shɛlikam o deeri ti suhigu, dindina ti mi ni o tiri ti ti ni suhir’ o shɛlikam. 16So yi nya ka o mabi’ so tum alahichi din ku tah’ o kum ni, ŋun’ suhimi Naawuni o zuɣu, ka Naawuni ni deeg’ o suhigu ka ti ninvuɣ’ shɛb’ bɛn tum alahichi shɛŋa din ku tahi ba kum ni la nyɛvili. Alahichi shɛŋa tumbu beni din tahiri niriba kum ni; m bi yɛli ni so suhimi Naawuni dimnim’ zuɣu. 17Din bi tuhi tumbu zaa nyɛla alahichi, amaa alahichi shɛŋa tumbu beni m-pala din tahiri nir’ kum ni. 18Ti mi ni ninvuɣ’ so ŋun nyɛ Naawuni bia bi tumd’ alahichi, dama Naawuni Bia la n-gbib’ o ka ŋun nyɛ Tuumbiɛrilan’ la ku tooi niŋ o shɛli. 19Dunia zaa ni kul be ŋun nyɛ Tuumbiɛrilan’ la sulinsi ni la zaa yoli, tinim’ mi ni ti nyɛla Naawuni bihi. 20Ka ti lan mi ni Naawuni Bia daa kana nti ti ti la baŋsim ni di chɛ ka ti baŋ ŋun nyɛ Naawuni maŋli; ka ti nyɛla bɛn be Naawuni maŋli ni o Bia Yisa Masia puuni. Ŋuna n-nyɛ Naawuni maŋli, ka lan nyɛ nyɛvili din ka bahigu. 21M bihi, miriya ka yi jɛm buɣa!
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Dagbani Bible with Deuterocanonical Books © Bible Society of Ghana, 2011.