Mə́líʼkus 14
14
Puʼkúm póyɛ́ɛ agɛɛlɛ modɔɔgɛʼ a nkó ɛ Yə́sus
(Maʼt 26.1-5; Lóʼk 22.1-2; Sɛ́a 11.45-53)
1Wɔɔ́n ó Páska, wɔɔ́n tɛn wó Yúdɛn ɛyɛ́ɛ ɛnɛ́alɛla pɛlɛ́ɛd pɛ́ páánám pádɛág toan tó kunudi umbúb óyɛ́ɛ wáʼkolɔb mədúg mábaan#14.1 Kɛ́lɛ náan a kálaʼtaʼ yɛ Ɔsa 12.1-27 Puʼkúm pó payaaganɛʼ pɛfɔny na palɛŋ pɛcɛm páyɛ́ɛ əguunə tuə́ áa páagɛɛlɛ əgugumin Yə́sus pɔɔd pándɛŋ ná pámoyóon. 2Páyɛ́ɛ ɔgɔɔ́cɔcɔb kɔ pɔ́lɛ́ na pɔ́lɛ́ pɔ́nɔ́: «Tɛdɛɔ́gɔ pə́gumuúgumin wɔɔ́s ó wɔɔ́n, inyuunyugiʼ yə́ədə́əŋ.»
Ɔʼkɛ́ɛd nyummú nyɔ́ yiísúmə́nən Yə́sus lamɛ́ndaʼ
(Maʼt 26.6-13; Sɛ́a 12.1-8)
3Yə́sus ayɛ́ɛ a Pɛʼtaníi, a nó Simɔ́ɔŋ, mɔɔd nyummú nyɔ́ ayɛ́ɛ abany nkún. Náa ɔʼkɛ́ɛd nyummú əə́giim. Yɛɛ́bóan Yə́sus alɛ agonɛ́ɛnɛ. Yiígóodi igəd ɛ́ lamɛ́ndaʼ a ombɔg. Páyɛ́ɛ́lɛ igəd ɛgo yɛ́ɛy na nɛdáán nɛ́ pɔ́ɔdɔ́ŋɔn lɛ́ alɛbáaʼtɛlɛ. Lamɛ́ndaʼ tɛn ɛgo ɛyɛ́ɛ lamɛ́ndaʼ ɛ mɔɔnɛ́. Páyɛ́ɛ́lɛ yɛ́lɛ́ na kisənduŋ kímmú pɔ́ɔdɔ́ŋɔn lɛ́ náal. Ná yɛɛ́sɔ́d kɛnɔ kɛ́ Yə́sus ayɛ́ɛ, yiíbúən igəd, əə́bə́ə́ kusumənən Yə́sus lamɛ́ndaʼ yɛ́ɛy a oʼto. 4Ná pɔɔd pá páyɛ́ɛ kɔ pɛ́ɛ́dála nkə kɛ́ɛg kɛ́ ayɛ́ɛ́lɛ, pɔsɔ́g pə́mmú pə́ə́bə́ə́ komoyɔ́gɔ́dɔ, pə́əgəə́lúluu pɔ́nɔ́: «A igə aa nyóon aáyósag lamɛ́ndaʼ yɛ́ɛy náan əə́? 5Pádɛʼkɛ́ɛ págolɛg yɛ́lɛ́ agaáyɛn ɔmbɔ́ əʼtin á pisúg pɛ́ mɔɔnɛ́ puuniʼ#14.5 Əʼtin á pisúg pɛ́ mɔɔnɛ́ puuniʼ álɛ pɛsáábɔ́n pɛ́ uʼkudin úmmuʼ a waag kilúd. ə́!» Páyɛ́ɛ ɔgɔɔ́nyɔmɔnɔn ɔʼkɛ́ɛd nyóon kɛ́fɔlɛ́. 6Náa, Yə́sus yiísə́ə́ ɔnɔ́: «Tíən ɔʼkɛ́ɛd nyóon yəə́b. A igə aa poámoyɛ́ɛlɛ lɛ́ yóób ɔʼtɛ́m kogany ə́? Nkə kɛ́ɛnɛ kɛ́ amɛ́ɛ́lɛ na mɛ kɛ́lɛ kisig kɛ́ yoom. 7Pugóódi pasɔ́gasɔ́gá pɛnɛŋ piim a kɛgaágadɛ kɛáŋan#14.7 Kɛ́lɛ náan a kálaʼtaʼ ɛ Tɛʼt 15.11 Kɛnɛŋ kiim kɛ́ poányɔ́ŋɛn koboyɛ́ɛlɛnɛ kɔŋɛʼ, polɛ págoboyɛ́ɛlɛnɛ. Náa, mɛ ntɛndɛ́ɛ́ kɛɛn na pəŋi pɛnɛŋ piim. 8Nkə kɛ́ kɛ́yɛ́ɛ əguunə lɛ́ nyɔ́lɛ́ yɛ́ɛlɛ, kɛ́lɛ́ kɛ́go aa kɛ́ɛnɛ amɛ́ɛ́lɛ. Aáyaŋ əgisumənən lamɛ́ndaʼ agoboŋɛn kɛlóŋ kɛ́am wɔnɔ́ ná pálɛ́ɛ́ kinnií#14.8 Náan aa kɛ́yɛ́ɛ a mandoŋá má Yúdɛn a noá na pɛbán pɛ́ kugu. Páyɛ́ɛ pəwúəlilə mɔɔd pugúd púmmú na palamɛ́ndaʼ agomoóboŋɛn ná alɛ́ɛ́ kugúú. 9Ndabodɛ́anɛ a fɔ́lɔ́b lɛ́ kɛnɔ kiim kɛ́ pálɛ́ɛ́ kɔlɔɛgɛɛ́ Tɔsɔm Tólaŋ a nsí yɛ́ɛnɛ ngim, pálɛ́ɛ́ kaáyɔ́ɔ́ŋɛ ɔʼkɛ́ɛd nyóonɛ, pɔ́ɔsɔyɔ nkə kɛ́ɛnɛ kɛ́ amɛ́ɛ́lɛ.»
Siudáa ayɛ́ɛ́n alɛg Yə́sus na puʼkúm pó payaaganɛʼ pɛfɔny
(Maʼt 26.14-16; Lóʼk 22.3-6)
10Ongaaʼkan nyummú niiŋ lɛ́ Siudáa Ɛsɛʼkalɛyóod ayɛ́ɛ́n aboan puʼkúm pó payaaganɛʼ pɛfɔny agobodɛ́anɛ lɛ́ nyɔ́lɛ́ alɛ ugubuyúunən ngə́ igugumin Yə́sus. 11Puʼkúm pó payaaganɛʼ pɛfɔny pɛ́ɛ́nyɔ́ga kɛ́fɔlɛ́ ná páyóób náan. Páyáyóóbánánɛ́ɛ́ na nyɔ́lɛ́ lɛ́ páamoyɛ́ʼkɛn mɔɔnɛ́. Siudáa əə́bə́ə́ kuunə tuə́ áa aágɛɛlɛ agoboólɛgɛn Yə́sus.
Yə́sus alɛ agonɛ moom mó konɛ mó Páska na paaʼkan pə́ə́ŋ
(Maʼt 26.17-19; Lóʼk 22.7-13)
12Wɔɔ́s ó na oʼto na oʼto ó wɔɔ́n wó Yúdɛn ɛyɛ́ɛ ɛnɛ́alɛla pɛlɛ́ɛd pɛ́ páánám pádɛág toan tó kunudi umbúb, wɔɔ́s tɛn ogo wóow aa páyɛ́ɛ pasɛga pɔɔ́n pá todóm nto a kɛfɔny kɛ́ páanɛ a wɔɔ́n ó Páska, paaʼkan pə́ə́ŋ pə́yímuŋíən pɔ́nɔ́ əə: «Sə́dúk, ə́lə́ə́ áa tíɛn agoonámɛnɛɛ́ wɔɔ́n ó Páska ə́?» 13Ná pə́yímuŋíən náan, aáság kudə́əmini paaʼkan pə́ə́ŋ pábaan, amáboodóm yuudi, ɔnɔ́ na pɔ́lɛ́: «Todáan áay a pálɛ́ɛg. Ná puə́giig kɔ, puəgəə́bun na mɔɔd onnyáŋɛ́náán ungwə́ŋ ó məní a oʼto, púmuyə́ən. 14Yoog yɛ́ ɔɔ́sɔd a yɛ́lɛ́, pəŋi tɛn pósɔd kɔ. Pódɛ́anɛ na mɔɔd o noádɛʼ poɔʼkɔ́ Sə́dúk ɔnɔ́ əə: Ə́lə́ə́ áa nɛsom nɛ́ yoog nɛ́ ayɛ́njɛɛ́ngɛ́gɛn kɛnɔ kɛ́ ndáanɛ wɔɔ́n ó Páska wóonɛ na paaʼkan páam nɛ́lɛɛ́ ə́?» 15Əguyibənən, Yə́sus yiísə́ə́ ɔnɔ́ na pɔ́lɛ́: «Mɔɔd ogo ogóódi noádɛʼ nó mɔɛn. Ná puə́muŋíən náan, əəbuúloodi kɛnɔ, kɛdám kɛ́ kɛsom kɛ́ yoog kɔ a noádɛʼ nuə́ŋ a mɔɛn. Kɛmɔɛ́d kɛándɛ kisóbíniə́n. Yiim yɛ́ yə́əgəə́yúunə yándɛ kɔ. Kɔ aa poábɛnámɛn wɔɔ́n.» 16Páyɛ́ɛ́n əgiig a pálɛ́ɛg, pááboan pɛbán piim əgín wɔnɔ́ ná ayɛ́bodɛánɛ, páánám wɔɔ́n ó Páska.
