Yibu 34
34
Kuɣ’ parilana ayi din pahiri buyi
(Zaligu 10.1-5)
1Yawɛ daa yɛli Musa, “Kpɛm’ kuɣ’ parilana ayi kaman tuuli dina la, ka n sabi yɛtɔɣ’ shɛŋa din daa be tuuli kuɣ’ parilan’ shɛŋa a ni daa ŋma la ni m-pa di zuɣu. 2Sa malimi shili biɛɣuni asiba n-du Sinai Zoli zuɣu na nti zaŋ amaŋ’ ti ma zoli maa zuɣu. 3Ninvuɣ’ so sa di dol’ a duna, miri ka a chɛ ka ninvuɣ’ so sa be zoli maa zuɣu luɣ’ shɛlikam zaa. Miri ka a sa chɛ ka biŋkɔbbaligu bee niɣi ŋub’ mɔri zoli maa gbini.” 4Ka Musa daa kpe kuɣ’ parilana ayi kaman tuuli dina la n-daŋ yiɣisibu asibaasi n-zaŋ kuɣ’ parilana ayi maa gbib’ o nuu ni n-du Sinai Zoli maa zuɣu kaman Yawɛ ni daa yɛl’ o shɛm maa.
5Ka Yawɛ daa be sagban’ ni n-siɣina ti zan’ o sani nimaani ka yɛli, “N yuli m-booni Yawɛ.” 6Ka Yawɛ daa kana ti gari ka bol’ omaŋmaŋ’ yuli, “Yawɛ, Yawɛ. N nyɛla Naawuni ŋun’ zɔri nambɔɣu ka niŋdi nirilim. N suhu bi yiɣisiri yomyom, ka yurilim din bi naara mini ʒiɛyimtali galisi n sani. 7#Yibu 20.5-6; Kal 14.18; Zal 5.9-10; 7.9-10 N zaŋla yurilim din bi naari gbibi niriba tuhilituhili ka chɛri bɛ tuumbiɛri mini bɛ biriginsim ni bɛ daalahichi taali, amaa ka darigiri ninvuɣ’ biɛri bihi tibili mini bɛ yaansi tibili zaŋ hal ti paai ʒiɛmana din pahir’ ata mini anahi ni.” 8Ka Musa daa silim o zuɣu tiŋ’ yomyom n-jɛm Naawuni 9ka yɛli, “Yaa n Duuma, n suhir’ a, a nini yi tiɣi ma, nyin’ be ti sani ti chandi maa ni, hal ti ni kul nyɛ tipawumlinim’ maa zaa yoli, chɛl’ ti tuumbiɛri mini ti daalahichi maa taali, ka zaŋ ti leeg’ a niriba.”
Bɛ lan neei bɛ daalikauli
(Yibu 23.14-19; Zaligu 7.1-5; 16.1-17)
10Ka Yawɛ daa yɛli, “N lɔri ya la alikauli. N ni tum alahiziba tuun’ kara a niriba ŋɔ zaa ninni, ka di tatabo na ʒi n-tum dunia ŋɔ ni luɣ’ shɛli bee zuliya shɛb’ sani. Ka yi ni ti yɛn be ninvuɣ’ shɛb’ sani zaa ni ti nya man’ Yawɛ tuma. Dama n yɛn tumla tuun’ shɛŋa din mali dabiɛm yi sani. 11Doliya n ni zaŋ zaligu shɛŋa tiri ya zuŋɔ dabisili ŋɔ. Nyama, n ni kari Amɔrinim’ mini Keenannim’ ni Hitinim’ ni Pɛrizinim’ ni Hivinim’ ni Jɛbusinima, ka chɛ palo tin ya. 12Miriya ka yi ti chɛ ka yi mini yi ni chani ninvuɣ’ shɛb’ tiŋgbɔŋ ni maa lo tab’ alikauli. Yi yi niŋ lala, di ni leei tɔŋ yi sani. 13#Zal 16.21 Amaa lee ti wurimmiya bɛ maligu bimbina, ka kabisi bɛ binwɔɣila, ka wurim bɛ buɣili Ashɛra la.
