ECLESIÁSTICO 49
49
Rey Josiasmantawan profeta Jeremiasmantawan
1Josiaspa sutenqa q'apaj incienso jina. Sichus uj runa ruwanman uj sumaj perfumeta, tukuy perfumesmanta aswan sumaj kajta, chay perfumeman rijch'akun Josiasqa. Paymanta yuyarikusqanchejqa misk'i jina. Yuyarikusqanchejqa uj fiestapi banda jina.
2Josiasqa llakikorqa Diosmanta karunchakusqanchejmanta. Pay t'unacherqa millay lantistaqa.
3Josiasqa tukuy sonqo Diosta munakorqa. Maypachachus runasqa chejninakojpuni kanku, payqa tukuy runasta munakoj.
4Tukuy reykunamantaqa, Davidwan, Ezequiaswan, Josiaswantaj sumajta kausakoj kanku. Wajkunarí mana allintachu kausakoj kanku, Diospa leyninmantataj karunchakorqanku.
5Chayrayku, Diosqa atiyninkuta wajkunaman qoporqa. Paykunaj atiyninkuta waj nacionman pasacherqa, karumanta jamoj mana yuyayniyoj nacionman.
6Chay nacionmanta runasqa Diospa ajllakusqan llajtata larwaricherqanku, tukuynejmantaj llakiyta aparqanku.
7Chaytaqa Jeremías ñaupajta willasqaña. Jeremiasqa profetaña karqa manaraj nacekushajtin. Paymin churasqa karqa sik'imunampaj, urmachinampaj, t'unaranampaj, chinkachinampaj ima. Chantaqa, wasichinampaj, mujuta tarpunampaj, mosojyachinampajtaj. Jinapis, runasqa payta llakicherqanku.
Ezequielmantawan waj profetasmantawan
8Ezequielqa uj rikuyta rikorqa mosqoypi jina. Willakorqataj imaynachus kasqankuta chay kausajkuna pikunachus Diospa carronta purichinku chaykuna.
9Payqa Jobmantapis parlarqa, pichus sinch'itapuni sayarqa cheqan sonqoyoj kaynimpi.
10Kallantaj chay chunka iskayniyoj profetas. Tullusninku llojsimuchunku sepulturasninkumanta, imaynachus t'ikas p'utumunku ajina. Paykunaqa sonqocharqanku Jacobpa ayllunta. Salvarqankutaj runasta sumaj kajta suyachispa.
Karu llajtamanta kutimusqankumanta
11Imaynatataj atisunman Zorobabelta alabaytari? Imaynachus aroqa runaj makimpi lliphipin, ajinallataj paypis.
12Alabanallataj Josadacpa wawan Josuetapis. Tukuy paykunaqa watejmanta altarta sayaricherqanku. Oqharerqankutaj santo templota, wiñaypaj k'anchayniyoj kanan karqa chayta.
13Nehemiasmantapis yuyarikunallataj. Payqa llajtanchejta watejmanta sayaricherqa. Llajtanchejqa raqayman tukusqaña karqa. Paytaj watejmanta perqasta llajtaj muyuynimpi sayaricherqa. Punkustataj churarqa wisq'anasnintinta.
Ñaupa tatasninchej
14Enoc jina pisi runas karqanku. Paypis kay pachamanta pataman pusachikorqa.
15José jina mana ni uj runallapis karqachoqa. Payqa wauqesnimpa kamachejnin karqa. Payqa tukuy ayllunta pataman pusarqa. Ayantaqa sumajta p'ampaykorqanku.
16Chantaqa, Semwan, Setwan, Enoswan ima yupaychasqas karqanku. Jinapis, Adanqa aswan gloriayojpuni karqa tukuy kausakojkunamanta nisqaqa.
Currently Selected:
ECLESIÁSTICO 49: QCHSB
Highlight
Copy
Compare
Share
Want to have your highlights saved across all your devices? Sign up or sign in
Qheshwa Biblia DC © Sociedades Bíblicas Unidas, 1986.
