Matiu 7
7
Tab’ saria karibu
(Luk 6.37-38, 41-42)
1Yisa daa lan yɛli ba, “Di karitiya tab’ saria ka Naawuni ti ku kari yi gba saria; 2#Maak 4.24 dama yi ni kariti tab’ saria shɛm, lala ka Naawuni ni ti kari yi gba saria, ka yi ni buɣisiri tiri yi tab’ shɛm, lala ka Naawuni ni ti buɣisi ti yi gba.” 3Ka o daa bɔhi ba, “Bɔ n-niŋ ka a nya bimburiginli a mabia ninni, ka daantaliga lee sa amaŋmaŋ’ ninni ka a bi nya li? 4Bee wula ka a ni tooi yɛl’ a mabia ni o chɛ ka a yihi bimburigin’ shɛli din be o ninni ka daantaliga lee sa amaŋmaŋ’ ninni? 5Nyin’ bilikɔɣindan’ ŋɔ! Vuɣim’ daantal’ shɛli din sa a ninni maa ka nyari viɛnyɛliŋga pɔi, ka naanyi yihi bimburigin’ shɛli din be a mabia ninni.
6 “Miriya ka yi zaŋdi binshɛŋa din be kasi bahiri bahi bee n-zaŋdi binshɛŋa din mali buchi pam bahiri kuruchunima, dama di pa shɛli ka bɛ no li fi taŋkpaɣu ni, ka ŋmaligina tin ya daŋa.”
Bɔbu mini suhibu
(Luk 11.9-13)
7Yisa daa lan yɛli ba yaha, “Suhimiya! Naawuni ni tin ya. Bomiya! Yi ni nya. Niŋmiya gaafara! Yi ni nya soli kpe. 8Dama ŋunkam suhira, o deerimi; ka ŋunkam bɔra, o nyarimi; ka ŋunkam mi niŋdi gaafara, o nyarila soli kpɛra. 9Ka o bɔhi ba, Yi ni ŋun’ bia n-lee ni suh’ o bindirigu ka o zaŋ kuɣili ti o 10bee n-ni suh’ o zahim ka o gbaai wahu ti o? 11Ka yinim’ bɛn nyɛ tuumbiɛrinim’ ŋɔ yi mi ni yi zaŋ bin’ suma ti yi bihi, bɔ n-ni chɛ ka yi Ba Naawuni ŋun be alizanda ni ŋɔ ŋun’ ku zaŋ bin’ suma ti bɛn suhir’ o li?
12 #
Luk 6.31
“Dinzuɣu yi ni bɔri ni niriba niŋdi ya shɛm, yi gba niŋmiya ba lala, dama Naawuni fukumsi zaligunim’ min’ anabinim’ yɛligu ni wuhiri shɛm m-bala.”
Duno’ muɣiliŋga doli kpe
(Luk 13.24)
13 “Doliya duno’ muɣiliŋga kpe, dama so’ shɛli din kuni bahi yoli shee dolibu be asama ka di dunoli yɛlima, ka niriba pam dol’ li. 14Ka so’ shɛli din kuni nyɛvili shee dolibu mi to, ka di dunoli nyɛ duno’ muɣiliŋga, ka niriba bɛn mi dol’ li bi yaɣ’ lala.”
Tia mini di wala
(Luk 6.43-44)
15 “Miriya anab’ ʒirinim’ bɛn kani yi sanna m-be kaman piɛri n-nyɛ ba, amaa ka lee nyɛ kunduna bɛ suhuri ni la. 16Bɛ wala ni ka yi ni baŋ ba. Yi na mi n-nya ka goo wali gaya bee ka pirinkpaŋ wali fiig tia wala? 17Lala mi n-nyɛ li, ti’ suŋ kam wandila wal’ suma, ka ti’ biɛɣukam mi wandi wal’ biɛri. 18Ti’ suŋ ku wali wal’ biɛri, ka ti’ biɛɣu mi ku wali wal’ suma. 19#Mat 3.10; Luk 3.9 Tia kam din bi wandi wal’ suma, bɛ ŋmari li mi luhi n-zaŋ nyo buɣim. 20#Mat 12.33 Dinzuɣu bɛ wala ni ka yi ni baŋ ba.”