Ndom ɛyáʼkwágɛ́ɛ́ a kɛnɛŋ kɛ́ konɛ́ɛnɛ
(Maʼt 26.20-25; Lóʼk 22.14; Sɛ́a 13.21-30)
17Niób nɛáság kiim əgiig. Yə́sus əmíim alon na paaʼkan pə́ə́ŋ pá pówád na pábaan. 18Pálɛ anɛ́ɛ́n kɔ agonɛ́ɛnɛ a, Yə́sus aáság kusiəd tɔgɛ́ɛ́ ɔnɔ́: «A fɔ́lɔ́b ndabodɛ́anɛ lɛ́ úmmuʼ áanɛ a ondáŋ wááŋaŋ ó pəŋi póonɛ pá polɛɛ́ agonɛ́ɛnɛ na mɛ, aagɛndɛg#14.18 Kɛ́lɛ náan a kálaʼtaʼ ɛ Pɛʼk 41.10 » 19Ɔʼtɛ́m ó paaʼkan wɛ́ɛ́yɛ́b, pə́ə́bə́ə́ kumuŋíənə a pɛlɔ́g a pɛlɔ́g, na nyóon ɔnɔ́ əə: «Sə́dúk, adɛ́njaŋ mɛ áa ndáagoólɛg, ngɔ́ɔ́?» 20Yiísə́ə́ ɔnɔ́ na pɔ́lɛ́: «A pəŋi póonɛ pá pówád na pábaan, úmmuʼ a ondáŋ wááŋan aa aágɛndɛg. Sɔ́g nyɔ́ tiə́gəə́nə́əyəni kɔ áanɛ táasaʼ mmuʼ na nyɔ́lɛ́#14.20 Táasaʼ ɛ moom mó konɛ ɛyɛ́ɛlanɛ mmuʼ. Ungim ɔɔdɔ́ɔg ombɔg kɔ əgusiəd muə́ŋ. Pódála tɛn náan a kálaʼtaʼ ɛ Pɛʼk 41.10 21Kɛ́lɛ fɔ́lɔ́b lɛ́ mɛ Mɔɔ́n o mɔɔd ndəəgu əgín wɔnɔ́ ná kíyə́dílə́ə́ a Kálaʼtaʼ ɛ Táán lɛ́ ndəəgu#14.21 Kɛ́lɛ náan a kálaʼtaʼ ɛ Pɛʼk 22.2-19; Ɛsa 53 Náa, maan kɛ́fɔlɛ́ na nyɔ́ kugu kóam kóamoógom. Kɛ́mɛ́ɛ agɛɛn kɔŋɛʼ na nyɔ́lɛ́ lɛ́ ədiyə́biə́níí!»
Yə́sus əyíbidíín nkó yəəŋ na maŋɔ́ mə́ə́ŋ
(Maʼt 26.26-29; Lóʼk 22.15-20; 1Kɔ 11.23-25)
22Pálɛ kɔ agonɛ́ɛnɛ, Yə́sus aáság kudə́əmini pɛlɛ́ɛd, amɛ́ʼkɛn pisoyidiʼ na Táán, aábɛ́ŋa, amɛ́ʼkɛn na paaʼkan pə́ə́ŋ, ɔnɔ́ na pɔ́lɛ́: «Siə́dəən pɛlɛ́ɛd pɛ́ɛnɛ, nkó yaam aa yɛ́ɛy.» 23A ngim yɛ́ɛy, yiídə́ə́míni tɛn kilən kɛ́ maloʼ, əmíʼkíni kɛɛ́ʼkɛn pisoyidiʼ na Táán, amábonáámɛ́nɛ, pááŋó pɔ́lɛ́ piim. 24Yiísə́ə́ ɔnɔ́ na pɔ́lɛ́: «Móonɛ málɛ maŋɔ́ máam. Mɔ́lɛ́ aa málɛɛ́ kisuŋ kɛ́ kíoloodi nɛálad nɛ́ Táán amáládɛ́ɛ́ na pɔɔd#14.24 Pódála tɛn náan a kálaʼtaʼ yɛ Ɔsa 24.8; Siə 31.31-34 Ndɛ́ɛ́ kusub mɔ́lɛ́ a kidíídí kɛ́ ɛ́fɔlɛ́ ɛ́ pɔɔd. 25A fɔ́lɔ́b ndabodɛ́anɛ lɛ́ Əgəə́bə́ə nɛ́gɔŋ Ntiə́giiʼkini koŋo maloʼ kə́mmú agɛɛn əgiig a wɔɔ́s wó ndə́əgiiʼkini koŋo má mawa a Nɛlaamɛʼ nɛ́ Táán.»
Yə́sus ɔnɔ́ Píɛ alɛ́ɛ́ kumuúʼtəm
(Maʼt 26.30-35; Lóʼk 22.33-34; Sɛ́a 13.37-38)
26Ná pɛ́ɛ́mán konɛ́ɛnɛ, pááság kusisinin pɛʼkwáá pɛ́ wɔɔ́n kudúmə. Ná páyɛ́ɛ páʼkoman kudúmə, pááság kolon agɛɛn a oʼkon ó pa Olifiyə́ə. 27Náa Yə́sus ɔnɔ́ na paaʼkan pə́ə́ŋ: «Pəŋi piim poagɛʼtɛ́da lɛ́ náan aa kɛ́lɛɛ́ kidiídílə́ a Kálaʼtaʼ lɛ́ Táán ɔnɔ́: “Ná ndáagoon unnuŋ mudúg, mudúg muim moágólɛ́gɛd#14.27 Kɛ́lɛ náan a kálaʼtaʼ ɛ Saʼk 13.7 ” 28Náa, ná ndɛ́ɛ́ kiim ndónɛ́ɛ́ a kəəniʼ, ndɛ́ɛ́ koboóyaŋɛnɛ a Kalilə́ə.» 29Náa Píɛ ɔnɔ́ na nyɔ́lɛ́: «Ɔmbɔ́ ungim nyóonɛ agoodɛ́da, mɛ ntiə́guudi!» 30Yə́sus əyímuyúlísíni ɔnɔ́ na nyɔ́lɛ́: «A fɔ́lɔ́b ndagodɛ́anɛ lɛ́ əgín a udúg ó naánɛ́ yɛ́ɛnɛ, kɛbaŋ kɛ́ nsɛɛ kíədíin kɛdaŋ a annam ábaan ná wəə́ʼkiʼtəm pɛnɛŋ pɛ́dáád wɔʼkɔ́ odɛndɛŋɛn.» 31Ɔmbɔ́ náan, Píɛ yiíbís əgín na toɛn, ɔnɔ́: «Kɛ́yɛɛn kɛ́ɛnɛ lɛ́ pəsi na wɛ tígu ondáŋ, tiəgu. Kóonɛ lɛ́ mɛ nkuúʼtəm, ndóo!» Paaʼkan piim píísə́ə́ náan yoom ímuʼ.
