San Wade yehëhna hnë iŋi kayëte
Wade yehëhna hnë iŋi kayëte
Ale herëk iŋi kayëte ŋa tufëhnana ɓare namu vacërakëlo vële hwëtahnëka Yesu va lehnëk Afaƴik San herëk. San gë Sak vërah Seɓeɗe yeho. Vëfëla waỹis yeho ante macëkëhniw̃o Yesu tëfëniha ŋa (Matiye 4.21). «Ale ŋahnëk Yesu ỹa» San macik (13.23; 20.2; 21.7, 20).
Itëfëta nte kerëk San paŋare Yesu ỹa mpëdara Efes hna kerik yëbëlan wabëhn wafëhw imbëɗ gë wahnah gë keme g'ipëhw (90-110) ga ndëcëk hnagi Yesu ỹa. Iŋi kayëte fo wok kwëhnana wahnës waɗindaryindan. Ɗoku Yesu hnë Yuɗe hna tëfëtaɗ hara gena Galile hna had gante tëfëtani w̃aỹëntaw̃ ka. Tufahnëɗëhniha Yesu had Ajë W̃ën, wanës ŋa, humpen vë ɗuniỹa, mburu uwám, rënka soŋe wape, aheryëherya afërën, nkaw̃ ŋa, toña ỹa do uwám w̃a, do ale vëhnëndanëɗëhëhni vësëm. Hwënta mbëɗ gë wahi hn'iŋi kayëte Yesu pëƴahnëɗ «AMI YE». Iỹin ryënkwëtehnëɗ Vikerëh Ulëm 3.14 hn'ile ntehnaɗ W̃ën «YAWE», umë fëhnëtanëɗ «AMI YE».
Iỹi yëb 20.31 nke soŋe ile kerahnëk iŋi kayëte: «Ɓare ile yehëhna ỹi, kerik soŋe ahwëtahnahnu Yesu ye Arëhnayik a, Aju W̃ën ỹa, do ge kwëtahnërunëha, nuỹaɗun sël ntaw̃ary, uwám pary w̃a, g'uw̃ac lëw̃u w̃a.»
Wëlin wanës wakwëhn nafa hn'iŋi kayëte: wasëwif, wanës, wënka, uwám, humpen, Ami ye.
Wëlin gante nke kayëte ka:
Yesu, Wanës W̃ën (1.1-18)
Uceɗeya San Ayary (1.19-34)
Yesu tëhnakëhni vërëf vëlëw̃u vëryënkwëryënkw (1.35-51)
Yesu karaŋëɗehëhni do njërënëɗëhëhni vahnë (2.1–11.57)
Itëk Yesu Yerusalem do icëm dëw̃u (12.1–19.42)
Iɓëhn Yesu (20.1-10)
Yesu cahnahnëkëhni vërëfal vëlëw̃u (20.11–21.25)
Currently Selected:
San Wade yehëhna hnë iŋi kayëte: cou
Highlight
Share
Copy
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.