Naawuni yubu tumbu
(Luk 13.25-27)
21Yisa daa lan yɛli yaha, “Pa ŋunkam dii booni ma, ‘N Duuma, n Duuma,’ n-ni ti kpe alizanda nam ni, naɣila ŋun tumdi m Ba Naawuni ŋun be alizanda ni ŋɔ yubu. 22Niriba pam ni ti bɔhi ma zaadali, ‘Ti Duuma, ti Duuma, ti daa bi malila a yuli yihiri waazu, ka mal’ a yuli kariti alizin’ biɛri, ka mal’ a yuli tumd’ alahiziba tuma?’ 23#Yila 6.8 Di saha maa n ni ti yɛli ba, ‘Yinim’ tuumbiɛrinim’ ŋɔ, m bi min ya. Wariya!’ ”
Tammɛriba ayi
(Luk 6.47-49)
24 “Dinzuɣu ŋunkam wumdi n yɛligu ka dol’ li, n ni zaŋ o ŋ-ŋmahindila yɛndaan’ so ŋun daa me o yili tam tampiŋ zuɣu. 25Ka saa daa ti mi ka kom kpe, ka sanʒiɛɣu ʒɛna nti ʒe yili maa, ka di bi lu la, dama o daa me li tamla tampiŋ zuɣu.
26 “Ka ŋunkam mi wumdi n yɛligu ka bi dol’ li, n ni zaŋ o ŋ-ŋmahindila jɛr’ so ŋun daa me o yili zali bihigu ni. 27Ka saa daa ti mi ka kom kpe, ka sanʒiɛɣu ʒɛna nti ʒe yili maa luhi, ka di lubu maa bie pam la.”
Yisa fukumsi subu ni nyɛ shɛm
28Yisa ni daa tɔɣisi yɛtɔɣa ŋɔ naai ka o wuhibu maa daa gari salo maa; 29#Maak 1.22; Luk 4.32 dama o daa wuhiri ba mi kaman ninvuɣ’ so ŋun su fukumsi, ka pa ni Naawuni zaligubaŋdiba ni daa wuhiri ba shɛm la.
Currently Selected:
Matiu 7: RLDB
Highlight
Copy
Compare
Share
Want to have your highlights saved across all your devices? Sign up or sign in
Red Letter Dagbani Bible © Bible Society of Ghana, 2011
Matiu 7
7
Tab’ saria karibu
(Luk 6.37-38, 41-42)
1Yisa daa lan yɛli ba, “Di karitiya tab’ saria ka Naawuni ti ku kari yi gba saria; 2#Maak 4.24 dama yi ni kariti tab’ saria shɛm, lala ka Naawuni ni ti kari yi gba saria, ka yi ni buɣisiri tiri yi tab’ shɛm, lala ka Naawuni ni ti buɣisi ti yi gba.” 3Ka o daa bɔhi ba, “Bɔ n-niŋ ka a nya bimburiginli a mabia ninni, ka daantaliga lee sa amaŋmaŋ’ ninni ka a bi nya li? 4Bee wula ka a ni tooi yɛl’ a mabia ni o chɛ ka a yihi bimburigin’ shɛli din be o ninni ka daantaliga lee sa amaŋmaŋ’ ninni? 5Nyin’ bilikɔɣindan’ ŋɔ! Vuɣim’ daantal’ shɛli din sa a ninni maa ka nyari viɛnyɛliŋga pɔi, ka naanyi yihi bimburigin’ shɛli din be a mabia ninni.
6 “Miriya ka yi zaŋdi binshɛŋa din be kasi bahiri bahi bee n-zaŋdi binshɛŋa din mali buchi pam bahiri kuruchunima, dama di pa shɛli ka bɛ no li fi taŋkpaɣu ni, ka ŋmaligina tin ya daŋa.”
Bɔbu mini suhibu
(Luk 11.9-13)
7Yisa daa lan yɛli ba yaha, “Suhimiya! Naawuni ni tin ya. Bomiya! Yi ni nya. Niŋmiya gaafara! Yi ni nya soli kpe. 8Dama ŋunkam suhira, o deerimi; ka ŋunkam bɔra, o nyarimi; ka ŋunkam mi niŋdi gaafara, o nyarila soli kpɛra. 9Ka o bɔhi ba, Yi ni ŋun’ bia n-lee ni suh’ o bindirigu ka o zaŋ kuɣili ti o 10bee n-ni suh’ o zahim ka o gbaai wahu ti o? 11Ka yinim’ bɛn nyɛ tuumbiɛrinim’ ŋɔ yi mi ni yi zaŋ bin’ suma ti yi bihi, bɔ n-ni chɛ ka yi Ba Naawuni ŋun be alizanda ni ŋɔ ŋun’ ku zaŋ bin’ suma ti bɛn suhir’ o li?
