Zakaria 2
2
Anabi Zakaria ni nya bimbuɣisirigu ʒii puuni shɛm
1Ka n daa ti lan lihi nya do’ so ka o gbib’ bimbuɣisirigu o nuu ni. 2Ka n daa bɔh’ o, “Ya polo ka a chana?”
Ka o garigi yɛli ma, “N Chanimi ni n ti buɣisi Jɛrusalɛm m-baŋ di wɔɣilim mini di yɛliŋ ni nyɛ shɛm.”
3Di saha ka n daa nya ka malaika so ŋun daa pun yɛli ma yɛtɔɣa la kana ti zani, ka malaika so daa ka o sanna. 4Ka malaika so ŋun daa daŋ tooni na maa yɛli malaika so ŋun doli nyaaŋa na maa, “Guui chaŋ ti yɛli nachimbil’ so ŋun mali bimbuɣisirigu maa ni niriba pam mini niɣi pam n-yɛn be Jɛrusalɛm; ka di be kaman tiŋkpansi din ka goma la. 5Yawɛ yɛliya ni omaŋmaŋ’ n-yɛn nyɛ buɣim gooni gili Jɛrusalɛm n-gul’ li, ka be di ni ni o jilima zaa.”
Naawuni yɛli Izraɛlnim’ ni bɛ labimi yiŋa
6-7Yawɛ ŋun nyɛ Naawuni ŋɔ daa yɛl’ o niriba maa, “Mani n-daa wurim ya bahi ka yi chaŋ ti be luɣ’ shɛlikam, dinzuɣu yinim’ bɛn be tinzun tiŋgbɔŋ ni maa, Zomiya yi Babilɔn n-lab’ Jɛrusalɛm na. 8Ŋunkam shihi ya, n nimbiɛlim ka o shihi maa.”
Dinzuɣu ka Yawɛ ŋun nyɛ Tɔbbihi Naa ŋɔ zaŋ o yɛligu tim ma ni n yɛli zuliya shɛb’ bɛn nahind’ o niriba la: 9“Yawɛ maŋmaŋ’ ni lu yi zuɣu, ka chɛ ka ninvuɣ’ shɛb’ bɛn daa yi nyɛ yi daba la ŋmaligi nyaŋ ya.”
Ka lala yi niŋ, dina n-ni chɛ ka sokam baŋ ni Yawɛ ŋun nyɛ Tɔbbihi Naa ŋɔ n-shiri tim ma na.
10Yawɛ yɛliya, “Yinim’ Jɛrusalɛmnima, yilimiya suhupiɛlli yila, dama n kanimina ni n ti be yi sani!”
11Di saha maa zuliya pam ni ti zo n-ka Yawɛ sanna nti leeg’ o niriba. Ka ŋun’ Yawɛ ni be yi sani, ka yi baŋ ni ŋun’ Yawɛ ŋun nyɛ Tɔbbihi Naa ŋɔ n-shiri tim ma yi sanna maa. 12Ka Yawɛ ni lan deei Juda n-su tiŋgbɔŋ kasi maa, ka lan pii Jɛrusalɛm yaha.
13Sokam fom’ baalim Yawɛ tooni, dama o yiɣisi zani luɣ’ kasi biɛhigu shee la.
Currently Selected:
Zakaria 2: RLDB
Highlight
Share
Copy
Want to have your highlights saved across all your devices? Sign up or sign in
Red Letter Dagbani Bible © Bible Society of Ghana, 2011
Zakaria 2
2
Anabi Zakaria ni nya bimbuɣisirigu ʒii puuni shɛm
1Ka n daa ti lan lihi nya do’ so ka o gbib’ bimbuɣisirigu o nuu ni. 2Ka n daa bɔh’ o, “Ya polo ka a chana?”
Ka o garigi yɛli ma, “N Chanimi ni n ti buɣisi Jɛrusalɛm m-baŋ di wɔɣilim mini di yɛliŋ ni nyɛ shɛm.”
3Di saha ka n daa nya ka malaika so ŋun daa pun yɛli ma yɛtɔɣa la kana ti zani, ka malaika so daa ka o sanna. 4Ka malaika so ŋun daa daŋ tooni na maa yɛli malaika so ŋun doli nyaaŋa na maa, “Guui chaŋ ti yɛli nachimbil’ so ŋun mali bimbuɣisirigu maa ni niriba pam mini niɣi pam n-yɛn be Jɛrusalɛm; ka di be kaman tiŋkpansi din ka goma la. 5Yawɛ yɛliya ni omaŋmaŋ’ n-yɛn nyɛ buɣim gooni gili Jɛrusalɛm n-gul’ li, ka be di ni ni o jilima zaa.”
Naawuni yɛli Izraɛlnim’ ni bɛ labimi yiŋa
6-7Yawɛ ŋun nyɛ Naawuni ŋɔ daa yɛl’ o niriba maa, “Mani n-daa wurim ya bahi ka yi chaŋ ti be luɣ’ shɛlikam, dinzuɣu yinim’ bɛn be tinzun tiŋgbɔŋ ni maa, Zomiya yi Babilɔn n-lab’ Jɛrusalɛm na. 8Ŋunkam shihi ya, n nimbiɛlim ka o shihi maa.”
Dinzuɣu ka Yawɛ ŋun nyɛ Tɔbbihi Naa ŋɔ zaŋ o yɛligu tim ma ni n yɛli zuliya shɛb’ bɛn nahind’ o niriba la: 9“Yawɛ maŋmaŋ’ ni lu yi zuɣu, ka chɛ ka ninvuɣ’ shɛb’ bɛn daa yi nyɛ yi daba la ŋmaligi nyaŋ ya.”
Ka lala yi niŋ, dina n-ni chɛ ka sokam baŋ ni Yawɛ ŋun nyɛ Tɔbbihi Naa ŋɔ n-shiri tim ma na.
10Yawɛ yɛliya, “Yinim’ Jɛrusalɛmnima, yilimiya suhupiɛlli yila, dama n kanimina ni n ti be yi sani!”
11Di saha maa zuliya pam ni ti zo n-ka Yawɛ sanna nti leeg’ o niriba. Ka ŋun’ Yawɛ ni be yi sani, ka yi baŋ ni ŋun’ Yawɛ ŋun nyɛ Tɔbbihi Naa ŋɔ n-shiri tim ma yi sanna maa. 12Ka Yawɛ ni lan deei Juda n-su tiŋgbɔŋ kasi maa, ka lan pii Jɛrusalɛm yaha.
13Sokam fom’ baalim Yawɛ tooni, dama o yiɣisi zani luɣ’ kasi biɛhigu shee la.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Red Letter Dagbani Bible © Bible Society of Ghana, 2011