ECLESIÁSTICO 49
49
Rey Josiasmantawan profeta Jeremiasmantawan
1Josiaspa sutenqa q'apaj incienso jina. Sichus uj runa ruwanman uj sumaj perfumeta, tukuy perfumesmanta aswan sumaj kajta, chay perfumeman rijch'akun Josiasqa. Paymanta yuyarikusqanchejqa misk'i jina. Yuyarikusqanchejqa uj fiestapi banda jina.
2Josiasqa llakikorqa Diosmanta karunchakusqanchejmanta. Pay t'unacherqa millay lantistaqa.
3Josiasqa tukuy sonqo Diosta munakorqa. Maypachachus runasqa chejninakojpuni kanku, payqa tukuy runasta munakoj.
4Tukuy reykunamantaqa, Davidwan, Ezequiaswan, Josiaswantaj sumajta kausakoj kanku. Wajkunarí mana allintachu kausakoj kanku, Diospa leyninmantataj karunchakorqanku.
5Chayrayku, Diosqa atiyninkuta wajkunaman qoporqa. Paykunaj atiyninkuta waj nacionman pasacherqa, karumanta jamoj mana yuyayniyoj nacionman.
6Chay nacionmanta runasqa Diospa ajllakusqan llajtata larwaricherqanku, tukuynejmantaj llakiyta aparqanku.
7Chaytaqa Jeremías ñaupajta willasqaña. Jeremiasqa profetaña karqa manaraj nacekushajtin. Paymin churasqa karqa sik'imunampaj, urmachinampaj, t'unaranampaj, chinkachinampaj ima. Chantaqa, wasichinampaj, mujuta tarpunampaj, mosojyachinampajtaj. Jinapis, runasqa payta llakicherqanku.
Ezequielmantawan waj profetasmantawan
8Ezequielqa uj rikuyta rikorqa mosqoypi jina. Willakorqataj imaynachus kasqankuta chay kausajkuna pikunachus Diospa carronta purichinku chaykuna.
9Payqa Jobmantapis parlarqa, pichus sinch'itapuni sayarqa cheqan sonqoyoj kaynimpi.
10Kallantaj chay chunka iskayniyoj profetas. Tullusninku llojsimuchunku sepulturasninkumanta, imaynachus t'ikas p'utumunku ajina. Paykunaqa sonqocharqanku Jacobpa ayllunta. Salvarqankutaj runasta sumaj kajta suyachispa.
Karu llajtamanta kutimusqankumanta
11Imaynatataj atisunman Zorobabelta alabaytari? Imaynachus aroqa runaj makimpi lliphipin, ajinallataj paypis.
12Alabanallataj Josadacpa wawan Josuetapis. Tukuy paykunaqa watejmanta altarta sayaricherqanku. Oqharerqankutaj santo templota, wiñaypaj k'anchayniyoj kanan karqa chayta.
13Nehemiasmantapis yuyarikunallataj. Payqa llajtanchejta watejmanta sayaricherqa. Llajtanchejqa raqayman tukusqaña karqa. Paytaj watejmanta perqasta llajtaj muyuynimpi sayaricherqa. Punkustataj churarqa wisq'anasnintinta.
Ñaupa tatasninchej
14Enoc jina pisi runas karqanku. Paypis kay pachamanta pataman pusachikorqa.
15José jina mana ni uj runallapis karqachoqa. Payqa wauqesnimpa kamachejnin karqa. Payqa tukuy ayllunta pataman pusarqa. Ayantaqa sumajta p'ampaykorqanku.
16Chantaqa, Semwan, Setwan, Enoswan ima yupaychasqas karqanku. Jinapis, Adanqa aswan gloriayojpuni karqa tukuy kausakojkunamanta nisqaqa.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Qheshwa Biblia DC © Sociedades Bíblicas Unidas, 1986.