12 #
Luk 6.31
“Dinzuɣu yi ni bɔri ni niriba niŋdi ya shɛm, yi gba niŋmiya ba lala, dama Naawuni fukumsi zaligunim’ min’ anabinim’ yɛligu ni wuhiri shɛm m-bala.”
Duno’ muɣiliŋga doli kpe
(Luk 13.24)
13 “Doliya duno’ muɣiliŋga kpe, dama so’ shɛli din kuni bahi yoli shee dolibu be asama ka di dunoli yɛlima, ka niriba pam dol’ li. 14Ka so’ shɛli din kuni nyɛvili shee dolibu mi to, ka di dunoli nyɛ duno’ muɣiliŋga, ka niriba bɛn mi dol’ li bi yaɣ’ lala.”
Tia mini di wala
(Luk 6.43-44)
15 “Miriya anab’ ʒirinim’ bɛn kani yi sanna m-be kaman piɛri n-nyɛ ba, amaa ka lee nyɛ kunduna bɛ suhuri ni la. 16Bɛ wala ni ka yi ni baŋ ba. Yi na mi n-nya ka goo wali gaya bee ka pirinkpaŋ wali fiig tia wala? 17Lala mi n-nyɛ li, ti’ suŋ kam wandila wal’ suma, ka ti’ biɛɣukam mi wandi wal’ biɛri. 18Ti’ suŋ ku wali wal’ biɛri, ka ti’ biɛɣu mi ku wali wal’ suma. 19#Mat 3.10; Luk 3.9 Tia kam din bi wandi wal’ suma, bɛ ŋmari li mi luhi n-zaŋ nyo buɣim. 20#Mat 12.33 Dinzuɣu bɛ wala ni ka yi ni baŋ ba.”
Naawuni yubu tumbu
(Luk 13.25-27)
21Yisa daa lan yɛli yaha, “Pa ŋunkam dii booni ma, ‘N Duuma, n Duuma,’ n-ni ti kpe alizanda nam ni, naɣila ŋun tumdi m Ba Naawuni ŋun be alizanda ni ŋɔ yubu. 22Niriba pam ni ti bɔhi ma zaadali, ‘Ti Duuma, ti Duuma, ti daa bi malila a yuli yihiri waazu, ka mal’ a yuli kariti alizin’ biɛri, ka mal’ a yuli tumd’ alahiziba tuma?’ 23#Yila 6.8 Di saha maa n ni ti yɛli ba, ‘Yinim’ tuumbiɛrinim’ ŋɔ, m bi min ya. Wariya!’ ”
Tammɛriba ayi
(Luk 6.47-49)
24 “Dinzuɣu ŋunkam wumdi n yɛligu ka dol’ li, n ni zaŋ o ŋ-ŋmahindila yɛndaan’ so ŋun daa me o yili tam tampiŋ zuɣu. 25Ka saa daa ti mi ka kom kpe, ka sanʒiɛɣu ʒɛna nti ʒe yili maa, ka di bi lu la, dama o daa me li tamla tampiŋ zuɣu.
26 “Ka ŋunkam mi wumdi n yɛligu ka bi dol’ li, n ni zaŋ o ŋ-ŋmahindila jɛr’ so ŋun daa me o yili zali bihigu ni. 27Ka saa daa ti mi ka kom kpe, ka sanʒiɛɣu ʒɛna nti ʒe yili maa luhi, ka di lubu maa bie pam la.”
Yisa fukumsi subu ni nyɛ shɛm
28Yisa ni daa tɔɣisi yɛtɔɣa ŋɔ naai ka o wuhibu maa daa gari salo maa; 29#Maak 1.22; Luk 4.32 dama o daa wuhiri ba mi kaman ninvuɣ’ so ŋun su fukumsi, ka pa ni Naawuni zaligubaŋdiba ni daa wuhiri ba shɛm la.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Red Letter Dagbani Bible © Bible Society of Ghana, 2011