14“Di bi simdi ka yi jɛm wuna, dama man’ Yawɛ ŋun yuli booni Nyuli ŋɔ nyɛla Naawuni ŋun zabiri nyuli. 15Dama yi mini tiŋgbɔŋ maa ni niriba yi lo tab’ alikauli, ka bɛ ti jɛm bɛ buɣa maa, ka mal’ li, bɛ ni boli ya ka yi ti di di maligu bindira, 16ka yi ti bo bɛ bipuɣinsi ti yi bidibisi, ka bɛ bipuɣinsi maa ni ti jɛmdi bɛ buɣa maa, ka yi bidibisi maa gba ti jɛm bɛ buɣa maa.
17 #
Yibu 20.4; Lɛv 19.4; Zal 5.8; 27.15 “Miriya ka yi ti me buɣili zali yimaŋa.
18 #
Yibu 12.14-20; Lɛv 23.6-8; Kal 28.16-25 “Gbibiya Bɔrɔbɔro Din ka Dabindi Chuɣu la. Yi ni ti ŋubi bɔrɔbɔro din ka dabindi daba ayopɔin kaman n ni daa zali ya shɛm ka di doli bɛ ni zal’ li saha shɛli Abib gol’ ni, dama Abib goli maa ni ka yi daa yi Ijipti na.
19 #
Yibu 13.2
“Binshɛɣukam ni tuui dɔɣi bi’ so nyɛla n dini, bɛ ni tuui dɔɣi yi bidib’ shɛb’ zaa mini yi niɣi ni yi piɛri ni tuui dɔɣi naɣila’ shɛb’ ni piɛla’ shɛb’ zaa nyɛla n dini. 20#Yibu 13.13 Amaa bumbil’ tuuli kam, yin’ zaŋmiya piɛɣu zal’ o zaani, ka yi yi bi niŋ lala, dindina yin’ ŋmɛlimiya kab’ o nyiŋgoli. Di simdi ka yi ti zaŋ binshɛli taɣi yi bidib’ tuuli kam, ka so miri ka o ti ka n sanna ni nu’ zaŋa.
21 #
Yibu 20.9-10; 23.12; 31.15; 35.2; Lɛv 23.3; Zal 5.13-14 “Zaŋmiya daba ayɔbu tum tuma, amaa dabisi’ shɛli din pahir’ ayopɔin dali, yin’ vuhimiya. Hal di yi nyɛla kɔbu saha mini puri atam kpuɣibu saha, yin’ vuhimiya.
22 #
Lɛv 23.15-21, 39-43; Kal 28.26-31 “Puhimiya dakulɔdakulo churi mini ka’ daŋda chɛbu chuɣu ni wuuni atam kpuɣibu chuɣu.
23“Di simdi ni yi dɔbba zaa kani Yawɛ ŋun nyɛ Naawuni ka nyɛ Izraɛl Naawuni ŋɔ sanna buta yuuni puuni. 24Dama n ni kari zuliya shɛb’ bɛn be yi tooni, ka yɛligi yi tiŋgbani, ka chɛ ka so ti ku niŋ yi tiŋgbani maa kɔre.
25 #
Yibu 12.10
“Miriya ka yi ti zaŋ dabindi niŋ n sara maligu ʒim ni, yi mi di chɛ ka Yaɣigari chuɣu sara nimdi zani kaai biɛɣu.
26 #
Zal 14.21; 26.2 “Zaŋmiya yi puri ni bindir’ daŋda din viɛla n-tahi Yawɛ ŋun nyɛ yi Naawuni ŋɔ duu na. Miriya ka yi ti zaŋ biŋkɔbbaligu bihim duɣi bɛ bihi.
27“Ka Yawɛ daa yɛli Musa “Sabimi yɛtɔɣa ŋɔ sɔŋ, dama yɛtɔɣa maa ka n zaŋ lo a mini Izraɛlnim’ alikauli.” 28Ka Musa daa kpalim be Yawɛ sani wuntaŋ’ ni mini yuŋ biɛɣu pihinahi, o daa bi di bindirigu bee n-nyu kom. Ka o daa sabi alikauli maa yɛtɔɣa din nyɛ fukumsi zaligunim’ pia la pa bimparilana ayi maa zuɣu.