Pɛɔ́sɔ́gɔ́lɔ́n pɛ́ Yə́sus a Kɛdsɛmaníi
(Maʼt 26.36-46; Lóʼk 22.40-46)
32Páyɛ́ɛ́n, pááság kɛɛn alon a kɛnɔ kímmú pɔ́ɔdɔ́ŋɔn lɛ́ Kɛdsɛmaníi. Kɔ́gɔ́ɔg, Yə́sus yɛɛ́dɛánɛ na paaʼkan pə́ə́ŋ ɔnɔ́: «Pəŋi, lɔbɔ́ɔn áanɛ, mɛ mbɛ́ɛn ɔgɔɔ́sɔ́gɔlɔn.» 33Yiísiə́d Píɛ na Sɛ́ag pɔ́lɛ́ na Sɛ́aŋ. Ɔʼtɛ́m wə́ə́ŋ óyɛ́ɛ wándɛ ɔmbɛ́. Wɛɛ́y óyɛ́ɛ wə́ʼkumuúgumin. 34Ná páyɛ́ɛ pə́ʼkəə́súid yuudi sɔɔŋ, ayɛ́bodɛánɛ ɔnɔ́ na pɔ́lɛ́: «Ɔʼtɛ́m wáam wándɛ ɔmbɛ́ a las. Pəŋi tɛn púləndin áanɛ, Púgúlə, pudinním ɛnɔ.» 35Nyɔ́lɛ́ ayáyɛ́ʼtɛ́nɛ́ɛ́ kə́mmú yuudi, əmə́súʼkíníí pigúbíʼkub. Ayɛ́ɛ ɔgɔɔ́sɔ́gɔlɔn Táán lɛ́ ngə́ ɛmaʼkɛɛn kɔ, ntɔ́b yɛ́ɛnɛ ɛ́moyágɛɛŋɛ. 36Ayɛ́ɛ əgusəə ɔnɔ́: «Əə́əy Mbáa yaam, Sɛ waam! Olɛ na toɛn tó kɛɛlɛ yiim. Sɛ́gɔɔ mbágoyɔ́sɔ́gɔ́lɔ́nɛ́ɛ́, ɛɛlɛ lɛ́ ntɔ́b yɛ́ɛnɛ yɛ́nyaágɛɛŋɛ. Náa, kɛ́dɛnjɛ́ɛ́n a nɛnyɔ́ŋɛn nɛ́am, kíɛn a nɛáŋ!» 37Ná ayɛ́ɛ ɔɔ́ʼkɔɔ́sɔ́gɔlɔn náan, aáság kiim ádɛ́ɛmɛn əguúlini kɛnɔ kɛ́ yiídí ə́mə́dí pa Píɛ na paaʼkan pə́mmú póob pábaan. Ayɛ́bobóan pə́ʼkugu ɛnɔ tɔ́g. Aáság kubuyóndigi, ɔnɔ́ na Píɛ: «Tuə́ ə́ən Simɔ́ɔŋ, olɛ agá a ɛnɔ ɔ? Odɛáʼkɛnɛ kugúlə ɔmbɔ́ əgín áwaʼ mmuʼ ə? 38Kúlə́ən, poɔ́sɔ́gɔlɔn Táán agɛɛlɛ lɛ́ pudiʼtə́əŋ a pɛásɔ́sɛ́n. Mɔɔd alɛ na ɔʼtɛ́m wóonɛ lɛ́ yɛ́ɛlɛ kɔŋɛʼ, náa nkó yəəŋ áa ɛlɛɛ́ ntom.» 39Yə́sus aáság kiiʼkini kəə́súid agɛɛn ɔgɔɔ́sɔ́gɔlɔn. Ayɛ́ɛ agɛɛlɛ əgín pɛɔ́sɔ́gɔ́lɔ́n pɛ́go pímuʼ. 40Əyíʼkíni kiim ádɛ́ɛmɛn əguúlini kɛnɔ kɛ́ paaʼkan páyɛ́ɛ. Ayɛ́bobóan anɛ́ɛ́n kóog pálɛ tɔ́g a ɛnɔ ɛ́ kúfuʼ. Pádɛʼkɛ́ɛ agaáʼkɛ kolɔb əngis angóm. Pádɛʼkɛ́ɛ agolɛŋ tɛn nkə aa pámodɛ́anɛɛ́. 41Ná əyímbuúlíni a annam ádáád. Páyɛ́ɛ əgín a ɛnɔ tɔ́g. Əyíbuyóndígi, ɔnɔ́ na pɔ́lɛ́: «Pəŋi polɛ əgín a ɛnɔ yi! Polɛ ogooyig! Oo, kɛáʼkoman anɛ́ɛ́n! Táá kɛnɛŋ aa kɛ́ɛnɛ kiə́ʼkiigií. Páagɛndɛg mɛ Mɔɔ́n o mɔɔd nɛ́gɔŋ a ɔmbɔg á pɛɛlɛʼ mabɛ́. 42Tɛ́mɛ́naan, tiɛ́naan! Táá mɔɔd ogo nyɔ́ aágɛndɛg na pɔ́lɛ́ aa nyóonɛ aándɛɛ́ kɔ.»
Siudáa əyíím na pasɔ́njaa lɛ́ píim əgumin Yə́sus
(Maʼt 26.47-56; Lóʼk 22.47-53; Sɛ́a 18.2-11)
43Yə́sus alɛ kɔ na tɔgɛ́ɛ́ a unuʼ ə, Siudáa, ongaaʼkan wəəŋ nyummú nyɔ́ a pá pówád na pábaan foáy. Ayɛ́ɛ na pɔɔd a ngim súuu lɛ́ póonɛ na mobag mó pɛdá, pə́mmú na mufun a ɔmbɔg. Pɔɔd póob náan piim, puʼkúm pó payaaganɛʼ pɛfɔny na palɛŋ pɛcɛm na ponnom pó a nigúu aa púyíím póboodom. 44Siudáa nyɔ́ ayɛ́bolɛ́gɛn Yə́sus, əyíím yááganan na pɔ́lɛ́ ɔnɔ́: «Nyɔ́ ndáadam nyə́súʼkənən, póság kolɛŋ lɛ́ nyɔ́lɛ́ ogo aa nyóon, púmuúgumin, póɛn na nyɔ́lɛ́. Polɛŋ kumuúnuŋ ó!» 45Əgín tɛn ná Siudáa əyíím əgiig, ayɛ́ɛ́n ná Yə́sus alɛɛ́, ɔnɔ́ na nyɔ́lɛ́: «Kɛlág!» Aáság kumuə́súʼkənən. 46Əgín tɛn ná pɔɔd pá əyíím na pɔ́lɛ́ pɛ́ɛ́dála náan, pááság kaag ombɔg na Yə́sus, pə́mə́mugúmin. 47Náa sɔ́g nyummú nyɔ́ ayɛ́ɛ kɔ áay aáság kusooyin ɛbag yə́ə́ŋ ɛ́ pɛdá a kɛbágáá soád, ɔnɔ́ na uʼkudin wo ɔnjaaganɛʼ pɛfɔny nyɔ́ oʼkóʼkóón ə́siəd a oʼtóɛŋ foáb, oʼtóɛŋ kwə́s. 48Yə́sus yiísə́ə́ ɔnɔ́ na pɔ́lɛ́: «Puígóodi lɛ́ púim poáboŋɛn lɛ́ na mobag mó pɛdá na mufun əgiim əgiʼkumin, wɔnɔ́ ndɛ agá ungiíbən ə! 49Adɛ́ mɔɔ́s miim njɛ́ɛ na pəŋi, ndáagaaʼkananɛ pɔɔd a Tɛ́mpɛl a! A igə aa pudiʼkə́əgiʼkuminií a kɛnɛŋ kɛ́ɛg? Náa, nkə kɛ́ɛnɛ kiim kɛ́lɛ agodáŋana náan lɛ́ ná nkə kɛ́ kíyə́dílə́ə́ a Kálaʼtaʼ kɛ́as.» 50Paaʼkan piim pááság kaásɔɛ́da na ɔʼtɛ́d, pə́ə́dí Yə́sus. 51-52Ɔnyɔmmɔ́n o moóngaa nyummú ayɛ́ɛ kɔ áay. Ayɛ́ɛ moóngaa nyɔ́ ayɛ́ɛ yiim ə́yə́njən Yə́sus. Ná páyaʼkanyɔ́ŋɛn kumuúgumin, yiídí ámáyáyɛ́dɛ́ɛ́ kɛsom kɛ́ ombɔ́m kɛ́ əyə́súŋin a nɛdáá, aásaa kɛnɔ nsun iyó agodɛ́da lɛ́ əgín kɛsom kɛ́ ombɔ́m kɛ́ɛg kɛ́lɛ́ na kɛ́lɛ́ aa əyə́súŋin a nɛdáá.
