1 Kɔrintinima PILIGU
PILIGU
Pool ni daa tuui sabi gban’ shɛli ti Kɔrintinim’ maa daa nyɛla din tɔɣisiri yɛlimuɣisira din be Kristiɛn biɛhigu ni min’ o yɛda niŋbu ni yɛla ni daa ti be ŋun’ Pool ni daa kpa cheechi shɛli Kɔrinti la puuni. Di saha Kɔrinti daa nyɛla Giriikinim’ tin’ titali, ka nyɛ dunia zaa daabiligu shee. Di daa nyɛla Akaia din daa be Romnim’ sulinsi ni la tinzuɣu. Sokam daa mi di daabiligu ni chani tooni shɛm, ka lan mi bɛ kaya dariza ni nyɛ shɛm. Sokam daa lan mi zina tumbu ni yɛligi nimaani shɛm, ka lan mi adiini balibubalibu ni daa lan be nimaani shɛm. Yisa tumo maa ni daa zaŋ o zaɣa niŋ binshɛli ni pam nyɛla yɛlimuɣisira din daa nyɛ naŋgban’ kɔŋkɔba mini dɔbba ni paɣiba tab’ bɔbu din daa be cheechi ni la. O daa lan zaŋ o zaɣa niŋ bɔhigu shɛŋa din nyɛ dɔbba mini paɣiba yɛla ni m-pahi amiliya niŋbu yɛla ni ni din tuhi mini din bi tuhi ni ni Cheechi biɛrisuŋ ni ni Shia Kasi pina ni ni kum ni neebu ni. O tɛhi’ zilima puuni ka o daa wuhi lahibali suŋ ni tɔɣisiri dimbɔŋɔnim’ yɛla shɛm. Suurili pinaata (13) puuni wuhiya ni yurilim n-nyɛ Naawuni pin’ gahindili shɛli o ni zaŋ tir’ o niriba; di pa shɛli yɛtɔɣili ŋɔ nyɛla niriba pam ni mi shɛli viɛnyɛliŋga litaafi ŋɔ puuni.
Din be litaafi ŋɔ puuni
Piligu 1.1-9
Cheechi ni woligibu yɛla 1.10—4.21
Dɔbba mini paɣiba maŋ’ gbibbu ni yili ni biɛhigu 5.1—7.40
Kristiɛn mini chɛfirinima 8.1—11.1
Cheechi ni biɛhigu mini jɛmbu 11.2—14.40
Masia kum ni neebu mini yɛdaniŋdiba 15.1-58
Pina zaŋ ti Kristiɛnnim’ bɛn be Judia 16.1-4
Pool ni lo nia shɛŋa yɛla mini naabu 16.5-24
Currently Selected:
1 Kɔrintinima PILIGU: DBwDB
Highlight
Share
Copy
Want to have your highlights saved across all your devices? Sign up or sign in
Dagbani Bible with Deuterocanonical Books © Bible Society of Ghana, 2011.