Musa yi Sinai Zoli zuɣu siɣina
29Ka Musa daa yi Sinai Zoli maa zuɣu n-gbibi alikauli bimparilana ayi la o nuu ni siɣina. Musa daa bi mi ni o ninni nyaɣisira, o mini Naawuni ni daa tɔɣisi yɛtɔɣa maa zuɣu. 30Aduna mini Izraɛlnim’ zaa ni daa nya Musa ka o ninni nyaɣisira maa ka bɛ zɔri ni bɛ mir’ o. 31Amaa ka Musa daa boli ba, ka Aduna mini bɛ laɣiŋgu zuɣulaannim’ zaa daa ka o sanna, ka o ti tɔɣisi ba yɛtɔɣa. 32Di nyaaŋa ka Izraɛlnim’ maa zaa daa laɣim Musa sanna ka o ti zaŋ Yawɛ ni daa yɛl’ o zaligu shɛŋa yɛla Sinai Zoli zuɣu maa ti ba. 33Musa ni daa tɔɣisi ba yɛtɔɣa naai, o daa zaŋla sariga pili lir’ o ninni. 34Amaa Musa daa yi chaŋ Yawɛ sani ni o min’ o ti tɔɣisi yɛtɔɣa, o piligirila sariga maa o ninni, naɣila o ti yina. Ka o daa yi yina ti yɛli Izraɛlnim’ Naawuni ni yɛl’ o shɛm, 35#2 Kɔr 3.7-16 Izraɛlnim’ maa nyarila o ninni ni nyaɣisira, ka o zaŋ sariga pili lir’ li, naɣila o ti lan chaŋ ni o mini Yawɛ ti tɔɣisi yɛtɔɣa yaha.
Currently Selected:
Yibu 34: RLDB
Highlight
Copy
Compare
Share
Want to have your highlights saved across all your devices? Sign up or sign in
Red Letter Dagbani Bible © Bible Society of Ghana, 2011
Yibu 34
34
Kuɣ’ parilana ayi din pahiri buyi
(Zaligu 10.1-5)
1Yawɛ daa yɛli Musa, “Kpɛm’ kuɣ’ parilana ayi kaman tuuli dina la, ka n sabi yɛtɔɣ’ shɛŋa din daa be tuuli kuɣ’ parilan’ shɛŋa a ni daa ŋma la ni m-pa di zuɣu. 2Sa malimi shili biɛɣuni asiba n-du Sinai Zoli zuɣu na nti zaŋ amaŋ’ ti ma zoli maa zuɣu. 3Ninvuɣ’ so sa di dol’ a duna, miri ka a chɛ ka ninvuɣ’ so sa be zoli maa zuɣu luɣ’ shɛlikam zaa. Miri ka a sa chɛ ka biŋkɔbbaligu bee niɣi ŋub’ mɔri zoli maa gbini.” 4Ka Musa daa kpe kuɣ’ parilana ayi kaman tuuli dina la n-daŋ yiɣisibu asibaasi n-zaŋ kuɣ’ parilana ayi maa gbib’ o nuu ni n-du Sinai Zoli maa zuɣu kaman Yawɛ ni daa yɛl’ o shɛm maa.