Páyɛ́ɛ́n na Yə́sus a yoog yɔɔbɔn ɛ pɛyɔm yɛ́ nkóʼkóón
(Maʼt 26.57-68; Lóʼk 22.54-55,63-71; Sɛ́a 18.12-18,19-24)
53Píígúmin Yə́sus, pámɛ́ɛn na nyɔ́lɛ́ a nó Ɔnjaaganɛʼ pɛfɔny nyɔ́ oʼkóʼkóón. Kɔ́gɔ́ɔg aa páyɛ́ɛ́n agaágɔnyɛd lɛ́ na puʼkúm pó payaaganɛʼ pɛfɔny na ponnom pó a nigúu na palɛŋ pɛcɛm. 54Píɛ ayɛ́ɛ əgiim ə́yə́njən Yə́sus laálá a ngim súʼtə́ə́ a oʼtómódáán wó ɔnjaaganɛʼ pɛfɔny nyɔ́ oʼkóʼkóón, ɔɔ́sɔ́d kɔ, əə́ləndin na pəgudin agoósa yug. 55Puʼkúm pó payaaganɛʼ pɛfɔny na ungim nyɔ́ ayɛ́ɛ a ɛgɔny yɔ́ɔ́bɔn ɛ pɛyɔm yɛ́ ɛgóón yɛ́ɛy pə́ə́bə́ə́ kuunə ɛgom yɛ́ pándagɛɛ́ʼkɛnɛɛ́ Yə́sus nsɔ́ɔ́ a yɛ́lɛ́, pámoyóon. Náa, pádɛʼkɔ́ɔgɔɔŋ. 56Kɛ́lɛ lɛ́ ɛ́fɔlɛ́ ɛ́yɛ́ɛ amoosóman pɛbán a nkó#14.56 Pódála tɛn náan a kálaʼtaʼ ɛ Pɛʼk 27.12; 35.11 , náa, páyɛ́ɛ pádiɛn tɛn unuʼ úmmuʼ. Páyɛ́ɛ lɛ́ nyóonɛ əə́səə ndɛ́ŋ, nyummú ə́yiim, ə́əsəə tɛn kiə́ŋ ndɛ́ŋ. 57Náa pɔsɔ́g pə́mmú pə́əgiim adɛ́lɛm, páásómɛn Yə́sus kɛbán a nkó, pɔ́nɔ́: 58«Pəsi tɛyóób əə́səə ɔnɔ́: “Ndɛ́ɛ́ kubugə Tɛ́mpɛl yɛ́ɛnɛ yɛ́ pɔɔd aa pɛ́ɛ́wáag, njiʼkini kowáag yɛndɛ́ŋ a mədúg mádáád. Yɛ́ɛy ɛdɛndɛ́ɛ́ kɛɛn yɛ́ ɛmáwáágɛ́ɛ na ɔmbɔg á pɔɔd.” » 59Ɔmbɔ́ tɛn a kɛ́ɛg pádɛʼkɛ́ɛ unuʼ úmmuʼ. 60Ɔnjaaganɛʼ pɛfɔny nyɔ́ oʼkóʼkóón aáság kodɛ́ɛmɛn kidə́níʼtən a kɛgaágadɛ kɛ́ ɛgɔny, náa ɔnɔ́ na Yə́sus: «Odɛɔ́sɔyɛd a, mbáa? Nkə kɛ́ɛnɛ kɛ́ pálɛɛ́ əgusəə a nkó yaaŋ óoʼ, udiə́buyúlisini ə́?» 61Yə́sus ayɛ́ɛ sáb, adɛmoogá ɔmbɔ́ pɛbɛɛ. Ɔnjaaganɛʼ pɛfɔny nyɔ́ oʼkóʼkóón aáság kumuŋíən kə́mmú ɔnɔ́ əə: «Ngɔ́ɔ́, olɛ Məsíi ə? Olɛ Mɔɔ́n o Táán nyɔ́ tɛlɛɛ́ agɔnyáadanɛ a?» 62Əyímuyúlísíni ɔnɔ́: «Ɛɛ́ɛ, kɛ́lɛ náan. Polɛ́ɛ́ kɛʼtála mɛ Mɔɔ́n o mɔɔd undəndínə́ə́n a ombɔg ó nɛnom ó Táán o toɛn tuim. Polɛ́ɛ́ kɛʼtála tɛn ndə́əgiim nsuu kɔ́gɔ́ɔg a kɛbɛd a mɔɛn#14.62 Kɛ́lɛ náan a kálaʼtaʼ ɛ Pɛʼk 110.1; Tan 7.13 » 63Ná Ɔnjaaganɛʼ pɛfɔny nyɔ́ oʼkóʼkóón ayóób náan, yiígúmin kilə́ə́ kiə́ŋ aáwag waás, ɔnɔ́: «Pɔɔd pá mbaasɔ́ pá igə pə́mmú aa tiə́guunə! 64Pəŋibáamɔɛ́d pomóób wɔnɔ́ ná alɛɛ́ agofánan Táán. Tíɛlɛ tuə́ ə́?» Ungim aáság kusəə lɛ́ alɛ na nsɔ́ɔ́, pámoyóon#14.64 Kɛ́lɛ náan a kálaʼtaʼ ɛ Ləf 24.16 65Pɔsɔ́g pə́mmú pə́ə́bə́ə́ kumudúəŋənən pɛda a udi, pə́mmú páayaŋ kumuugub udi na kilə́ə́, páamodóan pɛʼkam, pɔ́nɔ́ na nyɔ́lɛ́: «Aanɛn ánɛ aa amágoogó!» Pəʼpulúus pə́yímuyə́suídíníí, páamosában ambany a ombáŋ#14.65 Kɛ́lɛ náan a kálaʼtaʼ yɛ Ɛsa 50.6
Píɛ əə́ʼtəm Yə́sus ɔnɔ́ nyɔ́lɛ́ adɛmoólɛŋɛn
(Maʼt 26.69-75; Lóʼk 22.56-62; Sɛ́a 18.17,25-27)
66Píɛ ayɛ́ɛ undəndínə́ə́n káanɛ a oʼtómódáán. Náa moóngaa ɔʼkɛ́ɛd nyummú, uʼkudin wo Ɔnjaaganɛʼ pɛfɔny nyɔ́ oʼkóʼkóón əə́giim kɛnɔ kɛ́ Píɛ ayɛ́ɛ. 67Ná yɛɛ́dála Píɛ aágoósa yug, yɛɛ́lɛ́ŋ kumuúsəsəŋəni, náa ɔnɔ́ na nyɔ́lɛ́: «Wɛ, oyɛ́ɛ tɛn a ondáŋ ó Yə́sus, mɔɔd o Násalɛd nyóon!» 68Náa, Píɛ ayácɛ́mɛ́ɛ́, ɔnɔ́: «Ndóo, ntɛálɛŋ kɔmɔɛ́d nkə kɛ́ɛg kɛ́ olɛɛ́ əgusəə. Alɛ ntɛób ɔmbɔ́ koob.» Aáság kodɛ́ɛmɛn kɔ áay, amɛ́ɛn ələndin a nɛag nɛ́ ngə́, a nɛsɔd nɛ́ a oʼkág wó Nkúm yɛ́ nkóʼkóón ɛ payaaganɛʼ pɛfɔny. [#14.68 A pagálaʼtaʼ pə́mmú pá kalaʼ pá píídílə na ombɔg, páyáábɛg kɔ pɔ́nɔ́: «Kɛbaŋ kɛ́ nsɛɛ kɛáság kodaŋ.»] 69Náa, uʼkudin nyóon əyíʼkíni kodála Píɛ, əmíʼkíni kəə́bə́ə́ kosɔyɔ na pɔɔd pá páyɛ́ɛ kɔ áay ɔnɔ́: «Mɔɔd nyóonɛ alɛ mɔɔd nyɔ́ a ondáŋ ó pɔɔd pá Yə́sus!» 70Píɛ əyíʼkíni kaácɛma, ɔnɔ́: Iyó kɛ́dɛɔ́gɔ náan. Ɛyaa ɛ́ kɛnɛŋ a ngim yɛ́ɛy, pɔɔd pá páyɛ́ɛ kɔ áay pə́ə́bə́ə́ kosɔyɔ pɔ́nɔ́ na Píɛ: «A fɔ́lɔ́b, olɛ a ondáŋ wɔ́ɔ́bɔn. Wɛ ɔmmɔɛ́d olɛ mɔɔd o Kalilə́ə!» 71Náa Píɛ ɔnɔ́: «Táá módáád a mɔɛn, ntɛlɛŋɛn mɔɔd nyóon nyɔ́ polɛɛ́ əgusəə! Mbaʼkosom pɛnyaʼ, Táán yɛ́mbɔ́nɛsɛ!» 72Əgín ná yiísə́ə́ náan, kɛbaŋ kɛ́ nsɛɛ kɛ́ annam ábaan kɔʼkɔ́lɛ́ɔʼkɔɔ. Aáság kaáyɔ́ɔ́ŋɛ tɔgɛ́ɛ́ tó Yə́sus ayɛ́modɛánɛ. Yə́sus yiísə́ə́ ɔnɔ́ na nyɔ́lɛ́: «Kɛbaŋ kɛ́ nsɛɛ kɛ́ annam ábaan kíədíin kɛdaŋ ná wəə́ʼkiʼtəm pɛnɛŋ pɛ́dáád wɔʼkɔ́ odɛndɛŋɛn.» Ná ayáyóŋɛ́ɛ́ náan, əə́bə́ə́ kolɛɛ.
