Zakaria 9
9
Izraɛlnim’ dimnim’ tibili darigibu
1Yawɛ ni yɛli shɛm m-bɔŋɔ:
N ni darigi Hadirak tiŋgbɔŋnim’ mini Damaskusnim’ tibili.
Pa Izraɛlnim’ zuliya kɔŋko ka Yawɛ su,
amaa ŋuna n-su Siria tiŋgbɔŋ gba.
2Ka Hamat din mini Hadirak di tintarisi la
gba nyɛla o ni su shɛli
zaŋ tabili Taai mini Sidɔn
hal bɛ ni mali baŋsim la zaa yoli.
3Taainim’ mɛla birini gili bɛmaŋa,
ka va anzinfa mini salima puli
kaman taŋkpaɣu la!
4Amaa ti Duuma ni deei bɛ ni mali shɛlikam zaa maa.
Naawuni ni zaŋ bɛ daazichi maa bahi teeku ni,
ka nyo bɛ tiŋ’ maa buɣim ka di di n-lu n-dahim.
5Ka Ashikɛlɔnnim’ nya li,
ka dabiɛm kpe ba,
ka Gazanim’ gba nya li,
ka di zab’ ba pam.
Lala n-yɛn nyɛ Ɛkurɔnnim’ gba,
ka bɛ tahima zaa ni bɔrigi.
Gaza ni kɔŋ naa,
ka Ashikɛlɔn kpalim zan’ dabari.
6Ka zuliya gari ni kana ti be Ashidɔd.
“Ka n siɣisi Filistianim’ bɛn nyɛ karimbaannim’ la.
7Bɛ ku lan di jifa bee ŋ-ŋub’ nin’ shɛli din chihiri ŋubbu.
Ka bɛ puuni bɛn kpalim ni leei n niriba,
ka mali bɛ daŋ Juda zuliya puuni kaman Jɛbusinim’#9.7 JƐBUSINIMA: Bɛna n-daa nyɛ bɛn tuui be Jɛrusalɛm. Dauda ni daa tuhi deei Jɛrusalɛm, bɛna n-daa nyɛ ninvuɣ’ shɛb’ bɛn jɛmd’ o. la.
8N ni guli n tiŋgbɔŋ maa,
ka ku chɛ ka tɔbbihi kpe di ni gari.
M mi ku saɣi ka kpeengarigunim’ lan nahim n niriba yaha,
dama mmaŋmaŋ’ nini nya bɛ ni di wahala shɛm.”
Dahin shɛli ha naa
9Ziɔnnima, Maliya suhupiɛlli pam!
Yinim’ Jɛrusalɛmnima,
tahimiya suhupiɛlli tahigu!
Nyamiya, Yi naa kani yi sanna!
O nyaŋmi ka di nasara n-kanna maa,
amaa o nyɛla siɣisimaŋlana,
ka bari buŋa ŋun nyɛ buŋ’ polli.
10N ni yihi tɔbutuhiri’ chɛchɛbunsi Ifriim,
ka yihi yuri Jɛrusalɛm;
ka kab’ tɔb’ shɛŋa
bɛ ni mali tuhiri tɔbu.
Yi naa maa ni tim sandaani
zuliya ni zuliya sunsuuni.
O ni su teeku noli
zaŋ ti kpa di tarisi.
Yufretiiz Mɔɣili noli
zaŋ ti kpa dunia tariga.
Naawuni niriba labisibu na
11N ni daa lɔnya alikauli shɛli
ni ʒim yihibu sara maligu shɛhira la zuɣu,
n ni ti yi niriba bɛn be dabitim
ni la yolisim.
N ni yihi ba dabitim kɔbil’ kuŋ la ni.
12Yinim’ bɛn be dabitim ni ka mali
tahima pumpɔŋɔ ŋɔ, labimiya yi birini ni na.
N yɛri ya mi, n ni niŋ alibarika
ʒii buyi zuɣu niŋ yi ni.
13N ni gɔŋ Juda kaman tɔb’ la,
ka zaŋ Ifriim mi leei di piɛma.
N ni zaŋ Ziɔn leei takɔbi
n-tuhi Giriisinima.
14Yawɛ ni ka o niriba sanna;
o ni to o piɛma ka di be
kaman saa nyaɣisibu la.
Ti Duuma NAAWUNI
ni ti piɛb’ kikaa;
ka ni ti be nudirigu polo
pɔhim ni kanna.
15Yawɛ ŋun nyɛ tɔbbihi
naa ŋɔ ni gul’ o niriba,
ka chɛ ka bɛ nyaŋ bɛ dimnima.
Bɛ ni ti tahiri tɔb’ gɔɣu ni
kaman danyuriba la,
ka ti yihi bɛ dimnim’ ʒim,
ka di zɔri kaman sara
maligu ʒim ka bɛ zaŋ niŋ
laa ni n-kpaai pa bimbini zuɣu la.
16Dindali maa yi ti paai, Yawɛ ŋun
nyɛ bɛ Naawuni ŋɔ ni tiligi ba
kaman piɛgul’ ni tiligir’ o piɛri
barina ni shɛm la.
Bɛ ni ti nyɛlisiri bɛ tiŋgbani maa ni
kaman nam zuɣupiligu ni waya la.
17Di biɛrisuŋ mini di viɛlim ti ku
mali kpee!
Di kawana ni ti chɛ ka nachimbihi
mali kpiɔŋ, ka di wain
mi chɛ ka paɣisara ni’ nyeena.