5Ka Yawɛ daa be sagban’ ni n-siɣina ti zan’ o sani nimaani ka yɛli, “N yuli m-booni Yawɛ.” 6Ka Yawɛ daa kana ti gari ka bol’ omaŋmaŋ’ yuli, “Yawɛ, Yawɛ. N nyɛla Naawuni ŋun’ zɔri nambɔɣu ka niŋdi nirilim. N suhu bi yiɣisiri yomyom, ka yurilim din bi naara mini ʒiɛyimtali galisi n sani. 7#Yibu 20.5-6; Kal 14.18; Zal 5.9-10; 7.9-10 N zaŋla yurilim din bi naari gbibi niriba tuhilituhili ka chɛri bɛ tuumbiɛri mini bɛ biriginsim ni bɛ daalahichi taali, amaa ka darigiri ninvuɣ’ biɛri bihi tibili mini bɛ yaansi tibili zaŋ hal ti paai ʒiɛmana din pahir’ ata mini anahi ni.” 8Ka Musa daa silim o zuɣu tiŋ’ yomyom n-jɛm Naawuni 9ka yɛli, “Yaa n Duuma, n suhir’ a, a nini yi tiɣi ma, nyin’ be ti sani ti chandi maa ni, hal ti ni kul nyɛ tipawumlinim’ maa zaa yoli, chɛl’ ti tuumbiɛri mini ti daalahichi maa taali, ka zaŋ ti leeg’ a niriba.”
Bɛ lan neei bɛ daalikauli
(Yibu 23.14-19; Zaligu 7.1-5; 16.1-17)
10Ka Yawɛ daa yɛli, “N lɔri ya la alikauli. N ni tum alahiziba tuun’ kara a niriba ŋɔ zaa ninni, ka di tatabo na ʒi n-tum dunia ŋɔ ni luɣ’ shɛli bee zuliya shɛb’ sani. Ka yi ni ti yɛn be ninvuɣ’ shɛb’ sani zaa ni ti nya man’ Yawɛ tuma. Dama n yɛn tumla tuun’ shɛŋa din mali dabiɛm yi sani. 11Doliya n ni zaŋ zaligu shɛŋa tiri ya zuŋɔ dabisili ŋɔ. Nyama, n ni kari Amɔrinim’ mini Keenannim’ ni Hitinim’ ni Pɛrizinim’ ni Hivinim’ ni Jɛbusinima, ka chɛ palo tin ya. 12Miriya ka yi ti chɛ ka yi mini yi ni chani ninvuɣ’ shɛb’ tiŋgbɔŋ ni maa lo tab’ alikauli. Yi yi niŋ lala, di ni leei tɔŋ yi sani. 13#Zal 16.21 Amaa lee ti wurimmiya bɛ maligu bimbina, ka kabisi bɛ binwɔɣila, ka wurim bɛ buɣili Ashɛra la.
14“Di bi simdi ka yi jɛm wuna, dama man’ Yawɛ ŋun yuli booni Nyuli ŋɔ nyɛla Naawuni ŋun zabiri nyuli. 15Dama yi mini tiŋgbɔŋ maa ni niriba yi lo tab’ alikauli, ka bɛ ti jɛm bɛ buɣa maa, ka mal’ li, bɛ ni boli ya ka yi ti di di maligu bindira, 16ka yi ti bo bɛ bipuɣinsi ti yi bidibisi, ka bɛ bipuɣinsi maa ni ti jɛmdi bɛ buɣa maa, ka yi bidibisi maa gba ti jɛm bɛ buɣa maa.
17 #
Yibu 20.4; Lɛv 19.4; Zal 5.8; 27.15 “Miriya ka yi ti me buɣili zali yimaŋa.
18 #
Yibu 12.14-20; Lɛv 23.6-8; Kal 28.16-25 “Gbibiya Bɔrɔbɔro Din ka Dabindi Chuɣu la. Yi ni ti ŋubi bɔrɔbɔro din ka dabindi daba ayopɔin kaman n ni daa zali ya shɛm ka di doli bɛ ni zal’ li saha shɛli Abib gol’ ni, dama Abib goli maa ni ka yi daa yi Ijipti na.
19 #
Yibu 13.2
“Binshɛɣukam ni tuui dɔɣi bi’ so nyɛla n dini, bɛ ni tuui dɔɣi yi bidib’ shɛb’ zaa mini yi niɣi ni yi piɛri ni tuui dɔɣi naɣila’ shɛb’ ni piɛla’ shɛb’ zaa nyɛla n dini. 20#Yibu 13.13 Amaa bumbil’ tuuli kam, yin’ zaŋmiya piɛɣu zal’ o zaani, ka yi yi bi niŋ lala, dindina yin’ ŋmɛlimiya kab’ o nyiŋgoli. Di simdi ka yi ti zaŋ binshɛli taɣi yi bidib’ tuuli kam, ka so miri ka o ti ka n sanna ni nu’ zaŋa.