Currently Selected:
Mə́líʼkus 14: yatDBL
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators Inc, 2015
Mə́líʼkus 14
14
Puʼkúm póyɛ́ɛ agɛɛlɛ modɔɔgɛʼ a nkó ɛ Yə́sus
(Maʼt 26.1-5; Lóʼk 22.1-2; Sɛ́a 11.45-53)
1Wɔɔ́n ó Páska, wɔɔ́n tɛn wó Yúdɛn ɛyɛ́ɛ ɛnɛ́alɛla pɛlɛ́ɛd pɛ́ páánám pádɛág toan tó kunudi umbúb óyɛ́ɛ wáʼkolɔb mədúg mábaan#14.1 Kɛ́lɛ náan a kálaʼtaʼ yɛ Ɔsa 12.1-27 Puʼkúm pó payaaganɛʼ pɛfɔny na palɛŋ pɛcɛm páyɛ́ɛ əguunə tuə́ áa páagɛɛlɛ əgugumin Yə́sus pɔɔd pándɛŋ ná pámoyóon. 2Páyɛ́ɛ ɔgɔɔ́cɔcɔb kɔ pɔ́lɛ́ na pɔ́lɛ́ pɔ́nɔ́: «Tɛdɛɔ́gɔ pə́gumuúgumin wɔɔ́s ó wɔɔ́n, inyuunyugiʼ yə́ədə́əŋ.»
Ɔʼkɛ́ɛd nyummú nyɔ́ yiísúmə́nən Yə́sus lamɛ́ndaʼ
(Maʼt 26.6-13; Sɛ́a 12.1-8)
3Yə́sus ayɛ́ɛ a Pɛʼtaníi, a nó Simɔ́ɔŋ, mɔɔd nyummú nyɔ́ ayɛ́ɛ abany nkún. Náa ɔʼkɛ́ɛd nyummú əə́giim. Yɛɛ́bóan Yə́sus alɛ agonɛ́ɛnɛ. Yiígóodi igəd ɛ́ lamɛ́ndaʼ a ombɔg. Páyɛ́ɛ́lɛ igəd ɛgo yɛ́ɛy na nɛdáán nɛ́ pɔ́ɔdɔ́ŋɔn lɛ́ alɛbáaʼtɛlɛ. Lamɛ́ndaʼ tɛn ɛgo ɛyɛ́ɛ lamɛ́ndaʼ ɛ mɔɔnɛ́. Páyɛ́ɛ́lɛ yɛ́lɛ́ na kisənduŋ kímmú pɔ́ɔdɔ́ŋɔn lɛ́ náal. Ná yɛɛ́sɔ́d kɛnɔ kɛ́ Yə́sus ayɛ́ɛ, yiíbúən igəd, əə́bə́ə́ kusumənən Yə́sus lamɛ́ndaʼ yɛ́ɛy a oʼto. 4Ná pɔɔd pá páyɛ́ɛ kɔ pɛ́ɛ́dála nkə kɛ́ɛg kɛ́ ayɛ́ɛ́lɛ, pɔsɔ́g pə́mmú pə́ə́bə́ə́ komoyɔ́gɔ́dɔ, pə́əgəə́lúluu pɔ́nɔ́: «A igə aa nyóon aáyósag lamɛ́ndaʼ yɛ́ɛy náan əə́? 5Pádɛʼkɛ́ɛ págolɛg yɛ́lɛ́ agaáyɛn ɔmbɔ́ əʼtin á pisúg pɛ́ mɔɔnɛ́ puuniʼ#14.5 Əʼtin á pisúg pɛ́ mɔɔnɛ́ puuniʼ álɛ pɛsáábɔ́n pɛ́ uʼkudin úmmuʼ a waag kilúd. ə́!» Páyɛ́ɛ ɔgɔɔ́nyɔmɔnɔn ɔʼkɛ́ɛd nyóon kɛ́fɔlɛ́. 6Náa, Yə́sus yiísə́ə́ ɔnɔ́: «Tíən ɔʼkɛ́ɛd nyóon yəə́b. A igə aa poámoyɛ́ɛlɛ lɛ́ yóób ɔʼtɛ́m kogany ə́? Nkə kɛ́ɛnɛ kɛ́ amɛ́ɛ́lɛ na mɛ kɛ́lɛ kisig kɛ́ yoom. 7Pugóódi pasɔ́gasɔ́gá pɛnɛŋ piim a kɛgaágadɛ kɛáŋan#14.7 Kɛ́lɛ náan a kálaʼtaʼ ɛ Tɛʼt 15.11 Kɛnɛŋ kiim kɛ́ poányɔ́ŋɛn koboyɛ́ɛlɛnɛ kɔŋɛʼ, polɛ págoboyɛ́ɛlɛnɛ. Náa, mɛ ntɛndɛ́ɛ́ kɛɛn na pəŋi pɛnɛŋ piim. 8Nkə kɛ́ kɛ́yɛ́ɛ əguunə lɛ́ nyɔ́lɛ́ yɛ́ɛlɛ, kɛ́lɛ́ kɛ́go aa kɛ́ɛnɛ amɛ́ɛ́lɛ. Aáyaŋ əgisumənən lamɛ́ndaʼ agoboŋɛn kɛlóŋ kɛ́am wɔnɔ́ ná pálɛ́ɛ́ kinnií#14.8 Náan aa kɛ́yɛ́ɛ a mandoŋá má Yúdɛn a noá na pɛbán pɛ́ kugu. Páyɛ́ɛ pəwúəlilə mɔɔd pugúd púmmú na palamɛ́ndaʼ agomoóboŋɛn ná alɛ́ɛ́ kugúú. 9Ndabodɛ́anɛ a fɔ́lɔ́b lɛ́ kɛnɔ kiim kɛ́ pálɛ́ɛ́ kɔlɔɛgɛɛ́ Tɔsɔm Tólaŋ a nsí yɛ́ɛnɛ ngim, pálɛ́ɛ́ kaáyɔ́ɔ́ŋɛ ɔʼkɛ́ɛd nyóonɛ, pɔ́ɔsɔyɔ nkə kɛ́ɛnɛ kɛ́ amɛ́ɛ́lɛ.»
Siudáa ayɛ́ɛ́n alɛg Yə́sus na puʼkúm pó payaaganɛʼ pɛfɔny
(Maʼt 26.14-16; Lóʼk 22.3-6)
10Ongaaʼkan nyummú niiŋ lɛ́ Siudáa Ɛsɛʼkalɛyóod ayɛ́ɛ́n aboan puʼkúm pó payaaganɛʼ pɛfɔny agobodɛ́anɛ lɛ́ nyɔ́lɛ́ alɛ ugubuyúunən ngə́ igugumin Yə́sus. 11Puʼkúm pó payaaganɛʼ pɛfɔny pɛ́ɛ́nyɔ́ga kɛ́fɔlɛ́ ná páyóób náan. Páyáyóóbánánɛ́ɛ́ na nyɔ́lɛ́ lɛ́ páamoyɛ́ʼkɛn mɔɔnɛ́. Siudáa əə́bə́ə́ kuunə tuə́ áa aágɛɛlɛ agoboólɛgɛn Yə́sus.
Yə́sus alɛ agonɛ moom mó konɛ mó Páska na paaʼkan pə́ə́ŋ
(Maʼt 26.17-19; Lóʼk 22.7-13)
12Wɔɔ́s ó na oʼto na oʼto ó wɔɔ́n wó Yúdɛn ɛyɛ́ɛ ɛnɛ́alɛla pɛlɛ́ɛd pɛ́ páánám pádɛág toan tó kunudi umbúb, wɔɔ́s tɛn ogo wóow aa páyɛ́ɛ pasɛga pɔɔ́n pá todóm nto a kɛfɔny kɛ́ páanɛ a wɔɔ́n ó Páska, paaʼkan pə́ə́ŋ pə́yímuŋíən pɔ́nɔ́ əə: «Sə́dúk, ə́lə́ə́ áa tíɛn agoonámɛnɛɛ́ wɔɔ́n ó Páska ə́?» 13Ná pə́yímuŋíən náan, aáság kudə́əmini paaʼkan pə́ə́ŋ pábaan, amáboodóm yuudi, ɔnɔ́ na pɔ́lɛ́: «Todáan áay a pálɛ́ɛg. Ná puə́giig kɔ, puəgəə́bun na mɔɔd onnyáŋɛ́náán ungwə́ŋ ó məní a oʼto, púmuyə́ən. 14Yoog yɛ́ ɔɔ́sɔd a yɛ́lɛ́, pəŋi tɛn pósɔd kɔ. Pódɛ́anɛ na mɔɔd o noádɛʼ poɔʼkɔ́ Sə́dúk ɔnɔ́ əə: Ə́lə́ə́ áa nɛsom nɛ́ yoog nɛ́ ayɛ́njɛɛ́ngɛ́gɛn kɛnɔ kɛ́ ndáanɛ wɔɔ́n ó Páska wóonɛ na paaʼkan páam nɛ́lɛɛ́ ə́?» 15Əguyibənən, Yə́sus yiísə́ə́ ɔnɔ́ na pɔ́lɛ́: «Mɔɔd ogo ogóódi noádɛʼ nó mɔɛn. Ná puə́muŋíən náan, əəbuúloodi kɛnɔ, kɛdám kɛ́ kɛsom kɛ́ yoog kɔ a noádɛʼ nuə́ŋ a mɔɛn. Kɛmɔɛ́d kɛándɛ kisóbíniə́n. Yiim yɛ́ yə́əgəə́yúunə yándɛ kɔ. Kɔ aa poábɛnámɛn wɔɔ́n.» 16Páyɛ́ɛ́n əgiig a pálɛ́ɛg, pááboan pɛbán piim əgín wɔnɔ́ ná ayɛ́bodɛánɛ, páánám wɔɔ́n ó Páska.