Currently Selected:
Zakaria 9: RLDB
Highlight
Share
Copy
Want to have your highlights saved across all your devices? Sign up or sign in
Red Letter Dagbani Bible © Bible Society of Ghana, 2011
Zakaria 9
9
Izraɛlnim’ dimnim’ tibili darigibu
1Yawɛ ni yɛli shɛm m-bɔŋɔ:
N ni darigi Hadirak tiŋgbɔŋnim’ mini Damaskusnim’ tibili.
Pa Izraɛlnim’ zuliya kɔŋko ka Yawɛ su,
amaa ŋuna n-su Siria tiŋgbɔŋ gba.
2Ka Hamat din mini Hadirak di tintarisi la
gba nyɛla o ni su shɛli
zaŋ tabili Taai mini Sidɔn
hal bɛ ni mali baŋsim la zaa yoli.
3Taainim’ mɛla birini gili bɛmaŋa,
ka va anzinfa mini salima puli
kaman taŋkpaɣu la!
4Amaa ti Duuma ni deei bɛ ni mali shɛlikam zaa maa.
Naawuni ni zaŋ bɛ daazichi maa bahi teeku ni,
ka nyo bɛ tiŋ’ maa buɣim ka di di n-lu n-dahim.
5Ka Ashikɛlɔnnim’ nya li,
ka dabiɛm kpe ba,
ka Gazanim’ gba nya li,
ka di zab’ ba pam.
Lala n-yɛn nyɛ Ɛkurɔnnim’ gba,
ka bɛ tahima zaa ni bɔrigi.
Gaza ni kɔŋ naa,
ka Ashikɛlɔn kpalim zan’ dabari.
6Ka zuliya gari ni kana ti be Ashidɔd.
“Ka n siɣisi Filistianim’ bɛn nyɛ karimbaannim’ la.
7Bɛ ku lan di jifa bee ŋ-ŋub’ nin’ shɛli din chihiri ŋubbu.
Ka bɛ puuni bɛn kpalim ni leei n niriba,
ka mali bɛ daŋ Juda zuliya puuni kaman Jɛbusinim’#9.7 JƐBUSINIMA: Bɛna n-daa nyɛ bɛn tuui be Jɛrusalɛm. Dauda ni daa tuhi deei Jɛrusalɛm, bɛna n-daa nyɛ ninvuɣ’ shɛb’ bɛn jɛmd’ o. la.
8N ni guli n tiŋgbɔŋ maa,
ka ku chɛ ka tɔbbihi kpe di ni gari.
M mi ku saɣi ka kpeengarigunim’ lan nahim n niriba yaha,
dama mmaŋmaŋ’ nini nya bɛ ni di wahala shɛm.”
Dahin shɛli ha naa
9Ziɔnnima, Maliya suhupiɛlli pam!
Yinim’ Jɛrusalɛmnima,
tahimiya suhupiɛlli tahigu!
Nyamiya, Yi naa kani yi sanna!
O nyaŋmi ka di nasara n-kanna maa,
amaa o nyɛla siɣisimaŋlana,
ka bari buŋa ŋun nyɛ buŋ’ polli.
10N ni yihi tɔbutuhiri’ chɛchɛbunsi Ifriim,
ka yihi yuri Jɛrusalɛm;
ka kab’ tɔb’ shɛŋa
bɛ ni mali tuhiri tɔbu.
Yi naa maa ni tim sandaani
zuliya ni zuliya sunsuuni.
O ni su teeku noli
zaŋ ti kpa di tarisi.
Yufretiiz Mɔɣili noli
zaŋ ti kpa dunia tariga.
Naawuni niriba labisibu na
11N ni daa lɔnya alikauli shɛli
ni ʒim yihibu sara maligu shɛhira la zuɣu,
n ni ti yi niriba bɛn be dabitim
ni la yolisim.
N ni yihi ba dabitim kɔbil’ kuŋ la ni.
12Yinim’ bɛn be dabitim ni ka mali
tahima pumpɔŋɔ ŋɔ, labimiya yi birini ni na.
N yɛri ya mi, n ni niŋ alibarika
ʒii buyi zuɣu niŋ yi ni.
13N ni gɔŋ Juda kaman tɔb’ la,
ka zaŋ Ifriim mi leei di piɛma.
N ni zaŋ Ziɔn leei takɔbi
n-tuhi Giriisinima.
14Yawɛ ni ka o niriba sanna;
o ni to o piɛma ka di be
kaman saa nyaɣisibu la.
Ti Duuma NAAWUNI
ni ti piɛb’ kikaa;
ka ni ti be nudirigu polo
pɔhim ni kanna.
15Yawɛ ŋun nyɛ tɔbbihi
naa ŋɔ ni gul’ o niriba,
ka chɛ ka bɛ nyaŋ bɛ dimnima.
Bɛ ni ti tahiri tɔb’ gɔɣu ni
kaman danyuriba la,
ka ti yihi bɛ dimnim’ ʒim,
ka di zɔri kaman sara
maligu ʒim ka bɛ zaŋ niŋ
laa ni n-kpaai pa bimbini zuɣu la.
16Dindali maa yi ti paai, Yawɛ ŋun
nyɛ bɛ Naawuni ŋɔ ni tiligi ba
kaman piɛgul’ ni tiligir’ o piɛri
barina ni shɛm la.
Bɛ ni ti nyɛlisiri bɛ tiŋgbani maa ni
kaman nam zuɣupiligu ni waya la.
17Di biɛrisuŋ mini di viɛlim ti ku
mali kpee!
Di kawana ni ti chɛ ka nachimbihi
mali kpiɔŋ, ka di wain
mi chɛ ka paɣisara ni’ nyeena.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Red Letter Dagbani Bible © Bible Society of Ghana, 2011