21 #
Yibu 20.9-10; 23.12; 31.15; 35.2; Lɛv 23.3; Zal 5.13-14 “Zaŋmiya daba ayɔbu tum tuma, amaa dabisi’ shɛli din pahir’ ayopɔin dali, yin’ vuhimiya. Hal di yi nyɛla kɔbu saha mini puri atam kpuɣibu saha, yin’ vuhimiya.
22 #
Lɛv 23.15-21, 39-43; Kal 28.26-31 “Puhimiya dakulɔdakulo churi mini ka’ daŋda chɛbu chuɣu ni wuuni atam kpuɣibu chuɣu.
23“Di simdi ni yi dɔbba zaa kani Yawɛ ŋun nyɛ Naawuni ka nyɛ Izraɛl Naawuni ŋɔ sanna buta yuuni puuni. 24Dama n ni kari zuliya shɛb’ bɛn be yi tooni, ka yɛligi yi tiŋgbani, ka chɛ ka so ti ku niŋ yi tiŋgbani maa kɔre.
25 #
Yibu 12.10
“Miriya ka yi ti zaŋ dabindi niŋ n sara maligu ʒim ni, yi mi di chɛ ka Yaɣigari chuɣu sara nimdi zani kaai biɛɣu.
26 #
Zal 14.21; 26.2 “Zaŋmiya yi puri ni bindir’ daŋda din viɛla n-tahi Yawɛ ŋun nyɛ yi Naawuni ŋɔ duu na. Miriya ka yi ti zaŋ biŋkɔbbaligu bihim duɣi bɛ bihi.
27“Ka Yawɛ daa yɛli Musa “Sabimi yɛtɔɣa ŋɔ sɔŋ, dama yɛtɔɣa maa ka n zaŋ lo a mini Izraɛlnim’ alikauli.” 28Ka Musa daa kpalim be Yawɛ sani wuntaŋ’ ni mini yuŋ biɛɣu pihinahi, o daa bi di bindirigu bee n-nyu kom. Ka o daa sabi alikauli maa yɛtɔɣa din nyɛ fukumsi zaligunim’ pia la pa bimparilana ayi maa zuɣu.
Musa yi Sinai Zoli zuɣu siɣina
29Ka Musa daa yi Sinai Zoli maa zuɣu n-gbibi alikauli bimparilana ayi la o nuu ni siɣina. Musa daa bi mi ni o ninni nyaɣisira, o mini Naawuni ni daa tɔɣisi yɛtɔɣa maa zuɣu. 30Aduna mini Izraɛlnim’ zaa ni daa nya Musa ka o ninni nyaɣisira maa ka bɛ zɔri ni bɛ mir’ o. 31Amaa ka Musa daa boli ba, ka Aduna mini bɛ laɣiŋgu zuɣulaannim’ zaa daa ka o sanna, ka o ti tɔɣisi ba yɛtɔɣa. 32Di nyaaŋa ka Izraɛlnim’ maa zaa daa laɣim Musa sanna ka o ti zaŋ Yawɛ ni daa yɛl’ o zaligu shɛŋa yɛla Sinai Zoli zuɣu maa ti ba. 33Musa ni daa tɔɣisi ba yɛtɔɣa naai, o daa zaŋla sariga pili lir’ o ninni. 34Amaa Musa daa yi chaŋ Yawɛ sani ni o min’ o ti tɔɣisi yɛtɔɣa, o piligirila sariga maa o ninni, naɣila o ti yina. Ka o daa yi yina ti yɛli Izraɛlnim’ Naawuni ni yɛl’ o shɛm, 35#2 Kɔr 3.7-16 Izraɛlnim’ maa nyarila o ninni ni nyaɣisira, ka o zaŋ sariga pili lir’ li, naɣila o ti lan chaŋ ni o mini Yawɛ ti tɔɣisi yɛtɔɣa yaha.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Red Letter Dagbani Bible © Bible Society of Ghana, 2011