Ndom ɛyáʼkwágɛ́ɛ́ a kɛnɛŋ kɛ́ konɛ́ɛnɛ
(Maʼt 26.20-25; Lóʼk 22.14; Sɛ́a 13.21-30)
17Niób nɛáság kiim əgiig. Yə́sus əmíim alon na paaʼkan pə́ə́ŋ pá pówád na pábaan. 18Pálɛ anɛ́ɛ́n kɔ agonɛ́ɛnɛ a, Yə́sus aáság kusiəd tɔgɛ́ɛ́ ɔnɔ́: «A fɔ́lɔ́b ndabodɛ́anɛ lɛ́ úmmuʼ áanɛ a ondáŋ wááŋaŋ ó pəŋi póonɛ pá polɛɛ́ agonɛ́ɛnɛ na mɛ, aagɛndɛg#14.18 Kɛ́lɛ náan a kálaʼtaʼ ɛ Pɛʼk 41.10 » 19Ɔʼtɛ́m ó paaʼkan wɛ́ɛ́yɛ́b, pə́ə́bə́ə́ kumuŋíənə a pɛlɔ́g a pɛlɔ́g, na nyóon ɔnɔ́ əə: «Sə́dúk, adɛ́njaŋ mɛ áa ndáagoólɛg, ngɔ́ɔ́?» 20Yiísə́ə́ ɔnɔ́ na pɔ́lɛ́: «A pəŋi póonɛ pá pówád na pábaan, úmmuʼ a ondáŋ wááŋan aa aágɛndɛg. Sɔ́g nyɔ́ tiə́gəə́nə́əyəni kɔ áanɛ táasaʼ mmuʼ na nyɔ́lɛ́#14.20 Táasaʼ ɛ moom mó konɛ ɛyɛ́ɛlanɛ mmuʼ. Ungim ɔɔdɔ́ɔg ombɔg kɔ əgusiəd muə́ŋ. Pódála tɛn náan a kálaʼtaʼ ɛ Pɛʼk 41.10 21Kɛ́lɛ fɔ́lɔ́b lɛ́ mɛ Mɔɔ́n o mɔɔd ndəəgu əgín wɔnɔ́ ná kíyə́dílə́ə́ a Kálaʼtaʼ ɛ Táán lɛ́ ndəəgu#14.21 Kɛ́lɛ náan a kálaʼtaʼ ɛ Pɛʼk 22.2-19; Ɛsa 53 Náa, maan kɛ́fɔlɛ́ na nyɔ́ kugu kóam kóamoógom. Kɛ́mɛ́ɛ agɛɛn kɔŋɛʼ na nyɔ́lɛ́ lɛ́ ədiyə́biə́níí!»
Yə́sus əyíbidíín nkó yəəŋ na maŋɔ́ mə́ə́ŋ
(Maʼt 26.26-29; Lóʼk 22.15-20; 1Kɔ 11.23-25)
22Pálɛ kɔ agonɛ́ɛnɛ, Yə́sus aáság kudə́əmini pɛlɛ́ɛd, amɛ́ʼkɛn pisoyidiʼ na Táán, aábɛ́ŋa, amɛ́ʼkɛn na paaʼkan pə́ə́ŋ, ɔnɔ́ na pɔ́lɛ́: «Siə́dəən pɛlɛ́ɛd pɛ́ɛnɛ, nkó yaam aa yɛ́ɛy.» 23A ngim yɛ́ɛy, yiídə́ə́míni tɛn kilən kɛ́ maloʼ, əmíʼkíni kɛɛ́ʼkɛn pisoyidiʼ na Táán, amábonáámɛ́nɛ, pááŋó pɔ́lɛ́ piim. 24Yiísə́ə́ ɔnɔ́ na pɔ́lɛ́: «Móonɛ málɛ maŋɔ́ máam. Mɔ́lɛ́ aa málɛɛ́ kisuŋ kɛ́ kíoloodi nɛálad nɛ́ Táán amáládɛ́ɛ́ na pɔɔd#14.24 Pódála tɛn náan a kálaʼtaʼ yɛ Ɔsa 24.8; Siə 31.31-34 Ndɛ́ɛ́ kusub mɔ́lɛ́ a kidíídí kɛ́ ɛ́fɔlɛ́ ɛ́ pɔɔd. 25A fɔ́lɔ́b ndabodɛ́anɛ lɛ́ Əgəə́bə́ə nɛ́gɔŋ Ntiə́giiʼkini koŋo maloʼ kə́mmú agɛɛn əgiig a wɔɔ́s wó ndə́əgiiʼkini koŋo má mawa a Nɛlaamɛʼ nɛ́ Táán.»
Yə́sus ɔnɔ́ Píɛ alɛ́ɛ́ kumuúʼtəm
(Maʼt 26.30-35; Lóʼk 22.33-34; Sɛ́a 13.37-38)
26Ná pɛ́ɛ́mán konɛ́ɛnɛ, pááság kusisinin pɛʼkwáá pɛ́ wɔɔ́n kudúmə. Ná páyɛ́ɛ páʼkoman kudúmə, pááság kolon agɛɛn a oʼkon ó pa Olifiyə́ə. 27Náa Yə́sus ɔnɔ́ na paaʼkan pə́ə́ŋ: «Pəŋi piim poagɛʼtɛ́da lɛ́ náan aa kɛ́lɛɛ́ kidiídílə́ a Kálaʼtaʼ lɛ́ Táán ɔnɔ́: “Ná ndáagoon unnuŋ mudúg, mudúg muim moágólɛ́gɛd#14.27 Kɛ́lɛ náan a kálaʼtaʼ ɛ Saʼk 13.7 ” 28Náa, ná ndɛ́ɛ́ kiim ndónɛ́ɛ́ a kəəniʼ, ndɛ́ɛ́ koboóyaŋɛnɛ a Kalilə́ə.» 29Náa Píɛ ɔnɔ́ na nyɔ́lɛ́: «Ɔmbɔ́ ungim nyóonɛ agoodɛ́da, mɛ ntiə́guudi!» 30Yə́sus əyímuyúlísíni ɔnɔ́ na nyɔ́lɛ́: «A fɔ́lɔ́b ndagodɛ́anɛ lɛ́ əgín a udúg ó naánɛ́ yɛ́ɛnɛ, kɛbaŋ kɛ́ nsɛɛ kíədíin kɛdaŋ a annam ábaan ná wəə́ʼkiʼtəm pɛnɛŋ pɛ́dáád wɔʼkɔ́ odɛndɛŋɛn.» 31Ɔmbɔ́ náan, Píɛ yiíbís əgín na toɛn, ɔnɔ́: «Kɛ́yɛɛn kɛ́ɛnɛ lɛ́ pəsi na wɛ tígu ondáŋ, tiəgu. Kóonɛ lɛ́ mɛ nkuúʼtəm, ndóo!» Paaʼkan piim píísə́ə́ náan yoom ímuʼ.
Pɛɔ́sɔ́gɔ́lɔ́n pɛ́ Yə́sus a Kɛdsɛmaníi
(Maʼt 26.36-46; Lóʼk 22.40-46)
32Páyɛ́ɛ́n, pááság kɛɛn alon a kɛnɔ kímmú pɔ́ɔdɔ́ŋɔn lɛ́ Kɛdsɛmaníi. Kɔ́gɔ́ɔg, Yə́sus yɛɛ́dɛánɛ na paaʼkan pə́ə́ŋ ɔnɔ́: «Pəŋi, lɔbɔ́ɔn áanɛ, mɛ mbɛ́ɛn ɔgɔɔ́sɔ́gɔlɔn.» 33Yiísiə́d Píɛ na Sɛ́ag pɔ́lɛ́ na Sɛ́aŋ. Ɔʼtɛ́m wə́ə́ŋ óyɛ́ɛ wándɛ ɔmbɛ́. Wɛɛ́y óyɛ́ɛ wə́ʼkumuúgumin. 34Ná páyɛ́ɛ pə́ʼkəə́súid yuudi sɔɔŋ, ayɛ́bodɛánɛ ɔnɔ́ na pɔ́lɛ́: «Ɔʼtɛ́m wáam wándɛ ɔmbɛ́ a las. Pəŋi tɛn púləndin áanɛ, Púgúlə, pudinním ɛnɔ.» 35Nyɔ́lɛ́ ayáyɛ́ʼtɛ́nɛ́ɛ́ kə́mmú yuudi, əmə́súʼkíníí pigúbíʼkub. Ayɛ́ɛ ɔgɔɔ́sɔ́gɔlɔn Táán lɛ́ ngə́ ɛmaʼkɛɛn kɔ, ntɔ́b yɛ́ɛnɛ ɛ́moyágɛɛŋɛ. 36Ayɛ́ɛ əgusəə ɔnɔ́: «Əə́əy Mbáa yaam, Sɛ waam! Olɛ na toɛn tó kɛɛlɛ yiim. Sɛ́gɔɔ mbágoyɔ́sɔ́gɔ́lɔ́nɛ́ɛ́, ɛɛlɛ lɛ́ ntɔ́b yɛ́ɛnɛ yɛ́nyaágɛɛŋɛ. Náa, kɛ́dɛnjɛ́ɛ́n a nɛnyɔ́ŋɛn nɛ́am, kíɛn a nɛáŋ!» 37Ná ayɛ́ɛ ɔɔ́ʼkɔɔ́sɔ́gɔlɔn náan, aáság kiim ádɛ́ɛmɛn əguúlini kɛnɔ kɛ́ yiídí ə́mə́dí pa Píɛ na paaʼkan pə́mmú póob pábaan. Ayɛ́bobóan pə́ʼkugu ɛnɔ tɔ́g. Aáság kubuyóndigi, ɔnɔ́ na Píɛ: «Tuə́ ə́ən Simɔ́ɔŋ, olɛ agá a ɛnɔ ɔ? Odɛáʼkɛnɛ kugúlə ɔmbɔ́ əgín áwaʼ mmuʼ ə? 38Kúlə́ən, poɔ́sɔ́gɔlɔn Táán agɛɛlɛ lɛ́ pudiʼtə́əŋ a pɛásɔ́sɛ́n. Mɔɔd alɛ na ɔʼtɛ́m wóonɛ lɛ́ yɛ́ɛlɛ kɔŋɛʼ, náa nkó yəəŋ áa ɛlɛɛ́ ntom.» 39Yə́sus aáság kiiʼkini kəə́súid agɛɛn ɔgɔɔ́sɔ́gɔlɔn. Ayɛ́ɛ agɛɛlɛ əgín pɛɔ́sɔ́gɔ́lɔ́n pɛ́go pímuʼ. 40Əyíʼkíni kiim ádɛ́ɛmɛn əguúlini kɛnɔ kɛ́ paaʼkan páyɛ́ɛ. Ayɛ́bobóan anɛ́ɛ́n kóog pálɛ tɔ́g a ɛnɔ ɛ́ kúfuʼ. Pádɛʼkɛ́ɛ agaáʼkɛ kolɔb əngis angóm. Pádɛʼkɛ́ɛ agolɛŋ tɛn nkə aa pámodɛ́anɛɛ́. 41Ná əyímbuúlíni a annam ádáád. Páyɛ́ɛ əgín a ɛnɔ tɔ́g. Əyíbuyóndígi, ɔnɔ́ na pɔ́lɛ́: «Pəŋi polɛ əgín a ɛnɔ yi! Polɛ ogooyig! Oo, kɛáʼkoman anɛ́ɛ́n! Táá kɛnɛŋ aa kɛ́ɛnɛ kiə́ʼkiigií. Páagɛndɛg mɛ Mɔɔ́n o mɔɔd nɛ́gɔŋ a ɔmbɔg á pɛɛlɛʼ mabɛ́. 42Tɛ́mɛ́naan, tiɛ́naan! Táá mɔɔd ogo nyɔ́ aágɛndɛg na pɔ́lɛ́ aa nyóonɛ aándɛɛ́ kɔ.»
Siudáa əyíím na pasɔ́njaa lɛ́ píim əgumin Yə́sus
(Maʼt 26.47-56; Lóʼk 22.47-53; Sɛ́a 18.2-11)
43Yə́sus alɛ kɔ na tɔgɛ́ɛ́ a unuʼ ə, Siudáa, ongaaʼkan wəəŋ nyummú nyɔ́ a pá pówád na pábaan foáy. Ayɛ́ɛ na pɔɔd a ngim súuu lɛ́ póonɛ na mobag mó pɛdá, pə́mmú na mufun a ɔmbɔg. Pɔɔd póob náan piim, puʼkúm pó payaaganɛʼ pɛfɔny na palɛŋ pɛcɛm na ponnom pó a nigúu aa púyíím póboodom. 44Siudáa nyɔ́ ayɛ́bolɛ́gɛn Yə́sus, əyíím yááganan na pɔ́lɛ́ ɔnɔ́: «Nyɔ́ ndáadam nyə́súʼkənən, póság kolɛŋ lɛ́ nyɔ́lɛ́ ogo aa nyóon, púmuúgumin, póɛn na nyɔ́lɛ́. Polɛŋ kumuúnuŋ ó!» 45Əgín tɛn ná Siudáa əyíím əgiig, ayɛ́ɛ́n ná Yə́sus alɛɛ́, ɔnɔ́ na nyɔ́lɛ́: «Kɛlág!» Aáság kumuə́súʼkənən. 46Əgín tɛn ná pɔɔd pá əyíím na pɔ́lɛ́ pɛ́ɛ́dála náan, pááság kaag ombɔg na Yə́sus, pə́mə́mugúmin. 47Náa sɔ́g nyummú nyɔ́ ayɛ́ɛ kɔ áay aáság kusooyin ɛbag yə́ə́ŋ ɛ́ pɛdá a kɛbágáá soád, ɔnɔ́ na uʼkudin wo ɔnjaaganɛʼ pɛfɔny nyɔ́ oʼkóʼkóón ə́siəd a oʼtóɛŋ foáb, oʼtóɛŋ kwə́s. 48Yə́sus yiísə́ə́ ɔnɔ́ na pɔ́lɛ́: «Puígóodi lɛ́ púim poáboŋɛn lɛ́ na mobag mó pɛdá na mufun əgiim əgiʼkumin, wɔnɔ́ ndɛ agá ungiíbən ə! 49Adɛ́ mɔɔ́s miim njɛ́ɛ na pəŋi, ndáagaaʼkananɛ pɔɔd a Tɛ́mpɛl a! A igə aa pudiʼkə́əgiʼkuminií a kɛnɛŋ kɛ́ɛg? Náa, nkə kɛ́ɛnɛ kiim kɛ́lɛ agodáŋana náan lɛ́ ná nkə kɛ́ kíyə́dílə́ə́ a Kálaʼtaʼ kɛ́as.» 50Paaʼkan piim pááság kaásɔɛ́da na ɔʼtɛ́d, pə́ə́dí Yə́sus. 51-52Ɔnyɔmmɔ́n o moóngaa nyummú ayɛ́ɛ kɔ áay. Ayɛ́ɛ moóngaa nyɔ́ ayɛ́ɛ yiim ə́yə́njən Yə́sus. Ná páyaʼkanyɔ́ŋɛn kumuúgumin, yiídí ámáyáyɛ́dɛ́ɛ́ kɛsom kɛ́ ombɔ́m kɛ́ əyə́súŋin a nɛdáá, aásaa kɛnɔ nsun iyó agodɛ́da lɛ́ əgín kɛsom kɛ́ ombɔ́m kɛ́ɛg kɛ́lɛ́ na kɛ́lɛ́ aa əyə́súŋin a nɛdáá.
Páyɛ́ɛ́n na Yə́sus a yoog yɔɔbɔn ɛ pɛyɔm yɛ́ nkóʼkóón
(Maʼt 26.57-68; Lóʼk 22.54-55,63-71; Sɛ́a 18.12-18,19-24)
53Píígúmin Yə́sus, pámɛ́ɛn na nyɔ́lɛ́ a nó Ɔnjaaganɛʼ pɛfɔny nyɔ́ oʼkóʼkóón. Kɔ́gɔ́ɔg aa páyɛ́ɛ́n agaágɔnyɛd lɛ́ na puʼkúm pó payaaganɛʼ pɛfɔny na ponnom pó a nigúu na palɛŋ pɛcɛm. 54Píɛ ayɛ́ɛ əgiim ə́yə́njən Yə́sus laálá a ngim súʼtə́ə́ a oʼtómódáán wó ɔnjaaganɛʼ pɛfɔny nyɔ́ oʼkóʼkóón, ɔɔ́sɔ́d kɔ, əə́ləndin na pəgudin agoósa yug. 55Puʼkúm pó payaaganɛʼ pɛfɔny na ungim nyɔ́ ayɛ́ɛ a ɛgɔny yɔ́ɔ́bɔn ɛ pɛyɔm yɛ́ ɛgóón yɛ́ɛy pə́ə́bə́ə́ kuunə ɛgom yɛ́ pándagɛɛ́ʼkɛnɛɛ́ Yə́sus nsɔ́ɔ́ a yɛ́lɛ́, pámoyóon. Náa, pádɛʼkɔ́ɔgɔɔŋ. 56Kɛ́lɛ lɛ́ ɛ́fɔlɛ́ ɛ́yɛ́ɛ amoosóman pɛbán a nkó#14.56 Pódála tɛn náan a kálaʼtaʼ ɛ Pɛʼk 27.12; 35.11 , náa, páyɛ́ɛ pádiɛn tɛn unuʼ úmmuʼ. Páyɛ́ɛ lɛ́ nyóonɛ əə́səə ndɛ́ŋ, nyummú ə́yiim, ə́əsəə tɛn kiə́ŋ ndɛ́ŋ. 57Náa pɔsɔ́g pə́mmú pə́əgiim adɛ́lɛm, páásómɛn Yə́sus kɛbán a nkó, pɔ́nɔ́: 58«Pəsi tɛyóób əə́səə ɔnɔ́: “Ndɛ́ɛ́ kubugə Tɛ́mpɛl yɛ́ɛnɛ yɛ́ pɔɔd aa pɛ́ɛ́wáag, njiʼkini kowáag yɛndɛ́ŋ a mədúg mádáád. Yɛ́ɛy ɛdɛndɛ́ɛ́ kɛɛn yɛ́ ɛmáwáágɛ́ɛ na ɔmbɔg á pɔɔd.” » 59Ɔmbɔ́ tɛn a kɛ́ɛg pádɛʼkɛ́ɛ unuʼ úmmuʼ. 60Ɔnjaaganɛʼ pɛfɔny nyɔ́ oʼkóʼkóón aáság kodɛ́ɛmɛn kidə́níʼtən a kɛgaágadɛ kɛ́ ɛgɔny, náa ɔnɔ́ na Yə́sus: «Odɛɔ́sɔyɛd a, mbáa? Nkə kɛ́ɛnɛ kɛ́ pálɛɛ́ əgusəə a nkó yaaŋ óoʼ, udiə́buyúlisini ə́?» 61Yə́sus ayɛ́ɛ sáb, adɛmoogá ɔmbɔ́ pɛbɛɛ. Ɔnjaaganɛʼ pɛfɔny nyɔ́ oʼkóʼkóón aáság kumuŋíən kə́mmú ɔnɔ́ əə: «Ngɔ́ɔ́, olɛ Məsíi ə? Olɛ Mɔɔ́n o Táán nyɔ́ tɛlɛɛ́ agɔnyáadanɛ a?» 62Əyímuyúlísíni ɔnɔ́: «Ɛɛ́ɛ, kɛ́lɛ náan. Polɛ́ɛ́ kɛʼtála mɛ Mɔɔ́n o mɔɔd undəndínə́ə́n a ombɔg ó nɛnom ó Táán o toɛn tuim. Polɛ́ɛ́ kɛʼtála tɛn ndə́əgiim nsuu kɔ́gɔ́ɔg a kɛbɛd a mɔɛn#14.62 Kɛ́lɛ náan a kálaʼtaʼ ɛ Pɛʼk 110.1; Tan 7.13 » 63Ná Ɔnjaaganɛʼ pɛfɔny nyɔ́ oʼkóʼkóón ayóób náan, yiígúmin kilə́ə́ kiə́ŋ aáwag waás, ɔnɔ́: «Pɔɔd pá mbaasɔ́ pá igə pə́mmú aa tiə́guunə! 64Pəŋibáamɔɛ́d pomóób wɔnɔ́ ná alɛɛ́ agofánan Táán. Tíɛlɛ tuə́ ə́?» Ungim aáság kusəə lɛ́ alɛ na nsɔ́ɔ́, pámoyóon#14.64 Kɛ́lɛ náan a kálaʼtaʼ ɛ Ləf 24.16 65Pɔsɔ́g pə́mmú pə́ə́bə́ə́ kumudúəŋənən pɛda a udi, pə́mmú páayaŋ kumuugub udi na kilə́ə́, páamodóan pɛʼkam, pɔ́nɔ́ na nyɔ́lɛ́: «Aanɛn ánɛ aa amágoogó!» Pəʼpulúus pə́yímuyə́suídíníí, páamosában ambany a ombáŋ#14.65 Kɛ́lɛ náan a kálaʼtaʼ yɛ Ɛsa 50.6
Píɛ əə́ʼtəm Yə́sus ɔnɔ́ nyɔ́lɛ́ adɛmoólɛŋɛn
(Maʼt 26.69-75; Lóʼk 22.56-62; Sɛ́a 18.17,25-27)
66Píɛ ayɛ́ɛ undəndínə́ə́n káanɛ a oʼtómódáán. Náa moóngaa ɔʼkɛ́ɛd nyummú, uʼkudin wo Ɔnjaaganɛʼ pɛfɔny nyɔ́ oʼkóʼkóón əə́giim kɛnɔ kɛ́ Píɛ ayɛ́ɛ. 67Ná yɛɛ́dála Píɛ aágoósa yug, yɛɛ́lɛ́ŋ kumuúsəsəŋəni, náa ɔnɔ́ na nyɔ́lɛ́: «Wɛ, oyɛ́ɛ tɛn a ondáŋ ó Yə́sus, mɔɔd o Násalɛd nyóon!» 68Náa, Píɛ ayácɛ́mɛ́ɛ́, ɔnɔ́: «Ndóo, ntɛálɛŋ kɔmɔɛ́d nkə kɛ́ɛg kɛ́ olɛɛ́ əgusəə. Alɛ ntɛób ɔmbɔ́ koob.» Aáság kodɛ́ɛmɛn kɔ áay, amɛ́ɛn ələndin a nɛag nɛ́ ngə́, a nɛsɔd nɛ́ a oʼkág wó Nkúm yɛ́ nkóʼkóón ɛ payaaganɛʼ pɛfɔny. [#14.68 A pagálaʼtaʼ pə́mmú pá kalaʼ pá píídílə na ombɔg, páyáábɛg kɔ pɔ́nɔ́: «Kɛbaŋ kɛ́ nsɛɛ kɛáság kodaŋ.»] 69Náa, uʼkudin nyóon əyíʼkíni kodála Píɛ, əmíʼkíni kəə́bə́ə́ kosɔyɔ na pɔɔd pá páyɛ́ɛ kɔ áay ɔnɔ́: «Mɔɔd nyóonɛ alɛ mɔɔd nyɔ́ a ondáŋ ó pɔɔd pá Yə́sus!» 70Píɛ əyíʼkíni kaácɛma, ɔnɔ́: Iyó kɛ́dɛɔ́gɔ náan. Ɛyaa ɛ́ kɛnɛŋ a ngim yɛ́ɛy, pɔɔd pá páyɛ́ɛ kɔ áay pə́ə́bə́ə́ kosɔyɔ pɔ́nɔ́ na Píɛ: «A fɔ́lɔ́b, olɛ a ondáŋ wɔ́ɔ́bɔn. Wɛ ɔmmɔɛ́d olɛ mɔɔd o Kalilə́ə!» 71Náa Píɛ ɔnɔ́: «Táá módáád a mɔɛn, ntɛlɛŋɛn mɔɔd nyóon nyɔ́ polɛɛ́ əgusəə! Mbaʼkosom pɛnyaʼ, Táán yɛ́mbɔ́nɛsɛ!» 72Əgín ná yiísə́ə́ náan, kɛbaŋ kɛ́ nsɛɛ kɛ́ annam ábaan kɔʼkɔ́lɛ́ɔʼkɔɔ. Aáság kaáyɔ́ɔ́ŋɛ tɔgɛ́ɛ́ tó Yə́sus ayɛ́modɛánɛ. Yə́sus yiísə́ə́ ɔnɔ́ na nyɔ́lɛ́: «Kɛbaŋ kɛ́ nsɛɛ kɛ́ annam ábaan kíədíin kɛdaŋ ná wəə́ʼkiʼtəm pɛnɛŋ pɛ́dáád wɔʼkɔ́ odɛndɛŋɛn.» Ná ayáyóŋɛ́ɛ́ náan, əə́bə́ə́ kolɛɛ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators Inc, 2015